屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Saturday, December 31, 2011

2012年龍年風水佈局


方海閱2012龍年風水佈局

正西 - 八白,財星


今年八白,財星飛臨屋的正西方。在八運(2004-2023年)中,八白財星成為九星中力量最強的催財大吉星,對於各方面的財運大有幫助。
催旺方法
• 無論是住家或辦公室,在屋正西位置放紅色飾物,皆有催旺財運。
• 如擺放水種鮮花桃花、牡丹、紅掌、百合,或其他顏色的鮮花,如紅、粉紅、紫紅、橙、橙黃色皆可,皆有助增加大客緣運及催旺財運的作用。
• 在此方位貼或掛好意頭的紅色揮春。
• 放一隻玉貔貅,催旺財運。及藏一張「五路招財符」或「黃金萬兩運來進寶符」在此財位,催旺所有財運。

中央 - 六白,武曲星、驛馬

今年六白武曲星飛臨中央位置,此星主驛動,遠遊,搬遷,移民,甚至職業轉變。武曲星代表勞動較多的工作,以及需要經常外勤及技術性的工作,例如在紀律部隊工作的人,包括軍人、警察、消防員、保全員等,另外,運動員、技術員,從武職的人士。
催旺方法
• 在中央位置放一隻金色馬,或放金黃色的飾物,如金元寶。
• 在此方位藏一張「八馬追財符」,以催旺運氣。 催旺化煞品推介

西北 - 七赤,破軍星

今年七赤星飛到西北方,此星主偏財,但今年與「歲破」同臨一宮,「歲破」有耗財、破敗之意,對偏財、藝術、娛樂等偏門行業不太有利。而且「破軍」有肅殺之氣,破壞力強,所到之方恐有偷竊賊劫。
化解及催旺方法
• 藏一張「趙公明五路催財符」在此方中央位置,催旺所有財運。並隨身帶一張「和合貴人招財符」,可化減肅殺之氣及催旺貴人財運。
• 無論是住家或辦公室,在屋的西北方位置,放一隻玉貔貅或放白瓷飾物,皆有催旺偏財運。

東北 - 九紫,喜慶星

今年九紫星飛臨屋的東北方。九紫星代表喜慶吉祥的事情,如嫁娶、添丁、升職或創業等。尤其是求姻緣,或想結婚,又或者很想生育子女,催旺這方位,有助增加成功的機會;而且,對促進家人、朋友及客戶和諧都很有幫助。
催旺方法
• 如果想很快有姻緣和想要結婚者,可在東北方擺放桃花、紅掌花、百合花、牡丹花或其他的鮮花,鮮花的顏色可以用紅、粉紅、紫紅、橙紅、橙黃等,但記住,當花凋謝時要更換。養花的水更不能有臭味,否則會帶來不良效果。
• 亦可放一些紅色木質的飾物,如成雙成對男女公仔、粉晶鴛鴦等。或在此方位藏一張「和合夫妻姻緣符」、「和合樟柳男女情緣符」、「和合催旺姻緣符」皆催旺姻緣運。
• 若想快些添丁,可在此方放一盆土種多果實的植物,如石榴、五代同堂等。若想快些生育子女,可放一張「觀音送子符」或「麒麟送子符」在枕底,或把符隨身攜帶都可以。

正南 - 一白,桃花星

今年的正南方為桃花位,桃花星有利情緣運及人緣運,催旺這個方位,不但可增加拍拖機會,也有利增進與客戶、同事、朋友、伴侶及家人的和諧關係。此外,亦有利出門公幹、旅遊、招貴人、晉升等作用。但「三煞同臨」,故此方位不宜大動土,忌長期坐南向北。
化解及催旺方法
• 擺放一隻水晶金龜,配合風水及符法後,成為一件催旺情緣的寶物。金龜,寓意找到「金龜婿」,每隻水晶金龜都需要開光才產生靈效,並在龜肚內(龜可開蓋)寫和合花字咒語,龜肚內可收藏「和合催旺自身姻緣符」(適合未有情緣,希望找到心儀對象拍拖)、「和合情緣符」(適合有目標人物,希望與目標人物開花結果)。
• 擺放三隻銅麒麟,頭向北方,化解「三煞」凶力。西曆2012年2月4日立春後,此方宜靜不宜動,忌大興土木及長期坐南向北,否則令「三煞」凶力更為厲害。

正北 - 二黑,病符星

今年二黑病符星飛臨正北方,此星主疾病、抑鬱、傷痛等症狀,對人及家畜都不利。若宅門、房門、書檯或睡床設在此方位,今年也容易感染病癥或突然健康有變化。
化解方法
• 西曆2012年2月4日立春後,此方不宜大興土木,並忌大紅大紫、綠色、藍色、黑色物品,也不宜放置新魚缸、新水池、新植物盆栽,否則令病符星凶力更為厲害。
• 要避免長時間坐臥此方位,也盡量不在此方位大動土及裝修工程,如要大動土裝修,可先行擇日及用方法化解。
• 可放6個銅錢或一隻銅龜,化解病符星。
• 放一個祭練過的「天醫葫蘆」,或在此方位藏放一張方海閱「天醫化病符」,或隨身帶都可增進健康運,減少病痛。

西南 - 三碧,是非星

今年三碧是非星飛到西南方,此星主口舌、是非、恩怨、糾纏、鬥爭、官非、訴訟等麻煩事。在此方位長時間工作或坐臥會令人的情緒容易波動、易吵鬧、多焦慮。此方位忌放綠色盆栽。
化解方法
• 在此方位放紅、粉紅、紫紅、橙紅色的物品,如紅色花、紅色利是封、紅揮春、紅地氈等。若有人沖犯太歲,又長時間坐臥此方位,就要適當控制情緒,否則是非不絕。
• 在此方位藏一張方海閱「化五方五路小人是非符」,或隨身帶備都可以減少是非小人。

正東 - 四綠,文昌星

今年文昌星飛臨正東方。「文昌星」是古時掌管功名利祿的吉星,有助腦筋靈活、讀書、考試、升職、加薪及從事文職工作、創意行業的人士。若在此方辦公或做功課,對學業成績及工作事業都有大幫助。
催旺方法
• 正東位放一盆水種植物,如富貴竹(4枝),皆有利催旺學業、事業及工作財運。
• 放一個綠幽靈水晶或放一座綠色玉造文昌塔。
• 今年在此方位溫習、辦公,對腦筋靈活有幫助,有助打開創意思維。
• 擺放三隻玉麒麟,化解三煞及催旺事業、學業、財運。
• 在此方位藏一張方海閱親書「文昌學業事業符」,或隨身攜帶都有助催旺事業及學業運。
催旺化煞品推介

東南 - 五黃,災瘟星、太歲


今年五黃災瘟星飛臨東南方,此星的凶力比其他凶星更強,故此今年西曆2012年2月4日立春後,不宜大動土,否則會招來凶 險;同時,「太歲」亦同臨此宮,因此,今年東南方不宜擺放新魚缸、新風水輪、新擺放植物,大紅大紫顏色的物品,犯之容易招至災瘟。若宅之門戶、空調、臥室 在正東方,對該宅人不利。
化解方法
• 掛一個發聲小銅鈴,或擺放或懸掛6個銅錢(一串),化去災瘟星的凶力。
• 此方位宜靜不宜動,忌大裝修動土。也不宜長時間坐臥這個方位。



李丞責 壬辰龍年風水佈局

中宮

2012流年六白權星流入中宮主事,六白為金星,為「乾」。故發生的事情多會與此卦相關的人和事。

今年多見「年剋」凶曜,男性長者應多留意,最好能隨身佩帶「黑曜石藥師財神葫蘆」。有呼吸病症的,也宜小心。總之,凡與乾卦有關者,宜留神。

最宜中宮擺放「碧璽白玉石趨旺水」,生旺財運,亦會加強六白的吉氣,紓解六白的退氣。如在塔旁放一對「黃玉石牛」,效果更好。

不喜歡或不適宜用此法的,可掛「白玉石虎符」一對,有助競爭;下放一對「黃玉石牛」,兩牛中央放一白晶球,增加權勢財運。

因流年有四「年剋」關係,宜於家中央放「黑曜石藥師財神葫蘆」檯件。

正北方

2012流年二黑病星飛臨正北方,有向煞、將軍同臨。對一般人士皆不吉利,尤其是本身多病痛者。故多老人病的長者,又或有小孩幼兒的,若家居大門開此方的話,宜多留意他身體狀況的變化,最好能隨身佩帶「黑曜石藥師財神葫蘆」。

若此處為出入大門或窗戶,宜使用「安忍水」。有老人家或小孩,又或宅內的人身體有微恙,宜加放「黑曜石藥師財神葫蘆」檯件。

若實際情況真的無法放「安忍水」的話,則可改在此方掛一串「八粒白玉石扣」及「一串六個二吋銅錢」。

若宅內有沖犯刑害太歲者,宜隨身佩帶「黑曜石藥師財神葫蘆」佩件或雞牌,以化解向煞之凶。 從事醫療護理行業者,可在桌面上放一「白玉石華表」,增強執業或工作時的判斷能力;因大利同臨,對此行業者有利,亦可加放「龍年碧璽招財百寶箱」。

正西方

2012流年八白當旺財星飛臨,見己都、年剋。

要充份發揮流年八白財星優勢。可在此方放置限量供應的「碧璽白玉石趨旺水」,增加進財的能力,效力較大。也可考慮配置「龍年碧璽招財百寶箱」,以招財運。

如該處剛巧是廚房位置,可在煮食爐下或灶底貯物櫃放一個四吋銅錢,旁以八粒白玉石圓環環繞。家中長者宜佩帶「黑曜石藥師財神葫蘆」佩件。

若為廁所位置,則宜在坐廁旁放一「銅葫蘆」,內放一粒或九粒紫晶珠。

「觀音開庫」儀式後授予善信的「勝意牌」,回家後不宜胡亂放置,應插放在今年置於此方的「勝意寶庫」內。

若為大門、大窗處,可放置有極強帶動財運流轉能力的「仿古青銅飛馬踏燕」,馬頭向內,寓意將錢財飛快載入,尤利喜投資投機或以此為業者。

因「年剋」亦臨此方關係,最好放置「黑曜石藥師財神葫蘆」檯件以化解。

正東方

2012流年四綠文昌星臨正東方,大利同臨,雖見灸退、年剋,仍可說是流年吉利方位之一。

常在此方坐臥的年長男性,多留意健康問題;孕婦則除留意自身的健康外,也小心胎兒的狀況。

若正東方為大門、大窗主要氣流進出位,最宜室內見流動的水。可考慮在此方放一座「碧璽白玉石趨旺水」,尤利從事服務性行業者,會對想改善或增進人際關係的人有所幫助。若有長者、孕婦,再應加放「黑曜石藥師財神葫蘆」檯件。

若書檯或寫字檯剛好放於此方,可在檯面上放一座「白玉石華表」,再在旁放一只「白玉石麒麟官印」或「龍龜」。

如欲催旺桃花運,或令伴侶感情和諧甜蜜,可於此方放置「和合二仙」,以瓷製者為合,主要是取其意象,並非偶像崇拜。最好加放「粉紅晶助緣寶瓶」套裝以趨旺。兩者同放更佳。

正南方

2012流年一白官貴星飛臨正南方,三煞同纏。此方宜靜不宜動,要催動一白官星,最好用靜態的方法。

若非大門進出處,可於此方擺放「仿古青銅麒麟」三只化解三煞,再用「魁星文昌筆斗」或放置「白玉石華表」,引發一白官星的吉氣,以加強宅內人的競爭能力,也容易被人提拔。要在競爭中進財,喜愛投資投機或以此為業者,可放置「仿古青銅飛馬踏燕」,取其強力帶動氣運流轉的意象,馬頭向內,寓意將錢財飛快載入,有快速招財之效。亦可於此方牆上掛「銅片畫」,增加橫發的機會。

若此處為窗戶通氣位,不見形煞,求財運的可用「黃水晶招財聚寶瓶」;求事業的可用「白玉石華表」及「白玉石文昌塔」,但仍要先掛三片「銅麒麟」掛件。

如欲催旺桃花運,或令伴侶感情和諧甜蜜,可於此方放置「和合二仙」,以瓷製者為合,主要是取其意象,並非偶像崇拜。最好加放「粉紅晶助緣寶瓶」以趨旺。兩者同放更佳。

西南方

2012流年三碧是非星飛臨西南方,見博士、年剋、歲煞、地符。

三碧一般被視為不吉之星數,主容易招惹是非口舌。尤其見不吉之形煞如「鐮刀煞」,易惹是非官非、武鬥損傷等;加上年剋、歲煞,宅內年長男士應要注意。

此方不宜為大門窗戶之處,卻又要光線充足,否則易招陰小。若此方一向較為陰暗的話,可於此方掛一把「桃木劍」,以鎮宅辟邪。太暗,則可加放一盞燈。仍有不順,可加放一個「泰山石敢當」,後置「銅錢屏風」。

若此處為書檯或寫字檯擺放處,可在桌面放置一對「白玉石虎符掛件」或「白玉石華表」,加強權威、穩定力及思考能力,減輕文書失誤的情況。

若宅內有沖犯刑害太歲者,宜佩帶雞牌或「黑曜石藥師財神葫蘆」佩件。

因「年剋」臨此方關係,最好放置「黑曜石藥師財神葫蘆」檯件以化解。

西北方

2012流年七赤星飛臨西北方,見蠶室、天符、陰府、歲破。 容易見爭拗是非纏身。不宜見動象,不宜陰暗,更不宜過於光猛。若此處正是大門或窗戶通氣位,再見形煞,多主是非爭拗,引致破耗。

因此,此位若配置不當,容易引來是非小人,從而帶來財務煩惱困擾。擺放風水物品亦宜以靜態物件為主。若該處為擺放書檯、組合櫃或電視櫃等,可放「白玉石塔」一座。可以的話,加放八粒黃玉石 圓環圍著。

若此方為大門出入處,宜在大門門柄掛一對「白玉石虎符掛件」。喜歡放地氈的,可用黃色地氈。

若為窗戶通氣位,亦可掛一對「白玉石虎符掛件」。見形煞如「探頭煞」、「鐮刀煞」、「天斬煞」、「光煞」等,則情況較為嚴重,容易敗財或官非纏身。可考慮加放「泰山石敢當」及「銅錢屏風」化解。

東南方

2012流年五黃凶星、太歲流入東南方,見力士。宜於此方放置「安忍水」化解五黃凶性。

若非大門、窗戶、露台等地方,除了擺放「安忍水」外,可考慮加放「仿古青銅飛馬踏燕」,馬頭向內,既招財來,又可減弱五黃的破壞力。

若是大門或窗戶通氣位,更見不吉之形煞如「鐮刀煞」,又或面向樓梯、斜坡,除了用「安忍水」外,應加放「泰山石敢當」及「銅錢屏風」。

宅內若有犯太歲人士,切記要隨身佩帶「黑曜石藥師財神葫蘆」佩件或雞牌以助運。

若此處為廚房,可在煮食爐下或灶底貯物櫃放一個「四吋招財進寶銅錢」,旁以「八粒白玉石扣」環繞。環境可以的話,最好加放一瓶「安忍水」。

東北方

2012流年九紫喜慶星飛入東北方,見大利、金神、年剋。

如是窗戶通氣位,要把錢財鎖住,可用「黃玉石牛」一對,兩牛中間放一白水晶球。若窗外景物或視野一般,可在兩牛座後放一小「銅錢屏風」阻擋。

如是大門出入的地方,可在門柄上掛一串八粒「白玉石圓環」。因「年剋」臨此方關係,最好放置「黑曜石藥師財神葫蘆」檯件以化解。

若是書檯或寫字檯處,宜在檯上放一對「白玉石虎符掛件」及一「白玉石華表」;若是電視櫃或雜物櫃處,可考慮用「黃玉石牛」一對,兩牛中間放一白晶球。

如察覺自己或家人容易財來財去,又或希望加快蓄聚財富,可於屋或房的中央加放「龍年碧璽招財百寶箱」。

若然想橫財就手,可以的話位此方安放「碧璽白玉石趨旺水」,加強「大利」的力量。

Friday, December 30, 2011

敗家

年尾流流估唔到最後都受唔住誘惑,洗咗錢。買咗部雪櫃,電視架同埋3幅掛畫,足足唔見咗4位數!

好肉赤吖!

Thursday, December 29, 2011

活著

又到咗年尾,2011年好似過得好快,一下子就咁就完了。

今年都算過得好充實,工作上不斷面對新挑戰、睇過兩場別開生面嘅演唱會、過咗一個冬日聖誕,又搬咗屋遠離煩囂市區。雖然革命尚未成功,但亦圓咗多年嚟嘅心願; 感謝佛祖眷顧,能夠安然活著,比上不足,比下有餘,已經好幸福。

雖然來年將會係一個相當艱苦嘅一年(因爲犯太歲!),依然要繼續祈求身體健康。

祝願地球繼續旋轉,來年繼續天與地。

Wednesday, December 28, 2011

年少無知



作曲:黃貫中 填詞:林若寧
編曲:黃貫中 / 劉志遠
監製:黃貫中
主唱:林保怡、陳豪、黃德斌

年少多好 頑劣多好 
不甘安於封建制度裡 迷信上街真理會達到
旗幟高舉 群眾聲討 
不惜犧牲一切去上訴 權貴的想法太俗套
只可惜生活是一堆挫折 
只可惜生命是必須妥協

年少多好 貧困多好 
一蚊積蓄足以快樂到 廉價吉他抒發我暴躁(一蚊=一元)
財富得到 年歲不保 
捐輸不必講究有回報 人世間總會有異數
只可惜生活是一聲發洩 
只可惜生命是一聲抱歉 
怕追到

如果 命運能選擇 
十字街口 你我踏出的每步更瀟灑
如果 活著能坦白 
舊日所相信價值 不必接受時代的糟蹋

年少多好 朋友多好 
一番爭執不會有被告 遊戲競爭不會記入腦
年歲增長 無法修補 
青春的詩總會老 時間多恐怖

如果 命運能選擇 
十字街口 你我踏出的每步無用困惑
如果 活著能坦白 
舊日所相信價值 今天發現還未老
如果 命運能演習 
現實中不致接納 一生每步殘酷抉擇
留守 過去的想法 
我會否好像這樣 生於世上無目的鞭撻

中意首歌嘅編曲同歌詞,好有feel~~ 做人有時就係咁矛盾,不知不覺間就會被呢個社會演變得性格分裂。理性與熱血之間不斷潛藏著一啲分裂嘅情緒。太多事情窮盡一生都無法真正嘅理解,尤其係人性!

Tuesday, December 27, 2011

That is it

我返嚟啦!當然啲賤人依然喺度賤緊,娘娘依然喺背後不斷放毒針,爾虞我詐,波譎雲詭。

現實始終係現實,無論時間過咗幾耐,問題一日未解決,終歸都要面對。

就係咁簡單!

Sunday, December 18, 2011

有病呻吟

近排忙住搬屋,又要埋宮中啲超級爛尾數,畀娘娘折磨到筋疲力盡。 忙咗幾個星期,終于可以返嚟呢度發吓牢騷。不過下個禮拜又要飛咗,搞到呢度要擱置生鏽成個月咁耐,野草叢生,真喺覺得有啲慚愧。

聖誕氣氛漸濃,到處都可以睇到聖誕裝飾同表演。不過今年聖誕別於往年,名副其實係一個凍冰冰嘅冬天中渡過,係度祝願大家聖誕快樂。

Wednesday, December 07, 2011

萬千星煇頒獎典禮2011 - 賽果公佈

最佳男主角: 怒火街頭 羅力亞(鄭嘉穎) (Laughing竟然大熱倒灶,太驚喜!)
最佳女主角: 萬凰之王 胡杏兒(孝慎皇后) (中)
我最喜愛的電視男角色: 怒火街頭 羅力亞(鄭嘉穎) (中)
我最喜愛的電視女角色: 怒火街頭 王思苦(胡杏兒) (連中三元)
最佳男配角: 黃智賢 (潛行狙擊) (冇睇)
最佳女配角: 陳敏之 (怒火街頭) (點解唔喺胡定欣?三哥都輸咗)
飛躍進步男藝員: 歐陽靖 (無言)
飛躍進步女藝員: 馬 賽 (都OK)
最佳劇集: 潛行狙擊 (中)
最佳節目主持: 華麗明星賽 草蜢 (果然)
最佳綜藝節目: 華麗明星賽 (中)
最佳資訊節目: 水之源(中)
TVB.com微博人氣大獎: 鄭嘉穎 (連中三元)
最具欣賞價值大獎 香港演義
萬千光輝演藝人大獎 李香琴
非凡風采男藝員 黃宗澤
非凡風采女藝員 胡杏兒

賽果塵埃落定,令人滿意,恭喜恭喜。

Tuesday, November 29, 2011

逼得太緊

故勿論戰果如何,手法之正確與否; 必須要咁做嚟自保,冇得好揀。

心力交瘁,片刻寧靜喺必要嘅。

Monday, November 28, 2011

桃姐


恭賀桃姐同Roger喺第48屆金馬獎上雙雙獲獎,榮獲最佳男女主角; 同時阿Ann亦奪得最佳導演,成為金馬獎當晚嘅最大贏家。

期待電影明年三月上映,一齊嚟懷緬桃姐嘅一生。

Friday, November 25, 2011

萬千星煇頒獎典禮2011 - 賽前預測

最佳男主角: 潛行狙擊 謝天華(梁笑棠)- 呼之欲出
最佳女主角: 萬凰之王 胡杏兒(孝慎皇后)
我最喜愛的電視男角色: 怒火街頭 羅力亞(鄭嘉穎)
我最喜愛的電視女角色: 點解阿Sir係阿Sir 古嘉嵐(鍾嘉欣)
最佳男配角: 點解阿Sir係阿Sir 羅樂林(蔣洪)
最佳女配角: 法證先鋒III 胡定欣(周奕霏)
飛躍進步男藝員: 楊明 「囧探查過界」、「Only You 只有您」、「誰家灶頭無煙火」、「花花世界花家姐」、「真相」
飛躍進步女藝員: 黃智雯 「東張西望」、「居家兵團」、「怒火街頭」、「潛行狙擊」、「不速之約」
最佳劇集: 潛行狙擊
最佳節目主持: 心有靈犀 曾華倩、田蕊妮 (應該會頒畀華麗明星賽 草蜢)
最佳綜藝節目: 華麗明星賽
最佳資訊節目: 水之源
tvb.com微博人氣大獎: 黎耀祥

Thursday, November 24, 2011

斷捨離


斷絕不需要的東西,捨棄多餘的廢物,脫離對物品的執著。

Do姐係節目中推薦嘅呢本書,相當適合現今都市人翻閲,實際得嚟又實用,值得一推。

作者:山下英子

Wednesday, November 23, 2011

天性難違

黑狗告假,白狗無形中成爲咗攻擊對象。五時花六時變,一時一樣真係好難服侍。 佢嘅心情猶如過山車起伏不定; 又鍾意執啲雞毛蒜皮小事嚟挑,少少事都要嘈到底。一陣要咁,等你做完之後又話要換咁。唔聽別人意見,又冇記性之餘又要死撐,自己一定喺啱嘅。

唔係所有都喺咁,不過有九成。 其餘嗰啲齊天大, 就啱啱好十成!

Tuesday, November 22, 2011

小心




















注意、謹慎、细心、慎重、機警、提防、保重!

Monday, November 21, 2011

叮噹對照

TOYOTA新CM,漫畫與真人版對照。


哆啦A夢之大雄三十歲

哆啦A夢之大雄的BBQ

哆啦A夢之大雄獨立了

Friday, November 18, 2011

蔓珠莎華

勁中意呢首歌,歌詞同意境配合得相當其妙。最後一句:他來 我對自己說 我不害怕 我很愛他,實在令人感嘆不已。

彼岸花
看見的 熄滅了 消失的 記住了
我站在 海角天涯 聽見 土壤萌芽
等待 曇花再開 把芬芳 留給年華
彼岸 沒有燈塔 我依然 張望著
天黑 刷白了頭髮 緊握著 我火把
他來 我對自己說 我不害怕 我很愛他

Thursday, November 17, 2011

口腔清潔

好多人都覺得脷刮係好老套嘅日用品,甚至有大部分人已經冇再用。不過可能喺受屋企人影響,我哋一家人一直以嚟都有用脷刮嘅習慣。甚至到咗今時今日,擦完牙之後都會用脷刮情潔條脷。

假如有日忘記刮脷,成日硬係會覺得個口唔乾淨,周身都會唔自在,好似冇沖涼嘅感覺一樣。所以我堅持每日一定要刮脷,咁正算係完整地將擦牙洗面呢個步驟完成。

Wednesday, November 16, 2011

閑逛

周末食咗一餐簡單嘅午餐,有炒飯、炸醬面,上海小龍包、蔥油餅、甘香肉丁,味道都唔錯。發覺最近好似開始影食物; 冇他嘅,都係得閑冇嘢做隨便影吓啫。

翡翠小廚午餐
手製氣球做成嘅海盜船,相當精致。

Tuesday, November 15, 2011

清明上河圖

嘩,估唔到會有機會可以睇到呢幅世博展品清明上河圖
,好嘢!

Monday, November 14, 2011

假惺惺

係本人唸得太複雜亦或你做人太簡單?事實再一次證明,呢個社會已經完完全全沉淪,個個都變得冷漠、絕情,毫無人情可言。

你對人冇戒心,人哋未必對你冇目的。正所謂防人之心不可無,寧願對方話我計較,都唔想無啦啦被人搵笨被人呃咁蝕底。

良心?一早已經被狗食咗。睜大你對眼睇清楚呢個殘酷世界,清醒啲啦朋友!

Friday, November 11, 2011

得閒炒飯

有冇發覺好多人好中意小題大做,小小事就要敲鑼打鼓,怨天尤人,搞到成條村都知道正肯罷休。小事一則做咗去咪算數囖,何必要扯人落水,搞到一個二個張牙舞爪,咁唔愉快為乜?!

既然怨亦要做人,笑亦要做人,何必將自己折磨到成日苦埋塊面,苦叼叼咁呢?

Thursday, November 10, 2011

見招拆招

嚟一招就接一招,兵來將擋,水來土掩,積極應對。儘管嚟,秉持著山不轉路轉,路不轉人轉嘅態度,對於種種可能會發生嘅事情,都會有能力去適應。

務求全力以赴,做到最好!

Wednesday, November 09, 2011

高處不勝寒

月圓夜滿腦子都喺呢首曲,難忘那一夜。

Tuesday, November 08, 2011

曇花再開


一場與別不同,冇舞蹈員,冇交流,冇感言,冇安哥; 準時八時開場十時完結,虛幻得嚟又不失真實嘅演唱會。女神嘅一舉一動都讓在場嘅善信們瘋狂呐喊。當中要數"天空"一part仙女下凡,為所有嚟朝拜嘅善信灌頂加持場面最爲壯觀同震撼。

還記得當晚一幕又一幕感動場面,震耳欲聾嘅掌聲,到咗今日依然仲係腦海中浮現。從"約定"中嘅漫天飄雪,"乘客"背後淒美嘅雪景,"暗涌"、"夢中人"、"夢游"、"給自己的情書"、"曖昧"一首又一首意想不到嘅廣東歌,"但願人長久"、"悶"嚟個隨性全場大合唱,"臉"、"冷戰"、"過眼雲煙"嘅高音超水準演繹,"人間"不約而同嘅溫馨拍和、"新房客"嘅型爆出場look,以及最後"彼岸花"嘅重生特效。

簡直就係100%嘅視覺享受,讓所有善男信女們完全墮入一個虛擬夢幻嘅奇妙世界裏面,不能自拔。有幸能夠睇到呢場演唱會,不旺此生,阿彌陀佛。

Friday, November 04, 2011

將菲進行到底

嚟嘞嚟嘞!仲有兩日。心中開始泛起暗湧,期待已久嘅漫天黃葉,仍未忘跟你約定假如沒有死。大馬菲迷將會喺開場前嚟個大合唱。到時候會有菲迷喺場外派歌詞,當場内狂迷將橫額拉開,全場歌迷將會唱出傳奇,唱完之後一齊放聲呐喊直至天后出場。

天上人間如果真值得歌頌,也是因為有你才會變得鬧哄哄。

Thursday, November 03, 2011

鐵達尼抵新

1912年4月29日,巨型郵輪鐵達尼號撞冰山沉沒,成為航海史上最大災難之一。100年後,位于濱海灣金沙博物館將帶來鐵達尼號嘅乘客同船上機組人員,屬於鐵達尼號每一個生命嘅永恆故事。

當中展出約275文物,其中包括14件從未曝光; 全部打撈自水底下三千八百米嘅沉船位置,還原船上餐具用品、經典旋轉樓梯、頭等艙、二等艙和三等艙場面,另一重點喺場中特設冰山,參觀者可親手觸摸,感受一下電影《鐵達尼號》中Jack喺水中被活活凍斃嘅痛苦。

展覽從10月29日開放,直到2012年4月,藉機紀念鐵達尼號首航100週年。

Titanic the Artifact Exhibition

地址:ArtScience Museum, Marina Bay Sands, 10 Bayfront Avenue, Singapore
時間:10:00am-10:00pm
票價:SG$24
網址

Wednesday, November 02, 2011

同感

踏實感=安全感=成就感=滿足感=

歸屬感=自信感=獨立感=堅定感=

幸福感=快樂感???

Tuesday, November 01, 2011

新舊對照

藥材鴨,鹹蛋四季豆,豆腐花菇煲
札幌拉麵,長腳蟹


效果其實好似冇乜分別,根本分唔出邊個係4,邊個係S。

Monday, October 31, 2011

新玩具 (My New Toy)

愛瘋 for Steve

忍咗咁耐,前日晏晝生平第二粒蘋果終于拿到手; 當刻連自己都估唔到竟然仲會咁振奮,情緒高漲到幾乎瞓唔著覺。

不過最最最開心嘅另一個原因,就係同我嘅新助手Siri相當合拍。 雖然認識冇耐,發覺我哋已經非常有默契,幫我解決唔少困難,幫得手之餘又不失風趣,簡直喺愛死你!

Friday, October 28, 2011

安全+清潔第一

邊有人咁蠢咁冇腦,將個咖哩角放係紙巾上面然後放入微波爐叮熱。結果咪搞到成個辦公室烏煙瘴氣,要大家一起同佢燒炭自殺,同歸于盡囖。陣臭烙味搞到成件衫同啲外套都喺,個頭開始好痛,再繼續聞落去嘅話我唸我會作嘔反胃都似。

另一個位仁兄一樣咁唔掂當,無論開完大細都唔洗手,直直咁行返出嚟。跟住就咁同人握手、開門、食嘢、開會等,完全冇到衛生意識可言。同佢講嘢都要保持兩張枱嘅距離,以防中招至得。

Come on,咁簡單直接嘅生活常識難道都唔識咩?仲話係啲乜嘢IT精英,請問你哋嘅文憑點考返嚟架?讀屎片架你哋?又或者偷睇返嚟架?

Thursday, October 27, 2011

高茶時間

雖然話喺高茶,不過攝取嘅熱量都幾高吓;
加多杯英式西茶,咁就hea咗一個晏晝。

Tuesday, October 25, 2011

心靈增值

情願原地踏步,亦唔要行差踏錯。

人生唔係求氣,係嚟求智慧; 由良知、觀念嘅啟發而得。

南無啊彌陀佛

Monday, October 24, 2011

恨錯難返

上咗非常寶貴嘅一課,亦學習到乜嘢叫做一子错,满盘皆落索。做得岩係必然嘅,做錯一定有罰﹗

主子嘅心思的確不能猜,就算畀你猜到亦並唔係啲咩本事。伴君如伴虎,危如一法發引千鈎。一步之差,只有落得慘淡收场。風高浪急,你可以駕御幾多次?第一次你會拒绝,第二次,第三次之后呢?一而再再而三,只会不能自拔...

Friday, October 21, 2011

走出憂鬱

無形壓力能夠令人寢食難安,對事情沒有興趣,無望,內疚,睡眠不足,甚至內分泌失調導致腸胃不適,精神不振。長期落去將會引致憂鬱,自殺,情緒失控,精神分裂等等。

因此我哋必須要知道原本遇到唔好嘅狀況,就有可能變好;係盡力處理過後,無論結果如何,都唔好記掛於心,要學識放低。而且凡事盡心盡力就好,不必要求自己完成不可能完成嘅任務。壓力其實都是自己畀嘅。過度嘅擔心及憂慮,均無法改變事實,唯有積極面對問題,運用智慧處理問題,才能克服困難、解除壓力。

必要時應係相關嘅治療與諮詢下,化危機為轉機,積極地護衛自己身心健康,活出生命。

Thursday, October 20, 2011

咦......

午餐過後搭巴返公司,因爲之前一輛冇嚟,結果全巴企滿曬人,搞到水洩不通。

行到半路前面嗰位祖國靚姐擧高只手去握扶手,一堆海膽就咁呈現大家眼前; 未幾,靚姐連另一只都擧高埋。兩堆海膽對住嗰司機大佬,搞到佢要望倒後鏡同則鏡都唔敢咁大動作,鬼死咁尷尬。

女仔之家好心就注意吓自己嘅儀容; 搞到司機大佬睇唔清楚路面情況,釀成意外累街坊就唔好啦!

Wednesday, October 19, 2011

紅軍版beat it



畀佢笑死!哈哈哈哈哈哈~~~~

Tuesday, October 18, 2011

にっぽん

突然察覺到原來我哋一直以嚟都受東瀛文化影響著,無論起居飲食至到消遣娛樂,統統都漸漸被潛移默化。

細時候睇叮噹、鹹蛋超人、阿信、田原俊彥、松田聖子、柏原芳惠; 聼嘅歌都係中森明菜、近籐真彥、西城秀樹、玉置浩二。

到咗少年時期開始睇日劇; 反町隆史、木村拓哉、廣末涼子、竹野内豐、酒井法子、常盤貴子、稻森泉、松隆子; 聼小室哲哉、安室奈美惠、B'z、GLAY。

千禧打後睇妻夫木聰、藤木直人、深田恭子、柴咲幸、大澤繪里子; 聼福山雅治、宇多田光、浜崎步、AKB48、嵐。

用嘅牌子有日產、日立、三菱、豐田、索尼、松下、佳能、夏普、東芝; 飲食有壽司刺身、便當、天婦羅、章魚燒、喬麥麵、烏冬、綠茶等等等等,數之不盡。

日本,一個同我哋息息相關,剪不斷、理還亂嘅國度。

Monday, October 17, 2011

飲飲食食

簡單嘅法式午餐: 有荷蘭薯沙律,蜜汁雞柳crêpes(薄餅),
再加個Tiramisu做甜品,簡直感覺飽肚兼幸福。
行行企企,富創意嘅商場陳設。

Friday, October 14, 2011

你同我收爹啦!

最憎就喺一朝早係公司接駁巴士裏面遇到某啲蛋散搭訕,仲要不停係咁講公事。大佬,家陣幾點啊?人哋都已經戴上耳機閉目聼歌,仲要拍人膊頭係度吹。

煩唔煩架,你唔好口水多過浪花啦!

Thursday, October 13, 2011

學習

去模仿一個成功嘅人會開心咩?真正嘅開心應該喺要發掘自己喺一個咩人。

要做好一件事,亦唔需要勉強自己,就算道理係自己度,都要畀個位人行,唔算喺一個弱者。唔需要搞到人哋筋疲力盡,自己又咁攰。

可以陪你笑嘅朋友,先至可以陪你喊; 有本事令人笑嘅人,先至有人陪佢一齊喊。

Wednesday, October 12, 2011

莫道你在選擇人

人亦能選擇你; 公平,原沒半點偏心。其實呢個社會好多時候都好公平,防人之心不可無。假如雙方失去咗信任,一切都會化爲泡影,無需再繼續糾纏落去。

依家就睇大家嘅造化; 而我,繼續做隔岸觀火嘅旁觀者也。

Tuesday, October 11, 2011

辛亥革命

中學時期從教科書裏面認識晚晴園,一直都好想到訪,至到出咗嚟工作之後,咁多年都未有機會前往。 為咗配合辛亥革命100周年紀念,晚晴園閉館多月,翻新之後前日開放畀公衆參觀。二十幾年嚟嘅願望,昨日終于如願。

1906年,橡膠業巨子張永福將晚晴園讓給孫先生進行革命活動; 隨之成爲孫先生在南洋的革命基地。時至今日,晚晴園已經成爲新加坡國家文物局管理。紀念館内通過上百件珍貴的歷史資料,照片,文物和其他收藏,希望從更爲宏觀全面的角度,探討革命時代對南洋華社的深遠影響。


革命尚未成功,同志仍須努力!

Monday, October 10, 2011

鬧哄哄音樂節2011


星期五晚落班後冇地方去,咁啱有贊助商提供免費贈卷,梗系義不容辭做一晚山頂嘅朋友; 聼吓歌輕鬆吓都好。

當然全晚唯一可以聼得入耳嘅就只有周董,其他啲連陪襯都稱唔上,簡直可以話係垃圾。整個音樂會最高潮就只有最後嘅僅僅45分鐘,點到即止。

Friday, October 07, 2011

誰偷走了我粒蘋果?

噚日一朝早得知冇推出5已經讓許多渴咗好耐嘅生果迷失望透頂,估唔到今日竟然再雪上加霜收到噩耗,連種樹嘅主人都魂歸天國。相信跟住落嚟果園將會有一場腥風血雨嘅大騷動。

不過點都好,係呢個世上有太多唔公平嘅事情每日都係我哋身邊發生緊,但係唯一一樣最無可厚非,而最最最公平嘅就係死亡。

勢必要記住教主嘅遺言,把每一日都當作生命中最后一日去生活; 假如未搵到你所要嘅,就要繼續搵,唔好停落嚟 直到搵到它。

Thursday, October 06, 2011

You Are the Apple of My Eye


噚晚睇咗一齣唔洗用腦嘅電影,戲裏面都係啲簡單直接嘅情節,歲月輕狂讀書時代嘅點滴; 青春期嘅豆芽夢,青澀嘅Puppy Love。因爲故事背景圍繞於90年代初,對好多80/90後睇咗都相當有共鳴,因此套戲係台灣咁受。

電影裏面有好多經典台詞都讓人景象深刻,仲會不時會心一笑。不過裏面有句對白感覺特別覺得有意思:“我想成為一個很厲害的人,讓這個世界因為有了我而有一點點的改變,而我的世界,不過就是妳的心。”

Friday, September 30, 2011

回憶是藍色天空





人生有幾多個五十年?能夠活到呢個年齡亦係一種福氣。

但願他日再次重聚!生辰快樂。

Thursday, September 29, 2011

遊牧一族

和蔼可親嘅屋主真喺相當令人敬佩,未夠一年又要加碼嘞。今次要加多600百大圓,令人感覺人間有情,心中暖意融融。估唔到今時今日仲會有咁明白事理兼菩薩心腸嘅屋主!

喺度衷心祝願佢身體健康長命百歲!!!!

Wednesday, September 28, 2011

期盼

千呼萬喚始出來,終于等到啦!再等多個禮拜就會舉行發佈會,到時候又將會有一輪爭奪及瘋狂搶購。

據説具備新嘅「必殺」聲控功能Assistant,顧名思義就喺「得力助手」,啟動Assistant後,只要開聲講「與A君有約」,Assistant便係行事曆上加入新約會,毋須動手。

另外,只要開聲講「我到了街市後,提我買鮮奶」後,Reminders便能在適當時候提醒記得買鮮奶。同時亦可建立以及送出短訊,整個過程只須「靠把口」。

又可以有新鮮生果食囖!Yeah! Yeah! Yeah!

Wednesday, September 21, 2011

正宗上海生煎皇


這款生煎包size比一般的骰,巧妙地將摺位置於底,在半煎半蒸的烹調下,令底部最多粉糰的部分變得脆卜卜,口感極好。

小店更有坊間少見的三骨大湯包,以豬骨、雞骨、金華火腿骨及瑤柱熬足4小時,味道鮮甜且充滿肉香,插入飲管在拳頭般大的湯包吸幾口湯,再用筷子把外皮撕開令湯汁流出,邊用外皮邊蘸湯汁吃,是正宗吃法。

地址:旺角西洋菜南街178-182 號地下A舖
電話:2323 2374

Tuesday, September 20, 2011

阿波羅18號


「美國太空總署」一直對外宣稱「Apollo 17」屬最後一次登月任務,但原來「Apollo 18」(阿波羅18號)早已偷偷秘密行事,兩名太空人被委派到荒蕪月球,進行史無前例大幅度探險,卻赫然發現這裡存在的,並不只二人!太空人用攝錄機拍下所有影像,幕幕驚心秒秒駭人,將二人失蹤前的最後死亡接觸一一呈現,最終迫使太空總署取消往後所有登月任務…

Monday, September 19, 2011

你唔好口水多過浪花


勁鐘意Do姐鬧I love兩隻嘢,再加上Ella嘅甜美歌聲;聼完之後成個人開心曬!

Monday, September 12, 2011

圓月之夜


九月嘅月亮光光高高掛,攝于2011年中秋佳節晚上,。

Friday, September 09, 2011

團圓

冇驚冇險又到咗中秋佳節,今年最特別就係減少食月餅; 直至今日只係食咗區區1/4。希望來年可以完全戒甩,又可以食少
樣好食但係又冇益嘅所謂佳節美食。

十幾二十年都冇同家人渡中秋,今年喺大家努力特別安排配合之下,終于可以一家人慶團圓。

就贈鄭九妹一句話: 但願人長久,千里共蟬娟!!!

Thursday, September 08, 2011

九月天高

最近生活靜靜似是湖水,一切都好平淡,冇乜嘢好寫之餘亦乜投訴同發洩。一直存在嘅問題亦唔會突然間解決或者消失,然而剪它不斷任誰來理都一樣亂,唯有將佢擱置唔去觸碰,暫且封存。

突然間唸起一段歌詞嚟描述依家嘅心情:九月裡平淡無聊,一切都好只缺煩惱。

Monday, September 05, 2011

感動



其實我本人覺得佢唱得唔錯,冇玩花巧,冇假音,冇重金屬音樂,就係正正經經咁唱出整首歌,有乜唔妥可言?難道真係好似佢老豆所講,要穿件牛肉上身就叫做前衛,叫做正常?!

到底家吓呢個社會點解會變到成咁架?要買一張正版CD,單係搵CD鋪都相當困難。搵到之後卻成間鋪都係買國貨; 最最最令人譁然就係抄到有9成五,連價錢都相差無幾; 明目張膽咁當正原裝正版咁去賣。

你估我係Richard咩?! 我的字典裏沒有放棄,因爲已鎖定你...

Friday, September 02, 2011

永恒

好嘅嘢果然經得起時間嘅考驗,無論過咗幾多年,依然歷歷在目,歷久常新。感覺相當實在,開心得嚟又倍感欣慰。

感謝上天嘅眷顧,令我學懂去珍惜。

感恩。

Thursday, September 01, 2011

+油

今年年頭開始懶惰起嚟,甚少去做運動,周末就算早起都留守家中hea; 結果下場咪就係搞到家下成條胎現曬形出嚟。毫無美感之餘仲搞到個褲頭鬼死咁辛苦。

睇嚟都係要的起心肝,開始跳返落水,減輕吓雙腿嘅負擔至得。

Wednesday, August 31, 2011

浮爾頓酒店




新加坡浮爾頓酒店位于擁有豐富文化歷史的娛樂中心區並坐落在萊佛士廣場,新加坡的金融和商業區。酒店房間和套房能眺望陽光照射的中庭或陽臺能欣賞美麗的城市天際綫,河流和大海。

Monday, August 29, 2011

真真假假

很久很久以前,謊言和真實在河邊洗澡。謊言先洗好,穿了真實的衣服離開,真實卻不肯穿謊言的衣服。后來,在人們的眼里,只有穿著真實衣服的謊言,卻很難接受赤裸裸的真實。

這段文講得非常到肉,簡單而且直接;將現今社會人性形容得貼切無遺。

Friday, August 26, 2011

觀音洞

仙旗局
願望井
繪馬一枚
許願樹,每逢農曆新年都挂滿善信們嘅彩帶
魚躍同情天工仔,都係日本吉祥之物
仿效日式神社嘅音羽瀑布
閉關之梯
位于怡保嘅觀音洞

Thursday, August 25, 2011

海闊天空


回頭睇到呢三棟樓,不期然就唸起; 15年嘅青春冇聲冇息就咁埋沒喺呢嗰深宮裏面,永無天日,永不超生。

不惜哀嘆歲月不饒人之餘,總會有花殘粉褪嘅一日; 亦不得不隨住天上面嘅風向而跟住折腰。

Wednesday, August 24, 2011

千秋帝業

周末去咗亞洲文明博物館參觀,呢次係新加坡及東南亞首次舉辦嘅兵馬俑實物展覽,上百件來自中國峽西珍貴嘅出土文物於本展覽一一亮相,係相當難得嘅一次機會。



Tuesday, August 23, 2011

清蒸白雲蟹


繼黑椒蟹之後,認唔住口再嚟多只清蒸白雲蟹。

清蒸果然另有一番風味,可以品嘗到蟹肉嘅鮮甜,而且又唔會食到咁邋遢。

Monday, August 22, 2011

不安

惡夢之後手上條佛珠係脫下嘅時候突然斷咗。兩對眼搵混成間房,搵咗成晚都搵唔齊,始終都係仲爭一粒珠。最後唯有放棄搜索,祈求神明指引;唔洗3分鐘就搵返,重要喺係一個搵咗10幾次嘅顯眼處。

跟住噚日連帶喺頸上面嗰佛牌都甩埋,但係個扣口就完整無缺,冇斷冇裂。接二連三嘅有咁啱得咁嘺,真係好邪啊。

疑惑陣陣,唔輪到我唔感到心寒~~

南無阿彌陀佛。。。

Sunday, August 21, 2011

惡夢

一向都好少發夢嘅我,前幾晚發咗個惡夢; 起身嘅時候發覺枕頭都喊到濕曬。呢類大吉利市嘅惡夢好恐怖,咁多日都喺腦海中抹唔去,至今依然瀝瀝在目,相當真實。

睇嚟我真係唸多咗... ...

Friday, August 19, 2011

尼古拉



經潘聰極力推薦下,特別留意呢首由李治廷唱嘅尼古拉。 好耐都冇一首廣東歌可以令到我第一次聼就會毛管棟,好嘅作品絕對值得公諸同好。

夜色勾引我 燈泡建設林立
城市在誘惑 一邊對我很嚴格
拿著鏡我面對蒼白 為未來在數白頭髮
我要被愛 因此獵殺

沒止境去愛 天天也似逃命
從信任固定 會令我更豐盛
流浪漢我沒法穩定 神轉交的天性
人類倒吊著我 看湖上水影

如殭屍般不會醒 人間中失去感性
流光眼淚去洗脫純情 無閒夜半觀星
如殭屍般的處境 人間晝夜明滅不會太分明
吸血似生存要領 太動聽

夢想的葬禮 青春也要磨滑
回憶似幅畫 故事卻太空白
人大了要學會踐踏 誰做個標準給我效法
太肚餓了 已沒有想法

如殭屍般不會醒 人間中失去感性
流光眼淚去洗脫純情 無閒夜半觀星
如殭屍般的處境 人間晝夜明滅不會太分明
吸血似生存要領 太動聽

燈飾 吞去我的背影
光陰 吞噬感性上愛惡本領
每夜探戈也是無止境 等到夢醒
殭屍不會醒 難堪都失去反應
而天使沒有給予同情 常人用痛苦換愛情
殭屍般的處境 人間對付同類不會靠感情
給我吻感仍帶有 政治性

Thursday, August 18, 2011

醉後語錄

1、分手的理由是假的,但分手是真的
 
2、如果心裡還存著不甘心,就還不到放棄的時候
 
3、不屬於我的東西,緊握在手裡,也只會弄痛我自己
 
4、不要去追求不屬於你的東西,這樣比較快樂
 
5、不是每一句對不起,都可以換來一句沒關係
 
6、如果人可以活在過去,那我寧願不要未來
 
7、如果有人可以依靠 誰願意獨立
 
8、一個人如果只能活在過去是永遠到不了未來的
 
9、我或許沒有辦法代替你傷心難過,但至少,在未來的日子裡,我可以把我的幸福借給你

10、如果兩個人不能堅持走到最後、再美好的過程、你會巴不得它是一片空白。

11、每個老婆都是老公身上的那根肋骨。每個男人都在找尋自己遺失在這個世界上最重要的那一根肋骨,因為他是男人心裡面最重要的那個部份。

Wednesday, August 17, 2011

乾手淨腳

你哋兩人針鋒相對過緊招,點解係都要牽涉下官在内?一封接一封永不休止嘅電郵,由朝發到傍晚,煩到死!

既然唔可以阻止,唯有直接將有關此題嘅電郵,統統直接載入垃圾桶,一了百了。

Tuesday, August 16, 2011

黑胡椒蟹


做咗三十幾嵗人,第一次真真正正一個人食曬成只蟹。黑胡椒芳香撲鼻,蟹肉又多又鮮甜,感覺當然爽到飛起,就連啲超惹味嘅汁都掃埋。

新加坡第一馳名美食「黑胡椒蟹」果然並非浪得虛名!靚!

Monday, August 15, 2011

休息喺為咗走更長啲路

短短幾日年假就咁就過咗,太快嘞完全唔夠; 期待下個月再接再厲,可以放長啲。

Friday, August 05, 2011

水果宴





娘娘禦賜熱帶水果宴,慰勞一班為宮中效勞嘅功臣。當中有水果之皇、水果之后、龍眼、柑橘、紅毛丹、蘭撒果; 統統都係又濕又熱嘅毒嘢; 但係卻令人忍不住口。

下官一個人食咗成粒貓山王,搞到鬼死咁飽; 就連晚餐都唔洗食。不過真係好好食,直至依家都仲係度回味;實在太太太太香,黃肉乾包,好靚啊!