屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Thursday, September 30, 2010

新穎紙扎祭品

越出越勁,應有盡有,總之我哋有乜,佢地就整乜,勁啊!啲花款無奇不有,究竟係為先人嘅福祉而做呀,定係安慰在世人嘅心靈呢?

亞洲殯儀博覽展出紙紮海角七號海灘別墅,座擁私人海灘。
價值約四萬元港幣的超級豪華紙紮豪宅家具齊備,先人隨時可享天堂級享受!
簡約的峇里島行館讓先人悠閒度假。
價值約一萬元的十八洞高爾夫球場可讓熱愛高爾夫球的先人在天堂亦盡情運動。
海鮮拼盤
鮑魚+大蝦+東星斑+瀨尿蝦+象拔蚌+龍蝦
高檔皮制銀包(女裝)
迷你火鍋拼盤
麥集漢堡飽快餐
高級飲品
紅茶包+普洱茶包+柯和田+牛奶加鈣+純香營養麥片+
高級奶茶+三合一即沖咖啡+Horlicks 即溶奶粉+
開胃檸檬茶+四隻有耳杯


繼我話,如果喺一心信佛嘅,倒不如為先人做多點功德,誦經多一點最實際不過。南無阿彌陀佛。

部分圖片來自蘋果日報/東方日報

Wednesday, September 29, 2010

身體語言

當對方撬著手對住你嘅時候,就代表佢嗰一刻你同佢之間起咗一道無形嘅圍牆,喺一種自我防衛嘅身體語言表達。

要拆開對方對你嘅防衛,首先就要將大家嘅距離拉近。例如對方托住下巴,你可以喺有意冇意之間轉換姿勢,托住下巴繼續聆聽對方。咁樣會令到對方覺得你對佢説話嘅内容感興趣,然而就會漸漸解開防衛。

另一個方法就喺將自己嘅杯或者電話等物件同對方嘅平排放,令到對方覺得自然舒適,繼而放下防綫。通常一位用右手寫字嘅人,都會好自然感覺坐喺佢左邊嘅人比較親切; 然而用左手寫字嘅人就會相反。

Tuesday, September 28, 2010

坤寧宮團隊建設

上嗰禮拜五同一班娘娘,妃嬪,答應,秀女,宮女,太監,太醫,大臣,公公一齊出宮,搞啲所謂嘅Team Building Challenge。唔洗對住宮中繁重嘅工作,玩咗成日;雖然有啲攰同曬,不過都算喺過咗有意義嘅一日。

坤寧宮全體同仁
當日我哋嘅Team 20
嘩,下官被攝都唔察覺,好認真咁喺度諗緊橋哦!
同心協力一齊完成嘅傑作,幾有滿足感

Monday, September 27, 2010

屋漏兼逢夜雨

繼早前部腦宣佈certified之後,跟住落嚟就輪到屋企部十幾嵗嘅音響同電視嘞。

兩樣嘢相繼作出啲另人出乎意外嘅動作,例如聼聼吓歌會突然停曬,然後自動熄機。再嚟就喺自動轉盤,自己閂聲; 全方位全自動,完全不合乎常規,不受控制。至於部電視都唔差,會自動跳台、突然起大風雪,或者終極熄機。

老實講啲家電都閑閑地跟咗我起碼有十年以上,其實心中有數佢哋將會離我而去。同人一樣,冇嘢喺永遠嘅,冇嘢喺會歷久常新。生離死別難免令人感到悲傷,不過能夠活著就喺恩賜,認真過好每一天。

努力吧電視同音響; 要珍惜每一分每一秒操作嘅時刻,感恩每一刻每一天擁有嘅歡樂時光,讓自己嘅一生過得豐富與精彩,不枉此生。

Thursday, September 23, 2010

逃離鋼筋森林

唔知道由幾時開始,對一啲繁榮發達嘅城市覺得好厭倦。 但凡去到嗰啲滿佈高樓大廈,五光十色嘅所謂都市; 就會有種莫名窒息嘅感覺,好辛苦透唔到氣,頭腦開始一片空白,跟住就會漸漸離魂。

因此旅行嘅時候絕對唔嚮往去到嗰啲地方,同時亦唔會有乜嘢感覺可言。啲所謂購物團、美食團、City Tour絕對唔喺我杯茶。

Wednesday, September 22, 2010

如果今天將失去眼前的一切

曾聽說有許多戀愛,沒有結果卻剩傷心者感慨,令我都刻意避開,是我不敢相信真愛。

Tuesday, September 21, 2010

一人有一個夢想

心裏面有一個夢想,但喺至今仍未實現。
心裏面有一個願望,但喺至今仍然等待。
心裏面有一個渴望,但喺至今仍需自制。
心裏面有一個心事,但喺至今仍需鬱壓。
心裏面有一個疑慮,但喺至今仍然困惑。
心裏面有一個問題,但喺至今仍未解決。

Monday, September 20, 2010

難得清靜

Friday, September 17, 2010

慳錢

其實生活中有好多嘢喺唔洗錢,但偏偏我哋卻已經畀咗錢。換句話講,假如我哋過到自己嗰關,其實好多嘢喺唔洗錢嘅。

擧例:

  1. Open Office - 同微軟一樣功能,分別就喺完全免費
  2. 手提電話 - 還原基本法,市面上其實有好多零機價嘅電話配套
  3. 牙膏、洗頭水 - 用多咗,其實小小就已經足夠
  4. 書本 - 圖書館其實大把書可以借到,點解仲要去買?
  5. 水 - 之前提過,出街時代帶樽水
  6. 信用卡 - 年費其實打過電話就可以括免, 唔批就即刻cut卡
  7. 收費電視台 - 究竟有幾多嗰台喺有真正去睇?
  8. 報紙 - 上網睇電子報咪得囖!
  9. 小動物 - 千耆唔好花錢買,去愛護動物協會領養
  10. 做運動 - 簽會員做Gym,其實一星期會去幾多次?
搵錢唔難,但洗錢太易。所以當你開始發覺唔夠錢用嘅時候,第一步應該諗點樣慳多啲錢,而唔係諗點樣賺多啲錢。

Thursday, September 16, 2010

名牌奴隸







以上只喺冰山一角,仲有好多好多,令人痛不欲生,死不瞑目。 足以令好多現今男女,甘生一世為奴為婢,難以自拔。

Wednesday, September 15, 2010

機關算盡

一旦機關算盡,人算不如天算。太過精明往往波折重重,因而常患咗勇於為己謀,忽視他人權益嘅毛病。凡事無法躬親,如能採取雙贏策略,保持大事精明,小事糊塗,何必恩仇抵死分?

君子一笑泯恩仇,小人一劍泯恩仇。要做個悟性高,開闊胸襟嘅人,古今多少事都付笑談中,必能更有成就也。

已經天機算盡... ... 仲敢算?仲可以算咩?

Tuesday, September 14, 2010

如何應付辦公室裏面難頂的同事

做到好辛苦,感覺就嚟窒息,透唔到氣。於是上網搵到呢篇文章,嚟舒緩自己當前呢一刻嘅綳緊情緒。

但凡同一種東西走在一起,少不免會有不和的現象,動物世界裏會有,就連肉眼看不見的細胞也會有互相排斥的情況,擁有七情六慾的人類更加不用多說。之所以會 排擠對方,原因很簡單:因為與對方合不來,嚴重一點甚至覺得對方「乞人憎」!這種事情在任何一個社群和地方都會出現,辦公室當然不能幸免。一日八小時日見 夜對,如何應付?

畢竟大家都是成年人,出來做事的,總不會像小學生般,我不喜歡你便不和你說話。可能你憎到對方死,但依然要笑著與他一起工作,為了兩餐,做人也 實在有太多的無奈。其實,啞忍有時也不是最佳的辦法,你即管想想,每天也要對著這些你討厭的同事與上司,不管你多喜歡你的工作,但處身的工作環境出現這些 人物,白白為喜愛的工作添上缺憾。那怎樣值得?

難頂同事五大類

一. 「對人講人話,對鬼講鬼話」

第一大難頂的可算是對人講人話,對鬼講鬼話的擦鞋仔。你問他意見,他明明贊同,還大力支持你一定要於會議中提出,當你信心十足在眾人面前娓娓道出 你的大計,這位擦鞋仔原來已經暗地裏看著上司有何反應,上司聽罷持相反的意見,你以為那位「好」同事會站在同一陣線力撐你的方案,殊不知他竟說:「對對 對,我也認為這樣行不通!」嘩,問你死未?這種仁兄仁姐隨處可見,家家公司,都有。

二. 「唔關我事!」

其次,那種「對不起,這不是我的份內事」態度也令人討厭。對,每位員工確是應該有一個特定的職責與崗位,「你有你的工作,我也有我的,我已經夠忙 了,為甚麼還要替你工作,唔係我?,我唔會做!」。有這種心態絕對可以理解,因為怕幫了一次,工作就會自動生根,以後變為自己的工作。不過,今日別人要你 幫忙,說不定他日你也有這個需要,你不對人好,別人又怎會對你好?

三. 慢三拍

人類是群體動物,公司有很多工序也是teamwork,每個人的工作表現也對整件工作構成影響,但偏偏有些人的工作態度散漫,正一人急佢唔急,凡事也要三催四請,最喜歡就是說:「慢慢來吧,又唔急」。在他們心目中,沒有公事是著急的。

四. 公私不分,黑口黑面

公私不分,將情緒帶返工作間也是一大令人覺得難頂的表現。不知怎地,有些人就是喜歡終日口黑面黑,心事重重,一返到辦公室就是如此,好像所有人也 得罪了他似的,人人都要看他面色。有沒有聽過「人生不如意事十常八九」?每人都會有心事和煩惱,回到工作間就應該表現專業的一面,況且又不是身邊的同事令 你生活不如意,實不應該以一副林黛玉面口,鬱鬱寡歡對牢同事。

五. 口沫橫飛

與之相反的是口沫橫飛的同事,坐在隔離就似開了一部收音機,真的是收音機還好,可以轉台。他自顧自說已經夠騷擾,最慘還要誠邀你一起參與,不理睬他又好像不太好,與他一起說三道四卻又嚴重影響你的工作進度,給上司看到就更是無辜。

面對難頂同事四部曲

正如父母兄弟姊妹一樣,你根本沒有機會選擇與那些人做同事,不論你喜不喜歡他們,你每天也要花上一半時間與他們一起工作,不能夠一遇到不順眼或是 乞你憎的同事便立刻執包袱走人,以前經濟好時怕且還可以,今時今日,量你也不敢這般任性。所以,人力資源專家建議還是實際一點,積極面對這些人,無謂讓他 們令你的日子如此難過。

一. 沉著面對

若你身邊出現了一些所謂難頂的同事,第一件要做的,是沉得住氣,切勿因為他們的行為而令你大動肝火。為了他們而發火實在萬分不值,讓上司看到,分分鐘只會認為你在辦公室�發脾氣,究竟為了甚麼原因大發雷霆,怕且他也沒有意欲深究,總之,他看到的是一個未成熟的你。

二. 嘗試改變

但問題是,沉住氣之餘,也不能以一個避之則吉「我睇唔到,我聽唔到」的態度處理。可能不獨你一人在辦公室裏覺得那人討厭,也說不定討人厭的不止一 個呢?所以,若你以逃避來面對,那根本稱不上是面對問題,況且這些難頂同事的工作態度直接影響工作表現,也影響你和整個部門的工作成效,更甚的是影響公司 聲譽。所以不要小覷一兩個人的影響力。

可能你會覺得花力氣來改變他們,好像不太化算,但想深一層,當工作間裏不再有一些令你討厭的同事,大家能夠開開心心的工作,不但做得開心,工作效率也會隨之提高。工作已經為大家帶來太多的壓力了,倒不如花些時間令他們變成一些你可以與他共處的人,令日子好過一點。

三. 主動了解

每天最少10小時對牢這些你不喜歡的人,作為他們的同事??算是為他們好,為了自己也好,不妨與他們好好攀談一番,找出問題所在,為甚麼他們會有 這個態度,是因為被私事煩擾著、不滿意工作、缺乏晉升機會、對上司的領導方法有微言,還是另有原因? 人際關係專家Dale Carnegie在《How to Enjoy Life and Your Job》一書內便說:「與其責難他人,為何不努力去了解對方呢?」

記著,每個人在作出任何一個行為,相信都總有原因可以解釋。有時他們硬說沒原因,只是因為他們對於自己的行為感到慚愧或難以啟齒而已。任何關係都 需要溝通,透過溝通,知道他們的問題,你才可以伸出援手幫助他們,或是說從幫助他們來幫你自己。況且,你問一百個醉漢,一百個都會說自己沒有飲醉,而事實 證明,自己是看不到自己的問題的。所以,你作為他們的共事人,不妨關心他們,可用無傷大雅的一句「你看似有些煩惱,能否說來聽聽」作開場白。研究顯示,同 事的心結其實在很多情況下都是可以解開的。不過為了顧及他們的感受,還是請你在只有你倆的情況下才開口。

四. 作出協助

正所謂「治標唔治本」,了解過問題後,也要對他們的工作態度來一個徹底的改變,否則,問題只會再來。所以,你應該讓這些同事知道,他們的工作表現 影響了整個工作間的氣氛。而你作為他們的同事或上司,實應該協助他們建立正面的工作態度。若你身為他們的上司,不妨試試適量地加重他們的工作,當他們有更 多的工作,責任感自然提高,也會更投入工作。

要緊記,求智慧而唔喺求氣。

Monday, September 13, 2010

密友

三日假期就咁完結,換來一晚嘅失眠夜,疲憊嘅身軀成晚輾轉反側,但係嗰腦袋依然活動自如。清晰嘅思維不斷湧出好多靈感,唯有爬起身繼續埋頭苦幹。

結果今朝起身,老朋友熊熊果然一早就嚟拜訪,相信呢位久違咗嘅親密戰友將會有一排會留宿家中,直至天荒地老... ...

Thursday, September 09, 2010

靚絕

威尼斯影展高衩秀美腿
呢一襲超級高衩的藍色禮服,展現不凡品味
劉嘉玲喺威尼斯影展放光芒
狄仁傑之通天帝國片中飾演武則天嘅劉嘉玲以超高衩禮服驚豔全場

Wednesday, September 08, 2010

測試你嘅潛意識

測試方法好簡單: 準備一張白紙,一支筆,同時腦海裏面諗住一樣物件又或者一項事物 (例如: 鐘,車,彩虹,游泳,食飯等乜都可以)。

然後喺8分鐘裏面,腦海裏面想出同之前諗嗰樣物件有關連嘅嘢 (譬如:鐘 - 會諗到時間、手錶、守時、遲到、備忘錄、等等好多關連性嘅事物), 然後第一時間寫低喺張白紙度。8分鐘裏面不停咁寫,慢慢你就會寫出一啲與諗嗰樣物件冇關嘅嘢或者事物出嚟,嗰啲其實就喺潛藏喺我哋腦袋裏面,潛意識諗緊嘅嘢嘞。

佛洛依德曾把心靈比喻作為一座水裡冰山,浮出水面嘅一小部份喺代表我哋嘅意識,而喺水下面嘅大部份則代表我哋嘅潛意識。佢認為我哋嘅行為舉止只有少部份嘅意識控制著,而大部份都是由潛意識所操控,而且是自動嘅不停運作,所以我哋喺平常嘅狀態下,很難察覺到潛意識嘅存在。

潛意識諗緊嘅好可能喺一啲無法解釋嘅焦慮、違反理性嘅慾望、超越常情嘅恐懼、無法控制嘅強迫性衝動,明顯地睇到意識嘅力量如此微弱,潛意識嘅力量像颱風一般橫掃一切。潛意識有更大嘅神奇力量,可以經由學習,來讓意識運用。一個人嘅進化程度,與佢運用潛意識力量嘅能力成正比。

Tuesday, September 07, 2010

胡亂開屏

佢喺一位點樣嘅人下官唔想去管,亦冇興趣去理。只要佢懂得係宫中,各人可以平分春色, 但喺唔可以獨佔鳌头, 可以各展所长, 但喺唔可以脫穎而出呢一個道理就得嘞。

有啲事,知道咗就喺知道咗,唔可以當成唔知道,但喺知道咗又可以點樣?倒不如未曾知道。。。

Monday, September 06, 2010

相處之道

可能喺唔想去遷就別人,可以話喺太過自我中心,亦可能喺因爲自私。

冇辦法啦,因爲我最愛自己。

Friday, September 03, 2010

娛人愚己

隨住昔日Geocities嘅沒落,闊別咗一段時間嘅網頁製作又再活躍起來。最近馬不停蹄嘅喺度趕工之餘,再加上光碟製作已經過曬限期,勢必要加把勁,埋頭苦幹追工。

睇嚟呢個即將來臨嘅開齋節假期,都將會喺難逃一劫,繼續開工。。。

Thursday, September 02, 2010

清水

唔記得又幾時開始,已經習慣咗出街時會隨身帶一樽水。目的喺想無時無刻有水飲,唔洗去買啲五顔六色嘅飲料,又或者飲啲貴到離曬譜嘅蒸餾水,礦泉水之類。

身邊有好多朋友都唔習慣飲清水,佢哋會買啲有味道嘅飲料或者汽水之類嚟補充水份。然而又有啲朋友為咗唔想扲荷包買水,選擇唔飲水。

因此,一日八杯水呢個健康理念,對好多人嚟講表面上好似好容易,其實又有幾多個人能夠真正做到呢?

Wednesday, September 01, 2010

國民服務度假村俱樂部

[相片 1 / 24]上一張  下一張
國民服務度假村俱樂部, 新加坡


短暫放自己幾日假,目的喺想乜都唔做唔諗,畀嗰腦袋靜一靜。 百無聊賴之際,選擇到處行吓睇吓,讓身心放空。

官方網站:國民服務度假村俱樂部
地點: 10, Changi Coast Walk, Singapore 499739