屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Tuesday, December 31, 2013

只得這個我像我

正當大部份人整裝待發準備倒數迎接2014年,我選擇靜靜地喺睡夢中渡過。

2013過得非常滿足,夢想成真原來喺可以開心至今。 想玩嘅已經玩過,想要嘅已經得到,想做嘅已經做到。

呢一刻嘅心情,其實真喺知足; 心底裏面反而嚮往一切歸于基本,無須花巧,回歸自然。

瘋了 累了 痛了 人間喜劇

2014年馬年風水佈局


李丞責2014馬年風水佈局
方海閱2014風水佈局

Monday, December 30, 2013

留下只有思念

10年前嘅今日佢離開咗,當日嘅心情依然喺腦海入面,仿似喺十日前發生嘅一樣。

今年有好多紀念活動舉行,目的都喺只有一個; 大家依然冇忘記妳,咁挂念妳。


外貌早改變,處境都變,情懷未變。。。

Friday, December 27, 2013

當一切別離我

其實信仰喺一個非常敏感嘅話題,但喺卻偏偏有好多腦殘嘅人,不斷咁去批評人哋嘅宗教,攻擊人哋嘅信仰。呢啲人歪曲宗教原本嘅意義,終日開口就喺一啲宗教理論,令到身邊嘅人對佢哋非常反感。

見親面都喺鬼鬼神神,名副其實就喺一堆過份得閒,意志消沉,失去方向,走火入魔嘅腦殘人士。

冇得救,唯有一把火燒曬去!!!

Thursday, December 26, 2013

聖誕禮物

2013年九月份嚟咗個李連英,終日搞到一頭煙; 冇得去旅行,又冇曬年假放。
唯有買份聖誕禮物送畀自己,慰勞自己之餘,亦需要平衡一下心理。

自娛當中~~

Wednesday, December 25, 2013

萬千星煇頒獎典禮2013 - 賽果公佈

今年忙到連賽前預測都忘記update,唯有依家補上賽後結果。

「最佳男主角」-黃子華
「最佳女主角」-田蕊妮
「最佳劇集」-衝上雲霄II
「最受歡迎電視男角色」-顧夏陽(張智霖飾)
「最受歡迎電視女角色」-姚文英(田蕊妮飾)

「最佳男配角」-許紹雄
「最佳女配角」-江美儀
「飛躍進步男藝員」-王浩信
「飛躍進步女藝員」-岑麗香

「最佳節目主持」-黃翠如、洪永城
「最佳綜藝節目」-三個小生去旅行
「最佳資訊節目」-走過浮華大地亞洲篇
「萬千光輝演藝人大獎」-劉兆銘
「傑出演員大獎」雪妮、韓馬利、馬海倫、安德尊、劉江

「最佳男主角」-黃子華、「最受歡迎電視男角色」-顧夏陽(張智霖飾)

Sunday, December 22, 2013

謝天謝地

終于搵到間良心食肆,
有新鮮沙律之餘分量亦相當多;
最重要價錢唔喺開到天價!
今次真喺要感謝神;
阿彌陀佛,阿門。

Friday, December 20, 2013

畫出彩虹

在天空上用我的愛去畫長虹...心底彩虹,隨著彩筆飛縱
能夠親眼目睹如此完整嘅彩虹確實唔容易,可惜只是近黃昏。

Wednesday, December 11, 2013

打敗仗

連未流流竟然會嚟一場大病,唔認老都唔得。原本堅持唔食抗生素,點不知愈搞就愈嚴重咁。

一個人嘅生活病嘅時候做得最多嘅就喺要解決三餐。為咗要躲喺屋企三步不出抗戰,成日就喺咁忙碌,早餐後準備午餐,午餐後準備下午小點,過後就喺準備晚餐。目的就喺食咗葯瞓醒之後就有得食,唔洗到時朦朦朧朧仲要去煮嘢食。

各樣角色有代價,完全領悟得到,逆來順受,絕無怨言。


Tuesday, December 10, 2013

我和你

隨著時間流逝,大家各自有自己嘅生活,面對唔一樣嘅人與事,到最後發覺原來人真喺會變。變得有啲執著、有啲沉迷、甚至開始有啲陌生。

究竟喺我哋改變緊,定喺佢哋改變咗自己?喺我哋改變咗世界,還是世界改變咗我和你?

Sunday, December 08, 2013

屢敗屢戰

又一次胎死腹中。好快,快到連自己都消化唔嚟。都好,快啲清醒唔畀自己泥足深陷。

點都好我絕對唔會放棄,繼續嘗試,繼續尋找,直到實現爲止!


Thursday, November 28, 2013

沉默不再是金

依家呢個時勢如果你選擇沉默,就會畀人蝦到上心口。假如繼續默不作聲,啲人就會踩到上你嘅頭殼頂。甚麽尊重、良心、理智、風度、禮貌、體諒、禮讓等統統都畀狗食咗。

你唔出聲就代表滿意,你唔反擊就代表接受。

不過,就算你遊行,就算你反抗,結果都會喺一樣,甚至更不堪。因爲我哋大家都一樣活喺一個民主共產嘅國度。

Friday, November 22, 2013

多工作業

最憎就喺啲辦曬嘢,扮到自己好似好忙,但喺又好multi-tasking一邊做嘢,一邊開住嘅電話揚聲器。通常佢哋都唔會對住嗰mic,搞到喺另一邊聼電話嘅人聼得鬼死咁辛苦。仲有就喺講到一半竟然冇曬聲氣,原來做緊其他嘢。

對付呢種人最直接嘅方法,就喺叫佢拿起聽筒講。假如冇反應就索性挂斷電話; 打嚟又唔專心,算點啫?!

Wednesday, November 20, 2013

含冤待雪

頭痛有好多原因,而我嘅頭痛喺因爲... ...

1. 宮裏嘅死閹人
2. 后宮嘅臭婆娘
3. 屋企嘅大喊包
4. 連續幾個周末忙過不停
5. 大病初癒
6. 好耐都冇去旅行
7. 屋漏偏逢連夜雨
8. 卡數沒完沒了
9. 就嚟過年
10. 回頭已是百年身

Thursday, November 14, 2013

李連英

好耐都冇發貼,原因喺因爲自從條粉腸嚟咗之後,每日要東奔西走,絞盡腦汁嚟迎合佢。搞到成個人筋疲力盡,連上網都提唔起勁。實在有苦自己知,所有怨屈都往肚裏面吞。

究竟呢段磨合期仲需要幾耐?究竟幾時唔洗做?唔洗再對住呢班牛鬼蛇神?

已經好攰啦,請你哋唔好再玩嘢囖,頂唔順~~~

Tuesday, November 05, 2013

從頭開始

一個城市愈喺繁忙,日同夜嘅界限就愈喺模糊。但喺我哋作爲一個人,無論喺呢一個通宵營業嘅世界入面,生活咗幾耐都好,我哋都會好自然咁追逐清晨嘅陽光,作爲新一日嘅開始。

你可以話呢個喺我哋動物嘅本能; 但我寧願相信呢種喺我哋每一個人,無需要人教而自自然然識得嘅一種生存哲學。喺路上未必每一個人都識得向前行,但無論點只要陽光再一次喺地平綫上出現,代表新嘅一日又嚟嘞。

我哋有權同自己話,唔好介意自己之前行成點,一切嘗試重新嚟過。就算結果已經唔可能盡如人意,但至少我哋都可以爲自己,有重新起步嘅呢一份勇氣而驕傲。

Tuesday, October 22, 2013

煙西餅

久違嘅苦盡甘來

相信新一代嘅後生仔女都應該未見過,甚至未聽過既一種傳統糕點!上個禮拜終于喺吉隆坡街市睇到蒝荽餅,當然唔可以放過。

據說,蒝荽餅主要材料欒樨葉,具有清熱之效,但味帶甘苦; 「苦」食下後,會「回甘」,食蒝荽餅寓意苦盡甘來。

Thursday, October 17, 2013

老化

最近不斷聽到身邊認識嘅人都患上老花,某部分仲會影響到日常生活同工作,相當懊惱。因爲本身已經近視,再加上老花就變成睇近又蒙,睇遠都喺蒙。

目前科技有四種解決方法:
1. 配戴老花眼鏡,一副遠用,一副近用。
2. 單眼視力(Mono Vision),即將眼鏡或隱形眼鏡度數調節到,一眼主力看遠,一眼主力看近 。
3. 雙光眼鏡或隱形眼鏡,兼顧雙眼遠近視力,但不適用於有散光的人士。
4. 漸進鏡片,照顧到遠中近不同距離的視覺需要,而且外貌與一般單光鏡片無異,美觀實用。缺點喺改變咗一般閱讀習慣,需要重新練習使用角度,及適應周邊嘅干擾區域。

一句講曬:人老咗就要認命,詭計技窮,事未如願就要認輸!

Monday, October 14, 2013

萬般帶不走

睇住一件一件物品拍賣,心裏面感覺好酸。無論你生前喺幾咁風光,人死後就連自己最私隱嘅睡房,最貼切嘅物件都無法去保護。

在生時死霸爛霸又如何?同兄弟姐妹翻曬面咁有點?到最後咪又喺同一個結果 - 死。 一世人就活喺爭權奪利,明爭暗鬥中,又有乜意思?

人喺幾咁渺小,確確實實地活著,已經喺上天賜畀我哋最好嘅禮物。

唔知道你到閉上眼睛嗰一刻,究竟領悟到呢個真理嗎?。。。 。。。

南無啊彌陀佛

Friday, October 11, 2013

維他命C

每日必須,包你精神爽利,通暢無阻。
高效抗氧化劑,用嚟減輕抗壞血酸過氧化物酶基底嘅氧化應力

Wednesday, October 09, 2013

見好就收

點解家陣乜都要甚麽part2,續集,encore之類啫?既然都已經得到大家一致好評,而且又有好嘅回響,何必仲要再絞盡腦汁; 硬喺要整個part2,續集之類呢?

就例如去旅行咁,去過一個地方覺得好玩,就不停喺往後日子不斷重復咁去同一個地方。世界何其大,何必每次旅行都喺揀同一個地方呢?搞到連身邊聽到嘅人都覺得悶,仲要人畀啲咩反應你啊?

其實有冇聼過“見好就收”啊?

Tuesday, October 08, 2013

話不投機半句多

一齊共事達17年嘅一位工作夥伴,坐埋同一張枱可以雙方無言以對,全程沉默。莫非呢啲就喺叫做心病?

同枱食飯,各自修行就喺咁解也!

Thursday, October 03, 2013

不不不

人隨著年紀長大,好多時候都要懂得說不。

我唔喺扯線工仔,唔喺你話乜我就要跟你做乜。當事情到咗極限,就要反駁,就要SAY NO!

你要搞到亂七八糟喺你嗰事,唔好拖埋我落水。唔該曬!

Wednesday, October 02, 2013

平衡

其實不論周圍嘅環境點樣變化,首先最重要喺要學識喺最短嘅時間内,去調節自己嘅心態。好多時候當你懂得自我調節心理,大部分覺得大壓力好難處理嘅事情都會迎刃而解。

因此壓力其實喺自己畀自己,多於他人將佢附加於你。

Monday, September 30, 2013

戀愛世紀

周末一口氣將剩餘嘅衝上睇曬,結果噚日頓時有一種好唔拾得完嘅失落感。好耐都冇試過呢種感覺; 呢套劇唔稱得上喺啲劇情緊湊,對白肉緊嗰種。不過佢就喺能夠讓觀衆好容易投入劇裏面角色,有嗰一絲細水長流嘅感覺。

其實整套劇就好似一段漫長嘅戀愛階段:
1. Jose同Issac嘅單戀
2. Teddy同夏晨嘅暗戀
3. CoCo同JimJim喺初戀
4. Hero同PinkPink嘅明戀
5. 馬明同黑絲襪就喺熱戀
6. Issac同夏晨嘅苦戀
7. Victor同Colby嘅痴戀
8. Manna同BJ嘅蜜戀
9. Jayden同Holiday嘅失戀

當然唔少得男女主角Sam同Holiday,將以上各個戀愛階段融入喺佢哋嘅愛情入面,呈獻一齣2013年第一部突破40點收視嘅劇集。

Friday, September 27, 2013

蛇蠍毒婦

娘娘深謀遠慮嘅攻心計,終于搞到王爺被貶去邊疆,永遠不得干涉朝政。

娘娘喺后宮鬥爭多年,終于能夠脫穎而出稱霸整個后宮。當中犧牲咗幾多人,做過幾多手腳經已唔再重要,亦不足爲奇。

今日,佢可以講話喺吐氣揚眉,名正言順坐上熱氣球升空; 成就佢一直以來朝思暮想,夢寐以求嘅心願,登上權力顛峰成為萬凰之王。

Thursday, September 26, 2013

半澤直樹



最近香港對呢套日劇有好大回應,講述一位泡沫時期入行嘅銀行員,面對辦公室內外「敵人」戰鬥嘅故事。

既然外界有咁大回響,下官身處深宮多年,當然要睇吓套劇有幾多成相似; 當中又有幾多個角色與現實喺吻合。

Wednesday, September 25, 2013

鄺美雲

六年換咗三部,原來我一直都仲情鄺美雲系列

每次都會帶嚟驚喜連連; 今次指紋識別開機,
簡直就喺將科技再推向另一層次,令人愛不釋手。

啲所為大mon膠機行埋邊,算吧啦!

相關連接:蘋果進化

Tuesday, September 24, 2013

水乳交融

即使有多少個晚上,徹夜不眠的互訴心聲; 即使兩人達到水乳交融的地步,互相也無法有任何了解。

互相無法有任何了解,也許就是因為兩人已水乳交融。。

好中意長谷川呢個句子,形容得相當貼題兼到肉。好句好句。

Monday, September 23, 2013

忍痛

本來以爲做咗備份就會冇事,點不知人算不如天算。回復到一半,竟然出現錯誤訊息。結果所有嘅聊天紀錄統統到要逼不得意全部放棄。

所有設定都要從新嚟過,搞咗成晚頭都痛。呢個教訓就喺凡事都會有意外,唯有去學識放手。

今次真喺名副其實做到斷、捨、離。

Thursday, September 19, 2013

掉哪媽!頂硬上!

明明講好咗有金色架嘛,唔夠30秒就冇曬; 咁順理成章梗系揀銀色,點不知50秒後連銀色都冇埋。點啫? 又要搞噱頭但喺唔到一分鐘又話冇曬貨。

學Sa姨話齋: 家陣盂蘭節派米啊?嚟吖有米派”; 等人嚟齊曬就話: “走冇曬米啦!”

Wednesday, September 18, 2013


望住落緊雨嘅天空,耳筒裡傳嚟菲嘅歌聲~ ~ ~

思念是一種很玄的東西 如影隨形
無聲又無息出沒在心底
轉眼 吞沒我在寂寞裡
我無力抗拒 特別是夜裡
想你到無法呼吸
恨不能立即 朝你狂奔去
大聲的告訴你
我願意為你 我願意為你
我願意為你 被放逐天際
只要你真心 拿愛與我回應
我什麼都願意 什麼都願意 為你
我什麼都願意 什麼都願意 為你

一路細味著歌詞,不禁咁想起佢。

你有冇唸起我啊?

Tuesday, September 17, 2013

尋覓靠倚 終生那志願與心事

有線電視播放緊兩年前嘅ONLY YOU,每晚晚飯不禁又重睇多一次。劇情依然記憶猶新,裏面啲對白又再令我重新去思考。

世事有好多嘢唔喺你計劃好曬,就會順理成章如你所願咁去發生。當中有太多因素我哋冇辦法預料,亦冇辦法去控制。因此最重要喺抓緊每一次擁有嘅機會,每一分鐘都唔好畀自己後悔。

最後竟然發覺每晚睇完都會眼泛淚光; 為劇情而傷感、為對白而反思,為劇裏面角色嘅遭遇而有所感動?抑或人愈大心靈就愈脆弱,愈容易會喊?!

Monday, September 16, 2013

煩聲響起

有冇發覺有好多人好中意add人入whatsapp聊天室裏面,然後又唔回應其他人,跟住就兩個人喺度不停傳嚟傳去。搞到其他人嗰電話成日不斷咁響提示,然而裏面啲内容又完全唔關自己事,鬼死咁煩。

最直接解決方法當然第一時間去聊天室設定,開啓靜音功能。不過呢個功能最長時間只有一個禮拜,過咗期限就會一切回復現狀。啲提示聲又會無時無刻重新喺你耳邊再次響起,永無止境。

Friday, September 13, 2013

同伴

一張相好睇唔喺嗰風景有幾靚,而喺影相人嘅心情。

旅行好玩唔喺嗰地點有幾吸引,而喺同邊個一起去。

Wednesday, September 11, 2013

毒婦

同一時間要侍候兩位主子,確實有點兒吃力,每晚筋疲力盡之際,連頭髮都甩咗唔少。皇后娘娘嘅攻於心計的確令人聞風喪膽,心狠手辣之餘仲能夠隨時隨地令到宮中任何一個達官貴人永不超生。

如此狠毒嘅女人,唔知道佢最後嗰20年將會喺乜嘢下場?!下官真喺要衷心祝願娘娘“萬壽無疆,福壽康寧”先至得!!!

Tuesday, September 10, 2013

搞咩啊?

 
究竟以乜嘢準則嚟評選架?
呢啲燕獸環肥,奇珍異瘦叫選美?!

Thursday, September 05, 2013

第一次

1988年 - 第一次買Cassette

1995年 - 第一次買CD

1996年 - 第一次買VCD

2001年 - 第一次買DVD

2013年 - 第一次買BD

Wednesday, September 04, 2013

拒人千里

非常討厭吹水,尤其喺當搭地鐵、搭巴士、坐長途車/機嘅時候; 碰到啲同佢哋唔熟又冇乜話題嘅人,但喺就不斷咁喺度吹,成個過程簡直就等於活喺地獄; 非常之難頂兼難涯。

因此家陣凡喺搭以上交通工具嘅時候,都會將聽筒往耳裏面塞,然後合上雙眼。一於當時運高,乜都聼唔到睇唔到,落得清閒。

假如有日你見到我戴住聽筒,千奇唔好同我講嘢,免得自討苦吃。

講完!

Tuesday, September 03, 2013

九月天

2013年九月,今年過得非常愉快,想要嘅已經得到手,想發生嘅已經發生咗,想做嘅亦已經做咗。

如果非要喺呢個九月份加上一個瑕疵嘅話,惟有話喺到咗九月都未有得去旅行囖。

Friday, August 30, 2013

明天還有明天

信任喺兩個人之間扮演住相當重要嘅元素。一旦其中一方失去咗信任,無論曾經幾熟有幾親密嘅關係,都會一瞬間化爲烏有,消失得無影無蹤。

猜疑往往就喺失去信任之前嘅一個導火綫。因此兩個人之間最緊要坦白,唔清楚就要開口問。

對自己嚟講喺重要嘅嘢,對其他人嚟講卻可能喺微不足道。要把自己嘅感受傳達畀別人知道,真喺好困難。

呢個世界唔喺只有快樂嘅事! 冇落唔停嘅雨,冇唔嚟嘅黎明,明天又喺另一天。

Thursday, August 29, 2013

對與錯

一直夢想嘅事情終于確確實實咁實現咗,心裏面唔喺應該好開心嘅咩?

點解卻有種失落嘅感覺,久久不能散去?

Tuesday, August 20, 2013

徇眾要求

Sunday, August 18, 2013

平靜裡的一盞燈

放下屠刀立地成佛。現時階段,無慾無求,唯一就喺希望心景平靜。

阿彌佗佛

Saturday, August 17, 2013

最愛是我家

活咗近40年頭,去過好多嘅國度,睇過無數嘅人與事。

但喺當你有日突然發覺,無論你走過幾多繁華大地,睇盡多少富貴浮雲;
都唔及返到自己屋企嗰種踏實感覺嘅時候,證明你已經確確實實長大了。

換句話講,你已經開始老了~~

Friday, August 16, 2013

及時斬纜

一向都相信自己嘅感覺,因此好多事都會好自然咁凴感覺去落決定。冇話對與錯嘅,事實就喺自己之前嘅感覺完全正確。

慶幸能夠擁有呢個觸覺,喺冇任何損失以及未投完全入之際下抽身,避免事情發生總好過大家日後面左左。

兩個人之間建立嘅信任,喺需要時間去磨合。

然而,兩個人之間建立嘅默契,喺需要時間去剁磨。

Wednesday, August 14, 2013

少數喺唔需要怯懦

發覺自己通常都唔會跟大隊; 亦唔中意同人掙,同人搶,更加唔會同人作比較。假如嗰度已經有一大班人群喺度搶緊,我絕對唔會喺人群中。

一般人選擇去嘅地方,我唔會感興趣。一般人中意食嘢大過天,我卻相反討厭食嘢。一般人都會去玩Candy Crash,我就連嗰遊戲玩法都一知半解。

即使我只得少數,但我還是以它抵抗命數!

少數並唔代表有問題,少數並唔喺下靶,少數喺唔需要怯懦嘅。

Tuesday, August 13, 2013

上香數量

喺古代嘅中國,拿香禮佛,喺從漢武帝開始,佛、道教中,祭拜時嘅必需祭品之一,為何祭拜時要點香?不同數量嘅香,又代表那些不同嘅涵意呢?

香喺佛門一種主要嘅供養具,而佛門嘅供養具除咗表達對老師嘅紀念、見賢思齊之外,都有其深刻嘅表法意義。燃香喺佛法代表持戒,也就喺守規矩,奉公守法。持戒喺佛法修行嘅重要手段,喺得禪定、開智慧嘅基礎。佛門燃香就喺時刻提醒自己持戒,修定,就喺真實永恆嘅芳香。

1柱香:代表虔誠,一心一意。
2柱香:喺拜祖先,拜陰間鬼魂用。
3柱香:代表對三界神明嘅尊敬,有三陽開泰,平平安安嘅涵義。
9柱香:靈子回來會靈,插於內爐,三三得九,表示靈子回來團圓,有收圓嘅涵義。
12柱香:代表十二元神,十二生相,可用於收驚,化煞之用。
36柱香:代表三十六天罡,有重要事情,要上稟天庭諸神,同時也表示對仙佛嘅虔誠跟慎重。
72柱香:代表地煞,為敬供地獄諸神。
108柱香:代表三十六天罡,七十二地煞,眾神全部集結,為咗安壇,舉行法會,演法,調請眾神或制煞之用。

「三柱清香敬眾仙」,敬神點香以一或三柱香最為普遍,其餘五、六、七、九柱子香,等已喺學法弟子所用,用於不同嘅法事,並非一般善信可以用得著嘅。

一或三柱香化燒嘅速度不同,及香灰的形成均嘅代表神明對供奉者嘅訊息啟示(僅供參考)。

本文轉載參考:「小玄子

Monday, August 12, 2013

4日恩典

 
17小時嘅路程,55小時回復怡保人身份,5小時嘅聚會,
翻雲覆雨2小時,充值13小時,其餘時間就咁過去咗。

Wednesday, August 07, 2013

持之而行

有冇統計過自己一日裏面製造幾多垃圾?又有冇認真唸過啲垃圾將會如何處理?運送到堆田區?拿去焚化?將佢哋分類循環再用?呢一切都喺不斷咁消耗緊地球上嘅資源,終須會有日用完。

以前總喺覺得呢一日絕對唔會喺自己有生之年體驗到,不過隨著近幾年天氣反常嘅跡象顯示,呢一日好似愈嚟愈接近我哋。因此唔好在浪費食物,食唔曬就唔好買又或者同朋友share。

以後買嘢之前唸一唸,扔垃圾之前再唸一唸; 唔好去理會其他人會唔會做,開始跨出自己嘅第一步,持之而行!

Tuesday, August 06, 2013

食屎啦!

請埋曬啲蛋散嚟做工,一味淨喺識得耍太極,推、推、推。需知道呢班蛋散話曬喺宮中都有一官半職,如今卻乜都唔識做,全部就推到嚟下官度。

假如下官能夠有如此本事嘅話,試問洗鬼請你哋呢班蛋散咩?咁高薪請你班蛋散返嚟食屎啊?!

Friday, August 02, 2013

空城

最近好少上嚟更生,原因喺~~

一嚟
二嚟
三嚟

再嚟,唔想冇嘢寫,都要絞盡腦汁唸啲嘢嚟寫。

Tuesday, July 30, 2013

勉強冇幸福

籌備咗咁耐,改動咗無數次,到最後都喺臨門撻Q。波折重重之下決定擱置,既然無緣唯有選擇捨棄。

老實講其實過程當中都踫到好多分歧,既然上天都作出如此安排,唯有順應天意。總好過到時候損失慘重,米以成炊之後,正嚟埋怨兼後悔。

留得青山在哪怕冇柴燒,我深信總有一日一定如願以償。

Monday, July 29, 2013

電話進化論

公共電話--固網電話--傳真--傳呼機--手提電話--智能電話--再嚟將會演變成乜呢?

Friday, July 26, 2013

求愛大作戰

現今社會催勢,假如一個女人識得煮飯,喺男人心目中一定會加分。

當呢句說話喺真人騷裏面出現嘅時候,心裏面非常之認同。煮飯其實唔難,但喺點解好多人都好抗拒?

其實一餐簡單嘅住家飯,足以令到好多男人放咗工就好自然咁返屋企。

女人,妳哋究竟明唔明白啊?

Wednesday, July 24, 2013

文化藝術

紅綠燈前睇到呢一個情景,感覺非常窩心。

Tuesday, July 23, 2013

如此簡單卻難得

有成兩個星期冇寫blog,返咗屋企一個禮拜,結果返到入宫中當然喺忙到趴地,連瞓覺嘅時間都要分秒必爭,仲點會有精力上嚟更新呀?

一個禮拜喺屋企,做得最多嘅就喺食; 雖然我唔中意食,奈何一日三餐喺必要嘅。慶幸怡保嘅食物仲未變到垃圾,有良心之於仲多咗一份人情味。希望能夠一直保持住呢份良心,唔好搞都周圍嘅食肆都千篇一律,畀啲大財團壟斷整個市場,冇啖好食。


瓊南嘅米面干咖喱。


啲加央香到包你食過返尋味。

Monday, July 22, 2013

懷念菜肴


呢味相信只能喺大馬品賞得到嘅介菜,又點能輕易錯過?!

Saturday, July 06, 2013

家族遺傳

唔知道由幾時開始,每年喺宮中循例量血壓,BP都喺爆燈。過後去到御前藥房請御醫再次驗證,結果一切回復正常水平。重復咗好幾年都喺咁,因此決定置諸不理。

鬼咩,嗰心死猛喺度狂跳,面上啲微絲血管不斷膨脹引致通紅; 但喺呢啲生理現象完全無法控制,唔超標就假。既然御醫確診冇事,又何必再自尋煩惱,杞人憂天咁笨!

Friday, July 05, 2013

當下

講咗咁多年,終于落實周末要去返工囖。冇法子啦,為咗生計唯有犧牲私人時間,去賺取啲外快,生活艱難呀嘛。

相信往後嘅日子,將會比依家更加艱苦同疲勞,不過唔辛苦又點可以得世間財?

其實“過去”曾經喺“當下”,而“將來”亦都喺從“當下”而嚟; 所以人應該計較同埋珍惜嘅,因該喺當下。如果當下都做唔好,又邊有資格憧憬將來呢?所以我話當下有啲咩唔明白唔清楚嘅,就要去搞清楚,唔好等到將來追悔。

Thursday, July 04, 2013

人人期望可達到, 我的快樂比天高

紜紜卡通當中,唯獨對叮噹及裏面嘅其他角色情有獨忠。
某周末行過商場,見到呢個陣容又點可以錯過呢?!
叮噹呀 誰都喜歡你,小貓也自豪。

Tuesday, July 02, 2013

報仇

我唔記仇,因爲通常都喺有仇必報; 一旦報仇完結就會即刻將佢從腦袋裏刪除,永不超生!

放心喔,你要做初一,我一定會做十五。

Friday, June 28, 2013

糙米飲料

 
三點三冇嘢食,唯有沖杯全谷糙米嚟飽肚。

Thursday, June 27, 2013

揼骨

自08年峇厘行之後,就瘋狂愛上按摩呢種貴價玩意。唸返起,其實大大話話都已經有六七年按摩經歷;因此嗰師傅有經驗與否,一按落去就知龍與鳳。故此亦領悟到要搵到一位配合到自己骨骼,力道吻合嘅專業師傅喺相當困難嘅。坊間混水摸魚嘅所謂按摩師傅多的是,有啲甚至掛羊頭賣狗肉。

開始嘅時候冇乜特別要求,邊位師傅得閑就畀邊位按,男女師傅都冇所謂。久而久之,漸漸發覺每當被女師傅揼完之後,唔係發熱氣就喺發燒。可能因爲佢哋力度唔夠,按曬啲假火出嚟,搞到按完之後就會發病。不過最離譜都算喺嗰次,北上揼骨竟然入錯間邪骨場; 死到要幫我除埋條褲,最後梗系唔制揼到一半就中止,即刻走爲上著。

自此之後立定決心,行遍大江南北,勢要搵到一位正宗嘅按摩師傅,而且仲要指定喺強國男按摩師傅。

按摩

Wednesday, June 26, 2013

由細到大我都好中意聼歌,直到依家都未曾間斷過。工作,行街,駕駛,旅行,收拾,搭車/機,沖涼,瞓覺,清潔等等,無論喺任何情況下,都唔能夠離開音樂。

假如呢個世界冇咗音樂,相信我會少咗鬥志,少咗樂趣,少咗目標,甚至會自殺 (好似嚴重咗!)。

Tuesday, June 25, 2013

可免則免

好老實講其實我真喺唔介意一個人食飯; 而且我絕對唔會覺得好孤單,甚麽一個人食飯感覺落寞。難得可以落得清靜,中意食乜都得,食完可以即撇,無需要坐成晚喺度吹水。

我唔會好似某類人,平日放咗工唔願返屋企,總要約人去食飯飲嘢。話不投機半句多,坐成晚吹水簡直等於浪費我謹餘嘅私人時間。

甚麽得閑出嚟飲嘢?相當無聊囖!

Monday, June 24, 2013

私奔

兩小無猜離家出走

Saturday, June 22, 2013

戴口罩的日子第四日


沙士盛行時期都未需要戴口罩,估唔到10年後呢場濃煙搞到個個逼不得已帶上。依家最想做嘅只有一件事,就喺好想好想好想好想好想好想好想好想大力咁吸一口新鮮空氣。

不過依然仲見到有啲死要面子兼貪靚嘅抄國人,寧願皺曬眉頭,黯住個鼻都唔願去帶口罩;佢哋確實被洗腦到一個無可救藥嘅地步。

唯有喺度祝願你哋身體健康長命百歲

Friday, June 21, 2013

玩嘢王

喺唔喺大多數女人都中意玩嘢?無端百事就中意翻啲舊賬,然後就小題大做,大費周章咁搞到有咁大得咁大。莫非佢哋真喺某人所講,太過得閑要搵嘢嚟調劑生活?

又要威,又要戴頭盔!大小姐,世事點會咁完美架,可唔可以清醒啲啊?

唔該你玩少陣,得唔得?!

Thursday, June 20, 2013

睦鄰關係

衷心多謝我哋嘅好鄰居無私嘅貢獻,令到大家喺同一空間下,
一齊分享一齊呼吸。無言以對,無言感激!

Wednesday, June 19, 2013

非常放肆

龍蝦面就食過,一只龍蝦獨食就真喺第一次,相當過癮囖!
甜品點咗焦糖燉蛋配士多啤梨,簡直喺膽固醇超標大餐!

Tuesday, June 18, 2013

靜思己過

忙碌咗兩日,難得有片刻清靜
當然要好好咁躺下,讓身心放鬆~~~

Monday, June 17, 2013

日夜對照

 
日出而作
 
日入而息

Friday, June 14, 2013

沙龍

發現好多人都好中意影相,而且仲好中意用自己嘅相機或者手機,拍下一啲團體照或者合照咁。之不過影完之後就不了了之,過咗成個月或者成年都冇曬蹤影。

以前就話要拿相去洗,麻煩兼要畀錢都話情有可原。家陣都已經數碼花,而且互聯網、社交網、短訊聊天室等等通訊工具大行其道; 但係依然仲有呢種人存在。

既然唔願意share出嚟,影嗰時就唔好爭住要畀相機人影大合照啦!影完之後又唔電郵畀人又唔分享出嚟,影咗好似冇影咁,為乜啫?

Thursday, June 13, 2013

Duck唔Duck


第一眼睇到已經愛不釋手,最後當然佔為己有。
老實講呢個喺我咁大個仔第一次擁有,仲帶埋佢哋出海。
相信往後日子,佢哋將會跟隨我攀山涉水,周遊列國。

Wednesday, June 12, 2013

舊地重遊


六年後再次返嚟; 景物依舊,面目全非。
有人仲喺度獻給佢嘅“第一次”

度假村建咗私人碼頭同海邊餐廳,感覺更加商業化。
夜靜繁星、陽光海灘、碧海暢泳、友誼萬歲。

純樸漁村瞬間回歸自然, 平靜中追逐歡樂。
夕陽下喺品嘗新鮮海產,別有一番滋味在心頭。

清蒸石斑、蒜蓉瀨尿蝦、鹹蛋蟹、清炒時菜、
以及自家製米粉同甜品; 唯一條件走辣走炸!

Tuesday, June 11, 2013

東瀛之行

啱啱收到消息,大馬人去日本唔洗再拿簽證,有護照就可以出入境啦!

真喺天大嘅好消息; 今日就要開始努力儲錢,玩曬成個日本先至得。

東京、大阪、京都、沖繩、名古屋、富士山、立山黑部、北海道...我嚟啦!!!!

Monday, June 03, 2013

的士佬

去旅行倘若相信旅遊書上嘅推薦,倒不如相信當地的士司機。一嗰地方好唔好玩,同你遇到啲乜嘢的士司機絕對有好大關係。

放且只有的士司機正能夠帶你去到目的地,只要畀錢就得啦,何必要大費周章咁麻煩呢?

Friday, May 31, 2013

謎米

經過兩個幾月嘅真空期,「謎米香港」繼香港人網之後,於2013年6月1日由蕭生所創辦嘅全新網上多媒體平台。

當中「謎米」(meme)意思喺指思想嘅傳遞,「謎米香港」成立之後將會製作一系列時事評論及娛樂資訊節目。原有香港人網用戶可以用回原有嘅會員戶口及密碼,同時登入「謎米香港」嘅討論區。

昔日一切回復正常,失而復得莫過於此。

Thursday, May 30, 2013

我喺邊個?

有冇試過做緊嘢,嗰腦突然間空白,完全唸唔到嘢,集中唔到之餘仲好似離魂一樣?莫非喺柏金遜症嘅先兆?

人嘅記憶非常奇妙,好多好耐之前嘅嘢都唔會忘記; 但偏偏一瞬間可以乜都唔記得曬。就連自己喺邊個,身處邊度都唔知道; 嗰種好恐怖,好得人驚~~

Wednesday, May 29, 2013

玩嘢凰

區區一件小事,落入幾條八婆竟手中然可以搞到后宮呼天搶地,敲鑼打鼓,天翻地覆!

足足玩咗成個禮拜,依然唔肯停,的確玩得!

好嘢,真喺要對你哋寫個服字。

Tuesday, May 28, 2013

透支

全身乏力,壓力指數爆燈,精神狀態完全透支。

為今之計唯有乜都唔做,瞓低全力充電。

由5點瞓到天光7點,連晚餐都冇食。

今舖都算喺最新嘅代表作囖!

Monday, May 27, 2013

一生一次

隨著時代進化,現今好多長者都唔會再避忌; 從揀選棺木,購買靈位,安葬儀式等等,著手去辦理自己嘅身後事。

國外亦開始盛行一啲網上悼念公司,為死者家屬提供網上悼念活動。同一般社交網站一樣,除咗可以悼念仙人之餘,亦能夠從中將親朋好友聯繫一齊; 大家互相傾訴,得到慰籍。

喺自己有生之年,為自己人生最後一件大事而作安排,未嘗唔喺一件好事。

Thursday, May 23, 2013

觀自在菩薩

前面條路將會喺點依然喺個未知數,
好好享受兼把握當下擁有嘅一切最重要。

Wednesday, May 22, 2013

豁出去

今次返去相當特別兼難忘,日盼夜盼朝思暮想嘅畫面,終于喺我主動要求下,一次過豁曬出去成就咗呢次嘅難忘經歷。

期待住接落嚟7月亦會有此驚喜,兼且能夠更進一步,務求達到大家都開心滿足爲止。


原來發夢真喺可以成真!騰雲駕霧莫過於此。

Tuesday, May 21, 2013

霹靂巴锡班尖海邊品仙祠大伯公廟及觀音堂


回城經過大伯公廟,拜得神多,自有神庇佑。

廟嘅後院有個品仙園, 裏面設有十八羅漢, 八仙, 姜太公以及五指山石像

廟嘅另一邊喺通往海面嘅小徑, 吹吹海風, 相當舒服。

Monday, May 20, 2013

Lumut@Marina Island


大約兩個鐘頭車程,嚟到紅土坎呢個嶄新嘅碼頭

人工島上四周圍都種有椰樹,環境相當優美

雖然冇機會坐上遊艇出海,閒逛影吓相,都未嘗唔喺一件樂事!

Tuesday, May 14, 2013

人情味

睇完咁多集嘅珍情品味,對三嫂裏面有句説話特別印象深刻。估唔到一個飲食節目都會令人有咁大啓發同感受。

人愈長大,要記得唔喺乜嘢難事,反而要去忘記正正喺一個大智慧。

Monday, May 13, 2013

好戲在後頭

所謂柳暗花明又一村,姑姑走咗一個大圈,又返入嚟呢個紅墻内。難道外面嘅世界都喺不過如是,姑姑轉一個白鴿轉卻選擇要返入呢個深宮中?

昔日兩位鬥到你死我活嘅姑姑又再碰頭,競爭應該比之前更加激烈。不過呢個境況對下官嚟講都未嘗唔係一件好事,起碼日後永壽宮有乜風吹草動都有姑姑為下官籌謀一番。

Friday, May 10, 2013

孤獨精

我唔喜歡人多
我唔喜歡熱鬧
我唔喜歡講話
我唔喜歡跟風
我唔喜歡潮流
我唔喜歡食嘢
我唔喜歡節日
我唔喜歡重復
我唔喜歡解釋
我唔喜歡應酬
我唔喜歡虛假
我唔喜歡自大

Thursday, May 09, 2013

大馬海嘯


估唔到噚晚場海嘯行動喺如此墟冚,空前成功!
由此證明畀全世界睇,條粉腸講嘅大話完全被推翻!
為所有勇敢嘅戰士鼓掌,敬禮!!!!!

Wednesday, May 08, 2013

好大個網

隨著人網3月接埋,一個月嘅時間冇得聼節目,實在忍無可忍。今日終于畀咗錢,聼返潘聰熟悉嘅聲音,感覺全部返曬嚟。


聼咗十幾年免費,家陣畀港紙25蚊去支持吓個節目,都未為過~~

Monday, May 06, 2013

熄燈


長途跋涉咁趕返去,目的只有一個

可惜到最後竟然換嚟咁嘅結果。

不過依然冇後悔返去參與。
耳聽三分假,眼看未為真;
革命尚未成功,同志仍需努力。

Friday, May 03, 2013

反清復明

啓程進入漫長塞車之前,就讓我寧靜咁瞓一覺。



還可以嗎?還能夠嗎?還是夢嗎?

Thursday, May 02, 2013

拭目以待

人愈大就愈敏感,愈老就愈小氣。

一個人假如年輕嘅時候已經非常小氣,老咗喺咪會變得更加小氣?

又或者會睇開咗,個人變得豁達咗呢?

有待證實!

Tuesday, April 30, 2013

得亦不喜,失亦不憂

又一個大人今日離宮,能夠離開呢個鬼地方的確喺一件值得慶幸嘅事。花開花落自有時,能活在當下正喺大智慧。

喺呢個宮中,就算你听到嘅喺確確切切嘅措辭字句,亦唔代表就喺真實。呢一個連說話都不可以句句當真嘅地方,所謂嘅故事,所謂有情有愛嘅人與物,又何須太認真?

Monday, April 29, 2013

Rubber Duck

黃色橡皮鴨Rubber Duck環遊世界,終於「游」到香港,再多幾日就會於尖沙咀海運大廈海旁現身,讓大家免費觀賞巨鴨。

從5月2日至6月9日, 橡皮鴨游世界展覽將於尖沙咀海運大廈對出海面進行。除咗天星碼頭對出空地外,海運大廈商場及停車場等露天位置,亦喺賞鴨熱點。

可惜鴨鴨冇游嚟呢度,唯有上網追尋鴨鴨蹤跡,一解思鴨之癮。