屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Thursday, December 31, 2009

2010年虎年風水佈局



方海閱2010虎年風水佈局

中央 - 八白,當令財星

今年當令的八白財星飛到屋的中央位置,在八運(2004-2023年)中,八白財星成為九星中力量最強的催財大吉星,對於各方面的財運大有幫助。

催旺方法

* 無論是住家或辦公室,在屋的中央位置放紅色及白瓷飾物,皆有催旺財運。
* 如擺放水種鮮花:桃花、牡丹、紅掌、百合;顏色:紅、粉紅、紫紅、橙、橙黃色皆可,皆有助增多大客緣運及催旺所有財運的作用。
* 貼或掛好意頭的紅揮春在此方位。
* 放一隻玉貔貅,催旺正、偏財運。
* 藏一張「趙公明五路催財符」在此財位,催旺正、偏財運。

西北 - 九紫,喜慶星

今年九紫星飛臨屋的西北方。九紫星代表喜慶吉祥的事情,如嫁娶、添丁、升職或創業等。尤其是求姻緣、結婚,想生育子女者,可催旺這方位,有助增加成功的機會;而且,對促進家人和諧都很有幫助。

催旺方法

* 如果想快有姻緣或要結婚,可在西北方擺放桃花、紅掌花、牡丹花或其它紅、粉紅、紫紅、橙紅、橙黃等顏色的鮮花,但要記住,當花凋謝時要更換。養花的水更不能有臭味,否則會帶來不良效果。
亦可放一些紅色木質的飾物,如成雙成對男女公仔、鴛鴦等,皆有助催動這個吉方的力量。
* 如要結婚快添丁,可在西北方放一盆土種多果實的植物,如石榴、五代同堂或紅玉麒麟等。在此方位藏一張「和合夫妻姻緣符」﹔若想快些生育子女,可放一張「觀音送子符或麒麟送子符」在枕底,或把符隨身佩帶都可以。


正西 - 一白,桃花星

今年的正西方為桃花位,桃花星有利情緣運及人緣運,催旺這個方位,不但可增加拍拖機會,也有利增進與客戶、同事、朋友、伴侶及家人的和諧關係。此外,亦有利出門公幹、旅遊、招貴人及晉升等作用。

催旺方法

* 今年在正西方多些靜坐冥想,對催旺人緣運、桃花運有幫助。
* 擺放一隻金屬造的馬(或白水晶馬亦可),皆有助催桃花運及晉升運。
* 放一顆白水晶球及金屬的飾物,有催旺所有人緣運及情緣運。
* 在此方位放一張「和合情緣符或和合人緣符」,或隨身佩帶都有助增進貴人運、情緣運及人緣運。


東北 - 二黑,病符星

今年二黑病符星飛臨東北方,此星主疾病、抑鬱、傷痛等症狀,對人及家畜都不利。若宅門、房門或睡床設在此方位,今年也容易感染病症或突然健康有變化。

化解方法

* 西曆2010年2月4日立春後,東北方不宜大興土木,並忌大紅大紫、綠色、藍色、黑色物品,也不宜放置新魚缸、新水池、新植物盆栽,否則令病符星凶力更為厲害。
* 要避免長時間坐臥此方位,也盡量不在此方位大動土及裝修工程,如要大動土裝修可先行擇日及用方法化解。注意月份:正月、四月及六月。
* 可放6個銅錢或一隻銅龜,化解病符星。
* 在此方位藏放一張「天醫化病符」,或隨身佩帶都可增進健康運,減少病痛。

正南 - 三碧,是非星

今年三碧是非星飛到正南方,此星主口舌、是非、恩怨、糾纏、鬥爭、官非、訴訟等麻煩事。在此位長時間工作或坐臥會令人的情緒容易波動、易吵鬧、多焦慮。此方位忌綠色盆栽。

化解方法

* 在此方位放紅、粉紅、紫紅、橙紅色的物品,如紅色花、紅色利是封、紅揮春、
紅地毯等。若有人沖犯虎年太歲,又長時間坐臥此方位,就要適當控制情緒。
* 在此方位藏一張「化五方五路小人是非符」,或隨身佩帶都可以減少是非小人。


正北 - 四綠,文昌星

今年文昌星飛臨正北方。「文昌星」是古時掌管功名利祿的吉星,有助腦筋靈活、讀書、考試、升職、加薪及從事文職工作、創意行業的人士。若在此方辦公或做功課,對學業成績及工作事業都有大幫助。但三煞同臨,故此方不宜大動土。

催旺方法

* 正北方放一盆水種植物,如富貴竹(四枝)、黃金葛等大葉植物,皆有利催旺學業事業工作財運。
* 或放一個綠幽靈水晶或一座綠色玉的文昌塔。
* 今年在此方位溫習、辦公,對腦筋靈活有幫助。
* 擺放三隻玉麒麟,化解三煞及催旺事業、學業、財運。
* 在此方位藏一張「事業文昌符」,或隨身佩帶都有助催旺事業及學業運。


西南 - 五黃,災瘟星


今年五黃災瘟星飛臨西南方,此星的凶力比其它凶星更強,故此今年西曆2010年2月4日立春後,不宜大動土,否則會招來凶險;同時,西南方,不宜擺放新魚缸、新風水輪、新擺放植物,大紅大紫色物品,犯之招至災瘟。
若宅之門戶、空調、臥室在西南方,對該宅人不利。

化解方法

* 掛一個發聲小銅鈴,或擺放或懸掛6個銅錢(一串),化去災瘟星的凶力。
* 此方位宜靜不宜動,忌大裝修動土。也不宜長時間坐臥這個方位。
* 注意月份:農曆:四月、七月及九月。


正東 - 六白,武曲星

今年六白武曲星飛臨正東方,此星並主驛動,遠遊,搬遷,移民,甚至職業轉變。武曲星代表勞動較多的工作,以及需要經常外勤及技術性的工作,例如在紀律部隊工作的人,包括軍人、警察、消防員、保安員等,另外運動員、技術員,從事武職的人士。

催旺方法

* 在正東方位置放一隻金屬製造的馬,或放一些金色或金黃色的飾物,如金元寶。
* 在此方位藏一張「八馬追財符」,以催旺運氣。


東南 - 七赤,破軍星

今年七赤破軍星飛臨東南方,此星在七運(1984-2003年) 是一顆令星,主偏財,對娛樂、藝術及偏門行業有利;但進入八運(2004-2023年)後,斗轉星移令星退氣;破軍恢復肅殺之氣,破壞力強,所到之方恐有賊劫。

化解方法

* 宅之門戶若開在此方,提防有盜竊發生。
* 如宅之東南方有水,可化減肅殺之氣。


李丞責 庚寅虎年風水佈局

中宮

流年八白當旺財星飛臨中宮, 如情況許可的話,可在中宮放置可充份發揮流年八白財星優勢的「虎年招財音樂寶箱」。寶箱以金屬製造,外有「蝠鼠運財」圖案。箱底貼有仿古龍銀及銅錢,內盛「黃玉石聚寶盆掛件」、黃晶黑曜石招財錦袋。今年更加入小玉馬(午)、小玉狗 (戌),取與虎年(寅),寅午戌三合火局,火生吉土(八白)之意。若能每天或每星期扭動音樂發條一兩次,播放清脆音樂的話,招財效果更佳。

正東方

流年六白權星流入正東方,遇大利。雖有年剋、己都同度,不足為患。

正東方是2010庚寅虎年吉利方位之一,最宜為大門進出位或窗戶通氣位。只要不見形煞,保持該處清潔明淨,宅運可期平穩。若見不吉形煞尤其是「鐮刀煞」或「天斬煞」,可懸掛或放置一把「桃木劍」。家有男性老人家者,可加放一個「白玉石葫蘆」。

希望流年運勢更佳,若正東方是大門出入處,可考慮在門內或門外放一張藍色的地毯,在門柄或門旁掛上「白玉石虎符令牌」套裝(一對兩片,每片下繫真古乾隆錢),以助競爭。此外,門旁放一隻「黃玉石豬」,頸繫一個藍玉扣或一粒藍玉珠,配合中宮放置「虎年招財音樂寶箱」,亦利競爭中進財。

若正東方為窗戶通氣位,宜放一對「黃玉石牛」(牛頭向外),兩隻牛中間放一白晶球,增加權勢財運。配合中宮的「虎年招財音樂寶箱」,吸聚財氣。

若正東方為書檯或寫字檯,宜在檯上放置「白玉石虎符擺件」,以增添權威及影響力。任職者宜加放「雪花石華表」,在學者則加用「六層白玉石文昌塔」。

要特別注意一點,若宅屋正東面較為凹陷(缺角),流年宜先在該處放一個「六層白玉石文昌塔」,以八粒「黃玉石元寶」環繞,組合成168吉數,以補缺角;然後再考慮前述其他配置。

此外,「觀音開庫」儀式後授予善信的「勝意牌」,回家後不宜胡亂放置,可插放在「勝意寶庫」內,再擺放於正東方或正西方,增加借庫能力。


東南方


流年七赤星飛臨東南方,見金神、天符、力士,容易惹爭拗是非纏身。此方不宜見動象,不宜太陰暗,亦不宜過於光猛,否則此方雖有小利回臨,亦會得不償失。

此處若正好是大門或窗戶通氣位,再見形煞,加上配置不當的話,容易引來是非小人,繼而帶來財務煩惱困擾。擺放風水物品亦以靜態物件為主。

若為大門出入處,宜在大門手柄或門旁掛「白玉石虎符令牌」套裝(一對兩片,每片下繫真古乾隆錢)。喜歡放地毯的,可用黃色地毯。

若為窗戶通氣位,應在窗花繫「白玉石虎符令牌」套裝。見形煞等,情況較為嚴重,容易敗財或官非纏身。可考慮加放「泰山石敢當」 (圖案向外)化解,再於「泰山石敢當」背後加放古錢屏風。

若該處擺放了書檯、組合櫃或電視櫃等,可放一個「雪花石華表」。可以的話,再以八粒「黃玉石元寶」圍繞。

正南方

流年三碧是非星飛臨正南方,見向煞、年剋,增加了三碧的不吉。

三碧一般被視為不吉之星數,主容易招惹是非口舌。尤其見不吉之形煞,易招惹是非官非、武鬥損傷等。

此方不宜為大門窗戶之處,卻又要光線充足,否則易招陰小。若此方一向較為陰暗的話,可於此方懸掛或擺放一把「桃木劍」,以鎮宅辟邪。太暗,則可加放一盞燈。仍有不順,可加放「泰山石敢當」,再於其後加放古錢屏風。

若此處為書檯或寫字檯,可在檯面放置「白玉石虎符擺件」或「雪花石華表」,加強權威、穩定力及思考能力,減輕文書失誤的情況。

若宅內有沖犯刑害太歲者,宜佩帶「紅琉璃化太歲牌」。

西南方

流年五黃凶星流入西南方,見歲破、博士,宜於此方放置「安忍水」化解五黃凶性。

「安忍水」的製作方法亦略有差異。「安忍水」依古代的化煞方法改良而成。製法:以密實玻璃瓶(用不透明的瓷瓶亦可)盛三份二瓶粗鹽,鹽面中央放一小龍銀,周圍放六個真古乾隆錢,再加清水至滿,關閉瓶口後放於該方即可。(龍銀是有龍形圖案的錢幣,民國時流通。但因市價昂貴,用仿製的亦可,主要是取其龍形圖案帶來的意象。)

若非大門、窗戶、露台等地方,除了擺放「安忍水」外,可考慮加放銅畫一幅,減少五黃的破壞力。

若是大門或窗戶通氣位,更見不吉之形煞,又或面向樓梯、斜坡,除了用「安忍水」外,應加放一個「泰山石敢當」(後放古錢屏風)。

宅內若有犯太歲人士,切記要隨身佩帶「紅琉璃化太歲牌」以助運。

若此處為廚房,可在煮食爐下或灶底貯物櫃放一個四吋銅錢,旁以八粒「白玉石扣」環繞。環境可以的話,可加放「安忍水」。

正西方

流年一白官貴星飛臨正西方,喜見大利。雖有灸退也無大礙。

正西方屬今年吉利方位之一。恰當的配置,可助旺宅內各人的官運、財運、社交、姻緣。

「觀音開庫」儀式後授予善信的「勝意牌」,回家後不宜胡亂放置,可插放在「勝意寶庫」內,再擺放於正東方或正西方,增加借庫能力。

若適逢此方為大門出入處,則可大門處掛「白玉石虎符令牌」套裝(一對兩片,每片下繫真古乾隆錢),以保出入平安,增強人際關係。若於門旁地下加於一隻飛翼銅馬,更利於競爭中進財,最適合經常投資投機或以此為業者。

若此處為窗戶通氣位,不見形煞,求財運的可用「虎年招財音樂寶箱」;求事業的可用「雪花石華表」及「六層白玉石文昌塔」。

若非大門進出處,可於此方擺放四棵大葉水養植物如萬年青等,在花瓶旁掛置「魁星文昌筆斗」或放置「雪花石華表」,以加強屋內人的競爭能力,容易被人提拔。要在競爭中進財,喜愛投資投機或以此為業者,則可擺放「虎年招財音樂寶箱」,增加橫財的機會。

此方亦是流年丁星飛臨的位置。如想在流年內添丁,可於此方放置可愛嬰兒造型的擺設。

西北方

流年九紫喜慶星飛入西北方,見小利。惜見陰府、劫煞、蠶室。有老人家的宜多留意。求橫財的也要留神,容易財來財去。

如是窗戶通氣位,要把錢財鎖住,可用「黃玉石牛」一對(牛頭向外),兩牛中間放一白晶球。若窗外景物或視野一般,可在兩牛背後放一小「屏風」阻擋。

如是大門出入的地方,可在門柄或門旁掛一串八粒「白玉石扣」;門腳空位放一白玉石豬或黃玉石葫蘆。

若是書檯或寫字檯處,宜在檯上放一「白玉石虎符擺件」及一「雪花石華表」;若是電視櫃或雜物櫃處,可考慮用「黃玉石牛」一對,兩牛中間放一白晶球。

如察覺自己或家人容易財來財去,又或希望加快蓄聚財富,可於屋或房的中央加放「虎年招財音樂寶箱」。

正北方

流年四綠文昌星臨正北方,惜有三煞同臨,影響了此方位的可用性。

若正北方為大門、大窗主要氣流進出位,先考慮用三隻「青銅麒麟」,每隻頸上掛一藍玉扣或藍玉珠,化解三煞的凶性,又不破壞四綠文昌的好處。

因三煞位處之方位宜靜不宜動,若書檯或寫字檯剛好於此方,可在檯面上放一座「六層白玉石文昌塔」或「雪花石華表」,再在旁放一「白玉石麒麟官印」。如非書檯,可掛一「魁星文昌筆斗」,以催旺宅內人的文昌運。

如欲催旺桃花運,或令伴侶感情和諧甜蜜,可於此方放置「和合二仙」,以瓷製者為合,主要是取其意象,並非偶像崇拜。

若家中人流年恐出現桃花劫或職業容易招惹桃花者,則應在此方放置「樟木公雞」。

東北方

流年二黑病星飛臨東北方,兼遇歲煞、太歲等,雖亦有大利、奏書同臨,對一般人士仍屬不吉,尤其是本身多病痛者。故多老人病的年老女性(宅母),又或有小孩幼兒的,若家居大門開此方的話,宜多留意這些家人身體狀況的變化。

若此處為出入大門或窗戶,宜使用「安忍水」。家有老人家或小孩,又或宅內人常抱微恙,宜加放一「黃玉石豬」或「白玉石豬」。

若實際情況真的無法放「安忍水」的話,則可改在此方掛一串八粒「白玉石扣」及一串六個二吋「銅錢」。

剛好為神櫃位置的話,可在主神旁放一「珊瑚珠白玉石葫蘆」,下墊金色銅錢。

若宅內有沖犯刑害太歲者,宜隨身佩帶「紅琉璃化太歲牌」,以化解歲煞之凶。

從事醫療護理行業者,可在桌面上放一「雪花石華表」,增強執業或工作時的判斷能力;因大利同臨,對此行業者有利,亦可加放「虎年招財音樂寶箱」,但勿扭動發條。

資料來源:Y28 星相機玄

Wednesday, December 30, 2009

霹靂射擊俱樂部

裝修後嘅PSA煥然一新-入口
小型Casino,大門設計有雲頂影子
小小噴泉
老地方
每次回家都要到此一游

Tuesday, December 29, 2009

我的回憶是我的

短短幾日假期,回家鄉充電消費; 帶返嚟一個大水桶,同埋一個清醒嘅腦袋。

燒魚頭 - 好味到飛起
呢嗰應該叫乜春?
我最愛嘅冷面
串燒雞肉

一餐非常豐富嘅晚餐,再配與一杯紅酒,飽肚一番簡直系人生一大享受。當晚喺餐廳度碰到楊媽媽,打過招呼感覺親切,抵佢嘅女咁紅!

Thursday, December 24, 2009

預知直覺

一直以嚟都忠於自己嘅直覺,因爲通常都幾準。唔知喺咪由細到大家環境嘅關係,成日要面對好多形形色色,各種類型嘅陌生人,所以造就咗今時今日能夠觀人於微。又或者喺天生有預知能力,好多嘢係未發生前都約略會估到結果會喺點。

其實我唔係幾中意呢種能力,因爲會少咗好多驚喜。再加上現實好多時都會將結果演變得相當殘酷,久而久之亦會變得己人憂天,少咗嗰份求知欲,亦會少咗一份純真。

Wednesday, December 23, 2009

面對面

唔明點解已經到咗年尾,但喺手頭上啲功夫好似做極都唔完,不斷咁有新嘢嚟。一方面要通知各單位更新地址,另一方面又要為聖誕新年籌謀,再過一個月竟然要過年。時間實在過得太快,快到根本冇多餘空間去思考。

要嚟嘅始終都會嚟,終歸都要去面對。就算明知喺一堆刺到痛心入骨嘅碎片,都得要踩上去正可以通過前路。我佛慈悲,畀我靜落嚟,透淡氣好呱?!

Tuesday, December 22, 2009

TVB 2010年月曆

靚模潮攻陷 無綫有心無曆

無綫一向重視每年由力捧藝員拍攝之官方月曆,據悉這個傳統今年為了慳錢被迫取消,令無綫中人大感驚訝。雖說金融海嘯最艱難時候已捱過,無綫收入逐漸轉好,卻冷不防年中被o靚模潮攻陷,打亂部署。

近數年之官方月曆,無綫都隆而重之,如豪請泰國攝影班底負責、安排藝員到泰國及台灣取景,更由大師級關錦鵬操刀等,製作費每次都要花上百萬,無綫高層有感不划算,加上旗下藝員被o靚模以平價搶去不少飯碗,更令無綫不得不收緊開支。

對於取消製作官方月曆,無綫製作資源總監樂易玲身在台灣公幹,她透過長途電話回應:「我哋拍緊電影《七十二家租客》,十二月將會有好多電影宣傳,諗過不如集中火力喺宣傳電影,揮春、月曆同利是封都會以電影為主,加上啲藝員太忙,好難度期,所以決定今年唔搞,唔係為咗慳錢。」

等到呢一刻,竟然收到嘅答案竟然喺取消!今年破例嘅事情都真喺幾多喔,一單比一單更加之驚喜

Monday, December 21, 2009

同步過冬

每年過冬都會搓湯圓嚟吃,就算離鄉背井呢十幾年嚟都從來未間斷過。我中意食自己親手搓嘅湯圓,雖然只喺簡簡單單嘅糯米粉、幾片姜、斑斕葉同冰糖,而且裏面冇餡料,但喺始終對佢情有獨鍾。

曾經有一兩年為咗貪方便去超市買啲現成嘅嚟食,花生、豆沙、芝麻等任君選擇。不過始終唔及自己親手搓嘅咁好味,多咗一種粉的香味,食起來很新鮮爽口,冇雪蔵味。

簡單易做,成本低、唔肥膩、好味道;一道團團圓圓過冬必食甜品。

材料已經買齊,今晚放工返去又要開工搓湯圓嘞,又一年過去。人生有幾多十年!?

Friday, December 18, 2009

朱古力

一向對朱古力、咖啡、可可之類嘅相關食品同飲料都敬而遠之,全因我有一個屬於冬天國家嘅軀體; 但喺卻偏偏生活喺一個熱到爆炸嘅鋼筋森林,感覺相當無奈及矛盾。

因此,一旦吃咗一啲比較偏熱又或者辛辣嘅食物,身體一定快速會對佢哋起好大變法。輕則將會生豆豆、生飛滋,重則即會發高燒,甚至更加嚴重出血。所以一向都偏向吃得清淡,蔬菜水果同素食就最安全不過嘞。

唔喺我唔中意吃又或者掃興唔吃,而喺我自己知自己事。如其為咗解一時嘅貪吃,卻換嚟長時間嘅身體抗議,咁又何必逞強去折磨自己呢?

結論就喺:請唔好再系每年年尾節日時期,又者或者旅行返嚟手信送朱古力、餅乾之類畀我好嗎?!我都唔吃得!!!

Thursday, December 17, 2009

不要驚動愛情



主唱:高皓正
作曲:歐陽業俊
填詞:高皓正
編曲:歐陽業俊
監製:歐陽業俊

很想輕撫你 所以避開你
寧願用距離 去令你好奇
迴避過眼神 先偷偷喘氣
吩咐手臂 放在原地
傳聞浪漫太快 愛戀都走得快
才會  遲遲未步向你 說一世愛護你

*情太過洶湧像深海 而我卻會忍耐
但求來日你醒過來
這份情像翅膀打開
還沒有相擁別意外 神教會我等待
待情流像細水 才去承諾你
拿一生兌換愛

很心急擁抱 所以在禱告
求甜蜜以前 帶著你慢步
遊歷過旅途 等一天終老
生老病死 一起細數
原來慢慢靠近 更珍惜這一吻
而我 停留是為了你 要給予你護蔭

*REPEAT

能為愛戀學習按耐 情信寄進心內
但求能學會倚靠神
愛被馴服過更精采
連地老天荒亦不更改 時間永遠等待
等你情願那天 才去承諾你
無止境那份愛
我用沈默叫醒愛情 你用期待做你反應
繼續行近直至開始愛

Wednesday, December 16, 2009

ドラ焼き



睇到佢第一時間諗到邊嗰?呼之欲出,當然喺叮噹嘅最愛Dorayaki。雖然明知喺虛構,但係偏偏願意坐著時光機,通過任意門,一直沉醉喺叮噹與大雄嘅漫畫世界裏面。

一邊品嚐銅鑼燒,一邊睇叮噹,童心未泯,即刻年輕20年!!!

Tuesday, December 15, 2009


2009年繼《可啦思刻》一張值得出錢買嘅專輯之後,12月又多一張充滿誠意嘅福音大牒可以購買嘞!鄭秀文全新大碟《信 FAITH》,以11首福音歌系流行同創意元素中注入信、望、愛嘅訊息。曾經多年前陷於人生低潮嘅佢,系新碟中以歌詞帶出她想表達及分享嘅信息,希望身邊嘅人系迷乏中覓得人生新目標。

神果然畀咗好大力量Sammi,另到佢可以重獲自信,迎接未來。「信者得愛」、「罪與罰」、「不要驚動愛情」、「上帝早已預備」、「結果」,一首接一首令人動容嘅作品,包保你聼出耳油。 一張十分正面,與別不同嘅福音牒,靚!

【專輯曲目】:

01. 信者得愛 (Feat. MC仁)
02. 罪與罰 (Feat. 24Herbs)
03. 上帝早已預備
04. 不要驚動愛情
05. 結果
06. 你愛我
07. 有一種快樂
08. Forgiveness (英) (Feat. 24Herbs)
09. 阿門 (國)
10. 你愛我 (國)

Friday, December 11, 2009

安全感


錢能載舟,亦能復舟。錢可以解決到嘅問題,就唔喺問題。有錢就有安全感,冇錢就完全失去曬一切,同行屍走肉冇乜分別。錢可以買到好多嘢,友情、兄弟情、姐妹情、親情、愛情、感情、健康、時間、開心、娛樂等等等等,統統都可以買得到,唯一嘅條件就喺視互你夠唔夠錢多!

你我每日花上10幾個鐘喺公司,犧牲睡眠、捨棄娛樂、放棄健康,都喺為咗同一個目的,就喺錢。同一個世界、同一個夢想,就讓大家一齊為錢而奮鬥、為錢而活,為錢而生存,為錢死、為錢亡,做一個不折不扣嘅錢傀儡、錢奴隸。

啊!!!!!

Thursday, December 10, 2009

不如從新開始


天下無不散之筵席,縱使有幾咁唔拾得,始終都喺敵唔過現實,終究都要分開。

呢一刻,一切準備就緒,就只有等待時間來臨,去迎接新嘅開始。

明天太陽依舊升起。

Wednesday, December 09, 2009

道道道



正所謂一命、二運、三風水、四積陰德、五讀書,土生金,金生水,水生木,木生火,火回生土,五行調候,抑強扶弱,吉者加吉,凶者減凶,方能創出美麗人生,這亦是「道」!

所以唔好一有啲乜嘢唔順或者阻濟就賴風水!

Tuesday, December 08, 2009

父母天地

雖然有好多嘢唔喺我哋父母親可以親身教到我哋; 但喺我哋同父母嘅相處,其實我哋已經學習到好多嘢。

好多事情都冇辦法去用言語去解釋嘅,希望大家喺仲有機會或者喺仲有時間之下,就對自己屋企人好啲。

Monday, December 07, 2009

萬千星煇頒獎典禮2009 - 賽果公佈



2009頒獎典禮上週五終于完滿結束,四奶奶幫大獲全勝,衆望所歸,真喺可喜可賀。

萬千光輝演藝大獎︰李添勝 (添哥攞得起有餘)

最佳劇集﹕巾幗梟雄 (估唔到無記落咁重本宣傳宮心計,最後都敵唔過四奶奶幫,好嘢!)

最佳男主角﹕黎耀祥《柴九-巾幗梟雄》 (中硬)

最佳女主角﹕鄧萃雯《四奶奶-巾幗梟雄》 (中硬) (四奶奶實至名歸!)

我最喜愛的電視男角色: 黎耀祥《柴九-巾幗梟雄》 (中硬)

我最喜愛的電視女角色: 楊怡《姚金鈴-宮心計》 (點借唔畀三好?始終覺得金鈴奸得太過表面,内心戲未夠火候)

最佳男配角: 謝天華《學警狙擊》 (中硬)
最佳女配角: 謝雪心《殷鳳儀-巾幗梟雄》 (大奶奶、郭太皇太后果然名不虛傳)
飛躍進步男藝員: 敖嘉年《必文-巾幗梟雄》 (中硬)
飛躍進步女藝員: 陳茵媺《陳寳拉-畢打自己人》 (中)
TVB.com人氣大獎: 黎耀祥 (估唔到連呢個獎都畀埋佢,果然夠曬人氣)

最佳節目主持: 曾志偉、錢嘉樂、阮兆祥、王祖藍 《鐵甲無敵獎門人》 (攞太多年嘞,有啲麻木)

最佳綜藝資訊節目: 星星同學會 (三姑冇簽約都有得攞,算喺咁)
最具欣賞價值大獎: 霎時感動 (中)

富貴門真係一個獎都冇喔,絕!

Friday, December 04, 2009

不想管終點何日到



孤身走我路,獨個摸索我路途
那怕每天都跌倒,我信我會走得更好
心中痛苦,無從盡訴卻自流露,風中的纖瘦影悠然自顧
問誰伴我走我路,寂寞時伴我影歌中舞~~~

Thursday, December 03, 2009

飲杯



喺度預祝四奶奶同柴九,明晚頒獎典禮奪得視帝、視后寶座。實至名歸!

Wednesday, December 02, 2009

心存三毒

再次重申係宮中永遠唔會有三好,只會有三毒; 只要夠狠夠毒,就能夠適者生存。反正最後嘅命運都係永埋枯井入面,因此有風一定要使盡利,絕不留情,勢不留手。

三毒必記 : 諗毒計、施毒咒、做毒事

Tuesday, December 01, 2009

沉默

當一個人要變起來,可以變得好陌生、好徹底,甚至乎會覺得有些少恐怖。

當其中一方嘅步伐已經唔一致嘅時候,就等於緣盡。 即使雙方互相對望,換來嘅亦只會係無言以對。嗰重沉重嘅氣氛令人屛息,場面相當尷尬,感到難過。

Thursday, November 26, 2009

向現實低頭

凡事要成功必須具備天時、地理、人和三大因素,單單靠自身嘅堅持同努力并不足夠,很多時候還要睇環境,睇形勢。倘若timimg唔啱,個人再如何堅持、幾有原則、幾有底綫; 始終都喺徒勞,敵唔過現實。因爲天上面轉咗風向,地上面嘅草木就要跟住折腰,呢個就喺生存之道。

要學會順勢而行才能事半功倍。要記住暫時嘅妥協唔等於放棄,任何時候都要裝備好自身嘅條件,蓄勢待發以便趁勢而起、一擊即中。

Wednesday, November 25, 2009

大閆生走咗

好突然,好震撼囖。每日陪伴著我嘅金波集團主席「大閆生」,昨晚因爲心絞痛而陷於昏迷,送院搶救後,於晚上7時11分與世長辭。一大朝早收到呢個噩訊,打咗嗰突,一時間未能消化。不過,換個角度睇或者係孫大人嘅福氣; 以呢種快速方式離開,總好過捱病捱痛。

人生有幾多個十年?係有生之年,做一啲自己一直好想做而唔敢做嘅事,咁樣正算系不枉此生。

親愛嘅大閆生,多謝您帶畀我哋嘅歡樂,我們永遠懷念您。

Tuesday, November 24, 2009

藝術家脾氣

佢哋對大自然嘅美特別敏銳、對藝術有一番真知灼見、對真理有獨特嘅看法,如果呢啲與世俗嘅規範起咗衝突,佢哋仲會堅持己見,咁就造成佢哋嘅特立獨行。佢哋鐘意做啲人地唔會做嘅嘢,同埋個個都係咁做嘅嘢佢哋會唔鐘意做。係我哋一般人眼中嘅與眾不同,或者係話古怪甚至係瘋子(當他還未成名的時候!)

通常話人藝術家脾氣,都係覺得嗰個人諗嘢同埋行為都以自我為中心囉,即係好似呢個世界無咗佢好似有損失咁。仲會有少少自戀,做事多數以考慮自己嘅處境為先,有少少自私兼自大咁,不過多數係一時時的,好多時只係mood到先會咁,唔係成日都係咁嘅。

Monday, November 23, 2009

生存之道

要緊記:以娘娘嘅喜愛為喜愛,以娘娘嘅厭惡為厭惡。錯嘅只會係奴才,因爲娘娘永遠是對的。

娘娘明察,娘娘英明,娘娘萬歲。

Friday, November 20, 2009

櫻花樹下




原來唔洗出門,唔洗搭飛機,都可以睇到櫻花盛開嗰喎!

其實幸福已經一直係我哋身邊,點解仲要不停咁問、不停咁去搵呢?

Thursday, November 19, 2009

HP

啱啱吃完晏,出門一刻至發覺落狗屎,唯一可以做嘅就只有一個字 - 等。系等待期間,突然睇到一樓嘅客戶服務中心有一排遮,於是硬著頭皮上去問o下; 結果得到出乎意料嘅答案。啲遮竟然係免費!絕對冇聼錯,系完全免費,任拿唔嬲。

認真要謝天謝地,天助我也。係呢個落著狗屎嘅天氣下,竟然仲會有免費嘅遮贈送,真係講都冇人信。呢啲真係名副其實嘅鬼佬大機構、大公司。

平時假如有產品要送去維修,系等待中已經有三文治、蛋糕、餅乾、冷熱飲料、無限上綱等免費招待。估唔到係落雨天仲會派送免費遮畀唔係顧客嘅街外人,真係難以置信。不旺我一直都咁支持呢個牌子嘅電腦同打印機,值得畀貴公司5粒星星。

Wednesday, November 18, 2009

秋去秋來



能夠代表秋天,除咗嗰首之外; 第一個湧入我腦海就只有客途秋恨主題曲-秋天復秋天。陳揚作曲,潘源良嘅詞再加上趙曾熹充滿秋意嘅編曲,完全散發出秋天嘅蒼涼同孤獨。

擾擾攘攘中祇想安安靜靜
偷偷的許我抹乾眼睛
我卻恨原來人生錯步永沒停
緣似是霧  悔原是命

轟轟烈烈的今已凋凋零零
捉到的不過某些泡影
我錯在從前途中裡面那一點
在那一方  於那一天

啊...秋天復秋天
相思難相見
難道這一切全是註定
啊...起點是終點
相戀還相怨
誰令這一切變遷

去去來來中祗覺飄飄零零
秋風一生作我的背景
到最後才明人生客路永沒平
情既是恨  恨也是情

情正是恨  恨正是情
情永是恨  恨永是情

Tuesday, November 17, 2009

他朝君體也相同

事常變、多珍重、水流連、風不吹

意外係網上搜尋到呢張極之珍貴合照,可惜相中人都已離世,令人唏噓。睇完今年翡翠歌聲,覺得真正嘅超級巨星真係賣少見少。

曾經為香港樂壇發光發熱嘅係四位已故歌星。每當夜闌人靜望上天上面啲星星,都會好自然諗起梅姐同哥哥當日係演唱會上講嘅嗰番説話。同時真係好希望新一代嘅所謂歌手多多向一眾前輩學習! 咪淨係溝女索k蒲D。

Monday, November 16, 2009

安全感

呢個世界有無限嘅空間,既然我哋知道,人同靈體都會四處走嘅話; 邊度有更適合自己嘅空間,就會係邊度寄居。

不同嘅空間,因為機緣巧合而生關係。 用潘生嗰句經典: 眾生在互望,但願不相干。

Friday, November 13, 2009

三毒必行



感覺上系明日之後延續篇,電影前半段確系有啲沉悶,而且故事交待得有啲模糊。仲有就系男主角同家人,炸極都唔死,好似有啲牽強囖。

整部電影長達兩個半小時,親情、友情、愛情、宗教、人性、國籍、身份、地位、環保樣樣齊。尤以特技效果令畫面為之震撼,超強視覺衝擊力; 包保睇到熱血沸騰、驚慄心跳。

人係緊要關頭勢必使出三毒自保:諗毒計、施毒咒、做毒事。因此一定要做人哋拜嗰個,而唔系跪嗰個!

總括嚟講系一部值得犧牲睡眠,非入戲院睇不可嘅高預算災難特技片。期待正版DVD推出,以作收藏。


官方網站

相關文章:
創意之選末日

Thursday, November 12, 2009

創意之選



非常有創意嘅宣傳海報,令人睇咗印象深刻,觸目驚心。一部期待已久,近年難得嘅大製作。期待進入戲院,嚟一場驚心動魄,心跳加速,血脈沸騰,天崩地裂,驚恐莫名嘅大災難。

Wednesday, November 11, 2009

唯一朋友

朋友唔系完全屬於一個人嘅,朋友應該系用嚟分享嘅; 朋友唔系一段關係嚟嘅,朋友系應該開心嘅; 朋友唔應該為咗一件事情而哭泣嘅。一個朋友系唔足夠嘅,應該出去認識多啲新嘅朋友,搵一個好體貼嘅男/女朋友去談一場戀愛。

非常贊同雨陽同Elaine所講,朋友系應該一齊分享彼此生活點滴,唔係去入侵任何一方嘅生活,亦都唔系講緊對方嘅生活係屬於另一方嘅。假如想要一個近乎全天候式去關懷,噓寒問暖又或者去分享情緒,生活,無時無刻能與你同行嘅,咁真係需要一個好貼身嘅男/女朋友正可以做得到囖,而朋友系唔可能會做得到嘅。

Tuesday, November 10, 2009

搶劫

一向唔講究吃,亦唔喜歡吃; 反而對吃嘅環境就會有所要求。假如周圍嘅環境相當污染,而且冇冷氣嘅話,即使再好吃啲所謂美食我都可以無動於衷,完全引誘唔到我。

冷氣系我基本要求,亦都系我嘅底綫。有冷氣乜都可以傾,冇嘅話就完全冇得傾!我可以唔要吃,唔要錢,甚至唔要命,勢必要有冷氣。

強奪冷氣,猶如殺人父母,天地不容!(好似誇張咗啲喔...哈哈)

Monday, November 09, 2009

沒有冷氣的日子

猶如水淹屠城,世界末日,萬劫不復也。

Friday, November 06, 2009

萬千星煇頒獎典禮2009 - 賽前預測



最佳劇集﹕宮心計
最佳男主角﹕黎耀祥《柴九-巾幗梟雄》

最佳女主角﹕鄧萃雯《四奶奶-巾幗梟雄》
(身為四奶奶幫嘅人一定要撐四奶奶撐到底!)

我最喜愛的電視男角色: 黎耀祥《柴九-巾幗梟雄》
(羅嘉良《卓一鳴-富貴門》,如果撈家簽約嘅話)

我最喜愛的電視女角色: 佘詩曼《劉三好-宮心計》
(畀楊怡《姚金鈴-宮心計》好似快咗啲)

最佳男配角: 謝天華《學警狙擊》
最佳女配角: 鍾嘉欣《宋子凌-珠光寶氣》
飛躍進步男藝員: 敖嘉年《必文-巾幗梟雄》
飛躍進步女藝員: 陳茵媺《陳寳拉-畢打自己人》
TVB.com人氣大獎: 鄭嘉穎

最佳節目主持: 美女廚房 - 鄭中基、梁漢文、方力申
(其實君如同嘉樂《星星同學會》正係實至名歸)

最佳綜藝資訊節目: 超級巨聲
最具欣賞價值大獎: 霎時感動

難道富貴門一個獎都冇??!!

Thursday, November 05, 2009

無可奈何花落去,似曾相識燕歸來

唯求達到目的機關算盡,一切美麗謊言,你虞我诈,甚至不擇手段,統統都要出齊。當今殘酷社會環境陰險逼人,唯一嘅出路似乎就系要駛出三毒:諗毒計、施毒咒、做毒事

有得揀咩?

Wednesday, November 04, 2009

可遇不可求

系你嘅,始終都會屬於你; 唔系你嘅,無論你幾執著、幾咁堅持都唔會屬於你。命裡有時終須有 命裡無時莫強求。學習去將事情以另一個角度觀看同思考,反而會有而意想不到嘅結果。

既來之,則安之。 菩提本無樹,明鏡亦非台;本來無一物,何處惹塵埃?

Tuesday, November 03, 2009

悅讀

好耐都冇試過咁享受去閲讀一本書。係一個完全冇人、冇電話、冇電腦、冇電視打擾嘅情況下,一邊聼住輕柔嘅大自然音樂,一頁一頁咁翻; 同樣嘅動作竟然可以持續2-3粒鐘。

系因爲被書中内容深深吸引著,抑或系被周圍嘅環境所影響而變得咁陶醉,咁享受呢?就連自己都搞唔清楚個中原因。點都好,咁靚嘅feel一定要好好把握,盡情咁去享受。

Monday, November 02, 2009

你當我死嘅!

有啲人假如你一直保持沉默、忍氣吞聲,佢就會得寸進尺、變本加厲; 總系以爲自己做得妥當、做得好啱;永遠都唔識得去自我反省。

須知道有句說話係,見好就收。一旦演變到過份囂張,令人忍無可忍嘅時候; 就會畀人閙到狗血淋頭,連阿媽都會唔認得!睇你肯停,肯收手未!?

Friday, October 30, 2009

因爲寂寞

獨自一個人生活,總好過兩個人的寂寞。

因此,一加一唔一定等于二。

Thursday, October 29, 2009

天意

兩年前應該發生嘅,今日始終要發生; 兩年前要面對嘅問題,今日始終要面對。
要嚟嘅始終會嚟,依家可以做嘅就係面對現實。

Wednesday, October 28, 2009

決絕

十幾廿年,一瞬間要抛開曬一切,嚟嗰180度完全轉變; 自問唔可以一時三刻完全接受,始終都需要一段時間去適應。轉變代表十幾年以嚟嘅堅持系錯誤?得唔到認同卻實系會失望,不過最後依然系嗰一句 - 慶幸仲有嗰一股自信。



作詞:潘源良 作曲:馮鏡輝
何必多說 來為我拚命解釋愛為何終結
來為你增加心中決絕 其實這現已不必 不必 *
何必假設 情是永遠像花朵是有朝枯竭
誰若勉強繼續只得苦澀 情在變時候到了必須解決 #
愛似個死結 我每日為誰活又終被誰擺脫 
請不必多說你既決定離別 聲聲解釋猶如刀切
請不必多說 你已獨自將舊情處決

Repeat * # 冷冷地處決

Tuesday, October 27, 2009

痛心疾首

為咗貪一時方便,一個小小按鈕,累積2年嘅一切隨即化爲烏有。無論幾努力去挽救,徹夜不眠想盡一切辦法,到頭來結果依然冇變。今次真係要,一鋪清袋!!!

呢次上咗一堂用錢都買唔返嚟嘅寶貴一課。以後無論做人做事真係要額外小心謹慎; 凡事必要留有後著,以防當翻轉豬肚之時仲有嗰Plan B頂上。安全措施一定要做到足,插對咗嗰窿就唔好再亂咁周圍插,出事之後就後悔都莫及啊!三思三思...

痛斥心扉!

Monday, October 26, 2009

學嘢啦,老虎!

今日收到航空公司嘅電郵,原先以爲系啲乜嘢優惠或者甚麽抽獎。點不知點擊之後頁面自動刷新,竟然真系嚟送禮喔!原因係嗰日延遲個幾鐘起飛而做出嘅補償。

當日其實真係唔係幾覺班機延誤起飛,因爲我齣賞賞都未曾睇完就要上機;上到機之後啲空中侍應仲不停咁致歉。老實講都已經將件事忘記咗。可能係有好多'新'人王投訴關係啦,因此今日會收到呢份大禮。

點都好,無牙老虎,唔該你睇o下人哋啦,呢啲就係最貼心、最直接嘅服務質素啦,學到未吖?!

Sunday, October 25, 2009

茫然靜待假期結束

一連七日嘅大馬之旅就咁結束嘞!
上機前,又見夕陽無限好

鐘擺在這心裡晃動 每點每滴倒數 隨時預備旅程結束
早知沒醒不了的夢 美好歲月故終 原來就像假期結束
茫然靜待假期結束
彷彿趕上學鐘聲宣告一切又回復 光陰消耗盡好景將會轉眼內停頓
現在盡量放任吧 現在盡量快樂吧 現在盡量紀念吧 始終都須要回家
燦爛假期結束 沒法讓節目延續 若假期永末結束
也不會感到難得 心息吧
總算 呼吸過一口空氣 哪可以一世一世嬉戲嬉戲嬉戲
收起了超重的行李 棲身於歸家的客機
倒數中一分一秒不忘記  這世界將會將會多美多美多美
比不上這個星期 無人能避免別離
當作是某段意外假期  當作是艱苦中的休憩 我愛上過你

Saturday, October 24, 2009

首都逍遙行

系吉隆坡三日,其實冇乜點去地方玩,全程只有行街shopping,吃飯聊天,游泳曬太陽,按摩減壓。最難得嘅就係崔日清晨係酒店套房裏面睇到晨光第一綫,好靚好難忘。

當晚嘅晚餐,大家都以清談為主。
蜜汁雞肉干撈麵
海底椰冰砂
蠔屎排骨白粥
駒子藥材燉黑雞湯
鮮蝦雲吞湯麵
酒店入口噴泉
酒店大堂
翠日,酒店房内睇日出 - 日出時讓戀愛終結
位于Lot 10裏面,好有格調嘅一間cafe。
Pavilion - 冇冷氣, 得嗰大字
外觀都幾有氣勢, 不過裏面就...
經過自己店前,當然要留影啦!
Madam Kwan 晚餐
香菇滑雞飯
Nasi Lemak - 好惹味
KLCC 購物天堂
Suria KLCC
頂端
Satu Warisan, Satu Matlamat, 1Malaysia.
燈火璀璨嘅KLCC
酒店泳池
按摩浴池
免費嘅水力按摩
無人嘅泳池, 好舒服。
與二姐合影
Fitness Centre
KL Tower
大馬雙峰塔 - 聞名天下
天堂鳥
累了, 入恭和堂飲杯五茶解暑先。
Times Square Shooping Centre
Berjaya Times Square Hotel & Convention Center