屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Friday, July 31, 2009

一入宮門深似海

傲雪無痕,敵我難分。高大的紅牆始終看不到盡頭,站立在紅牆底下,感覺萬籟俱寂。一墻之隔將與外界隔絕,隔斷了塵世喧囂。然而,身處宮中裏頭又壓抑著多少的欲望、誘惑、悲痛、絕望?

宮裏的人向往宮外自由和正常的生活,宮外的人向往宮裏的榮華富貴,宮裏宮外,互相矛盾,產生了多少的無奈,多少的愛恨。宮裏歌舞升平,又有多少人在訴說著不幸和悲哀。擧頭望明月,一種壓迫感油然而生。

一入宮門深似海,重重禁鎖多少紅顏粉黛。不知多少人為了榮華富貴,在高牆深宮中,勾心鬥角、權力傾軋。

Thursday, July 30, 2009

完全是你

受娘娘所托,又增加多兩份差務要做。忙到連病都冇時間,名副其實係得閑死,唔得閑病!

話雖如此,不過做得安心、做得舒服、做得開心。原因係冇咗只姑姑系度阻頭阻勢,一切變得很美,只因冇你。

Wednesday, July 29, 2009

人格分裂

解離性人格疾患,又名多重人格、人格分裂,較早的精神疾病診斷與統計手冊版本命名為(multiple personality disorder ,MPD),後來改名為(Dissociative identity disorder ,DID),是心理疾病的一種,精神疾病診斷與統計手冊(DSM)中歸類於第一軸的解離症的一種。多重人格具有超過一個(若是2個則稱為雙重人格)的人格存在,就有如「在一個身體裡住着好幾個靈魂」。

臨床症狀

多重人格患者的每一個人格都是穩定、發展完整、擁有各別思考模式和記憶的。分裂出的人格包羅萬像,可以有不同的性別、年齡、種族,甚至物種。他們輪流出現控制患者的行為,此時原本的人格對於這段時間是沒有意識也沒有記憶的。分裂出的人格之間知道彼此的存在,也有一些情況,人格之間並沒有察覺彼此的存在,這會導致嚴重的「遺失時間」現象。通常在此分裂現象開始時,原本的人格(即未產生多重人格前的人格,或稱主人格)並不知道「他們」的存在,所以即使患者發現自己的記憶有截斷的現象,也無法知道自己已有多重人格,也有一些嚴重的病例,主人格甚至「沉睡」十多年。但分裂出的人格中往往會有一個是知道所有事的,如果這個人格願意合作,治療人員就能從中得知許多有益的資料。

治療


多重人格的根治需要好幾年的時間。治療人員主要是在多重人格中找出一位熟悉所有人格的內在人格,讓其成為核心人格,且讓各種內在人格互相對談而認識其他人格,然後找出性格上相似的人格率先整合,從而逐步削減內在人格後整合為一。

資料源自:維基百科

Tuesday, July 28, 2009

打小人口訣

得閑不妨背熟以下口訣,再加上深厚嘅詛咒功力,以備不時之需。有求必應,萬試萬靈。



打你個小人頭,等你有氣冇訂透,日日去撼頭。
打你個小人面,等你全家中非典,成世都犯賤。
打你個小人眼,等你成世都撞版,日日被人斬。
打你個小人耳,等你日日痾爛屎,敏屎用手指。
打你個小人嘴,等你老母變老舉,日日被人隊。
打你個小人頸,等你周身都性病,花柳兼淋病。
打你個小人胸,等你非典兼中風,後門被人通。
打你個小人手,等你有錢唔識收,有樓變喳兜。
打你個小人腳,等你日日敷中藥,有鞋冇腳著。
打你個小人肚,等你好心冇好報,日日被人告。
打你個小陽具,等你成世都不舉,有女冇得隊。
打你個小人肚,等你好心冇好報,日日被人告。

Monday, July 27, 2009

小心行事

日盼夜望,但係卻系決定之後,偏偏又遇上咁多阻滯。莫非個天真係唔畀我?又或者我唔夠低調,畀件事曝光咗,洩漏風聲嘅緣故?好!由呢一刻開始決定封嘴,即使好辛苦,忍唔住都要忍落去,就連寫上嚟發洩都唔可以。

好多嘢都係人言可畏,不但只會累事,亦會越描越黑。同你分享,替人高興嘅人近乎零; 妒嫉人,攪破壞嘅就大有人在。呢個現實殘酷嘅世界上,小人實在太多啦,不得不妨。

Friday, July 24, 2009

豁出去

把自己的思緒放開﹐表示為了達到目的而不惜一切。簡單來講就是CHEAP。

因此﹐凡事都要留有底線﹐千萬別老想著不顧一切﹐豁出去。

因為豁出去=CHEAP﹗

Thursday, July 23, 2009

活得比你好

人生有幾多個十年?最緊要痛快!想就要付諸實施,反復考慮只會誤咗大事。做人要積極啲,諗嘢要正面啲。凡事都會有轉機,人生正會活得精彩。

要活得比你更好,首先就要釋放自己。

Tuesday, July 21, 2009

不能思考,不能專心,不能繼續,不能自拔...

真的需要一個休息空間,好讓自己能夠回復元氣。

Friday, July 17, 2009

員工心聲

從同事轉寄的電郵中取得以下結論:

主席 - 主要工作是休息
總裁 - 總是到處去裁員
老板 - 老是板起臉孔
經理 - 經常無所事事到處修理人
員工 - 原来只有我在做工!

Thursday, July 16, 2009

一分錢一分貨

連日嚟捱更抵夜,不斷趕工,手上粒蘋果終于開花結果啦!呢粒蘋果睇准市場需求,一擊即中。它實行要做到好似七仔一樣,總有一間係左近(總有一粒係左近)!

經過品種改良後,蘋果果然能夠達到目標。它新鮮脆口,最重要係内裏香甜多汁。放入口裏面嗰種滿足嘅口感,簡直可以比美皇母娘娘三千年開花,三千年結果嘅蟠桃; 大膽講句就係人間極品。

一日一蘋果,醫生遠離我。你吃咗蘋果未啊?

Wednesday, July 15, 2009

時光本是無罪

前幾日系郵箱裏面收到一封由Geocities寄嚟嘅電郵,宣佈將會系10月26日正式暫停提供所有免費製作個人網頁空間。換句話講,昔日所有寫嘅遊記都會無一幸免,統統要斬!

建於2000年5月1日嘅個人網頁,取名為海市蜃樓。第一代嘅海市蜃樓相當雜亂;有電影推薦、生活點滴、當然唔少得有關葉蒨文嘅一切,乜嘢都有齊; 整個網頁冇一個統一嘅概念。同時亦因此激發到圖書館去借一啲有關製作網頁嘅書籍做參考,學識咗HTML CSS JavaScript語法,開始嘗試自己去寫HTML。

直至2002年去完南韓旅遊返嚟,好想把開心嘅遊歷同一啲難忘時刻全部寫低。所以把整個海市蜃樓翻新,主力係選寫遊記,一為保存紀錄,亦為娛人娛己。更為老咗可以回憶,因爲怕自己患上老人癡呆嘛!

2003年葉蒨文全面復出,同時間馬不停蹄製作咗另一個完全屬於你、屬於我,完全係屬於葉蒨文嘅小宇宙。

兩個放咗相當長時間同心機去經營嘅網頁,隨著呢封電郵亦即將宣佈暫停服務。唯一慶幸嘅係,自己一直都有備用資料作後援嘅習慣。倘若日後心血來潮,要將兩個網頁從新上載到另一個司服器,都唔算係一個大問題。

時光本是無罪,冇嘢係可以永遠。因爲變幻原是永恒。

Tuesday, July 14, 2009

預防海景好幫手

住酒店就話要升級到海景房,之不過對好多男/女士嚟講,自己嘅頭部就絕對唔可以升級到全海景又或者嚴重到Club Med程度。因此秀髮護理係必要嘅,系度推薦兩樣歐萊雅嘅暢銷產品。


歐萊雅 LOreal 卡詩特效護理洗髮露 減少脫髮現象 250ml 85oz

特別為減少短暫或長期的頭皮問題而製,可平衡頭皮分泌及令頭髮更健康,減少脫髮的機會。


歐萊雅 LOreal 卡詩特效護理 Intervention Antichute Massage Treatment 6 Weeks Treatment 42x6ml.

連續六個星期特效療程,令你嘅頭部毛孔重生。(又名神仙水!)

註:各大髮廊軍均有出售

Monday, July 13, 2009

Let's Get Wet

周末過“深圳”做按摩,無心插柳下係大堂遇到管家仔嚟商場做宣傳。於是乎即刻用手機拍低。影像有啲模糊,請見諒。

video
到達商場大堂 (妹妹仔叫到...)

video
步入商場途中

Friday, July 10, 2009

難得糊塗

做人有時真係會做出一啲連自己都覺得好傻,但係又非常樂意去做嘅事情。多得嗰一股剛剛學識嘅鈍感力,讓自己繼續堅持落去。

好耐都冇咗呢種堅持嘅信念,務求去得到一樣嘢或者去做一件事。呢一晚,讓我睇到昔日嘅你完全返嚟!呢種感覺就係實實在在嘅鈍感力!!!!!

Thursday, July 09, 2009

終身學習

對一個實際現實、直腸直肚、觀察力強、敏感度高嘅人嚟講,要學習擁有適當嘅鈍感力的確有啲吃力。

就如作者渡邊淳一所講,要有健康嘅身同心,最重要就係讓自己全身嘅血液能夠順利地流暢。凡事唔好思前想後,即使有人講啲唔啱聼嘅説話,聼咗就抛諸腦後,又或者做到至高境界聼唔到。

呢种有益嘅鈍感,就係保證血液暢通無阻嘅重要因素。

Wednesday, July 08, 2009

沒有姑姑的日子

自姑姑畀人燉咗之後,下官嘅日子即刻落得清靜,心情指數節節上升。一日佔咗大約9至10粒鐘時間系共宮中,對住一個不斷發放負能量嘅人,日以繼夜不停累積,真係一個正常人都會顛!

估唔到區區一個姑姑嘅功力都會咁深厚,足以影響下官嘅思維同情緒。值得慶幸就係,往後無須要再受呢种精神折磨,無姑一身輕。多得皇上英明; 睇怕都係時候買只雞,正式去還神先正得囖。

Tuesday, July 07, 2009

生平第一粒蘋果

決定咗就無謂再往後睇,唯一要做嘅就係向前; 沖啊!!!

等待確實唔係一件容易嘅事,連月嚟等了又等,終于等到了。 星期五,我嚟啦~~~~~~

Monday, July 06, 2009

人生最重要的一件事



人生最後買的一樣物品,竟然是要別人幫自己選,多麽諷刺。

中國人一向怕死亦避諱講死,不過人終歸一死,始終都需要去面對。就像電影裡說的,「死亡並不是人生的盡頭,而是一個轉折點的一道門,通往另一個世界的新旅程。」

Friday, July 03, 2009

心口挂住個勇字,咪就系咁嚟囖!呢個世界真係乜人都有!唉...




佢系咪忘記吃葯啊?!

Thursday, July 02, 2009

留給時間

簡單的一句話,卻讓以爲是埋葬已久,安詳的沒有一絲漣漪的思緒終于崩提。原來是那麽的脆弱、如此的不堪一擊。

要學懂如何面對它、接受它、處理它、放下它,並不簡單; 起碼在這一刻自問做不到。

Wednesday, July 01, 2009

太湖



原來怡保都有太湖喔!不過我唔想卑人砍開幾千件掉落太湖餵魚。又或者遭奸人暗算,綁曬手腳心口插刀,沉屍太湖。

柴九碑文

柴九,享年三十六,籍貫不詳。
從小無父無母流落山野,被村婦梁四收養。
乙丑年夏天,鄉間洪水為患,避禍去到無錫,
開始了他傳奇的一生。

他曾經做過最卑微有食無工的苦力,
亦曾做過慶豐年的三掌櫃;
他和綠林響噹噹的人物沙震天是異姓兄弟,
亦和慶豐年米業的蔣四奶奶是生死之交。
他曾經遭惡人暗算,幾乎沉屍太湖;
他亦曾做過長毛賊的大官;
亦做過朝廷的死囚。
但無論起跌浮沉,榮枯得失,
他的心願始終沒有改變過。
就是每年都一車一車白米運回家鄉,接濟他的鄉里。

到了他人生第三十四個年頭,
他為了拯救他的知己良朋,不幸染上咯血病。
他身邊的好友為他延醫診治,
可惜病情日趨沉重;
就連精通西洋醫術的白朗大夫亦束手無策。
最後決定前赴上海求醫,
希望盡人事以聽天命。
而他的摯友四奶奶,
亦毅然放下世俗的成見,
陪伴柴九前赴上海,對他悉心照顧。
在四奶奶的鼓舞之下,
柴九和病魔整整纏鬥了兩年。
這短短的兩年,
足以令柴九人生最後的一程感到歡慰。

他臨終的時候,
他的摯友蔣四奶奶陪伴在他身邊,
柴九含笑而終。
正如柴九生前最愛說的兩句話:
人生有多少個十年?
最重要是活得痛快。
柴九短短的一生雖然並無豐功偉績,
但是活得無憾。

我們全體村民為了答謝柴九的善舉,
合資立了這座石碑紀念他。

柴九,我們永遠不會忘記你!