屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Tuesday, November 30, 2010

賤命

難得可以落得清閒,結果卻病倒咗。勞碌命始終唔停得,注定呢一生都要捱生捱死,簡直犯賤!

噚日拿病假瞓咗成日都仲未清,家陣唔食葯又辛苦,食咗葯又暈托托,都唔知點算!

冷得我騰騰震,真系震到入心,心酸我重發緊冷,似腳軟難行,點解行行又好似覺身不穩....

Friday, November 26, 2010

冬眠

近幾日喺宮中特別清閒,唔知喺咪入冬嘅關係,啲牛鬼蛇神,妖魔鬼怪全部降低體溫變得懶散,逐漸回巢冬眠。

下官難得可以將手腳放慢,就徹徹底底咁去享受一刻嘅寧靜。

Thursday, November 25, 2010

思想僵化

點解要開火啫?唔啱咪講到啱囖,仲咩要郁手,仲動用到武器,損人又不利己。嗰市啱啱正話穩定番少少,星斗市民有望經濟逐漸步向明朗,明年可以過得好點,無端端又搞單咁嘅嘢。

已經乜嘢年代啦?竟然仲會有啲咁野蠻嘅人,郁啲就喊打喊殺,真喺獨裁、專制、一言堂、共產黨、秦始皇、生番所為啊!!!!!

Wednesday, November 24, 2010

萬歲萬歲萬萬歲


一則喜訊,明年開始所有宮中無論職銜高低,一律獲皇上恩准可以去指定嘅太醫館睇御醫,而且費用全免。下官嘅腰酸背痛終于有救啦,真喺可喜可賀。

Tuesday, November 23, 2010

改變常改變

如果有得揀,答案絕對唔會喺咁。但喺好多嘢都喺事與願違,唯有學識去接納然後繼續去面對。因爲人總需要勇敢生存,我還是重新許願,例如學會承受改變。

明年今日,但願能夠化險爲夷,一切歸于零,從頭開始。人生落嚟唔喺為咗拖著鎖鏈,而喺為咗展開雙翼。人生到處知何似,恰似飛鴻踏雪泥。

Monday, November 22, 2010

巾幗梟雄之義海豪情精彩對白全紀錄

九姑娘: 我擺明車馬係要食咗你間銀行……你係都要搵棵樹嚟吊頸,冇人阻到你,今晚我都會為你流一滴眼淚。我祝你一家富貴榮華 你老人家長命百歲

村長:你當差咁耐,收咗幾多黑錢呀?

九姑娘:我依家得番嚟嘅嘢,全部憑我一個女人嘅實力,我係乜嘢都要搶,只要光明正大,我要搶咩就搶咩。
喜姐:你見到乜嘢搶乜嘢,搶錢、搶風頭、搶地位,係你嘅又搶,唔係你嘅又搶!你呢個搶野既女人。

九姑娘:如果你唔三倍俾番啲獎金班兄弟,我搞到你雞毛鴨血。你仲可以喺廣州立足嘅話,我鄭九妹個名以後倒轉嚟寫!

劉醒: 食屎啦~梁非凡。你聽唔到我就繼續講~講到你聽到為止~食屎啦~梁非凡。再聽唔到再講~食屎啦~梁非凡!

九姑娘: 你屋企人嘅病,即係我屋企人嘅病...你嘅怨恨,即係我嘅怨恨...

九姑娘: 你嘅怨恨即係我嘅怨恨,只要我仲有一口氣,我都要一把火燒晒啲鴉片。

楊陽: 就算只喺得返一秒,都可以喺一生一世。

麗華: 肯就一聲,唔肯就兩聲囖。

唐吉: 有今生未必有来世,如果來世先報,就太遲喇!

喜姐: 山不轉路轉,路不轉,水相逢!

劉醒: 聞到你身上鴉片煙我就想反胃,見到你個賊婆娘我就想嘔!

鄭九妹: 又要做老舉 又要攞貞節牌坊!

九姑娘:咁中意鞠躬,你落去叫閻羅王同你鞠到够啦!

劉醒: 唔好淨係幫人諗, 有時都要諗下自己

劉醒: 你知唔知義氣個義字係點寫架?羊牯嘅羊字下面一個我,即係話寧願做羊牯,寧願自己蝕底都要講義氣呀!

梁非凡: 我梁非凡對燈火發誓,如果我做啲咁冇義氣嘅嘢,我梁非凡三個字倒轉寫。

劉醒: 生要見人,死要見屍

黃綠:上帝要你滅亡,必先要你瘋狂。

喜姐: 大哥,攞啲功架出嚟,撑住。

鄭九妹: VICTORY

豬籠里班街坊: Taikun Konnichiwa

鄭九妹: 但願人長久,千里共蟬娟!!!

劉醒: 睇吓我行先定你行先,如果我行先嘅,咪我等你囖

Friday, November 19, 2010

43

TVB HAPPY 43rd BIRTHDAY!

今晚8點30分43嵗生日派對,全情參與。

TVB敢作敢想,發放快樂力量。

Thursday, November 18, 2010

萬千星煇頒獎典禮2010 - 賽前預測

謝謝你神聖一票,除此12個獎項,「萬千星獎頒獎典禮2010」並設「最具欣賞價值綜藝節目大獎」、「萬千光輝演藝人大獎」及「最佳專業表現大獎」,所有獎項結果將於12月5日(日)晚上播映的《萬千星輝頒獎典禮2010》上揭曉。

以下是你的所投選項目:
最佳男主角 : 13. 義海豪情 黎耀祥 (劉 醒)
最佳女主角 : 14. 公主嫁到 佘詩曼 (昭陽公主)
最佳男配角 : 13. 義海豪情 敖嘉年 (唐 吉)
最佳女配角 : 04. 鐵馬尋橋 唐詩詠 (應雁鳴)
(鐵馬尋橋-惠英紅,影后其實做得好好,不過應該唔會畀佢)
我最喜愛的電視男角色 : 13. 公主嫁到 金多祿 (陳 豪)
我最喜愛的電視女角色 : 15. 義海豪情 鄭九妹 (鄧萃雯)
飛躍進步男藝員 : 2. 金 剛 「女王辦公室」、「義海豪情」、「超級遊戲獎門人」
(05 羅仲謙 搜下留情、美麗觸印, 除非TVB要力捧佢)
飛躍進步女藝員 : 3. 唐詩詠 「老友狗狗」、「鐵馬尋橋」、「翻叮一族」 
最佳節目主持 : 2. 荃加福祿壽 汪明荃、阮兆祥、李思捷、王祖藍 
最佳劇集 : 20. 公主嫁到  
最佳綜藝資訊節目 : 2. 荃加福祿壽
tvb.com人氣大獎 : 5. 林 峯

最具欣賞價值綜藝節目大獎 : 香港事·情
萬千光輝演藝人大獎 : 陳鴻烈或者李香琴
最佳專業表現大獎 : 汪明荃

Tuesday, November 16, 2010

Lamusique





林子祥全新唱片《Lamusique》, 雖然話喺新專輯,但其實全部喺新編過嘅舊作品,絕大部分都喺佢自己嘅好歌,當中包括〈分分鐘需­要你〉、〈似夢迷離〉、〈追憶+單車+­空櫈〉,另外仲有兩首同老婆重新演繹,一齊合唱嘅〈零時十分­〉、〈愛到分離仍是愛〉。

第一次聼完呢張碟畀我感覺喺好成熟,好男人。如果你有番咁上吓年紀,30嵗或35嵗以上,肯定會中意。阿Lam嘅高音相信喺香港樂壇上可以講話喺屬於獨一無二; 成長碟多以抒情爲主,音樂上感覺好Jazz,好Blues。姜果然老嘅辣,每首歌拿捏得恰到好處,口到拿來。同一首歌裏面可以高八度,然後喺一粒音裏面即刻跌番落去,中意點走都得,但亦估唔到佢可以咁走,變化相當強勁,十分精彩。

能夠買到呢張碟,慶幸自己喺念舊嘅人,因爲只有念舊先可以重溫到呢啲好歌。用心去重新演繹,以新版本去唱其實喺相當困難,但喺­林子祥呢張發燒碟完全做到,­蘊釀出非一般聽覺享受之旅,令人驚喜不已。

假如你已經好耐冇買過CD,或者遺忘咗入唱片鋪買CD嗰種感覺嘅話,不妨試吓由林子祥嘅《Lamusique》從新開始。

Monday, November 15, 2010

有冤報冤




第一日 - 幾只喺度散步
第二日 - 又多幾只喺度散步
第三日 - 再多幾只喺度散步
第四日 - 多咗十幾只不時出嚟散步
第五日 - 數量不斷增加,已經可以講喺暢遊,唔再喺散步咁簡單
周末返嚟 - 簡直到達巔峰,橫行無忌,開派一樣

結果將佢反轉嚟睇嗰究竟,再將螺絲鬆開; 嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩!好核突!!!!!!!

竟然喺入面做竇,數量多到驚人,搞到成身都感覺痕癢。今晚將所有嘢收起,聼日將會舉行一個滅蟻行動,希望能夠將佢哋趕盡殺絕,永不超生。

Friday, November 12, 2010

來年想像

佛羅倫斯
洽談已經來到白熱化的階段,只剩下一些細節。接下來就是一系列痛苦的埋頭苦幹; 心裏面有時會質問,到底這一切為的是甚麽?

2011年, 一念天堂,一念地獄。

Thursday, November 11, 2010

變質

其實鼻敏感已經纏繞我好耐,近呢幾年好似有啲嚴重咗嘅跡象。早上起來或出入冷氣地方時,總會不停打噴嚏、流鼻涕鼻水,短則數分鐘,長則半至一小時不等; 有時晚上仲會有鼻塞,好乾好唔舒服。

有人話喺因爲開冷氣瞓喺罪魁禍首。有人話喺因爲天氣變化,造成呼吸系統難以適應而作出抗議。又有人話喺因爲人年紀越大,身體機能就每況愈下。又有人話喺因爲空氣污染,吸得太多二氧化碳。仲有人話喺因爲城市人生活壓迫,影響呼吸系統等等等等....

點解啲人把口冇句好,點解連一句人講嘅安慰說話都冇嘅?點解啲人嗰嗰都變曬?Why? Why? Why?

Wednesday, November 10, 2010

負債累累


「有少少(「歌癮」),因為我掛念觀眾、掛念一些很久不見的朋友啊!」

最近頻浦頭,仲放曬聲氣咁想出嚟收債; 睇嘅都喺時候儲定錢,明年要開始還債嘞!

圖片來源:明報影片網

Tuesday, November 09, 2010

唞氣


就嚟要窒息,可唔可以停一停唞吓氣啊?再咁落去唔惦喔,完全唔喺路!

Monday, November 08, 2010

志在必得

外來嘅誘惑實在多不勝數,要達成目的唯一嘅辦法就喺將一切計劃、方案、心願、理念統統擱置。因此,來年乜嘢都唔做,淨喺做一樣嘢!所有啲白骨精、蜘蛛精全部行開,為求達到目的,不惜犧牲一切。

Thursday, November 04, 2010

金錢萬能

到咗呢個地步,前面只得兩條路可行:

甚麽感情、良心、雙贏、洽談等等,統統放狗屁!
歸根到底,咪又喺為咗一個字 :

現實嘅社會,有錢使得鬼推磨,唔到你唔屈服。

Wednesday, November 03, 2010

你講嘢啊?!

我純粹聼佢嘅歌,至於佢嘅爲人同性格一概唔會理會。

講啊?

假如有一位唱得唔錯嘅歌手,不過嗰人格非常之有問題,啲緋聞一大堆; 對觀衆或者聼衆嚟講,點都會對呢位所謂歌手扣分,印象分唔多唔少都會減低。如果一位歌手真喺可以齋唱而唔洗理會其他嘢,咁啲形象設計、經理人統統仲要嚟做乜?

一位成功嘅歌手或藝人,以一個乜嘢形象呈現畀觀衆或聼衆睇,可謂重要嘅一環,豈可至諸不理,馬虎了事!

Tuesday, November 02, 2010

龜毛

下個禮拜嘅事,家陣就喺度騰曬雞咁,洗唔洗呀?

要學習去接受一個非常騰雞,而且又極之龜毛嘅人; 對下官嚟講的確喺有一定嘅難度。點解乜都要斤斤計較,成日就囉哩囉嗦,嘮嘮叨叨。 決斷啲,爽快啲,唔好再婆婆媽媽好唔好?!!!

Monday, November 01, 2010

敗於現實

有冇唸過一個人去旅行?

有人會覺得好悶、好傻、好孤單; 不過亦有人會覺得好有趣,好享受、好特別。

曾經有唸過咁做,可惜始終敵唔過現實,至到家吓都未能夠實淺。