曇花再開

一場與別不同，冇舞蹈員，冇交流，冇感言，冇安哥； 準時八時開場十時完結，虛幻得嚟又不失真實嘅演唱會。女神嘅一舉一動都讓在場嘅善信們瘋狂呐喊。當中要數"天空"一part仙女下凡，為所有嚟朝拜嘅善信灌頂加持場面最爲壯觀同震撼。

還記得當晚一幕又一幕感動場面，震耳欲聾嘅掌聲，到咗今日依然仲係腦海中浮現。從"約定"中嘅漫天飄雪，"乘客"背後淒美嘅雪景，"暗涌"、"夢中人"、"夢游"、"給自己的情書"、"曖昧"一首又一首意想不到嘅廣東歌，"但願人長久"、"悶"嚟個隨性全場大合唱，"臉"、"冷戰"、"過眼雲煙"嘅高音超水準演繹，"人間"不約而同嘅溫馨拍和、"新房客"嘅型爆出場look，以及最後"彼岸花"嘅重生特效。

簡直就係100%嘅視覺享受，讓所有善男信女們完全墮入一個虛擬夢幻嘅奇妙世界裏面，不能自拔。有幸能夠睇到呢場演唱會，不旺此生，阿彌陀佛。