屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Saturday, January 30, 2010

蘋果進化論



蘋果iPad平板電腦驚世登場!螢幕有9.7吋 IPS面板,1024x768解析度,重量只有1.5磅,0.5吋厚度。佢分別共有三種容量,16GB,32GB,同64GB; 而且價格亦比一般市面上嘅筆記本電腦、iTablet、iSlate嚟得便宜。實行要成爲地球上的人類出門必帶物品之一。

佢可以用嚟瀏覽網頁、電郵、睇照片、影片同讀電子書部份。簡單嚟講iPad就係加大版嘅iPhone,務求令到用家機不離手,簡直就喺爽啊!

跟住落嚟就喺期待iphone 4G嘅推出,一於要你哋追到斷氣爲止,死未?!

Friday, January 29, 2010

信則有、不信則冇

一般新屋入伙要做啲乜? 司徒法正師傅就喺佢嘅blog度約略提及最基本及簡化嘅方法教授大家。同時師傅亦有教大家如何拜四角及相關嘅程序。毫無頭緒嘅朋友,不妨可以到以下師傅嘅blog度參考一下; 務求搬咗間新屋,可以令到屋企上下都住得安心、住得舒適。

入伙儀式
拜四角

至於要擇好時辰吉日吉時,就可以到以下網址睇下,即簡單又快捷。
是日通勝

正所謂求人不如求己,都喺但求心安啫。

Thursday, January 28, 2010

給自己的信

2009年尾寫多咗一封值得一讀嘅信,讀完封信之後包保你會為之動用。

主唱:鍾舒漫.容祖兒
作曲:Angela Aki
填詞:周耀輝
編曲:謝浩文 For The Invisiblemen
監製:謝浩文 For The Invisiblemen

容︰很相信能成就大愛 很相信能炫耀自己
很貪心 願天天很多美好的派對
鍾︰寫封信來留住大志 寫封信來提示自己
寫得低 是心中很多似詩的細碎

容︰懷疑我當天幾多歲
令我寫了一句不怕流淚
懷疑我永遠不會累
就來十行列明十個壯舉

鍾︰讓我闖出新世界 交出真個性
假使想愛 必會找到親愛伴侶
突然十年便過去 方知歲月冷漠似水
容︰就算筆跡不會變 紙張不會皺
偏偏想笑 竟會得到灰暗情緒
默然從頭讀過去 一句一句太乾脆
鍾︰一個一個已粉碎

鍾︰祝福我能遊歷萬國 怎麼我還奴役自己
不甘心 在天天很多錯失的證據
容︰這封信如明亮大鏡 這封信能明白自己
合︰寫得低 但怎麼拋低理想的散去
鍾︰懷疑我當天幾多歲
令我寫了一句不怕流淚
容︰懷疑我永遠不會累
合︰就來十行列明十個壯舉

讓我闖出新世界 交出真個性
假使想愛 必會找到親愛伴侶
鍾︰突然十年便過去 方知歲月冷漠似水
容︰就算筆跡不會變 紙張不會皺
偏偏想笑 竟會得到灰暗情緒
鍾︰默然從頭讀過去
容︰一句一句太乾脆

容︰讓我闖出新世界 交出真個性
假使想愛 必會找到親愛伴侶
鍾︰突然十年便過去 方知歲月冷漠似水
合︰就算紙張不會皺 甚麼都生銹
偏偏想笑 只會得到灰暗情緒
默然從頭讀過去 
容︰一句一句太乾脆
鍾︰一個一個已粉碎
容︰很相信能成就大愛
很相信能炫耀自己
鍾︰很貪心 願天天很多
合︰美好的派對

Wednesday, January 27, 2010

世界之最

舊年因爲太后下令,任何人不得擅自離宮超過5日; 所以就算大把假期俸祿都要白白浪費,飛嚟飛去到飛唔出呢個厚厚嘅城牆。

心裏面盤算到今年再唔飛嘅話,就唔洗旨意飛,永遠留喺宮中受盡欺淩,至到猝死爲止。因此下官要再接再厲,趁其他公公,同姑姑未有任何行動之前,要先下手為強。

雖然前面條路轉折崎嶇,不過為咗要飛,不擇手段都要做一次。但願可以無聲無息咁展翅高飛,翺翔於世界之最,一償塵世美之夢。

Tuesday, January 26, 2010

日式食閣

一間環境咁舒服,價格比一般新加坡食閣貴啲啲,不過仲算合理嘅日式食閣; 但喺人流卻唔多,得嗰死貓三四只,真喺可惜。因爲地點?價格?食物?或者喺啲人擁曬去啱啱新落成嘅聖淘沙娛樂城,搞到呢度冷清清?

點都好,我本人就好中意呢度,夠靜夠靚;仲有1蚊雞嘅綠茶雪糕食,抵到爛。

店裏面相當寬大,每個部分都有唔同嘅主體
佈滿櫻花 (雖然明知喺假嘅)
紅葉片片 (呢度可以講喺望葉止渴)
京都茶房 (S$1綠茶雪糕,靚)
帶子拉麵
海鮮壽司

地址:MANPUKU JAPANESE GOURMET TOWN
#03-16/17/18 Tampines 1
10 Tampines Central 1
Singapore 529539
營業時間: 早上11.30am - 晚上9.45pm

Monday, January 25, 2010

聽聽

好多時我聼歌都會習慣性聼旋律先,假如旋律或者啲編曲唔得嘅話,就唔會再有mood聼落去。至於歌詞都喺最近呢幾年正約略注意吓,不過聼聼吓到咗中段又會聼返首歌嘅旋律。

有人會因爲歌詞而感動,但喺我卻會因爲旋律而起雞皮。所以,我始終都喺覺得曲比詞重要啲。

Friday, January 22, 2010

深愛著你



忽然好想你,好想聼呢首198幾年嘅情歌嚟懷念你

心中想你 如今想你 懷念昨天的你
懷念著你 懷念著你 紅著淚眼在記起
心中想你 如今想你 懷念昨天的一切
懷念著你 懷念著你
流著淚 自覺得深愛著你

Thursday, January 21, 2010

遺忘歌手

喺某處無意中睇到,有人竟然用遺忘歌手嚟形容佢。佢嘅任性,一手將自己多年努力返嘅嚟事業斷送,徹底地吹毀。佢嘅行爲,完全將自己喺觀衆心目中嘅形象直插谷底,甚至乎依家竟然演變到被人遺忘。

最近,難得有電台DJ記得佢,邀請佢邀請出席頒獎典禮表演,但喺佢竟然婉拒; 畀嘅理由竟然仲要喺...! 此擧證明咗拒已經選擇放棄呢嗰事業,完全唔再留戀。今時今日,唱歌對佢嚟講可能就喺一個賺錢貼仔嘅捷徑。

有一位朋友聼著佢嘅歌聲長大至到今日結咗生埋仔,突然同我講唔再中意佢嘞。因爲朋友覺得佢嘅所作所爲實在難以接受,感覺好似被親人出賣一樣,欺騙咗咁多年,都喺時候清醒嘞。我...無言。因爲我也逐漸對佢開始遺忘...「遺忘了,昨天來今天抺掉,誰曾重要,統統記不了。」

Wednesday, January 20, 2010

守護神

如果你相信嘅話,每個人都會有守護神伴隨身邊; 當你遇上危險嘅時候,佢就會發揮佢嘅力量去保護你,又或者去提醒。

2010年多咗兩個守護神,願一切順利,開開心心過年。

幸運貓咪 - 每日貓一貓,好運自然嚟。
麥記叮噹 - 叮噹呀 誰都喜歡你,小貓也自豪。

Tuesday, January 19, 2010

80後

最近睇過一則新聞講:「80後」生於經濟騰飛的年代,普遍在安穩家庭中長大,抗逆力相對於上一代為低,卻在經濟轉型的時候投身社會,面對劇烈的人才競爭,對前路易感迷惘。調查發現,「80後」年輕僱員的快樂指數及希望感,均較80年代前出生的人低,是最不快樂的僱員群體;面對期望與現實的落差,73%受訪年輕僱員有輕度至嚴重焦慮;9.3%受訪年輕僱員更出現中度至嚴重的抑鬱徵狀,較其他年齡組別高1倍。

各年齡階段人士暢談心目中的80後,社會學家認為他們是最能表現改革開放特征的一代

崩潰  啃老  隨意  衝動  飄搖  浮躁  盲從  幼稚  頹廢  不求上進  浮于表面  無立場

一位50後說:觀念比較亂,沒有統一明晰的世界觀
一位60後說:80後還比較“飄”,三十難立,因為他們大多是父母的“掌中寶”,沒有經過社會的磨煉
一位70後說:終日怨天尤人,負能量一大堆,每樣嘢都唔合付心意,唔該可唔可以停啊你哋?!
一位90後說:80後的哥哥姐姐三十難立,除了少數人憑自己的能力有很好的事業外,大部分人都依賴父母,依然在“啃老”

以下是在網上扒到關於70後、80後、90後的離奇區別,形容得還蠻有趣及貼切:

70後:工作狂基本上都是70後的
80後:而我們,拒絕加班!
90後 :拒絕上班!

70後:他們如果有筆記本,會喜歡到公眾場合用。
80後:我們才不會背那麼重的東西在身上。
90後:只要蘋果筆記本,而且不止一台...

70後:他們無論任何時候,看到有站著的領導,都會馬上給領導讓座。
80後:我們崇尚上下級平等。
90後:天上地下,唯我獨尊!

70後:他們娶老婆的時候想娶處女。
80後:我們覺得無所謂,只要相互感情好就可以了。
90後:結婚需要感情嗎?..需要結婚嗎?..

70後:他們覺得每個日本人、美國人、TW人都想攻打中國。< BR>
80後:我們喜歡日本的連續劇、TW的綜藝節目、美國的大片。
90後:我要去日本,因為我是日系...

Monday, January 18, 2010

恭賀丁太


整個頒獎典禮最最最令人振奮嘅就喺,丁楊千嬅再度蟬聯「最受歡迎女歌星」。由此可見,方小姐果然喺落咗指令,唔可以畀嗰位今年所謂「實至名歸」嘅女歌手超越梅姐紀錄,實在可喜可賀。

今年嘅勁歌可謂歷年嚟最不可思議,最驚喜連連嘅一年。不過諗諗吓,自己嘅台理所當然梗喺頒獎畀自己友,話曬都喺商業機構,一切當然喺以本身利益為出發點嘞。更何況嗰獎真喺以真金打造,梗喺要頒畀啲聼教聼話嘅親生仔女為先,唔通畀啲街童或者攞仔攞女咩?

好開心睇到好多默默耕耘多年嘅歌手,終于唔洗坐足成晚吃白果。更加唔洗睇到啲一副攞硬大獎嘅衰樣,成晚扮曬大佬款,黑口黑面;攞得咁唔甘願,倒不如索性唔洗出席,喺屋企湊女好過。

Saturday, January 16, 2010

又一傑作



連谷歌閲讀器都blocked埋,下一個睇怕都應該輪到面書同Blogger。Blocked吓一個,blocked吓又一個,不如索性將互聯網關閉,一切回歸自然,大家一拍兩散。

Friday, January 15, 2010

寄人籬下

凡事忍耐則吉。我們常常有“人在屋簷下”之嘆,總覺得抱負無法伸張、或不得不為某些情況折腰。但所謂“山不轉路轉,路不轉人轉”,其實很多時候只要換個角度、逆向思考,心境就能改變。

在現實環境受限、不允許大幅度改變時,不妨忍一時,勿在此刻做下任何草率衝動的決定。保持樂觀輕鬆的心情,而不是輕易地被環境或人事所影響。堅守崗位、做好份內之事,相信必有時來運轉之日。

Thursday, January 14, 2010

今年勁歌



睇到呢啲裝飾,心裏面就知道新年就快到嚟嘞。今年特別冇期盼,乜嘢都冇凖備,甚至唔想呢日咁快來臨。往年喺新年前夕都會例牌預測一吓總選嘅結果,但喺今年完全冇咁嘅衝動。一切都已經變質咗,變得毫無意義,冇曬方向,冇到方針。既然都已變成咁嘅局面,仲預測嚟做乜?簡直就等於垃圾!

Wednesday, January 13, 2010

人浮於事




去年東六宮 (景仁宮,承乾宮,鍾粹宮,延禧宮,景陽宮,永和宮) 同西六宮 (永壽宮,啟祥宮,長春宮,翊坤宮,儲秀宮,咸福宮)十二宮合併; 成爲故宮內廷中最為強大后宮之一。

話咁快已經一嵗囖,生日快樂。喺宮中嘅日子從來唔易過,但再唔易過亦都要熬過去。

Tuesday, January 12, 2010

騎呢

喺呢嗰社會裏面,真喺無奇不有,乜人都有!唔信?有片為證。

video

喺條街度,咁都得?!拿命咩。

Monday, January 11, 2010

疏遠

大部分人唔會因爲你丑樣或者因爲你肥而去疏遠你,疏遠你最主要都喺因爲你嘅行爲有問題。你唔聼人講呀,你搞到人呀,你煩到人呀,所以人哋先離開你或者唔想接觸你啊!

你到時唔好覺得個嗰人無情,從來呢個無情都喺因爲你製造出嚟架。無情只不過喺一個反應嚟架,始終都要有一種叫做刺激先會另到一個人對你無情,OK?!

Friday, January 08, 2010

識人

有好多人都會認爲自己要認識好多人,咁樣就顯示到自己嘅江湖地位。認識人多,人緣好就會有著數。電話簿裏鬥多聯絡,面書裏面鬥多人; 知道曬人哋啲行蹤就覺得自己好叻。

但喺唔喺咁囖。 識得多人其實唔喺叻,你要人哋認識你先至喺重點。當人哋有乜事,無論要搵你幫手又好,有好嘢醒你或者有嘢問你,有錢畀你賺嘅時候,第一個諗起你。而唔喺你想去解決一個問題嘅時候,你去諗邊嗰可以幫到你囖。

識得多人冇用,最緊要喺多人識得你。所以千奇唔好搞錯就喺我要出去識多啲人,因該喺話我出去畀多啲人識。由呢一刻開始,就應該咁去諗嘞!

Thursday, January 07, 2010

認輸

人老咗就要認命,詭計技窮,事未如願就要認輸!當一個人上咗三十就算可以呃到所有人,但喺始終呃唔到你自己嘅身體。當一個人入過院,瞓過醫院張床,推過入手術室;出嚟嘅時候,無論喺諗法、講嘢、做人、處事都會有好大嘅改變。嗰種心情,對仲未入過院嘅人嚟講,永遠都無辦法理解。

不過要切記: 啲花靚又點呀,可以開得幾耐? 就算依家幾鮮艷,都會有花殘粉褪嘅一日,可以留得住正茂芳華咩?

Wednesday, January 06, 2010

資本主義之2010聖誕新年

位于Orchard Point對面嘅Orchard Central
内置一個有幾層樓高嘅購物雕塑
我中意呢對鞋,夠紅
鞋踭夠高
OMG,連我早幾年前畫嘅畫都挂埋出嚟...
Orchard Point,好多年冇入過去囖
頂樓遠望
空中花園,不過細咗啲
呢嗰綠化概念如果可以推廣到更多商場就更加好
藍天白雲+翠綠=自然、舒服
全透明嘅電梯高速降下,腳仔都軟
313 位于Somerset地鐵出口旁
好多品牌都設喺裏面,又多嗰洗錢地方
花心思設計嘅門面,靚
走在大街上的男子
街頭裝飾
透過塊玻璃睇,又會有乜嘢唔同呢?
The Heeren變到成咁咗
全部名店嘅文華走廊
因爲元旦前夕啱啱睇咗,對呢張阿凡達海報特別有feel
非常有趣嘅聖誕鹿女郎
聖誕氣氛依然籠罩著整條街
Blink Blink Blink
詩家董
竟然將自己攝入鏡頭

邵氏產業-邵氏大廈
旋轉企鵝

Tuesday, January 05, 2010

阿凡達



原本唔打算入戲院睇呢部片,因爲感覺上唔會喺我杯茶。睇過預告後,更加覺得故事過於天馬行空,比較適合玩電動、網上遊戲嘅打機一族觀看。隨著電影上映一個星期後,口碑一面倒傾向推薦嘅聲音,好評如潮,甚至更估計能夠超越鐵達尼號票房。再加上友人極力推薦,嘩聲不斷; 搞到我心郁郁。結果終于抵受唔住誘惑,喺09年最後幾小時,買咗飛入場一探金馬倫呢部籌備咗14年,史上最鉅資,砸咗4億美金拍攝出來嘅最新科技作品。

30幾嵗人第一次睇3D,之前仲聼到有啲朋友話睇咗會頭暈,有啲甚至話會作嘔; 愈聼就愈跨張,講出嚟都有少少羞家。其實睇3D版最重要係揀位,最好就坐後面一啲。3D眼鏡會把畫面縮細,所以影像嘅物件相對亦會比較細啲,而且畫面會比較暗一啲。如果想較容易睇到所有場景,就唔好坐太前嘞。

整部片最爲嘆爲觀止就喺現今3D電影數碼科技嘅進步,立體技術可以講喺近乎完美,簡直可以話喺另一個視覺革命。導演將每一個鏡頭都拍攝得非常細膩同用心。單喺睇外星球上嘅生態環境,如森林、花草樹木、飛鳥、生物以及裏面煙霧瀰漫嘅效果,雖然明知喺假嘅,但喺仿真度相當之細緻,已經值回票價。

總括嚟講,倘若你唔打算睇3D版嘅話,咁呢部戲就無需入戲院睇嘞。

阿凡達官方網站

Monday, January 04, 2010

情迷朱古力

聖誕新年啱啱過曬,留低嘅就喺一大堆朱古力喺柜桶裏面唔知點處置。唯一可以做嘅就喺,分門別類將佢哋送番出去畀啲朱古力粉絲。等佢哋日食夜食、當早午晚三餐食,食到飽,食到嘔爲止。哈哈哈...