可免則免

其實唔喺好想喺啲公共交通工具裏面遇見相識嘅人，尤其是喺一朝早返工又或者傍晚放工嘅時候。要喺一個狹窄空間裏面，帶住疲累嘅身軀（或者未瞓醒），唔想講太多話，只喺想靜靜地聼音樂或睇戲嘅時候，突然身旁坐咗位認識但又其實唔喺好熟嘅所謂朋落嚟。成半粒鐘咁耐，大家冇乜共同話題，但又要坐埋一齊講啲無聊嘢（你食咗飯未呀？），情況相當尷尬，好難捱囖。

所以我會選擇去啲冇熟人嘅車廂，一來可以放下擠出嚟嘅笑容，二來可以避免以上場面每日不斷發生，唯有咁做。