屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Wednesday, October 31, 2012

葉蒨文完全是你演唱會2012 - 馬來西亞站

一場比起香港仲更加熱情,high到爆嘅演唱會。
昔日嘅感動,終于喺呢晚返曬嚟啦!
當晚座無虛席; 觀衆親手做嘅銀紙花,果然夠豪!
當然我都有所斬獲; 現場睇到呢嗰色仲以為係女裝,
返到嚟打開正察覺係男裝大碼,開心死人!

Tuesday, October 30, 2012

天梯婆婆走咗!

信息時報訊 (記者 何珊)香港樂團C Allstar兩年前創作的歌曲《天梯》,唱出了重慶“愛情天梯”的真實故事,也讓金牌監製李添勝有感拍攝同名電視劇《天梯》,把重慶兩位老人家劉國江跟 徐朝清的故事搬上熒屏。C Allstar四位團員在6月親赴重慶,探望故事的女主人公徐婆婆並拍攝紀錄片,婆婆卻於本周二晚上離世。昨日C Allstar四位成員接受信息時報專訪,憶述跟徐婆婆的見面經過,以及《天梯》的創作過程,他們說爬上了6000級的天梯,才領悟到什麼是“竭力為愛盡 瘁”的真愛。

起源:將真愛故事傳遞下去

兩年前歌曲《天梯》的誕生,也讓人們記住了“C AllStar”這個熱愛無伴奏合唱的四人男子組合,陳健安、吳崇銘、何建曦以及梁釗峰,當時大學剛畢業,有音樂夢的他們參加歌唱比賽屢敗屢戰。四人在一 次偶然的機會,在網上看到了關於“愛情天梯”的報導,與比賽中認識的製作人賴映彤、網上結識的作詞人鐘晴商量要創作一首歌曲。沒想到《天梯》一炮而紅,橫 掃當年香港幾大頒獎典禮。TVB金牌監製李添勝聽到《天梯》后深受感動,找來陳豪跟張可頤[微博]飾演這對感人夫婦,拍攝電視劇《天梯》,可惜因為版權問 題,最終未能將C AllStar的《天梯》作為主題曲,不過卻讓這首歌再度成為網友討論的熱點。“我們創作時僅是因為被劉伯伯跟徐婆婆的故事所打動,現代人的愛情太過兒 戲。”

遺憾:未能讓婆婆看到紀錄片

C Allstar在2009年創作的《天梯》,把劉國江跟徐朝清的故事唱遍香港大街小巷。50多年前,不到20歲的劉國江和比他大10歲的寡婦徐朝清相愛, 為躲避世俗搬到海拔1500米的深山老林居住,過上自給自足遠離現代文明的生活。為讓愛人安全出行,劉國江用了近半個世紀的時間在懸崖峭壁上鑿出6000 級“愛情天梯”。因為這首《天梯》而走紅的C Allstar四位團員如今得知徐婆婆過世,表示一時間難以接受,主唱梁釗峰說:“跟徐婆婆的見面好像發生在昨天一樣,我還記得當日婆婆給我們煮飯,看着 她彎腰摘菜洗菜的樣子,我們一時間覺得好心痛,她都87歲了還保有一份少女情懷,固執地要煮飯給我們吃,也要求我們一定要喝她自己釀製的蜂蜜水。”

離開時,婆婆跟四位團員合照,還說照片曬好之后希望能寄給她。梁釗峰說沒想到當他准備好要寄出照片時,婆婆已經不在了。“我遺憾沒有讓她看到照 片,也等不到看到我們為她拍的紀錄片。她最后還問我們,是不是再回去探望她,我們還說一定會。”負責紀錄片的監製羅昊表示,紀錄片本周內將會完成最終版 本。

文章轉自:C Allstar:她87歲了還有少女情懷(圖)_娛樂頻道_新浪網-北美

Monday, October 29, 2012

完全雲頂

上山還債囖!
夜晚冇嘢做,出去戶外吹吹風
印象中呢個水池以前冇嘅,好似喺改名叫RW之後建嘅。
大家難得有緣相聚,梗系要影相吹吓水啦!
呢個就係嗰猛鬼村入口嗱!

Thursday, October 25, 2012

猛鬼村

從面書睇到呢張相,睇嚟喺山上唔使再煩惱有咩做。
單單入呢個村落一遊,包保你有得震冇得瞓!


Wednesday, October 24, 2012

修橋補路無屍骸

近排對嗰3G行動網絡好鬼火滾。無論你身處公司、屋企、商場、戶外、地鐵、地下層等等都係網絡中斷。

有時仲過分到明明嗰網絡接收圖標係滿曬,但係偏偏連發個短訊都唔成功。至於講電話仲離譜到聼唔到,又或者中途斷線。

大佬,我個個月畀你咁貴,依家就連2G嘅網絡都提供唔到,想點先?!

Tuesday, October 23, 2012

點算?

一直以嚟都有個疑問同煩惱,就係點樣處理啲海報。全部都簽曬名,又唔揼得; 但係又冇咁大嘅空間將佢哋全部裱起。難道就咁卷起擺埋一邊就算?好似有啲浪費喔!

唸唸唸唸~~~~

Monday, October 22, 2012

開工囖!

冬眠咗成半年有多,終于係時候起身開工咗。保持一貫作風,自生自滅。做得岩未必有獎,做錯就一定有罰。係呢個宮中一步之差,只有落得慘淡收場。

正所謂風高浪急,試問可以駕禦幾多次?第一次你會拒绝,第二次,第三次之後呢?一而再再而三,只會不能自拔。。。

Friday, October 19, 2012

幾多對持續愛到幾多歲?

最近日以繼夜咁煲添哥嘅劇集,係工作日裏面都可以睇到五集一日,果然佩服自己。可想而知返工來回嘅車程係幾咁耗時同無聊; 多得智能手機為我增添娛樂解困。

原本以爲首主題曲非C AllStar嗰首同名歌曲莫屬,點知卻換上胡鴻鈞嘅一心一生。唔係胡鴻鈞唱得唔好,不過如果用番C AllStar嗰首會更加親切,大家亦會睇得更加肉緊。

Thursday, October 18, 2012

天佑我也

自從上次係香港發生咗嗰次“意外”之後,發覺跟住落嚟都係諸事不順,好多嘢都好似事與願違,而且頻頻不如意。

唔係話破財擋災咩?點解啲災難好似不斷咁發生嘅?一波未平一波又起,雖然稱唔得上乜嘢大件事,不過梗系有好多阻礙,好鬼死邪。

都係凡事小心為上,阿彌陀佛。

Wednesday, October 17, 2012

的士恐懼症


從此以後坐的士千萬要打醒十二分精神。 無論發生任何突發事件,都要冷靜兼且落車嘅時候,記得要拿番張收條以備不時之需。

Tuesday, October 16, 2012

貧與富

窮唔一定會邋遢,富又唔一定會乾淨。

窮唔一定會愚蠢,富又唔一定會聰明。

Monday, October 15, 2012

冬天里的一把火

因爲拜六飲少咗水,搞到依家喉嚨紅腫,仲好似有少少發燒嘅跡象。我呢個冬天體質,絕對就唔適合亞洲嘅天氣,不過偏偏就喺度生活咗差唔多就嚟40年,今時今日仲喺度不斷咁抗爭同排斥。

莫講話食煎炸爆炒完全冇得唸,稍爲一日飲少啲水啫,就即刻見效。假如有12月22日嘅話,我有一個願望 : 希望亞洲變咗有四季,最好就係冬長夏短!

Friday, October 12, 2012

旅遊之談

以前曾經提及過,我一向都唔中意不停重復咁去同一個地方旅行。有朋友話同唔同嘅旅伴去同一個地方,會有唔同嘅體會,唔一樣嘅感覺。但係我就覺得,不停咁去同一個地方,驚喜已經大不如前; 假如中間發生啲不如快事件(如果換上唔一樣嘅旅伴),反而將之前美好嘅回憶都毀滅。

除此之外,旅行最最最唔想發生嘅就喺發病。一旦發燒發冷,翻曬白眼咁,乜嘢mood都冇曬。所以趁仲有魄力行得走得,就要快啲去曬自己想去嘅地方; 一旦老咗你想去想行,都會變得力不從心。

點都好,能夠有能力去旅行,始終都係一件賞心悅目,開行幸福嘅事嚟嘅。

Thursday, October 11, 2012

臨別秋波

離別之際,梗系要到旺角掃貨啦。
呢度除咗人多廢氣多,平嘢就最多。
呢個場景相信不久就會係沖上雲霄2裏面睇到,
唔洗我再介紹啦!

浪遊香港,後會有期!

Wednesday, October 10, 2012

情憾中環

去咗香港咁多次,終于有機會真真正正咁行吓中環,
遊覽一吓半山扶手電梯,石板街,都爹利街煤氣燈等名勝。
鏞記燒鵝必定選擇,另外碟鼔油皇炒麵賣相平平無奇,
擺入口卻令人即時瞪大雙眼。
正所謂一分錢一分貨,包保你唔會後悔。

Tuesday, October 09, 2012

坪洲


夏日炎炎去離島吸收一吓新鮮空氣,未嘗唔一個好選擇。從中環坐慢新渡輪直達坪洲,沿途除了可以欣賞維港兩岸城市嘅景觀外,亦可以將繁囂鬧市下嘅精神壓力,完全放底下,感受一下悠閑生活嘅樂趣。

坪洲多年來沒有特別嘅地方被列為旅遊景點,但島內居民卻努力將古蹟及行山景點做咗清晰嘅指示牌,讓遊人可輕易搵到景點。加上小島面積約只有一平方公里,只消半天便可行勻全島。

步出碼頭,參觀天后廟同龍母廟,當然仲有那道清禁封令嘅石碑。島上居民多以單車代步,碼頭附近停泊了不少單車,遊客亦可租單車沿着海堤單車徑漫遊。挨近黃昏更可在海堤欣賞日落。

島內民風淳樸,除了一間較大型嘅超市,其餘商店主要係售賣簡單日用品、畫廊、精品店等。坪洲嘅食店都係小店經營,碼頭附近嘅青草地,招牌生薑黑豆漿冰凍解渴,薑味夠辛辣,值得一試。

Monday, October 08, 2012

盆菜宴

千里迢迢嚟到大美督,目的就係為咗呢餐忠誠海鮮盆菜宴
味道如何? 好明顯從以上張相,已經交待得一清二楚。

Friday, October 05, 2012

燕窩雜果西米撈

甜品能夠使人忘記煩惱,甜品能夠令人感覺開懷。
甜品能夠使人排毒下火,甜品能夠令人感官活躍。
甜品能夠使人容光煥發,甜品能夠令人感受幸福。

Thursday, October 04, 2012

誰也在這一生某段落做過少數

凡事有利必有弊,有好就必有壞。試問現今社會仲會有一件事情能夠由頭好到落尾,中間完全冇到阻滯,好完美咁結束咩?咁嘅唸法絕對唔喺叫做負面,喺面對現實,做好心理準備面對事情嘅利與弊。

我唔想好似你咁唸得過分正面,事情一旦中途有任何唔順利就大發雷霆,喊打喊殺; 咁又何必呢?我唔出聲並唔代表我變得冷漠,漠不關心; 而係我一早已經有心理準備事情會有可能咁發生,所以好多時候絕對唔會同你一樣會有咩大反應。有時反而會覺得你反應過大,做多咗囖。

呢個就係環境將人嘅性格、思想、唸法改變嘅原因之一; 冇話對與錯,只係觀點與角度。

Wednesday, October 03, 2012

關於我

從微博上睇到呢個送給水瓶座的1008封信,裏面描述嘅内容相當準確。

水瓶座就係咁,中意獨斷獨行,但係水瓶座絕對唔會孤獨。假如你有時感覺到唔知我究竟想點?

對唔住,可惜我是水瓶座。

Tuesday, October 02, 2012

葉債延續

繼續償還永無止境嘅葉債,四晚裏面換嚟好多個第一次。
第一次感受到佢嘅誠意,唔係純粹表演
第一次喊, 不過唔係我而係佢
第一次全場觀衆企曬起身
第一次收到佢送嘅福氣
第一次嗌到失聲

Monday, October 01, 2012

飲飲食食

今年中秋佳節喺費爾蒙酒店除咗要寫報告之外,其餘時間就喺食同瞓咁渡過咗2日1夜。

行政套房 - 承為新幣410+++一晚啫嘛
午餐 - 日本餐 
(甜品綠茶雪糕同金箔紅豆糕簡直就係超靚!)
晚餐 - 四川閣
(中餐最令人感滿足)
早餐 - Prago 意大利西餐廳
宵夜 - 難忘嘅百酒配Tiramisu
明月高挂