雷電交加

係一個夜闌人靜嘅淩晨，窗外突然雷聲震徹，閃電劃破整片天空，接著傾盤大雨。整個過程維持左大約15至20分鐘，好似日軍打到嚟南京，如臨大敵大屠殺即將爆發咁，場面相當令人惶恐驚嚇。

原本以爲空氣同天氣都會有好轉，結果換嚟更加之熱，局促嘅空氣使人更加納悶浮躁。打開電腦，寬頻竟然出現故障，上唔到網之餘連接收電話亦同時間出現問題。

莫非真係俾雷劈爛左o個數據機？立刻撥電去有關電訊公司求救，最快都要等到禮拜三正會有人嚟修理。無網嘅日與夜隨即展開。

今日天氣依然唔尋常，睇嚟地球真係需要吃抗生素先至得呐！