屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Thursday, June 30, 2011

捨棄

既然如此,正係時候要好好唸吓,慎重考慮。反正都喺遲早問題,方且呢個念頭都已經有一段時間,真係好攰好厭倦; 依家可以理直氣壯咁走嘞。

放手放開所有,彼此更自由,放手...

Wednesday, June 29, 2011

姜太公釣魚

搞嚟搞去,度嚟度去,機關算盡,最後都係要出多啲錢。奸商即係奸商,不停用其他輔助商品嚟引誘,氹人落搭。

兩年之後又兩年,最後都係失敗收場,畀人按住嚟搶!

Tuesday, June 28, 2011

選擇困難症候群

有冇發覺身邊有呢種人存在係一件非常頭痛嘅事。問佢嘅時候一係冇答案,一係就答你事旦; 偏偏當做咗之後就會大發雷霆,呢樣唔滿意,嗰樣唔合心意,挑三揀四,投訴到你感到厭煩。

冇嘢係十全十美嘅,針亦唔會兩頭利,做人要學識懂得取捨,明唔明啊?!

Monday, June 27, 2011

虛榮心

以下文章係網上抄過嚟,寫得幾貼切,值得我哋去反思。

虛榮心是邁向成功最大的阻礙。一個人如果心中充滿虛榮,是必會引起眾多的困擾,會失去很多的朋友,相對也會失去成功的機會。

虛榮心是一種不良的狀態,是一種社會價值觀被扭曲所留下的後遺症,一個人長期在這個社會中生存,或多或少都會被影響因而產生的虛榮心,而這部份是屬於「大環境造型」。而屬於個人造成的原因又為何?一般來說,會造成虛榮心莫過於兩種心態:一是自尊心過強,強烈的想要擁有榮耀,特別在乎別人的的評價;二是長期在社會中過度失敗,而在心中深處滋生的自卑感。

自卑感,是由於長期對於自己缺乏信心,感到沒有特殊的專長以贏得榮耀,但是又強烈渴望擁有別人給予的肯定及讚賞。這種人往往沒有真正的能力,又希望自尊心得到滿足,於是自欺欺人不務實,以滿足虛假的榮耀。這情況近乍看下似乎有些聰明,但從長遠來看卻是不智,缺乏遠見。虛榮的男人是權力的俘虜,太強的虛榮心使人變得虛偽。虛榮的女人是金錢的俘虜,使女人變的墮落。

虛榮者,容易受騙,容易不理智。不理智者,容易輕浮;容易受害;容易沈淪。始終活在自己的情景裡,看似是綺麗的夢境,看似擁有許多,卻是夢幻,當夢一醒,你會發現什麼都沒有,就是一場夢。

要克服這種虛榮心,首先必須很清楚知道自己所需要的是什麼?並了解透徹為麼要這樣做?找到正確的人生觀後,一步一步去克服,才識正確的經營之道,也唯有如 此,才能走出虛榮心的俘虜。因此,我們不應該奢望不經過努力就可以得到的財富和榮耀。一切虛偽的榮耀都假相,而這也是不符合人類基本生存的要素,只有藉著自己的努力勞動和創造,才能為社會做出貢獻,屆時所得到的榮耀才是最真實的。

Friday, June 24, 2011

公平待遇

唔好咁天真咁傻嘞,今時今日乜仲會有嘅咩?喺呢個殘酷嘅宮中打滾咗咁耐,乜仲未學識乜嘢叫做手段?手段耍得越高明就越獲得俸祿同賞識,至於啲默默埋頭苦幹嘅,咪做死一世繼續係度埋頭苦幹囖。

乜嘢一分耕耘,一份收穫統統畀啲牛鬼蛇神遮住曬,仲點會有所謂應得嘅回報啊!畀佢哋不擇手段得到又如何?雖知道萬般帶不走,唯有業隨身;到最後只會得到後悔兩個字。

Thursday, June 23, 2011

翠湖高爾夫渡假村


再次嚟到呢個渡假村,平靜嘅湖水畀人一種寧靜嘅感覺

一切好似鏡一樣咁靜止,悠然自得

呢個湖就喺渡假村嘅賣點

泳池

按摩池

平靜就喺咁簡單,但卻遙不可及

嚟個湖畔按摩spa又如何?

與家人留影

發覺好多生活喺大馬嘅人,都對呢環境冇乜感覺,甚至會覺得蒼涼。可能佢哋好容易就可以接觸到大自然嘅關係吧。不過好老實講呢種遠離城市煩囂嘅地方,對我依家居住呢個鋼筋森林而言,簡直就等於喺寳。

相關連文:翠湖寒

Wednesday, June 22, 2011

面試四大要訣

教授教路,面試前最好自行準備以下四大心目中嘅回應:

1. I was...

2. I am...

3. I can...

4. I will...

假如答得自然又流暢嘅話,無論答案如何都喺冇死。

Tuesday, June 21, 2011

久違嘅歌聲

張醫生一開口就令我雞皮疙瘩,好熟悉又好遙遠嘅歌聲,完全被感動~~~腦海裏面浮現出好多好多往日嘅畫面,當醫生開口講話嗰一刻,淚水不其然喺眼眶裏面打滾。



仿佛好似一位久別重逢嘅老朋友,突然企係你眼前,仿似時光倒流回到以前一樣。佢嘅歌聲喚醒咗我記憶,一段曾經好開心嘅回憶重現。

多謝你,張醫生。

Monday, June 20, 2011

食指大動

周末放咗自己兩日冇網假期,上到頂樓食咗一餐非常奢侈嘅午餐,資本主義指標達至沸點。


生蠔、扇貝、鵝肝、魚子醬同香檳,到依家唸起都會吞口水

甜品有Tiramisu雪糕、 芝士布丁、朱古力蛋糕、
仲有酒保自製醒神雞尾酒

Friday, June 17, 2011

記得煙花盛放時

煙花雖然綻放得好短暫,但卻非常燦爛絢麗; 就如人生一樣,要活得精彩,哪怕只有一次也經已足够。



Thursday, June 16, 2011

最佳位置

係每個人心裏面,無論喺家庭、朋友、工作、社交圈子中都會有個定位。之但係呢個定位究竟係自己而定,抑或係人哋畀自己?

當一個人覺得自己嘅定位開始被質疑,内心一定會有所動搖。不過假如自己喺有實力,而且對自己嘅能力有信心。所有閒言碎語都唔重要,最緊要無時無刻准備好自己,企喺最佳位置,隨時候命。

Wednesday, June 15, 2011

點紅點綠點唱機

屋企有好多黑膠唱片,不過一直以來都喺收埋係柜入面,有啲甚至未曾開封過。呢個巴士轉針第一眼睇落去都幾吸引,不過再詳細考慮清楚裏面的確存在有好多疑問同顧慮; 拿嚟玩吓當玩具娛樂就另當別論。

Tuesday, June 14, 2011

崑崙浪



咁悠閒又寧靜嘅環境有如置身於世外桃源



有山有水,綠茵如草就喺咁解



乘坐快艇唔洗5分鐘就可以到達對岸



四周都環繞著青草樹木,畀人好舒服自在



島上仲有兔子、鹿兒、鴕鳥、火雞等小動物供遊人觀賞



島上其中之一個瞭望台,
係最高處可以俯瞰整個崑崙浪



景色相當怡人


附近仲有個小型遊樂場,供小孩攀爬玩樂



與媽媽係湖畔留影


前面盡頭就係接駁碼頭

Monday, June 13, 2011

亂嚟

當你睇到嗰標價,就會了解到我哋係度生活得幾咁辛苦。簡直系殺人放火,收買人命,天理何在?

芒果一片(都仲有蠢人會買?) 龍珠果、西瓜 (亂咁開價) 木瓜 (癡綫!)

Monday, June 06, 2011

過節



今日喺紀念屈爺投江嘅日子,當然唔少得食個裹蒸粽應吓節。

祝大家端午節珍惜眼前人。

Friday, June 03, 2011

超越生活中的瑣事

深吸一口氣,多做幾次深呼吸,提醒自己:儘管生活充滿了各種各樣需要解決的小問題,但我不會為它們而煩心。

Thursday, June 02, 2011

每次只做一件事

與其抱怨要做的事情太多,還不如按步就班,踏踏實實地去完成每一件事情。做完一件再做一件,直到做完所有的事情。

再難的工作,如果拆分成許多小部分來做,也不算太難了。

Wednesday, June 01, 2011

等的太久

終于可以放假休息,要好好咁瞓一覺; 調整一吓思緒,平復一吓情緒。

後會有期!