屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Tuesday, January 31, 2012

惡人先告狀

中意抄人反而咬返轉頭話人哋抄佢!大家心知肚明一直以嚟有譜抄癮嘅山寨國,咩都中意抄人然後就誇大話自己嘅最好最犀利。家吓似乎變本加厲,簡直達走火如魔嘅地步。

衆所周知先有番薯國然後正有山寨國; 咁你哋話魚生,辣死你媽,肉骨茶,抄河粉,拉沙等來自邊度?

仲敢大大聲,理直氣壯話喺人哋抄佢嘅,真係豈有此理!

Monday, January 30, 2012

生生猛猛


話咁快又返咗嚟啦,呢個過年除咗食瞓,食瞓,食瞓,都係食同瞓。今年食得最多嘅就係魚生,幾乎日日都食。希望今年風生水起,發發發發發發發發發!!!!!

Tuesday, January 17, 2012

佛祖早已預備


呢兩日不斷被娘娘折磨到簡直瘋癲,搞到連呼吸都相當困難; 名副其實喺百分之百嘅心理變態! 今日係埋頭苦幹絞盡腦汁之際,突然收到呢份郵包。

係由非常有心嘅SK兄遠道越洋送過嚟嘅2011年度SK0617博客大賞。係簽收嗰一刻頓時覺得非常渦心兼感動,估唔到留言都會拿獎。其實與其話喺獎,倒不如話喺一份非常有心思嘅禮物。

聼住裏面熟悉嘅旋律,簡直猶如從天而降嘅靈丹妙藥。令我領悟到佛祖早已預備,至少我不被遺棄,難得你為我送嚟嘅呢份心意。感謝你為我打氣,感謝你從谷底將我救起。

感謝你!

Sunday, January 15, 2012

在你身邊

我哋做人有時就係咁奇怪,係啲冇風冇浪順境嘅日子入面,你唔會覺得身邊需要啲咩人。但係到你生活出現咗問題,就會好驚,覺得自己好似得番一個人咁。但係其實係你身邊嘅人,無論係屋企人又好,朋友又好,佢哋係度就係度,根本就冇離開過你。

所以無論你需唔需要佢哋都好,佢哋根本一直都係你身邊。所以跟本就唔需要驚,更加唔應該因爲驚,而去改變你同你身邊人嘅關係。因爲無論係咩情況下,佢哋都唔會丟低你一個人。你更加要相信嘅就係你有能力去面對未來任何嘅嘢。

Friday, January 13, 2012

得一想二

人就係咁,得一就會想二,得寸進尺跟住就愈想愈多,永冇休止咁一直貪婪落去。

1.和諧,不是一百個人說同一句話,而是一百個人說不同的話之餘,亦要懂得互相尊重!!

2.過去既事應該攞黎回味,唔應該攞黎逃避

3.無錯,依家大家聽到既嘭嘭聲就係強權同制度下既代表,係建制下既當權者,佢地最恐懼既,就係佢地管治技能的失去,外面既人有自己的諗法有自己既主張。但係Rock And Roll既精神就係果種獨立的精神,我地每一個人都係自己既主人,我地每一個人都有權主宰自己既路黎行!!!

4.唔同既決定會行出唔同既路,但我相信到最後,佢地都會係同一個終點出現

5.全亞洲最大的賭場吾係在澳門,而係在中環

6.你睇吓我地呢個世界,睇下我地呢個城市係乜野樣,除咗錢呢個字之外,我地已經分辦唔出是非黑白,我地每個人都被環境訓練到,好似倒模出嚟咁。鍾意食同一樣既嘢、鐘意同一樣電視節目、支持同一種政治立場,信奉同一種生死病死的做人方法,This City Is Dying, You Know ?

7.Rock And Roll NEVER DIE!!!!!!!"(x3)

8.獨立的精神、抗拒建制、自由、愛、勇往直前,其實何止是Rock & Roll,我們做人不是本來就應該如此嗎?

9. 點解人大個之後就咁多妥協, 咁多考慮, 咁多理由去面對現實先叫做正常

10.每一個人都有佢想做既事,而每一件事都有佢既理由,而呢D理由你無可能要你身邊所有的朋友都接受,如果因為人地既期待加上自己既交代,到頭來就算你維繫到D朋友係身邊,你可能都無左你自己

11. Brenda: 做大事嘅人銀包係裝銀紙, 而唔係裝廉恥

12. Ben: 一個女人年紀越大, 後悔嘅本錢就越少

13. 鼓佬: 只要將大話講一千次, 個大話就會變成真

14. 呢個世界唔會有太遲,係差在你願唔願意去做。

15. 佢地更加唔甘心嘅係,一個有700萬人ge城市點解文化觸角係咁單寡,而佢地最唔甘心嘅係,點解要去做一個隨波逐流嘅人。

16. 呢個世界唔歡迎好人,大家只接受偽善的人

17. 我們一生人中總會做過無數次大大小小的決定, 而我們亦總會試過問過自己"如果", 如果這個決定我當日是做了另一個選擇, 今日的我仲會不會是一樣?

18. 人是很奇怪的動物,每個人都是獨立個體,但是又會互相影響,然後在不知不覺中成長、改變,成長、再改變。但每個人改變的方向都不同,走的路也不一樣。有人會選擇積極向上、發憤圖強,有人會選擇開開心心、馬虎虎就行。以前熟悉的好朋友,到了今天會變成一個你曾經熟悉的陌生人。人會改變,整個世界正在變化,但是難道要接受人會改變就不再去執著他原本是一個怎麼樣的人,如果連我們也放棄去堅持去關心,那我們將來怎麼樣對下一代說怎麼樣去面對這個每一秒都在改變的世界?人是很奇怪,始終都要無可奈何地去接受改變這個事實。

Thursday, January 12, 2012

行情



一年之計在於春,新年流流一定會收到唔少炸彈。

因此,時下嘅行情一定要略懂一二,以免被炸到偏體鱗傷,粉身碎骨都唔知發生咩事!

祝願:好事高運

Wednesday, January 11, 2012

聖旨到

今日果然接到皇上聖旨,結果同預期嘅相差幾條街; 但係心中一早已經有數,既然冇期望就唔會有失望。

繁忙嘅職務一樣有增無減,爾虞我詐、假情假意嘅宮中日子依然要過。唯一最大改變嘅就係接落嚟要慷慨解囊大破財,將會破得徹徹底底,直插谷底爲止。

現實實在太殘酷,豈能人在江湖,仍能由己?

Tuesday, January 10, 2012

做多咗

以爲做好心快啲搞掂曬去,點知到頭來反轉豬肚,變相好心做壞事。慶幸獲得貴人相助化險爲夷,能夠喺最後關頭避過一劫。

實在太陰險毒辣,驚險指數飆升至頂點,搞到噚晚失眠,冇覺好瞓。

係呢個有功無賞,撲破就賠嘅環境下,為咗明哲保身,往後一於實行多做多錯,少做少錯,唔做冇錯政策。

Sunday, January 08, 2012

動畫版清明上河圖

清明上河圖
歷史嘅畫卷,智慧嘅長河。


清明盛世上河景象,古代繁華活若眼前!

Friday, January 06, 2012

奉天承運 皇帝詔曰

種種謠言同跡象顯示好似有啲眉目,但係又似是而非咁,實在令人感到忐忑不安。

等待嘅感覺的確唔好受,無論最後係點,下官一切遵從皇上諭旨發落。

Monday, January 02, 2012

2012

2012終于到啦,訂好位,買咗船飛未吖?

2011年最後的晚餐
零時零分煙火表演
2012年嘅第一餐
2012年一個非常滿足嘅午餐,感恩~~

Sunday, January 01, 2012

王菲《願》- 2012新年祈福


愿~嗡嘛呢唄嚜吽舍 (ong ma ni bei mei hong)