屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Monday, October 27, 2014

環保意識去咗邊?


好好地一顆老榕樹,一夜之間連根拔起,無聲無息咁消失於眼前。眼見如此情景,心裏面非常心痛。喺唔喺覺得空氣質數太過好,唔再需要太多植物。

放且我哋嘅好鄰居每年到時到候必會關照大家,勢必將整個鋼筋森林彌漫著一陣朦朧嘅浪漫氣氛。無形中亦有助本地振興經濟發展; 一個二個呼吸系統都變得愈嚟愈敏感,自然就會多咗去光顧醫生,診所多咗生意,葯厰亦會提高生産,連鎖效應之下經濟自然就會更加蓬勃。

真喺多謝曬!


Saturday, October 25, 2014

謠言止於智者


能夠親耳聽到海豚聲喺現場回蕩,簡直就如置身於大海中暢泳。擁有如此曠濶嘅音域,試問現今樂壇有幾多位歌手仲能夠做到?

真心唔明白啲人仲想要啲乜?究竟仲識唔識“珍惜”呢兩個字嘅涵義?

Monday, October 20, 2014

喜怒哀樂

喺呢個深宮裏面,控制自己嘅情緒喺一個好大嘅一門學問。

要做到喜怒不形於色,就要切記令娘娘以你嘅喜愛為喜愛,以你嘅厭惡為厭惡~~~

Sunday, October 19, 2014

感激再感激

又再收到師兄越洋送嚟厚禮,
除咗覺得佢非常有心思之餘,
打開嗰一刻的確好窩心,
感覺完美。

再一次喺度多謝
“你使我的疲倦人生呼吸氧氣
你使我的流浪時光終於變做合理
那怕到處笑面如做戲 過了算了不必記
你卻再次使我對這生好奇”

Saturday, October 11, 2014

好在一個人

好耐都冇一個人留喺空無一人嘅“家”中,感覺開心自在。 一個人其實真喺好舒服,無需要兼顧其他人,中意做乜都得,去邊度都得。

有人曾經話過一個人耐咗,會上癮。 聼佢講除咗工作上必須接觸嘅人外,其餘時間都喺一個人過,食飯、睇戲、旅行一個人就是常識吧!疏堂親戚只會有紅白二事先會打搞。做咗咁多年人一定遇過有啲人有心同佢做朋友,但去到一個點佢就會fade out。 而佢喺絕對享受呢種生活,所以佢非常之認同一個人耐咗,會上癮。

而我又未至於去到咁獨,只不過生活得太攰,好想停落嚟吸一下呢種寂寞。


Monday, October 06, 2014

撐起雨傘



過去一個星期幾乎每個小時都緊貼住即時新聞、社交網站、學聯專業嘅不停更新。鏡頭下嘅每一位勇士不懼風雨,不畏強權,日以繼夜留守街頭,目的只有一個 - 自由!

無論受到幾多打壓,無論現實幾咁黑暗,無論有幾多反對嘅聲音,無論最後結果會喺點,都要認認真真咁去企出嚟,話畀全世界知民主永遠不枯也不散。

撐住!!!