屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Sunday, September 30, 2012

人月兩團圓

今年中秋嚟得特別快,之後就係冬至嘅來臨,亦即係21-12-2012。
末日前最後一個中秋節,2013不見不散。

Friday, September 28, 2012

一天一天淺醉過一生


呢首在下嘅主題曲只喺唱咗一晚,就消聲匿跡,仿似海市蜃樓一樣,成爲絕響。

Thursday, September 27, 2012

Thursday, September 20, 2012

細水長流

這是過山的河水 它奔馳流流始終堅持
為流入滔滔大海 方會安心而存在

Wednesday, September 19, 2012

按摩

自從幾年前去咗峇里島返嚟,就完全愛上咗揼骨呢個玩意兒。嗰度嘅按摩環境可謂一流,開放式嘅田園靚景,全天然嘅涼風,3個小時嘅按摩勢必令到你紛紛入睡為至。嗰次嘅經驗至今仍相當難忘。

相比之下,城市化嘅公式推拿按摩就大大令人失望,甚至每況愈下。尤其係呢度啲所謂按摩師傅,完全唔合規格。1個小時裏面已經數唔清行出去幾多輪,按兩吓又停吓,簡直係呃鐘!

最幣就係按完之後啲肌肉不但冇放鬆到,成個背脊慶合合到喉唔到肺,搞到啲假火出曬嚟!錢就畀咗,但係就成身火滾,仲攰過未揼! #¥—%#·……)¥—*—#·#%·Q·$#^R%^!!

Tuesday, September 18, 2012

放肆

周末暴飲暴食,

到最後咪飽到咁囖!

Monday, September 17, 2012

它是我的國花

當大紅花綻放嘅時候,就係馬來西亞日嘞。
難得今日假期(冇我份),梗系要上載張國花嚟恭賀一吓。


Friday, September 14, 2012

叮噹誕生前100年祭

你睇!!多啦A夢嚟啦!

隨著各地有唔同嘅慶祝活動,呢度都唔執輸
(雖然嗰叮噹同大雄喺講馬來話...)

Thursday, September 13, 2012

請問有咩可以幫到你?

下個星期二就可以升級嘞,到時候就能夠同我助手有更親密嘅聯係。

睇嚟好似我盼望已久嘅嘢,統統都發生係下個星期,非常期待~~~

願望成真

Wednesday, September 12, 2012

PG 家長指引

世事無奇不有,只要一日未死,都會有新奇嘅事情發生係我哋周遭。

一位一向以嚟走清高路綫嘅姑姑,平日獨斷獨行,高高在上; 今日竟然得罪咗娘娘,結果當然係冇好收場。 娘娘竟然將佢2003年所犯下嘅惡行連同證據一齊公諸於世。

原來姑姑從2003年開始不斷向宮中娘娘借銀兩,每個都用唔同理由或藉口,一直延續拖至今時今日。借咗鍾粹宮娘娘嘅用嚟還畀延禧宮娘娘,一個窿蓋另一個窿。

如此行爲真係得人驚,但願姑姑永遠唔放下官在眼内; 你睇我唔到,你睇我唔到,你睇我唔到....

Tuesday, September 11, 2012

這晚會熱到爆炸

隨著呢幾日嘅天氣預報,絲毫冇到一啲入秋嘅徵兆。睇嚟下個禮拜都係得個熱字,要過一個熱辣辣嘅假期多囖。

不過可以放假都算係一件好事,至於啲行程都喺時候再次檢閲一次,必需從新編排多啲室内活動,一切以冷氣為主。

相隔7年再次踏入紅舘,期待“最後”一個精挑細選嘅演唱會,倒數仲有10日!

Monday, September 10, 2012

請勿打擾

隨著年紀日漸增長,裏面啲機件都跟著生銹。連續兩晚瞓得比較輾轉,今日起身已經覺得全身乏力。喉嚨開始乾渴,周身骨痛之餘人亦變得無精打采,睇嚟又係發病嘅先兆。

我需要好好地瞓番一覺,其他一切暫且擱置。

Friday, September 07, 2012

今日VIP 葉蒨文

Thursday, September 06, 2012

遊魂

有冇發覺大部分生活喺城市裏面嘅人,除咗變成低頭一族之外依家愈嚟愈多離魂族啊?

離魂族即喺一個人嘅肉體在,但喺嗰魂魄唔齊。無論你對佢講乜,都聼唔入耳。有啲甚至拿住部智能手機,但喺卻唔知自己其實想做啲乜,十足老人癡呆。

情況日益廣泛,嚴重程度令人非常擔憂。

Wednesday, September 05, 2012

回光返照

一般人理解,當一個人臨終前一刻都會出現回光返照嘅現象。我哋可以把它理解為人喺臨終之前迸發出嘅生命火花。有人認爲回光返照喺上天畀嘅最後配額(quota),當所quota都耗盡,就喺時候bye bye嘞。

喺咪每個人都會有呢种現象呢?(似乎唔喺)
唔同膚色唔同國籍嘅人又有唔有回光返照呢?(疑問)
究竟有唔有回光返照呢?(?)

Tuesday, September 04, 2012

提到菜,呢度確實矜貴過肉類。炒碟清菜要8蚊,而且份量少到嚇人。大概7至8條菜,每條平均要1蚊。食水粉就連1條足嘅菜都冇,1塊葉撕開一半就司空見慣,見怪不怪。

既然菜都咁矜貴咪改放蔥粒囖。點不知對方登大對眼,好似我要佢放啲砒霜入去一樣。點啫?海南雞飯唔可以放蔥粒咩?放咗入去會死人架?!

Monday, September 03, 2012

一問

錄影機裏面嘅燒牒功能壞咗,一大堆要備份嘅節目燒唔到出嚟,搞到頭都大埋。究竟要點先至可以用最經濟嘅方法,把機頂盒裏面嘅内容儲存入部腦裏面呢?

(當然,出錢買過部新嘅錄影機就解決一切疑難。 不過我就喺唔想洗錢!!!)