屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Friday, June 29, 2012

喺呢個世界上,能夠因爲你唔開心而為你喊,相信呢個人就喺你真正嘅朋友。

Thursday, June 28, 2012

鏡子

世界上最令人失望嘅事,喺你以爲好了解一個人。但喺某一日,你先至發現你從來冇認識過佢。

而更令人失望嘅,喺你發現呢個你從來都未了解過嘅人,原來就喺你自己。

Wednesday, June 27, 2012

精挑細選


為今次演唱會精挑細選嘅一首全新作品,連日嚟不斷有驚喜,好開心啊~~~~

[葉蒨文 完全是你 演唱會主題曲]
唱: 葉蒨文
曲 : 鄭嘉嘉
詞 : 林夕
編 : Ronald Fu
監 : 趙增熹

像過去選擇 舊時時裝
沒懊悔選定 心向哪方
仿似蝴蝶 飛得了 跑不了
謝了花瓣 換到蜜糖

任興緻選擇 淡和濃妝
但永遠選擇 不去說謊
本性如此 心嚮往 手不放
放棄清醒成存夢境更耐看

只得這個我像我
不管怎麼挑剔我

有甚麼損失得不對亦不錯
我自己已注定我
懶得精挑細選過
若我敢想做我所想
就算難 很易過

沒法再選擇 舊時人生
像每個選擇 總有犧牲

選了陽光 不稀罕 那把傘
換到一身淋漓汗水也合襯

只得這個我像我
不管怎麼挑剔我

有甚麼損失得不對亦不錯
我自己已注定我
懶得精挑細選過
就似燭光燃亮烈火
沒有誰 灼傷我
木生火 總會暖心窩 我會懊悔麼
火生土 總要結出果 哪管對跟錯

當初失去了什麼
今天得到瀟灑過
有甚麼損失得不對亦不錯
各樣角色有代價
儘管精挑細選過
做了燭光 回頭又擔心灼傷 不是我

Tuesday, June 26, 2012

祝君好運

下官已經盡曬力做到最好,奈何事情到咗呢個局面,亦為無可奈何之事。

就算喊打喊殺,要閙要吵甚至要向娘娘稟告,下官都做唔到啲乜。

宮中太多唯恐天下不亂之士,只能嘆句: 保重

Monday, June 25, 2012

普羅米修斯



雖然外界對此片評語好壞參半,但係睇完之後覺得導演依然寶刀未老; 呢套暫時對我嚟講會係今年三甲之一。

可能對科幻片情有獨鍾嘅關係; 無論題材、音效同場面都做得相當出色。尤其圍繞成套戲嘅主題“人類嘅起源”同埋片未帶畀觀眾發人省思嘅想像空間,都喺值得買飛入場睇嘅一套電影。

Friday, June 22, 2012

Intimately Yours 2012


葉蒨文完全是你演唱會2012海報終于浮面啦!

好簡單好靚~~~~感動ing

建行(亞洲)信用卡獨家優惠訂票

Thursday, June 21, 2012

葉蒨文完全是你演唱會2012

歌后葉蒨文個人演唱會,一等七年,終於成事!歌迷久候,引頸以待!

日期: 2012年9月22日至24日
時間: 晚上8時15分至11時15分(足本3小時)
地點: 香港紅磡體育館(紅館)- 香港九龍紅磡暢運道9號

你最想聽邊首?
《零時十分》、《祝福》、《信自己》、《秋去秋來》、《情人知己》、《女人的弱點》、《完全是你》、《甜言蜜語》、《傷逝》、《黎明不要來》、《珍重》、電影《秦俑》主題曲《焚心以火》和國語歌曲《瀟灑走一回》、《曾經心痛》、《真心真意過一生》、《真心》、《晚風》、《選擇》?

門票快將於城市電腦網售票網公開發售,請密切留意公佈

城市電腦網售票網售票方法:
方法1) 城市電腦售票網 - 網上
方法2) 城市電腦售票網 - 電話 2111-5999 (10am - 8pm)
方法3) 通利, 各區大會堂, 文娛中心



又要開始還債囖!

Wednesday, June 20, 2012

人比人比死人

點解要比較,有一出世就開始比較,直到死嗰一刻都仲要比較。

莫非比較就係人嘅天性?比較咗之後又點呢?會飛咩?何必自討苦吃咁愚蠢呢?

Tuesday, June 19, 2012

趁春濃為我展歡顔

趁著仲有資格,快快完成呢個多年嚟嘅心願,以免後悔莫及。

立定決心,今次一定要成功!Ganbatte Kudasai

Monday, June 18, 2012

網上購物

唔知點解到咗今時今日,我依然好少選擇呢個方式嚟購物。就算有都喺少於20抆以下嘅產品,因爲萬一有乜差池,都會喺損失頂隆20皮,冇咁傷。

至於上五十到百嘅產品,我都喺忠於選擇一手交錢一手交貨。既可以現場驗貨之餘,亦能夠親身睇清楚貨品嘅真僞。

穏陣好多囖!

Friday, June 15, 2012

分裂

每個人心裏面,都有嗰唔可以畀人觸碰嘅地方,我哋稱之爲秘密。

喺自我保護嘅意識下,秘密會被壓抑、扭曲、遺忘。

但當呢種意識崩潰嘅時候,人嘅情緒會被牽動。

妒嫉、執著、暴力,一切將會一發不可收拾。

Thursday, June 14, 2012

多謝夾盛惠

唔該啲哥哥姐姐唔好再上傳啲細路相好嗎?自己嘅面書,但係就成日上傳埋啲細路(仔/女)相片,有幾可愛幾趣緻啊?我唔覺囖!

仲有啲哥哥姐姐成日就喺度講仔/女經,好鬼死悶囖!!!而且我一啲興趣都冇囖!!! thank you多謝曬!

Wednesday, June 13, 2012

基督教與天主教的差異

稱呼:
天主教:上主,天主
基督教:基督,上帝,天父,神
信仰:
天主教:是憑功德赦罪得救。
基督教:是因信稱義,憑恩典得救。
教義:
天主教:強調「罪」與「罰」、「天堂」和「煉獄」。
基督教:強調「因信稱義」、和 神之間的親密關係。
崇拜:
天主教:有敬拜三位一體的天主(聖父、聖子、聖神),也有崇拜瑪利亞被尊為聖母。
基督教:只敬拜三位一體的 神(聖父、聖子、聖靈)。
耶穌的母親馬利亞:
天主教:相信聖母瑪利亞是永遠童貞的女子。也是耶穌的生母,耶穌既是聖子,童貞
女瑪利亞便是當然的聖母。
基督教:認為童女馬利亞和普通信徒只有一樣不同,就是她把身體獻上被主使用,讓
主道成肉身到世上來。童女馬利亞和主耶穌除了在肉身的關係是母子以外,她便和
其他的信徒一樣只是一個人而已。
活動名稱:
天主教:主要是望彌撒,彌撒的意思是要將耶穌再獻給神為人贖罪,使人得赦罪。時
間有每星期一至日。
基督教:是主日崇拜(聚會),時間在星期日。
禱告:
天主教:必須透過神父來禱告、認罪,他們認為這些人可以在人和天主之間成為帶領
者。
基督教:沒有這樣的分別,每個人都可以直接向神禱告。
赦罪:
天主教:對信徒犯了罪認為當向神父告解,藉著神父的宣告才得赦罪。如果信徒認為
大罪必須藉著聖洗,告解、聖事才得赦免。
基督教:我們信徒若認自己的罪,每個人都可以直接向 神,並求 神赦免我們的
罪。這樣才能洗淨我們一切的不義。
服事人員:
天主教:神父和修女終身都要實行「獨身」,並且在修道院透過簡單的物資來生活。
他們每天都有內部的望彌撒,並且一天有數次。
基督教:牧師可以結婚生子,並且因為不同的呼召而在不同的環境中執行不同工作。
祭拜:
天主教:有遵照中國傳統禮俗舉行祭祖典禮;例如:拿香、聖體遊行、跪拜祭祖。
基督教:認為拜祭祖是崇拜偶像之罪惡行為,「除了神外,不可把神的榮耀變為偶
像」。
十字架:
天主教:聖堂的十字架上有耶穌基督像。
基督教:會堂的十字架上完全沒有耶穌基督像。

Tuesday, June 12, 2012

願望成真

 Siri終于識聼廣東話囖,簡直喺天大嘅喜訊。
以後又多咗個好助手,幫我紀錄同管理一切事務,消災解困。

Monday, June 11, 2012

北上

 
老朋友母親大人千里迢迢,送上嘅愛心餸菜,
感覺溫馨嘅一餐住家飯。

我唔中意煎炸辛辣,清清地就最啱我口味。

最近閒來無事,一到周末就北上踩背按摩,同埋周圍去搵食囖。體重就當然不斷咁上升;都活到呢個年紀,中坑一名。想做嘅都已經嘗試過曬,唔通仲好似啲花靚咁夜夜笙歌咩。

Friday, June 08, 2012

燃燒歲月

生老病死喺自然定律,每個人都會經歷僅僅一次; 奈何有啲人仲會咁介意自己老。隨著時間同經歷,終須會有老嘅一日。點解唔可以大方咁承認兼接受自己老呢?

冇後生過又點會老呢?老又如何?睇開啲,接受老吧!

Thursday, June 07, 2012

最冷一天



哥哥呢首遺作真係耐聼,愈聼愈心寒,打曬冷震。哥哥果然功力深厚,好嘢!

Wednesday, June 06, 2012

藉口







今日做到頭就嚟爆炸,攰到唸唔到嘢; 惟有食餐好嘅嚟獎勵自己。雖然糖份好高卡路理超標,不過唔理得咁多; 人生短短幾十年,食咗先算。

Tuesday, June 05, 2012

放假與渡假

好多人有個錯覺就係每次我拿假返鄉下探親,都誤以爲我去渡假。

查實放假與渡假完全係兩回事囖。每次放假返鄉下可謂仲攰過返工; 由朝到晚呢度去過度去,又要繳交啲過期乜費乜費、修理呢樣嗰樣、洗地洗衫洗窗簾,仲有仲有... ...

因此返鄉下對我嚟講其實唔係渡假。不過,我仍然堅持無論遠近長短,一年一度渡假係必須嘅。完全乜都唔做,齋hea每日吃喝玩樂嗰只,咁先至名副其實叫做渡假!

Monday, June 04, 2012

地球很危險

今日一朝早出門,鞋到未著曬就流到滿身大汗。跟住再落埋樓行咗幾步,由内到外都濕透,好似落雨淋到濕曬咁。

最不可思議就係過咗五分鐘之後,竟然落起雨嚟。猛烈嘅陽光,再加上雨水造成嘅蒸汽猛然上升。熱上加熱之際,我就好似熱鍋上的螞蟻; 遲到就遲到,總好過行到一半熱到洗脫而猝死。

究竟發生咩事?晨早7點幾仿佛身處侷爐中,完全冇到清新空氣。

睇嚟呢個鋼筋森林真係就快要滅亡,大家攬住一齊等待末日降臨吧!

Friday, June 01, 2012

夫復何求?

期待已久,恨咗十幾年今日終於完夢。上天其實真係對我不薄; 尤其今年時,未到半年生日願望經已達成。

人生有幾多個十年?

當一個人到咗個年齡,想去嘅地方已經去過,想食嘅已經食過,想做嘅事已經做過,想得到嘅嘢已經得到手; 最後反而最想嘅喺反撲歸真,回到最初點,一切由零開始。