屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Friday, May 29, 2009

特早做節

前晚無心插柳嘅機緣下,吃o左餐飯,就當係提早做節。兩客點o左d免煎炸嘅菜色,價錢當然比所謂煎炸美食嚟得高d。不過一分錢一分貨,d煎炸美食聞o下就算囖!

地點:四川閣
梅菜炒芥藍 (好好味啊~~~)
茶樹菇燜雞 (連汁都撈埋)
蟹黃叉燒包 (皮薄餡靚)
甜品有乾煎豆沙鍋餅 (太香太鬆脆了,受不住引誘吃了兩片)

仲有每人一客四川番茄魚片上湯(太好飲啦,忘記拍低),飲料有涼茶; 合共新幣119.70,打過五折新幣59.85成交。

Thursday, May 28, 2009

巾幗梟雄

最近城中熱播嘅巾幗梟雄快將步入尾聲大奶奶、四奶奶柴九啲金句一籮籮,正到爆。如妃凴四奶奶(康寶琦)一角再創高峰,無論年尾佢拿唔到獎,都已經贏曬!既然係四奶奶幫嘅人,當然要撐四奶奶撐到底啦! 四奶奶叫我行我就行, 四奶奶叫我企我就企。

佢話贊成,我地話反對;佢話反對,我地就贊成。

記唔記得我教你咩?"權謀"呀!

原來你係我嘅天敵,天生嘅敵人。

唔係妳死,就係我亡。唔係魚死,就係網破。

公死有得食,婆死有得食。

做人唔可以輕佻浮噪,要諗清楚步棋點行。

升一批,降一批,殺一批。

我會用我條命黎保住柴九條命,如果柴九有d咩事, 我下半生就咩都唔做,剩係做一件事,就係追究個兇手追究到底。

賊係唔會同你講道義,賊係貪得無厭,賊只係會趁火打劫架。

除咗四奶奶,蔣家上下全部都係豬兜

人生有幾多個機會? 人生有幾多個十年?

水裡水裡去 火裡火裡去

打甩門牙和血吞

就當你是一道治鬼靈符!

我要o個女人粉身碎骨

Wednesday, May 27, 2009

螢火蟲

螢火蟲七月終于要歸巢了,我會化做螢火蟲,我會當你是彩虹,不可伸手觸碰,仍衷心相信,蘆葦是因此在顫動。

暫定星期一、三、五、七
來 – 14:50 到 16:10 (S$74.14)
回 – 16:45 到 18:05 (S$69.56)
總費用 : S$143.70 (RM344.90)

我忘記了我像螢火蟲
愛上了大紅燈籠
分享不到溫暖 仍努力去發亮
直到 流金似的歲月 留在星空
讓我 如火屑般舞動 然後失蹤 然後失蹤

天大喜訊
(無題)

輪流轉

姑姑終于落實由永壽宮娘娘近身侍女貶到當洗衣工女,接落嚟嘅日子應該有排佢受喇。下官亦因此落得清靜,能夠過番d正能量嘅日子,真係三生有幸。

Tuesday, May 26, 2009

有心人

給朋友:妳和你

倫敦與巴黎我都去了,謝謝你們倆幫我完夢。
雖然你人在倫敦,但係感激你依然記得我。
雖染不能到倫敦,但係衷心感覺到你既心。
雖然你只路徑巴黎,但是感謝你仍然有那份心。
雖染未曾到過巴黎,但是已經感受到你的喜悅。

Monday, May 25, 2009

重復

每樣事情在經歷過第一次過後,如果再重復的話,雖然感覺會不一樣,但很自然的會失去了當初的興奮和期待或是恐懼與慌張。

人生不幸的是無法重頭再來,但人生最可幸的是無需重新再來

Friday, May 22, 2009

雪山飛狐

今日宮中嚟左位鰣囯使者,凡佢走過嘅地方,必留低行跡。

o個陣撲鼻嘅飛狐,簡直可以殺人于無形,仲勁過七步迷魂丹,犀利過五毒神掌。佢區區一舉手,一投足,足以另聞者即刻反眼,劇毒流偏全身,窒息至死。

Thursday, May 21, 2009

於心有槐

年級大機器壞,無論你昔日幾咁精力充沛,都會有衰老嘅一日。倘若要機器繼續行得順暢,日常飲食就必需要多加注意。正所謂禍從口入; 煎炸爆炒、酸甜咸辣就少吃為妙。

人通常都會知道,一d所謂嘅美食都係經過人工處理,加鹽加醋。但係就係偏愛吃盡天下美食,到左身體負荷唔住嘅時候,才恍然大悟,後悔莫及。

假如平均我地有60嵗命,好話唔好聽都過左一半以上;前半生乜嘢都吃過曬,往後嘅日子如果想吃嘅話,咪拿近鼻哥聞o下當吃左囖!Do姐呢個理論相當得,多謝教誨,銘記於心。

Friday, May 15, 2009

號外

昨日收到密探彙報,皇上已經落左聖旨要趕人出宮。衆娘娘已經係背後密鑼緊鼓,開緊急會議商討此事,係短期内列出名單,呈上俾皇上過目,然後作出行動。

得知此事嘅宮女、太監、官員、姑姑並唔多,有d仲蒙然不知,依然遊戲人間。不過其實係依家呢一刻知道亦做唔到d乜嘢,因爲決定係落于娘娘身上。就睇平時各人同娘娘之間既關係,係娘娘心目中嘅地位有幾高而定奪。

結果如何,短期内必有分曉。

Thursday, May 14, 2009

出住先

有冇碰過一种人-

- 坐的士落車嘅時候,每次都係o個句 :“出住先,稍候俾返你。”
- 吃嘢買單嘅時候,又係o個句 :“出住先,稍候俾返你。”
- 旅行購買入場券、搭車、酒店房deposit等,都係o個句 :“出住先,稍候俾返你。”
- 同事生日買禮物或者大家一起慶祝,依然係o個句 :“出住先,稍候俾返你。”

呢句“出住先,稍候俾返你。”唔知要等都幾時?快則一兩日、慢則一兩個星期、甚至個幾兩個月。最後又係例牌話:“噢,我忘記左,稍候去按俾你。”,跟住又係無限期咁等。

做人,做朋友如果有下次嘅話就醒目d,自動直覺d啦。你估係你老斗老母,每次都奉旨幫你找數,然後唔洗還不了了之啊? 要人開到口問就大家都唔爽囖,係咪?

Wednesday, May 13, 2009

守口如瓶

不知道是有心還是無意,每當事情預先宣佈以後,總會帶來很多後遺症和負面的影響。出發前的那段日子總不會好過,很事都不能順利進行,小人一直在後頭諸多阻攔,小動作一儸儸,花招層出不盡。

最後決定低調中的低調,一切以目標為大前提,不到最後一分鐘都不會向外透露半句,以免節外生枝。

Tuesday, May 12, 2009

凡人最容易犯嘅過錯,莫過於一個貪字。

有人貪錢,有人貪心,有人貪靚,有人貪吃,有人貪財,、 有人貪色,有人貪功,有人貪名,有人貪勝,有人貪睡,有人貪 方 便,有人貪 手 爽,有人貪 口 爽,有人貪小便宜,有人貪瞋痴,有人貪便宜,有人貪慕虛榮,有人貪得無厭,有人貪新忘舊,有人貪婬之人。

男又貪,女又貪, 大又貪,細又貪。 有書中寫到: 把不該屬於自己的東西據為己有,就是貪; 對自己已有的東西仍不知足,設法取得更多,亦是貪。在動物世界裏,似乎只有人類有這份天性,動物是夠就算,只有人類,在需要之外,還要多「貪」一點,以滿足自己的慾望。

Monday, May 11, 2009

雷電交加

係一個夜闌人靜嘅淩晨,窗外突然雷聲震徹,閃電劃破整片天空,接著傾盤大雨。整個過程維持左大約15至20分鐘,好似日軍打到嚟南京,如臨大敵大屠殺即將爆發咁,場面相當令人惶恐驚嚇。

原本以爲空氣同天氣都會有好轉,結果換嚟更加之熱,局促嘅空氣使人更加納悶浮躁。打開電腦,寬頻竟然出現故障,上唔到網之餘連接收電話亦同時間出現問題。

莫非真係俾雷劈爛左o個數據機?立刻撥電去有關電訊公司求救,最快都要等到禮拜三正會有人嚟修理。無網嘅日與夜隨即展開。

今日天氣依然唔尋常,睇嚟地球真係需要吃抗生素先至得呐!

Friday, May 08, 2009

要發爛渣﹐要打人﹐要扔o野﹐要講粗口﹐要踢門﹐要打爆電腦銀幕﹐要將鍵盤甩爛﹐要發泄﹐要出氣﹐要大喊﹐要大叫﹐要瘋狂﹐要鬧人﹐*#&Y&^#&^*@$*%&^%&#=-@$#@$#$$*(#%%^%#*&~!%$Y&$&R$^R#%!$!!!!!!!!!!!!!!!!!!

Thursday, May 07, 2009

自知之明

要日子過得開心快樂,就必須要懂得怎麽去接受和控制個人情緒。有些事情明知道是不能,就得面對現實去接受; 拼命苛求反而會弄巧成拙,將自己推進墻角,無彎轉。何必呢?

不能去的地方,上網看看讀讀他和她的遊記,就能游盡世界各國。不能吃的食物,到超市或推門進去餐館聞一聞,就能嘗盡一切美食。

與其終日牢騷呐喊,不如換個角度看事物,不是更好嗎?

Wednesday, May 06, 2009

十萬火急

要趕、要准、要快、要靚、要正... ...

最後,順理成章埂係 - 要命囖!!!!

Tuesday, May 05, 2009

聆聽

自問不是一個稱職的聆聽者,不能、不想、不可將一些負能量的投訴、怨念轉化爲正能量。其實聼人訴苦是一件不容易的任務,當中需要有無比的愛心和包容; 因此對一些團體裏的社工們所付出的關懷和愛心感到十分敬佩。

SALUTE!

將一聲聲歎息 化著生命力 懷著信心解開生死結 雲霧消失朗日吐
以真誠我祝福你 會踏上那光明前路 願將一腔熱誠給你 常為你鼓舞

Monday, May 04, 2009

淡淡幽情



如果說淡淡幽情是君姐演藝事業巔峰時期的代表作,相信大家都沒有異議。假如你未曾聼過這張專輯的話,就別説是喜歡聼她的歌,甚麽她的歌聲陪你每晚入眠等等。

這張全以宋詞名作為歌詞,配合上君姐幽幽情懷的演繹,溫柔釋懷的歌聲,讓人聼了緩緩投入了詩詞中的意境,猶如一幅幅的水墨風景呈現於眼前,深深得停留在每一位聽衆的記憶裏。
 
數年後再次回味這張詩情畫意的專輯,君姐柔情似水的音韻,别有一番滋味在心头。

-----------------------------------------------------------------------------

相見歡 李煜(南唐)
無言獨上西樓 月如鉤
寂寞梧桐 深院鎖清秋
剪不斷 理還亂 是離愁
別有一般滋味在心頭

水調歌頭 蘇軾
明月幾時有 把酒問青天
不知天上宮闕 今昔是何年
我欲乘風歸去 又恐瓊樓玉宇
高處不勝寒 起舞弄清影
何似在人間
轉朱閣 低綺戶 照無眠
不應有恨 何事長向別時圓
人有悲歡離合 月有陰晴圓缺
此事古難全
但願人長久 千裡共嬋娟

虞美人 李煜
春花秋月何時了 往事知多少
小樓昨夜又東風 故國不堪回首月明中
雕欄玉砌應猶在 只是朱顏改
問君能有幾多愁 恰似一江春水向東流

蘇幕遮 範仲淹
碧雲天 黃葉地 秋色連波 波上寒煙翠
山映斜陽天接水 芳草無情 更在斜陽外
黯鄉魂 追旅思 夜夜除非 好夢留人睡
明月樓高休獨倚 酒入愁腸 化作相思淚

桃園憶故人 秦觀
玉樓深鎖薄情種 清夜悠悠誰共
羞見枕衾鴛鳳 悶則和衣擁
無端畫角嚴城動 驚破一番新夢
窗外月華霜重 聽徹梅花弄

鷓鴣天 聶勝瓊

玉慘花愁出鳳城
蓮花樓下柳青青
尊前一唱陽關曲
別個人人第五程
尋好夢 夢難成
有誰知我此時情
枕前淚共階前雨
隔個窗兒滴到明

相見歡 李煜
林花謝了春紅 太匆匆
無奈朝來寒雨晚來風
胭脂淚留人醉 幾時重
自是人生長恨水長東

玉樓春 歐陽修
別後不知君遠近 觸目淒涼多少悶
漸行漸遠漸無書 水闊魚沉何處問
夜深風竹敲竹韻 萬葉千聲皆是恨
故欹單枕夢中尋 夢又不成燈又燼

生查子 歐陽修
去年元夜時 花市燈如晝
月上柳梢頭 人約黃昏後
今年元夜時 月與燈依舊
不見去年人 淚濕春衫袖

雨霖鈴 (宋)柳永
寒蟬淒切 對長亭晚 驟雨初歇
都門長飲無緒 留戀處 蘭舟催發
執手相看淚眼 竟無語凝噎
念去去 千裡煙波 暮靄沈沈楚天闊
多情自古傷離別 更那堪 冷落清秋節
啊 今宵酒醒何處 楊柳岸 曉風殘月
此去經年 應是良辰 好景虛設
便縱有 千種風情 更與何人說

醜奴兒 (宋)辛棄疾
少年不識愁滋味 愛上層樓
愛上層樓 為賦新詞強說愁
而今識盡愁滋味 欲說還休
欲說還休 卻道天涼好個秋

卜算子 李之儀
我住長江頭 君住長江尾
日日思君不見君 共飲長江水
此水幾時休 此恨何時已
只願君心似我心 定不負相思意