屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Monday, May 30, 2011

鍾情意粉

茄汁海鮮意粉
橄欖油鮮蝦意粉

Friday, May 27, 2011

沒有牆的世界

虛擬的,實體的,還是心靈的圍牆,都應該拆除。
廣闊無界的空間裡, 眾生無異。

有沒有想像:如果突然失去了某種能力,你的生活將會面對怎樣的轉變?
有沒有思考:你的一些舉動,對殘疾人士來說可能是好心做壞事?
有沒有體會:你的一個眼神、一句嘆息,會變成他們心中不能磨滅的傷害?

我們究竟有沒有真切的聆聽殘疾人士的心聲?

沒有牆的世界

Thursday, May 26, 2011

草裙舞

好像跳番part草裙舞,起碼畀自己條氣順啲。

Wednesday, May 25, 2011

麻木

拖住疲累嘅身軀,啱啱返到一個屬於自己但又唔係完全屬於自己嘅屋企。忽然間好想撇撇脫脫咁逃離呢種生活模式。係度足足渡過咗16個寒暑,近乎小小嘅漣漪都冇跡可尋,頸瓶。

心情好低落,腦海裏突然又再唸起呢首歌...

Tuesday, May 24, 2011

別亂拍老虎屁股

係呢個誰都唔肯承認自己做錯事嘅都市叢林中,你隨時都要提醒自己,唔好去踩人哋嘅痛處,尤其係當對方係一只老虎時,更加唔好傻到去拍佢嘅屁股,讓自己白白變成人哋餐後嘅點心

源自:公孫籠策

Monday, May 23, 2011

樓上樓下

4部電梯,3部正在運作,1部停喺地面。但喺當你按“上”鈕時,燈只會着喺其中一部正在運作嘅電梯;停喺地面嗰部嘅門永遠都唔會自動打開。往往要等到着咗燈嗰部從樓上落嚟,載曬啲人閂門之後上埋去,然之後再按“上”鈕嗰部死喺地面嘅正會慢慢打開。

另外仲有一部喺後樓梯,當你喺中間樓層按“上”鈕,佢就算上緊嚟都唔會停,要等到佢上到頂樓再落返樓下然後再上嚟正會開門。當然,當你喺中間樓層要落樓時按“下”鈕,佢一樣會環游世界一次,正會開門畀你落摟。

究竟喺邊鬼嗰安裝嘅程式,竟然蠢到咁都有,畀佢激漲!

Friday, May 20, 2011

未了願

去唔到望梅止渴都得挂!
Nihon,Ganbatte Kudasai!

Thursday, May 19, 2011

出界

友達以上,戀人未滿。 意思即係兩個人之間比朋友更親暱,卻又仲未到戀人嘅程度。

呢種曖昧關係,似是以非,對兩者嚟講都一樣係煎熬。人除咗愛情、親情同友情,仲有呢種微妙嘅情誼更值得我哋去珍惜。

Wednesday, May 18, 2011

兩位娘娘大鬥法,各自放暗箭係後面射嚟射去。下官當然唔會咁蠢,挾喺中間畀佢哋點嚟點去。結果當兩位娘娘要正面交鋒嘅時候,好似鬼上身一樣,虛情假意程度簡直可以比美中國國術-變臉!

最佩服兩位娘娘就係,明知下官知道佢哋喺度做緊戲,但係偏偏可以做到若無其事,七情上面。 真係不得不寫個字!

Monday, May 16, 2011

冬の聖誕

忙咗一個晏晝,一切終于塵埃落定。既然有善長人翁贊助機票,當然卻之不恭,欣然接受。禮尚往來固之然要做返啲嘢,行程、住宿、交通安排統統包喺本人身上。其他地方就會擔心人生路不熟; 不過呢個去咗六次之多嘅東方之珠,梗系冇問題啦。

今年年尾終于可以過一個冬天嘅平安夜。

Friday, May 13, 2011

咪就係咁囖!

Thursday, May 12, 2011

寂寞夜晚


月圓之夜就係最多人犯案,做錯事嘅夜晚。今晚望出窗外睇到好圓嘅明月高挂,突然好想將佢影低。

冇乜理由,只係想咁做。

Wednesday, May 11, 2011

熱氣逼人

30幾度嘅夜晚下,仲要連冷氣都壞埋,點瞓啊?!唯一嘅解決方法就喺沖涼,打大赤勒坦蕩蕩咁睡。結果都喺成晚輾轉反側,起身得身汗再加對黑框眼鏡。

呢個夏天究竟要到幾時正完結?救命啊~~~

Tuesday, May 10, 2011

邊度有嘢食

拜六行行吓街,百無聊賴入咗呢間Empire State(Iluma@Bugis),食咗一餐豐富又好味道嘅西餐。價錢大衆化之餘,份量都幾大,搞到甜品都食唔到,就連嗰Pizza都食唔曬要打包。

咁好食又唔貴嘅餐廳喺度已經買少見少,承諾一定會再次光顧,希望佢唔好咁快閂門大吉嘞!

原只烘雞肉加炸薯條,沙律伴碟。好食指數****
香口夏威夷披薩,材料同味道都唔錯。好食指數****

Monday, May 09, 2011

良心去咗邊?

排咗差唔多10分鐘,嗌咗碗蝦米粉干嘅唔要辣。最後出嚟竟然喺一碗浸住茄汁嘅米粉。全城最具“誠意”嘅茄汁蝦米粉,勿洛南(牛記)蝦面 #01-199,好食程度簡直爆曬燈,攞曬獎嗰只!

茄汁浸住啲米粉,完全散發出蝦面嘅精髓! !
一定要認住呢檔咁“好食”嘅蝦面,
你睇我成碗米粉原封不動,就知佢幾咁“好味道”! !

Friday, May 06, 2011

大智慧

工作其實有幾困難都會有解決嘅辦法,之不過人事就永遠都冇得解決。唯一個辦法就只得一個,就係接受。

願我佛慈悲,畀我智慧,繼續學習成長。

Thursday, May 05, 2011

忍一時,風平浪靜
退一步,海闊天空

兩個人相處之道往往離唔開一個字 -

Wednesday, May 04, 2011

先甜後苦

呢種感覺的確唔好受,但係呢個國度實在太多誘惑。每分每刻都喺度引誘我哋、茶毒我哋,誓要將每一個凡夫都變成蜘蛛精,永遠墮入深淵,永不翻身。

呢個就係上天要考驗我哋定力嘅其中一課; 每一個人都能夠過關,就睇大家本身嘅造化。

Tuesday, May 03, 2011

包容

兩個人相知相愛喺一種緣份, 但相唔相處得到絕對喺一門學問。其實人與人之間相處,最緊要喺放低菱角,互相嘅欣賞、互相嘅補足,關係之然會水乳交融。

所以無論喺邊一種絕配,我哋首先要學識嘅就喺包容。