沙龍

發現好多人都好中意影相，而且仲好中意用自己嘅相機或者手機，拍下一啲團體照或者合照咁。之不過影完之後就不了了之，過咗成個月或者成年都冇曬蹤影。

以前就話要拿相去洗，麻煩兼要畀錢都話情有可原。家陣都已經數碼花，而且互聯網、社交網、短訊聊天室等等通訊工具大行其道； 但係依然仲有呢種人存在。

既然唔願意share出嚟，影嗰時就唔好爭住要畀相機人影大合照啦！影完之後又唔電郵畀人又唔分享出嚟，影咗好似冇影咁，為乜啫？