屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Friday, July 30, 2010

下輩子別再做女人



聼返呢首歌,發覺啲歌詞好似為梅姐而寫嘅一樣,描述得非常貼切到肉。梅姐呢一生過得相當坎坷,如果真喺有輪回嘅話,但願佢下輩子唔好再做女人,咁樣可能佢會過得幸福啲。

夕陽無限好,但係只是近黃昏

Thursday, July 29, 2010

呢個世界少啲人咪好啲囉

睇到呢單新聞,再三仔細思考呢句嘢,其實呢嗰世界,少啲人咪真喺會好啲囉。啲人把口天生出嚟就喺賤,「斬死佢哋,呢個世界少啲人咪好啲囉!」 人言可畏啊!

呢句「呢個世界少啲人咪好啲囉!」源自《多啦A夢》嘅〈獨裁按鈕〉,講述大雄喺棒球賽事失利,遭胖虎追打。大雄向多啦 A夢哭訴求救,多啦A夢拿出一個叫按鈕,指該按鈕喺從前獨裁者用於鏟除異己,只要按下按鈕便令對方消失。大雄首先令胖虎消失,但他之後每當感到壓力便使用按鈕令自己不喜歡嘅人消失,後來大雄喺睡覺作夢時,憶起身邊人都曾對他唔好,講咗呢句話便憤慨地按鈕導致全地球人消失掉。大雄感到孤寂痛哭同後悔,這時多啦A夢出現向他說出一切喺假既,並將給按鈕消失嘅人都變回世上。(轉自蘋果日報)

Wednesday, July 28, 2010

羞家

呢排宮中興起大大聲企起身交談,啲主子嗰嗰好似旁若無人,成日喺咁高談闊論,嘻哈大笑,完全不顧儀態,簡直有失身份。

家陣啲主子絕對唔會畀港女輸蝕,自戀、自命不凡、拜金、崇外、漠視他人權利、盲追名牌、蠻不講理、極度自以為視,以為自己啱晒、全世界都要就佢,仲死要面到底、極愛炫耀、方便自己、邏輯力弱,硬要無理取鬧、自己大晒,人地錯晒。

Tuesday, July 27, 2010

害人之心不可有,防人之心不可無

發覺最近好多身邊嘅人變得非常神經質,無論公事上大小事務都向下宮傾訴,尋求解決策略。

其實下宮身處喺呢個吓吓盤算,陰險處處嘅宮中,凡事都非常小心謹慎,每日可謂擔驚受怕,步步爲營。試問又點會有啲乜嘢上勝嘅秘訣能夠與他人分享呢?

天上面轉咗風向,地上面嘅草木就要跟住折腰,呢個就喺生存之道……

Monday, July 26, 2010

挑戰者



嘩嘩嘩,mimi現場演繹自己15年前嘅作品挑戰者,表現出更好嘅水準,絕對可以講喺正到爆。之前巨星1演繹星夜星塵已經好出,估唔到今次再一次帶畀觀衆驚喜,眼前一亮。佢嘅唱功絕對不弱於現今嗰啲所謂歌手。

Friday, July 23, 2010

假如佢喺蔡康年


佢喺TVB嘅資深演員,蔡康年。每當係電視劇裏睇到他嘅演出,我就會自不然對號入座。相似程度有90%,可以講係餅印一樣!

唔好意思,嘻嘻嘻~~~~

Thursday, July 22, 2010

集體回憶

記得以前嘅戲院都有分上下兩層,坐樓上當然票價比較貴一啲,所以一般人都會選擇坐樓下。印象中只有一兩次坐樓上嘅經驗,最深刻就喺睇王家偉嘅阿飛正傳,我永遠都會記得嗰一分鐘。

以前入戲院之前,一定會喺前面嗰個零食攤檔度買啲口立濕正入場。攤檔隔離仲有一個安蒂賣包黍,20仙一條蒸包黍又爽口又甜。

至於啲戲票,通常都喺用深藍或者深青嘅顔色筆嚟劃座位; 入到黑麻麻嘅戲院裏面,嗰帶位就會拿著電筒行埋嚟照著張戲票帶領你去座位坐。不過全院最最最為經典嘅就喺推廁所門之前嗰塊黑布簾,由開院第一日就吊上去,日復日年復年,千千萬萬人翻揭過,似乎從來都冇更換過,最具回憶價值。

Wednesday, July 21, 2010

煩惱歌

有啲員工中意將啲工作儲埋,等到堆積如山心情靚嗰時正清理。
有啲員工中意將啲工作儲埋,慢慢一啲一啲咁做,永遠沒完沒了。
有啲員工中意將啲工作儲埋,等到有人催正做,催嗰樣做嗰樣。
有啲員工中意將啲工作儲埋,一日到黑都話忙,任意咁揀啲簡單嘅嚟做。

有啲員工唔中意將啲工作儲埋,早上安排開會,下晝就乖乖完成工作。
有啲員工唔中意將啲工作儲埋,當日嘅工作一定會趕喺當日完成。
有啲員工唔中意將啲工作儲埋,就算工作多到堆積如山,都堅持開OT完成。
有啲員工唔中意將啲工作儲埋,一到手就即刻埋頭苦幹完成。

至於高層人士最拿手就喺推、卸、詐
有啲高層人士最拿手就喺催、講、吹
有啲高層人士最拿手就喺賴、拖、屈
有啲高層人士最拿手就喺懶、懶、懶

Tuesday, July 20, 2010

精神分裂

完全觸摸唔到佢嘅心思,講啲野五時花六時變,一時一樣。兩日一小改,三日一大改;再唔喺就嚟嗰360大改革,永無休止。不過最慘就喺見人講鬼話,見鬼講人話,都唔知邊句真; 然後再離譜啲就擺你上枱攞去祭旗!


我已經天機算盡...我仲敢算,我仲可以算咩?

Monday, July 19, 2010

做人,總要信



繼許鞍華嘅天水圍的日與夜之後,又一部觸動我心嘅誠意香港作品歲月神偷。呢套片榮獲第60屆柏林影展的水晶熊獎「新世代」最佳影片,華哥亦憑此片奪得第29屆香港電影金像獎最佳男主角。

故事背景刻劃出當時香港社會貪污負敗,貧富懸殊,街坊鄰里,生老病死等等社會風氣。片中有好多場面都令我睇咗鼻酸,例如爸爸發現細佬偷嘢,教訓咗之後一邊擦葯油一邊問: 今日先生教咗乜嘢?細佬竟然將先生教嘅中文同英文一次過念畀爸爸聼; 而唔喺一直嘅敷衍答案:中文教中文,英文教英文。除此之外,仲有爸爸當結婚戒指嗰幕。君如一句句嘅精采對白:
做人,總要信
一步難,一步佳;難一步,佳一步
鞋字半邊難,鞋字半邊佳
做人,最緊要保住個頂 (呢句喺華哥講嘅)

感謝導演羅啟銳同監製張婉拍出一部咁有水準嘅片,令到觀衆能夠領會箇中意義,歲月係你我不知不覺中已經被偷走,冇可能再追番。

『人生像是一片苦海,每個人遲早要離開,如果想見你愛的人,就要把你心愛的東西丟進海裡。』

Friday, July 16, 2010

王菲2010巡唱


主辦機構向其經理人陳家瑛爭取,要求在戶外大體育場增加一場可容納五至八萬人的戶外演唱,已被王菲方面否決。王菲說:「超過三萬人嘅大體育場,我睇唔到觀眾,觀眾都睇唔到我,只會見到台上一個人影喺度郁,失去咗演唱會嘅意義。」王菲表示拒絕加場是因為希望近距離感覺到觀眾的熱情及反應,同時也讓他們感受到自己的情緒,如果只看到台上一個人影在晃動,倒不如大家回家聽唱片。

呢啲咪叫做巨型囖,相信現今亞洲歌手只有阿菲正會咁堅持,型到爆!

詳情及訂票

Thursday, July 15, 2010

剃人頭者,人亦剃其頭!

有啲事,知道咗就喺知道咗,唔可以当成唔知道,但係知道咗又可以點?倒不如未曾知道.....

喺宮中呢段日子,雖然過得苦,但並無枉過,姑姑你嘅虛情假意做得真係漂亮,但只要我認認真真咁去做,亦唔見得會做得比你差,我有呢份心思,亦真係好多得姑姑你昔日嘅教誨。

Wednesday, July 14, 2010

我接受唔到囉!

Sat In The City裏面三位好索好惹火嘅成中美人
Excellent, Handelababy, Hungry
  • 1 2 3 呸
  • 你諗多咗啦
  • Are u serious?
  • 同埋最經典嘅一句 : 我接受唔到囉
哈哈哈哈....好爆,娛樂性十足,簡直笑到碌地!

Tuesday, July 13, 2010

難忍

男人到咗中年,以下十項必定會喺男人最痛。借問聲,各位男士你中咗幾多樣呢?

1. 啤酒肚
2. 便秘
3. 體臭
4. 口臭
5. 香港腳
6. 腎虛
7. 脫髮
8. 陽痿
9. 痔瘡
10. 前列線炎

不過其實解決方法非常簡單,就喺即刻去睇醫生。

Monday, July 12, 2010

香水有毒



王嘉儀嘅香水有毒剪接版。17嵗有咁厚咁實嘅聲線,比原唱得更好聽。佢嘅收音非常動聽,天賦嘅聲線; 亦喺巨聲中我最愛嘅一位,喺我心中嘅超級巨聲。

你身上有她的香水味
是我鼻子犯的罪
不該嗅到她的美
擦掉一切陪你睡

你身上有她的香水味
是你賜給的自卑
你要的愛太完美
我永遠都學不會

Friday, July 09, 2010

電視撈飯

70年代尾-80年代初 -- 每晚定時定候企係涼茶鋪或者電器鋪前,每日一集,40分鐘 (起碼延遲1個月推出)

80年代中 -- 每晚定時定候坐係飯枱前,追睇2個電視台同時播映,每日一集,60分鐘中間加插廣告時段 (電視台購買版權播映,一律起碼超過2年或以上嘅舊作)

80年代尾-90年代中 -- 金星娛樂有限公司係全馬開設分店,以出租錄影帶經營,每日兩集,1小時20分鐘 (延遲1個星期推出)

90年代尾 -- 出租影碟店日漸增加,大部分以VCD錄製劇集出租,每日兩集或以上,起碼1小時30分鐘片頭加插廣告 (延遲4日推出)

千禧年代初 -- 出租影碟店轉爲DVD格式出租劇集,每碟3集,起碼兩個鐘以上 (延遲2日推出)

千禧年代中 -- 互聯網大勢所趨,每日兩部劇集加半小時輕鬆小品,即日下載,時間自定 (即晚上載)

今時今日 -- 每日與電視台同步下載觀賞,全劇打包一次過睇又得,要乜有乜,任君選擇 (同步播映,節目播映後1小時或即晚上載)

Thursday, July 08, 2010

秋天復秋天

近排中暑昏倒入院或者身亡嘅新聞日漸增加,中午酷熱天氣下既然錄得氣溫高達38度以上,部分國家氣溫甚至去到43度,簡直熱到爆炸。

當全球大部分嘅國家都為呢個炎夏署熱天氣而頭痛嘅同時,長年累月處於夏天嘅新加坡竟然飄起一股秋意。近呢幾年,全球氣溫不斷變化,好可能想當年嘅天荒夜談(冬天嘅大馬/新加坡),今時今日將會變成鐵一般嘅事實。

明日之後,大家拭目以待。

Wednesday, July 07, 2010

月盈而虧

物盛而衰,樂極則悲;日中而移,月盈而虧。

事物發展到極點就轉向衰敗,歡樂之極就轉向悲哀。人逢喜事精神爽,但唔可以得意忘形,樂極生悲,好事變壞事。

Tuesday, July 06, 2010

後期製作

暫停咗成嗰月,又喺時候繼續馬不停蹄進行剩下嚟嘅剪接、美術、音效、字幕等後期工作。

冇日冇夜嘅日子隨即開始,咁辛苦目的只為把所見所聞留畀回憶。

因爲我的回憶是我的。

Monday, July 05, 2010

鐵馬尋橋


花一日嘅時間將25集一氣呵成睇完,換嚟腰酸背痛,頭皮發麻,手腳僵硬,無精打采,反應遲鈍。總括嚟講喺巾幗嘅延續篇,角色、對白、劇情大致上大同小異,換湯不換藥。

Wiki上寫到劇集播映初期很多觀眾覺得劇情枯燥乏味,而放棄追看。到中期,阿雁嘅悲慘經歷、大奸角榮德逐漸跑出,劇情亦日漸白熱化,追看嘅觀眾日漸增多,加上各討論區網友嘅激烈討論、微博效應下,令更多觀衆留意本劇,帶起追劇熱潮令本劇後期收視穩步上昇,大結局更獲得最高43點收視嘅佳績,而香港討論區亦開設第十個討論此劇的帖子,可見此劇嘅迴響。

雖然劇中嘉穎一人分飾兩角,而且宣傳海報同楊怡嗰大頭安排喺正中間,不過我可以肯定此劇男主角喺馬明顧汝棠,女主角喺阿雁唐詩詠。至於影后金馬紅嘅出色演出,當然喺本人最中意嘅一位劇中演員,佢嘅演技簡直到咗爐火純青,無可置疑。

添哥又一佳作,真喺可喜可賀。

Friday, July 02, 2010

《Only You 只有您》主題曲



新歌新人推介 - 何紫慧(Cherry Ho,1995年2月7日),第一屆《超級巨聲》參賽者之一,現為無線電視經理人合約女藝員。2009年,因參加第一屆《超級巨聲》有出色的表現,最終獲得第二名的佳績,並得到《傑出選手獎》。簽約無線電視,而正式入行。

I Do (TVB電視劇《Only You 只有您》主題曲)
作曲:葉肇中
填詞:鄭櫻綸
編曲:葉肇中
監製:鄧智偉


尋覓靠倚 終生那志願與心事
從未上演一生最寄望這情節
在這天跟你約定祈求兑現
白雪紗蓋著約誓潔淨意義
心動告白呈獻 沒理論對白長篇
成為人生經典這一天

Only you, Baby, I love you, Yes I do
我願意一生和你笑著回味
吻著你 能越過無數世紀

Only you, Darling, I love you, Yes I do
快樂與驚喜和你結伴尋覓 願跟你 看每個晨曦
Oh, Baby, Yes I do

Only you, Baby, I love you, Yes I do
我願意一生和你笑著回味
吻著你 能越過無數世紀

Only you, Darling, I love you, Yes I do
快樂與驚喜和你結伴尋覓 願跟你 看每個晨曦
Oh, Baby, Yes I do

沿路到此 經得了數萬個考驗
甜蜜美點 裝飾這最耀眼情節
在這天婚戒兌換如何美妙 盛宴中看著各樣禮服照耀
一路帶著微笑 沒記住昨日纏繞 成全人生新的這一天

Thursday, July 01, 2010

金翔赫

究竟發生咩事?五年八個,仲要喺個個吊臘鴨嗰只!受咗啲乜嘢詛咒,要落得此下場?實在太恐怖嘞...

癡情嘅翔赫昨晨5時半卻被母親發現佢係房中以手提電話充電器嘅電線纏住脖子窒息身亡,終年33歲。據指出,由於父親罹患癌症,朴容夏係午夜12時仲幫父親按摩背部同腿部,之後向家人講說咗兩聲「對唔住」就進咗房間,沒想到清晨被發現已經陳屍臥室。

警方昨午3時公布初步調查結果,指朴龍河並無抑鬱症,只喺不堪工作壓力,以及擔心患末期胃癌的父親病情而身心俱疲,喺酒後一時衝動輕生。而朴龍河嘅出殯儀式定於明天舉行,遺體將會火化。