恭賀丁太

整個頒獎典禮最最最令人振奮嘅就喺，丁楊千嬅再度蟬聯「最受歡迎女歌星」。由此可見，方小姐果然喺落咗指令，唔可以畀嗰位今年所謂「實至名歸」嘅女歌手超越梅姐紀錄，實在可喜可賀。

今年嘅勁歌可謂歷年嚟最不可思議，最驚喜連連嘅一年。不過諗諗吓，自己嘅台理所當然梗喺頒獎畀自己友，話曬都喺商業機構，一切當然喺以本身利益為出發點嘞。更何況嗰獎真喺以真金打造，梗喺要頒畀啲聼教聼話嘅親生仔女為先，唔通畀啲街童或者攞仔攞女咩？

好開心睇到好多默默耕耘多年嘅歌手，終于唔洗坐足成晚吃白果。更加唔洗睇到啲一副攞硬大獎嘅衰樣，成晚扮曬大佬款，黑口黑面；攞得咁唔甘願，倒不如索性唔洗出席，喺屋企湊女好過。