猛鬼村

從面書睇到呢張相，睇嚟喺山上唔使再煩惱有咩做。

單單入呢個村落一遊，包保你有得震冇得瞓！

修橋補路無屍骸

近排對嗰3G行動網絡好鬼火滾。無論你身處公司、屋企、商場、戶外、地鐵、地下層等等都係網絡中斷。

有時仲過分到明明嗰網絡接收圖標係滿曬，但係偏偏連發個短訊都唔成功。至於講電話仲離譜到聼唔到，又或者中途斷線。

大佬，我個個月畀你咁貴，依家就連2G嘅網絡都提供唔到，想點先？！

點算？

一直以嚟都有個疑問同煩惱，就係點樣處理啲海報。全部都簽曬名，又唔揼得； 但係又冇咁大嘅空間將佢哋全部裱起。難道就咁卷起擺埋一邊就算？好似有啲浪費喔！

唸唸唸唸~~~~

開工囖！

冬眠咗成半年有多，終于係時候起身開工咗。保持一貫作風，自生自滅。做得岩未必有獎，做錯就一定有罰。係呢個宮中一步之差，只有落得慘淡收場。

正所謂風高浪急，試問可以駕禦幾多次？第一次你會拒绝，第二次，第三次之後呢？一而再再而三，只會不能自拔。。。

幾多對持續愛到幾多歲？

最近日以繼夜咁煲添哥嘅劇集，係工作日裏面都可以睇到五集一日，果然佩服自己。可想而知返工來回嘅車程係幾咁耗時同無聊； 多得智能手機為我增添娛樂解困。

原本以爲首主題曲非C AllStar嗰首同名歌曲莫屬，點知卻換上胡鴻鈞嘅一心一生。唔係胡鴻鈞唱得唔好，不過如果用番C AllStar嗰首會更加親切，大家亦會睇得更加肉緊。

天佑我也

自從上次係香港發生咗嗰次“意外”之後，發覺跟住落嚟都係諸事不順，好多嘢都好似事與願違，而且頻頻不如意。

唔係話破財擋災咩？點解啲災難好似不斷咁發生嘅？一波未平一波又起，雖然稱唔得上乜嘢大件事，不過梗系有好多阻礙，好鬼死邪。

都係凡事小心為上，阿彌陀佛。

的士恐懼症

從此以後坐的士千萬要打醒十二分精神。 無論發生任何突發事件，都要冷靜兼且落車嘅時候，記得要拿番張收條以備不時之需。

貧與富

窮唔一定會邋遢，富又唔一定會乾淨。

窮唔一定會愚蠢，富又唔一定會聰明。

冬天里的一把火

因爲拜六飲少咗水，搞到依家喉嚨紅腫，仲好似有少少發燒嘅跡象。我呢個冬天體質，絕對就唔適合亞洲嘅天氣，不過偏偏就喺度生活咗差唔多就嚟40年，今時今日仲喺度不斷咁抗爭同排斥。

莫講話食煎炸爆炒完全冇得唸，稍爲一日飲少啲水啫，就即刻見效。假如有12月22日嘅話，我有一個願望 ： 希望亞洲變咗有四季，最好就係冬長夏短！

旅遊之談

以前曾經提及過，我一向都唔中意不停重復咁去同一個地方旅行。有朋友話同唔同嘅旅伴去同一個地方，會有唔同嘅體會，唔一樣嘅感覺。但係我就覺得，不停咁去同一個地方，驚喜已經大不如前； 假如中間發生啲不如快事件（如果換上唔一樣嘅旅伴），反而將之前美好嘅回憶都毀滅。

除此之外，旅行最最最唔想發生嘅就喺發病。一旦發燒發冷，翻曬白眼咁，乜嘢mood都冇曬。所以趁仲有魄力行得走得，就要快啲去曬自己想去嘅地方； 一旦老咗你想去想行，都會變得力不從心。

點都好，能夠有能力去旅行，始終都係一件賞心悅目，開行幸福嘅事嚟嘅。

臨別秋波

離別之際，梗系要到旺角掃貨啦。

呢度除咗人多廢氣多，平嘢就最多。

呢個場景相信不久就會係沖上雲霄2裏面睇到，

唔洗我再介紹啦！

浪遊香港，後會有期！

情憾中環

去咗香港咁多次，終于有機會真真正正咁行吓中環，

遊覽一吓半山扶手電梯，石板街，都爹利街煤氣燈等名勝。

鏞記燒鵝必定選擇，另外碟鼔油皇炒麵賣相平平無奇，

擺入口卻令人即時瞪大雙眼。

正所謂一分錢一分貨，包保你唔會後悔。

坪洲

夏日炎炎去離島吸收一吓新鮮空氣，未嘗唔一個好選擇。從中環坐慢新渡輪直達坪洲，沿途除了可以欣賞維港兩岸城市嘅景觀外，亦可以將繁囂鬧市下嘅精神壓力，完全放底下，感受一下悠閑生活嘅樂趣。

坪洲多年來沒有特別嘅地方被列為旅遊景點，但島內居民卻努力將古蹟及行山景點做咗清晰嘅指示牌，讓遊人可輕易搵到景點。加上小島面積約只有一平方公里，只消半天便可行勻全島。

步出碼頭，參觀天后廟同龍母廟，當然仲有那道清禁封令嘅石碑。島上居民多以單車代步，碼頭附近停泊了不少單車，遊客亦可租單車沿着海堤單車徑漫遊。挨近黃昏更可在海堤欣賞日落。

島內民風淳樸，除了一間較大型嘅超市，其餘商店主要係售賣簡單日用品、畫廊、精品店等。坪洲嘅食店都係小店經營，碼頭附近嘅青草地，招牌生薑黑豆漿冰凍解渴，薑味夠辛辣，值得一試。

盆菜宴

千里迢迢嚟到大美督，目的就係為咗呢餐忠誠海鮮盆菜宴
味道如何? 好明顯從以上張相，已經交待得一清二楚。

。

燕窩雜果西米撈

甜品能夠使人忘記煩惱，甜品能夠令人感覺開懷。
甜品能夠使人排毒下火，甜品能夠令人感官活躍。
甜品能夠使人容光煥發，甜品能夠令人感受幸福。

誰也在這一生某段落做過少數

凡事有利必有弊，有好就必有壞。試問現今社會仲會有一件事情能夠由頭好到落尾，中間完全冇到阻滯，好完美咁結束咩？咁嘅唸法絕對唔喺叫做負面，喺面對現實，做好心理準備面對事情嘅利與弊。

我唔想好似你咁唸得過分正面，事情一旦中途有任何唔順利就大發雷霆，喊打喊殺； 咁又何必呢？我唔出聲並唔代表我變得冷漠，漠不關心； 而係我一早已經有心理準備事情會有可能咁發生，所以好多時候絕對唔會同你一樣會有咩大反應。有時反而會覺得你反應過大，做多咗囖。

呢個就係環境將人嘅性格、思想、唸法改變嘅原因之一； 冇話對與錯，只係觀點與角度。

關於我

從微博上睇到呢個送給水瓶座的1008封信，裏面描述嘅内容相當準確。

水瓶座就係咁，中意獨斷獨行，但係水瓶座絕對唔會孤獨。假如你有時感覺到唔知我究竟想點？

對唔住，可惜我是水瓶座。

葉債延續

繼續償還永無止境嘅葉債，四晚裏面換嚟好多個第一次。
第一次感受到佢嘅誠意，唔係純粹表演
第一次喊， 不過唔係我而係佢
第一次全場觀衆企曬起身
第一次收到佢送嘅福氣
第一次嗌到失聲

飲飲食食

今年中秋佳節喺費爾蒙酒店除咗要寫報告之外，其餘時間就喺食同瞓咁渡過咗2日1夜。

行政套房 - 承為新幣410+++一晚啫嘛

午餐 - 日本餐 

（甜品綠茶雪糕同金箔紅豆糕簡直就係超靚！）

晚餐 - 四川閣

（中餐最令人感滿足）

早餐 - Prago 意大利西餐廳

宵夜 - 難忘嘅百酒配Tiramisu

明月高挂

人月兩團圓

今年中秋嚟得特別快，之後就係冬至嘅來臨，亦即係21-12-2012。

末日前最後一個中秋節，2013不見不散。

一天一天淺醉過一生

呢首在下嘅主題曲只喺唱咗一晚，就消聲匿跡，仿似海市蜃樓一樣，成爲絕響。

葉蒨文SATARTALK 訪問

細水長流

這是過山的河水　它奔馳流流始終堅持

為流入滔滔大海　方會安心而存在

按摩

自從幾年前去咗峇里島返嚟，就完全愛上咗揼骨呢個玩意兒。嗰度嘅按摩環境可謂一流，開放式嘅田園靚景，全天然嘅涼風，3個小時嘅按摩勢必令到你紛紛入睡為至。嗰次嘅經驗至今仍相當難忘。

相比之下，城市化嘅公式推拿按摩就大大令人失望，甚至每況愈下。尤其係呢度啲所謂按摩師傅，完全唔合規格。1個小時裏面已經數唔清行出去幾多輪，按兩吓又停吓，簡直係呃鐘！

最幣就係按完之後啲肌肉不但冇放鬆到，成個背脊慶合合到喉唔到肺，搞到啲假火出曬嚟！錢就畀咗，但係就成身火滾，仲攰過未揼！ #￥—%#·……）￥—*—#·#%·Q·$#^R%^!!

放肆

周末暴飲暴食,

到最後咪飽到咁囖！

它是我的國花

當大紅花綻放嘅時候，就係馬來西亞日嘞。

難得今日假期（冇我份），梗系要上載張國花嚟恭賀一吓。

叮噹誕生前100年祭

你睇!!多啦A夢嚟啦!

隨著各地有唔同嘅慶祝活動，呢度都唔執輸

（雖然嗰叮噹同大雄喺講馬來話...)

請問有咩可以幫到你？

下個星期二就可以升級嘞，到時候就能夠同我助手有更親密嘅聯係。

睇嚟好似我盼望已久嘅嘢，統統都發生係下個星期，非常期待~~~

願望成真

PG 家長指引

世事無奇不有，只要一日未死，都會有新奇嘅事情發生係我哋周遭。

一位一向以嚟走清高路綫嘅姑姑，平日獨斷獨行，高高在上； 今日竟然得罪咗娘娘，結果當然係冇好收場。 娘娘竟然將佢2003年所犯下嘅惡行連同證據一齊公諸於世。

原來姑姑從2003年開始不斷向宮中娘娘借銀兩，每個都用唔同理由或藉口，一直延續拖至今時今日。借咗鍾粹宮娘娘嘅用嚟還畀延禧宮娘娘，一個窿蓋另一個窿。

如此行爲真係得人驚，但願姑姑永遠唔放下官在眼内； 你睇我唔到，你睇我唔到，你睇我唔到....

這晚會熱到爆炸

隨著呢幾日嘅天氣預報，絲毫冇到一啲入秋嘅徵兆。睇嚟下個禮拜都係得個熱字，要過一個熱辣辣嘅假期多囖。

不過可以放假都算係一件好事，至於啲行程都喺時候再次檢閲一次，必需從新編排多啲室内活動，一切以冷氣為主。

相隔7年再次踏入紅舘，期待“最後”一個精挑細選嘅演唱會，倒數仲有10日！

請勿打擾

隨著年紀日漸增長，裏面啲機件都跟著生銹。連續兩晚瞓得比較輾轉，今日起身已經覺得全身乏力。喉嚨開始乾渴，周身骨痛之餘人亦變得無精打采，睇嚟又係發病嘅先兆。

我需要好好地瞓番一覺，其他一切暫且擱置。

今日VIP 葉蒨文

遊魂

有冇發覺大部分生活喺城市裏面嘅人，除咗變成低頭一族之外依家愈嚟愈多離魂族啊？

離魂族即喺一個人嘅肉體在，但喺嗰魂魄唔齊。無論你對佢講乜，都聼唔入耳。有啲甚至拿住部智能手機，但喺卻唔知自己其實想做啲乜，十足老人癡呆。

情況日益廣泛，嚴重程度令人非常擔憂。

回光返照

一般人理解，當一個人臨終前一刻都會出現回光返照嘅現象。我哋可以把它理解為人喺臨終之前迸發出嘅生命火花。有人認爲回光返照喺上天畀嘅最後配額（quota），當所quota都耗盡，就喺時候bye bye嘞。

喺咪每個人都會有呢种現象呢？（似乎唔喺）
唔同膚色唔同國籍嘅人又有唔有回光返照呢？（疑問）
究竟有唔有回光返照呢？（？）

菜

提到菜，呢度確實矜貴過肉類。炒碟清菜要8蚊，而且份量少到嚇人。大概7至8條菜，每條平均要1蚊。食水粉就連1條足嘅菜都冇，1塊葉撕開一半就司空見慣，見怪不怪。

既然菜都咁矜貴咪改放蔥粒囖。點不知對方登大對眼，好似我要佢放啲砒霜入去一樣。點啫？海南雞飯唔可以放蔥粒咩？放咗入去會死人架？！

一問

錄影機裏面嘅燒牒功能壞咗，一大堆要備份嘅節目燒唔到出嚟，搞到頭都大埋。究竟要點先至可以用最經濟嘅方法，把機頂盒裏面嘅内容儲存入部腦裏面呢？

（當然，出錢買過部新嘅錄影機就解決一切疑難。 不過我就喺唔想洗錢！！！）

淡似流水

最近生活靜靜似是呢碗淡而無味嘅麥皮，簡單得嚟又不失佢嘅營養價值。正如家吓嘅心態都喺一樣，一切以簡單爲主，返璞歸真反而喺最踏實最親切嘅。

就喺咁簡單

良心消費

喺大城市裏面，隨著大型連鎖店同食肆不停擴張，不斷橫行，壟斷市場。好多小本經營嘅舊式店鋪空間愈來愈細下，支持唔住而相繼結業。啲細舖想話賺少幾百蚊，薄利多銷都唔得，市民選擇又少左，睇到都心酸。

啱啱喺面書睇到一個金寳嘅專頁，乜嘢台灣士林，炸雞，麥記，泡泡茶，Old Town等等廣告，全部都即將營業。恐怕未久將來，連唯一一個能夠帶畀我好多童年回憶嘅小埠仔都冇埋。

喺人人被一式一樣嘅消費環境「催眠」下，多元化嘅本地價值將逐步消失。非常希望新一代能夠真正去反思佢哋現有嘅消費模式，培養出有良心嘅生活態度。

凡事有好壞

綠茶會傷胃，因為綠茶裡含有大量嘅單寧! 單寧又可稱為"單寧酸"，好傷胃。除咗因為佢會傷害消化道嘅黏膜層，佢仲會同一啲金屬離子結合(例如:鐵質)或者降低對於蛋白質同胺基酸嘅吸收，所以對於消化喺很大嘅傷害。

正因爲呢個原因，飲綠茶能夠減肥呢個講法喺啱嘅。對於胃一向唔好嘅人，最好唔好飲太濃嘅綠茶，更加唔好空腹嘅時候飲。最佳嘅時間就喺食飽飽之後，喝薄薄嘅綠茶就好。

挑戰情緒智商

無論喺上班定落班，幾乎每日都要逼地鐵，已成定局，無可避免嘅指定動作。不過我最近發現有一個現象，呢度嘅地鐵已經唔再喺推撞咁簡單，家吓已經愈嚟愈多人喺用批踭。大家目的只有一個，就喺逼入地鐵廂同前後嘅人面對面，身貼身一齊焗住到達終點。

無論喺高踭OL一族定喺西裝友，個個每朝早目喺地鐵柵口，都能夠清楚睇到佢哋嘅真面目。儀態，風度，禮儀，矜持，禮貌統統擺埋一邊，不顧一切，不擇手段逼入地鐵廂焗正喺真正嘅勝利者！

迷惑

我發覺近十幾年啲所謂歌曲都冇乜特別變化，根本冇一首歌能夠紅偏全球。隨著互聯網絡嘅方便，依家已經演變到下載咗整張CD都未必第一時間會聼，有啲甚至擺喺嗰電腦入面成年都未碰過。

宣傳唔夠？作品問題？歌手欠才華？下載/翻版效應？抑或現今實在太多娛樂，令到大家應接不暇？

一下子下載咗好多專輯，入埋電話裏面多時，明明睇到張專輯多次，卻偏偏冇嗰股衝動click嚟聼。

令人可悲嘅音樂世界。

蘇打餅

蘇打餅能夠中和胃酸，

因爲條數喺咁計:

NaHCO3+HCl=NaCl+H2CO3 H2CO3易分解为CO2+H2O

咪話唔畀面

點解打電話畀人然後又唔出聲，一直係度畀人聼你打字或者同其他人喺另一邊交談。 既然咁忙何必打電話畀人啫？自己冇本事喺同一時間一心二用，咪等你做好手頭上嘅嘢，正嚟打電話囖。 唔好打到嚟又唔拿起電話筒，放曬喇叭咁喺度扮曬好忙，請問你識唔識乜嘢叫做電話禮儀啊？

我曾經講過，一旦接到呢類電話一律唔會應酬，蓋電話!

南無

昨日一大清早打開報紙就睇到一則噩訊，坤寧宮一位德高望重嘅大臣，竟然喺星期六遇上交通意外過咗身。從報紙睇到大人嘅車頭相，腦袋一片空白，簡直喺令人震驚。

一位大好前途嘅大人，老婆仲啱啱懷有第二胎，原本一個美滿幸福嘅小康之家，眨眼間既然由天堂變成地域。宮中仲有下人上星期五見到大人到達養心殿與王爺傾談政务，估唔到竟然會變咗喺最後道別。

大人今日大殮，宮中氣氛沉重，一片愁雲慘霧。願阿彌陀佛帶領下，往生極樂世界。

人生無常，每秒每分每日都喺賺返嚟嘅，要學懂感恩之餘仲要珍惜。

冤葉

真喺七月鬼黯眼囖，原本嘅慳錢大劃，結果卻換嚟變相仲要洗多啲。 噚日上網訂飛到咗交易成功之際正恍然大悟，click錯咗日期，天啊！！！！！ 點解？！

為咗慳錢選擇只睇一場，一切安排妥當，塵埃落定。偏偏呢個時候為咗交通問題，應承請人哋睇一場演唱會。結果冇拉拉洗咗成千蚊冤枉錢，真係自作孽囖！

世事難料，呢筆葉債究竟幾時正還得曬啊？莫非冥冥中注定我要欠足一世？！

我做人真囖！

一直以嚟都唔中意將影過啲相片拿去加工同修改，感覺好似失去真實感，硬係好唔自然。因此我啲相通常都喺原汁原味，絕冇半點花假。

空中玩樂

AirPlay係你嘅HDTV上，播放係你iPhone、iPad或iPod touch嘅內容。 AirPlay讓你透過Apple TV無線串流你iOS裝置上嘅內容至你嘅HDTV及揚聲器上； 或讓你將顯示器上的內容鏡像輸出至大屏幕上。

有咗Apple TV，可以隨時隨地炫耀你嘅度假照片、影片以及將你嘅iPhone或iPad，搖身成為終極控制器； 將佢哋全部投放係你嘅高清電視上面。

休息工作再工作

當你感覺非常煩惱，好多嘢諗唔通，解決唔到嘅時候，不妨考慮吓寄情於工作。喺某程度上，的卻能夠令你暫時忘卻其他事情，完全投入咁去做好手頭上嘅嘢。

工作喺某啲時候都有佢嘅發揮之處，能夠將一個人從低谷拉返上嚟現實。

在下正如下圖每日如此咁活著~~

我真的累了

好多人都對我有種錯覺，覺得我要求好高，樣樣嘢都追求時尚，講求完美。可能喺我一向以嚟畀大家嘅印象喺咁，但其實我嘅要求好簡單，簡單到就連佢哋都難以置信。正如下圖：

如此簡單嘅一碗老鼠粉，對我嚟講卻喺遙不可及。

講老實活到呢個年紀，要做要睇嘅都已經做過曬睇過曬。呢一刻一切都希望還原基本，反而喺最滿足。生命雖然短暫，希望可以無限，人生就喺咁簡單。

測試

嚟做個壓力測試，回想一下自己喺過去一個月內有否出現下述情況:

1. 覺得手上工作太多，無法應付。
2. 覺得時間不夠要，所以要分秒必爭。例如過馬路時衝紅燈，走路和說話的節奏很快速。
3. 覺得沒有時間消遣，終日記掛著工作。
4. 遇到挫敗時很易會發脾氣。
5. 擔心別人對自己工作表現的評價。
6. 覺得上司和家人都不欣賞自己。
7. 擔心自己的經濟狀況。
8. 有頭痛/胃痛/背痛的毛病，難於治愈。
9. 需要借煙酒、葯物、零食等抑制不安的情緒。
10. 需要借助安眠藥去協助入睡。
11. 與家人/朋友/同事的相處令你發脾氣。
12. 與人傾談時，打斷對方的話題。
13. 上床後覺得思潮起伏，很多事情牽掛，難以入睡。
14. 太多工作，不能每件事做到盡善盡美。
15. 當空閒時輕鬆一下也會覺得內咎。
16. 做事急躁、任性而事後感到內咎。
17. 覺得自己唔應該享樂。

-------------------------------------------
計分方法：從未發生0分，間中發生1分，經常發生2分

0-10分：精神壓力程度低但可能顯示生活缺乏刺激，比較簡單沉悶，個人做事的動力不高。
11-15分：精神壓力程度中等，雖然某些時侯感到壓力較大，仍可應付。
16分或以上：精神壓力偏高，應反省一下壓力來源和尋求解決辦法‧

多餘

噚日因爲美金下跌，導致好多貨幣都上升，假如要出國嘅話，最好就呢幾日唱定啲外幣。

不過有條友仔噚晚去唱韓幣，因爲佢想hold住個匯率，竟然問咗兩替屋老闆一條非常愚蠢嘅問題： “老細，請問我可唔可以聼日一早畀錢你啊？”！！！

不得掉以輕心

跟咗王爺搵食已經有幾個月，下官喺養心殿嘅日子亦易過得多。 少咗好多無謂嘅應酬及打擾，多咗時間可以專心工作，同時協助王爺政權根基穩固。

正所謂不招人嫉是庸才，宮中耳目衆多，小人無處不在； 小心駛得萬年船之餘亦要無時無刻提高警惕，必需繼續步步爲營。

遺憾

連一個平時好少運動，兼且唔會轉去睇運動頻道嘅人，都對噚晚嗰場比賽搞到心跳一百，熱血沸騰。估唔到會如此着緊呢場比賽，簡直就喺一場高手過招，令人睇到咬牙切齒，兩個小時内嘅緊張氣氛，令到血壓不斷上升，甚至擔心自己會爆血管。

到咗頒獎唱國歌嗰一刻，睇到個畫面形成一個對比。睇住國旗慢慢升起，心裏面唸如果唱嘅喺Negara Ku，心情會喺幾咁澎湃同自豪。到咗嗰一刻除咗要接受現實之外，唯一嘅心情就只有痛心。

不過點都好，多謝兩位能夠畀我哋有機會睇到一場明槍實彈，精彩絕倫嘅比賽； SALUTE!

最後成晚當然喺瞓唔著，輾轉反側； 心情由極度hyper跌到最後直插谷底，感覺非常之失落，好耐都唔能夠釋放。上咗寶貴嘅一課，領悟到有遺憾的地方才圓滿。

天空海闊

當你打開張世界地圖，然後慢慢zoom-in仔細咁睇每一個國家； 你會發覺心裏面會不停盤算，跟住就愈嚟愈覺得自己喺幾咁渺小， 細到微不足道。

世界何其大，眾生何其多，浮生何其幻，終無一可執。

櫻桃小丸子

中意食車厘子，食完之後仲會有個櫻桃小嘴。

車厘子通常都好貴，而且唔係周圍都有得買。

據知車厘子能滋潤皮膚，治脾虛泄瀉，腰腿疼痛等，

有冇咁神奇啊？！

C AllStar《少數》

又一首勵志歌，好歌有好報！

主唱：C AllStar
作曲：Edmond Tsang@阿房宮
填詞：黃偉文
編曲：賴映彤@groovision
監製：簡@groovision

你在某天　放逐到宇宙那邊
怪異眼光　圍住你似畫了圈
你問句天　路人避得那樣遠
哪有人願意　來站到你站那邊

何以　當你不普遍
人家　先覺得此人煩或厭
傲~慢與偏見
人性中　生出了弱點

誰也在　這一生某段落　做過少數
誰都知　呼天不應　那種冷漠殘酷　
誰一個　漂亮轉身之後　做了多數
又會　能待那　孤軍　更好

誰會為　天空海闊　回頭　後退一步
誰也在　千夫所指裡頭　捍衛着城堡
即使我　只得　少數
但我　還是會　不相信　定數　

要是有天　對調你倆位置演
你又會否　和異數說地說天
每度賑災　為同類禱告贈暖
對眼前異數　誰在雪天中送氈

誰也在　這一生某段落　做過少數
誰都知　呼天不應　那種冷漠殘酷　
誰一個　漂亮轉身之後　做了多數
又會　能待那　孤軍　更好

誰會為　天空海闊　回頭　後退一步
誰也在　千夫所指裡頭　捍衛着城堡
即使我　只得　少數
但我　還是會　以溫柔　上訴

到底　為何　又和　敵人　示好
非因我　稱王的一天未到
誰若對人　夠人性
來日　你們　那兒孫都　將會　遇到

誰也在　這一生某段落　做過少數
誰敢將　他的本性　澈底　照實流露
誰當我怯懦　走出一步　讓我擁抱
若我　流落　對方的領土

誰會為　天空海闊　回頭　後退一步
誰會耐心的　開解世人　去放下屠刀
即使我　只得　少數
但我　還是以它　抵抗　命數

葉蒨文 《精挑細選》官方MV

望天

抬頭望天邊，不過完全睇唔見一隻雁！

株玉在前

話咁快又過咗4年，2008年嗰場震撼依然記憶猶新。今屆開幕典禮好多人心裏面，都會好自然同4年前嘅作比較。不過我個人認爲兩個唔同嘅國度，各有千秋； 大家都能夠將和睦，和平嘅訊息傳開，平分秋色，絕不欺場。

至於最焦點環節，就要數事頭婆跳降傘一幕，簡直型到爆! 難得一位地位高聳嘅女皇陛下，都願意參與演出，與衆同樂；由此可見時代已經變遷，以前嗰套已經狠狠咁被時間淘汰。

綠油油嘅田園景色，象徵英國工業革命的鋼鐵工業，展示“澆築”奧運五環，場面壯觀，憨豆先生嘅搞笑演出，大型歌舞以及雷射科技演出，碧咸乘快艇傳遞聖火，令人睇得振奮。

萬衆觸目嘅燃點聖火嘅一刻場面浩大，令整個會場氣氛為之沸騰。聖火台地上擺放着代表二百零四個參賽國家同地區嘅花瓣形銅片火盆，合組成一個大圓圈。由七位年輕運動員象徵薪火相傳並排而立，一齊點着其中七塊花瓣形嘅火盆。聖火蔓延開去，燃點起其他花瓣形火盆，變成一個大火圈，並漸漸升起及匯聚合龍，變成一個巨型火炬。

最後壓抽由披頭四成員麥卡特尼爵士同場内萬人嚟個大合唱，唱出翠日喺微博一位強國洗腦80/90後留言所指，"中國歌手孫燕姿"嘅經典歌曲《Hey Jude》把開幕式推向又一個高潮。

一波未平一波又起

香港都未曾還清，就要著手還雲頂呢筆巨款葉債，
果然精挑細選過囖！

垂涎三尺

上星期返鄉探親一個禮拜，做得最多嘅一件事就喺食！家陣睇返啲相都死猛吞口水；實在太好味啦！簡直就喺人間美食，令人難以抗拒。

當中有我最中意食嘅客家面、醸料、

同埋我心愛嘅Ramly Burger

 

返到金寳，當然唔少得糯米飯、鹹角仔、

以及唔食唔得嘅炸丸！

發嗡風

上個禮拜就交咗畀佢，當然要跟進吓去到邊度啦。結果條八婆問居然乜都冇做，仲理直氣壯咁話好忙，冇時間做。又話要請假又話好多嘢做咁。關我咩事喔，你做唔嚟喺你部門嘅事。

最後問一句，你幾時肯做？

好！就畀多一個禮拜時間你； 到時候再阿之阿左就唔好怪我恨！

葉蒨文願與Lam仔同台

CT vs MRI

1. 電腦斷層掃描 Computer-assisted tomography (CT scan)

是X光的一種， 主要是利用電腦拍攝多張橫切面X光照片， 就好像一片一片切片麵包的圖片， 於不同角度拍攝可組成立體照片，為身體各方面及器官提供清晰資料給予醫生作分析及診斷。例如有沒有腫瘤、感染、異常結構、或變異。 斷層掃瞄對淋巴結腫大, 胰腺疾病, 背部病痛, 肺癌尤為重要.


2. 磁力共振造影 Magnetic resonance imaging (MRI)

磁力共振掃描(簡稱MRI)是一種常用的醫學掃描技術，原理是利用大型的磁石透視人體的內部組織。可應用於全身從頭到腳每一部位。亦可看清楚體內的軟組織和水份多寡，同時可顯示從最外層皮膚到脊椎內神經，層次分明的構造。磁力共振比 X-ray 及 CT 更易發現腫瘤或病變，影像的清晰度是CT的20倍。

十戒

曾幾何時每晚都要花一兩粒鐘喺面書遊戲裏面，簡直喺到咗沉迷階段。世估唔到隨著時間飛逝，喺不知不覺間竟然可以完全戒甩。

曾幾何時每星期都要食炸雞一至兩次，簡直喺到咗不可收拾嘅地步。世估唔到隨著時間飛逝，喺不知不覺間竟然可以將佢減到一至兩個月食一次，甚至0次數。

曾幾何時....

人年級越大，最感安慰嘅就喺滿載回憶。

簡單

一個人可以放開懷抱去簡單生活，簡單做人，簡簡單單去睇呢個世界。

咁樣並唔係叫悶，而係一種本事。

長生不老

每次聼到長生不老，就會唸起秦始皇； 然後腦海就會浮起阿菲嘅動心。

每次唸起秦始皇就會唸到秦俑，然後腦海就會浮起莎麗嘅焚心似火。

冇任何理由，純粹個人感覺。

十大名畫

我心目中嘅十大如下 （排名不分先後）：

梵高嘅星夜

達文西嘅蒙娜麗莎

蒙克嘅吶喊

米開朗基羅嘅創造亞當

 

達文西嘅最後的晚餐

梵高嘅向日葵

畢加索嘅亞威農少女

維洛奈思嘅迦拿的婚禮

莫內嘅睡蓮池

最後當然唔少得我哋嘅清明上河圖啦!

別讓小島沉沒

最近不斷聼C Allstar呢個組合，除咗天梯之外，其實仲有好多好作品。

用心付出過嘅努力，喺唔會白費嘅，值得大家支持！

郵政匯票

仲記唔記得Wang Pos/Wang Kiriman呢樣玩意啊？想當年未有網上銀行交易嗰陣，要通過首都辦事處買演唱會飛又或者一啲產品相片之類，就要"冒險"去郵局買郵政匯票嘞。

冇錯，喺"冒險"！因爲通常我哋啲信件都會不翼而飛，尤其喺信件裏面放有價值嘅涵； 如一貫嘅劇情，統統石沉大海，永不超生。

至於要拿嗰張底去郵局追蹤或查詢，快則3個月，慢則不了了之。

這就是郵政匯票喺我心目中嘅唯一回憶。多謝曬！

歷年微軟眎窗作業系統

1990年 - Microsoft Windows 3.0
1992年 - Microsoft Window 3.1
1993年 - Microsoft Windows NT 3.1 （第一版NT）
1995年 - Microsoft Windows 95
1996年 - Windows NT 4.0
1998年 - Microsoft Windows 98
1999年 - Microsoft Windows 98 Second Edition
2000年 - Windows 2000, Microsoft Windows Me
2001年 - Windows XP
2002年 - Windows XP 64-bit Edition
2003年 - Windows Server 2003 （2003年3月28日）,Windows XP 64-bit Edition - 以Microsoft Windows Server 2003為基礎，同一天釋出。
2004年 - Windows XP Media Center Edition
2005年 - Windows XP Professional x64 Edition
2006年 - Microsoft Windows Vista
2009年 - Microsoft Windows 7

原來我大部分都用過喔!

桑塔露琪婭

仲記唔記得嘟姐係我愛扭紋柴裏面唱嗰首意大利文歌？

Sul ma re lu-cia, La-stro dar-gen-to
Pla-ci-dae I’on-da, Pro-spe-roeil ven-to
Sul ma re lu-cia, La-stro dar-gen-to
Pla-ci-dae I’on-da, Pro-spe-roeil ven-to

Ve-ni teal-la-gi-le, Bar-chet-ta mi-a
San-ta Lu-ci-a, San-ta Lu-ci-a

Con questo zeffino cosi soave
O com e bello star sulla nave
Con questo zeffino cosi soave
O com e bello star sulla nave

Su passeggeri Venite via
San-ta Lu-ci-a, San-ta Lu-ci-a

桑塔露琪婭嘅意思喺北歐尊為光明女神嘅基督教殉教聖女Lucia，Santa Lucia，同時亦有光明嘅意思。喺瑞典，每年12月13日為「桑塔露琪亞節」，人們齊唱名曲《桑塔露琪亞》。

悟

喺呢個世界上，能夠因爲你唔開心而為你喊，相信呢個人就喺你真正嘅朋友。

鏡子

世界上最令人失望嘅事，喺你以爲好了解一個人。但喺某一日，你先至發現你從來冇認識過佢。

而更令人失望嘅，喺你發現呢個你從來都未了解過嘅人，原來就喺你自己。

精挑細選

為今次演唱會精挑細選嘅一首全新作品，連日嚟不斷有驚喜，好開心啊~~~~

[葉蒨文 完全是你 演唱會主題曲]
唱: 葉蒨文
曲 : 鄭嘉嘉
詞 : 林夕
編 : Ronald Fu
監 : 趙增熹

像過去選擇 舊時時裝
沒懊悔選定 心向哪方
仿似蝴蝶 飛得了 跑不了
謝了花瓣 換到蜜糖

任興緻選擇 淡和濃妝
但永遠選擇 不去說謊
本性如此 心嚮往 手不放
放棄清醒成存夢境更耐看

只得這個我像我
不管怎麼挑剔我

有甚麼損失得不對亦不錯
我自己已注定我
懶得精挑細選過
若我敢想做我所想
就算難 很易過

沒法再選擇 舊時人生
像每個選擇 總有犧牲

選了陽光 不稀罕 那把傘
換到一身淋漓汗水也合襯

只得這個我像我
不管怎麼挑剔我

有甚麼損失得不對亦不錯
我自己已注定我
懶得精挑細選過
就似燭光燃亮烈火
沒有誰 灼傷我
木生火 總會暖心窩 我會懊悔麼
火生土 總要結出果 哪管對跟錯

當初失去了什麼
今天得到瀟灑過
有甚麼損失得不對亦不錯
各樣角色有代價
儘管精挑細選過
做了燭光 回頭又擔心灼傷 不是我

祝君好運

下官已經盡曬力做到最好，奈何事情到咗呢個局面，亦為無可奈何之事。

就算喊打喊殺，要閙要吵甚至要向娘娘稟告，下官都做唔到啲乜。

宮中太多唯恐天下不亂之士，只能嘆句： 保重

普羅米修斯

雖然外界對此片評語好壞參半，但係睇完之後覺得導演依然寶刀未老； 呢套暫時對我嚟講會係今年三甲之一。

可能對科幻片情有獨鍾嘅關係； 無論題材、音效同場面都做得相當出色。尤其圍繞成套戲嘅主題“人類嘅起源”同埋片未帶畀觀眾發人省思嘅想像空間，都喺值得買飛入場睇嘅一套電影。

Intimately Yours 2012

葉蒨文完全是你演唱會2012海報終于浮面啦！

好簡單好靚~~~~感動ing

建行（亞洲）信用卡獨家優惠訂票

葉蒨文完全是你演唱會2012

歌后葉蒨文個人演唱會，一等七年，終於成事!歌迷久候，引頸以待!

日期： 2012年9月22日至24日
時間： 晚上8時15分至11時15分(足本3小時)
地點： 香港紅磡體育館(紅館)- 香港九龍紅磡暢運道9號

你最想聽邊首?
《零時十分》、《祝福》、《信自己》、《秋去秋來》、《情人知己》、《女人的弱點》、《完全是你》、《甜言蜜語》、《傷逝》、《黎明不要來》、《珍重》、電影《秦俑》主題曲《焚心以火》和國語歌曲《瀟灑走一回》、《曾經心痛》、《真心真意過一生》、《真心》、《晚風》、《選擇》?

門票快將於城市電腦網售票網公開發售，請密切留意公佈

城市電腦網售票網售票方法:
方法1) 城市電腦售票網 - 網上
方法2) 城市電腦售票網 - 電話 2111-5999 (10am - 8pm)
方法3) 通利, 各區大會堂, 文娛中心



又要開始還債囖！

人比人比死人

點解要比較，有一出世就開始比較，直到死嗰一刻都仲要比較。

莫非比較就係人嘅天性？比較咗之後又點呢？會飛咩？何必自討苦吃咁愚蠢呢？

趁春濃為我展歡顔

趁著仲有資格，快快完成呢個多年嚟嘅心願，以免後悔莫及。

立定決心，今次一定要成功！Ganbatte Kudasai

網上購物

唔知點解到咗今時今日，我依然好少選擇呢個方式嚟購物。就算有都喺少於20抆以下嘅產品，因爲萬一有乜差池，都會喺損失頂隆20皮，冇咁傷。

至於上五十到百嘅產品，我都喺忠於選擇一手交錢一手交貨。既可以現場驗貨之餘，亦能夠親身睇清楚貨品嘅真僞。

穏陣好多囖！

分裂

每個人心裏面，都有嗰唔可以畀人觸碰嘅地方，我哋稱之爲秘密。

喺自我保護嘅意識下，秘密會被壓抑、扭曲、遺忘。

但當呢種意識崩潰嘅時候，人嘅情緒會被牽動。

妒嫉、執著、暴力，一切將會一發不可收拾。

多謝夾盛惠

唔該啲哥哥姐姐唔好再上傳啲細路相好嗎？自己嘅面書，但係就成日上傳埋啲細路（仔/女）相片，有幾可愛幾趣緻啊？我唔覺囖！

仲有啲哥哥姐姐成日就喺度講仔/女經，好鬼死悶囖！！！而且我一啲興趣都冇囖！！！ thank you多謝曬！

基督教與天主教的差異

稱呼：
天主教：上主，天主
基督教：基督，上帝，天父，神
信仰：
天主教:是憑功德赦罪得救。
基督教:是因信稱義，憑恩典得救。
教義：
天主教:強調「罪」與「罰」、「天堂」和「煉獄」。
基督教:強調「因信稱義」、和 神之間的親密關係。
崇拜：
天主教:有敬拜三位一體的天主（聖父、聖子、聖神），也有崇拜瑪利亞被尊為聖母。
基督教:只敬拜三位一體的 神（聖父、聖子、聖靈）。
耶穌的母親馬利亞：
天主教:相信聖母瑪利亞是永遠童貞的女子。也是耶穌的生母，耶穌既是聖子，童貞
女瑪利亞便是當然的聖母。
基督教:認為童女馬利亞和普通信徒只有一樣不同，就是她把身體獻上被主使用，讓
主道成肉身到世上來。童女馬利亞和主耶穌除了在肉身的關係是母子以外，她便和
其他的信徒一樣只是一個人而已。
活動名稱：
天主教:主要是望彌撒，彌撒的意思是要將耶穌再獻給神為人贖罪，使人得赦罪。時
間有每星期一至日。
基督教:是主日崇拜（聚會），時間在星期日。
禱告：
天主教:必須透過神父來禱告、認罪，他們認為這些人可以在人和天主之間成為帶領
者。
基督教:沒有這樣的分別，每個人都可以直接向神禱告。
赦罪：
天主教:對信徒犯了罪認為當向神父告解，藉著神父的宣告才得赦罪。如果信徒認為
大罪必須藉著聖洗，告解、聖事才得赦免。
基督教:我們信徒若認自己的罪，每個人都可以直接向 神，並求 神赦免我們的
罪。這樣才能洗淨我們一切的不義。
服事人員：
天主教:神父和修女終身都要實行「獨身」，並且在修道院透過簡單的物資來生活。
他們每天都有內部的望彌撒，並且一天有數次。
基督教:牧師可以結婚生子，並且因為不同的呼召而在不同的環境中執行不同工作。
祭拜：
天主教:有遵照中國傳統禮俗舉行祭祖典禮；例如：拿香、聖體遊行、跪拜祭祖。
基督教:認為拜祭祖是崇拜偶像之罪惡行為，「除了神外，不可把神的榮耀變為偶
像」。
十字架：
天主教:聖堂的十字架上有耶穌基督像。
基督教:會堂的十字架上完全沒有耶穌基督像。

願望成真

 Siri終于識聼廣東話囖，簡直喺天大嘅喜訊。

以後又多咗個好助手，幫我紀錄同管理一切事務，消災解困。

北上

 

老朋友母親大人千里迢迢，送上嘅愛心餸菜，

感覺溫馨嘅一餐住家飯。

我唔中意煎炸辛辣，清清地就最啱我口味。

最近閒來無事，一到周末就北上踩背按摩，同埋周圍去搵食囖。體重就當然不斷咁上升；都活到呢個年紀，中坑一名。想做嘅都已經嘗試過曬，唔通仲好似啲花靚咁夜夜笙歌咩。

燃燒歲月

生老病死喺自然定律，每個人都會經歷僅僅一次； 奈何有啲人仲會咁介意自己老。隨著時間同經歷，終須會有老嘅一日。點解唔可以大方咁承認兼接受自己老呢？

冇後生過又點會老呢？老又如何？睇開啲，接受老吧！

最冷一天

哥哥呢首遺作真係耐聼，愈聼愈心寒，打曬冷震。哥哥果然功力深厚，好嘢！

藉口

今日做到頭就嚟爆炸，攰到唸唔到嘢； 惟有食餐好嘅嚟獎勵自己。雖然糖份好高卡路理超標，不過唔理得咁多； 人生短短幾十年，食咗先算。

放假與渡假

好多人有個錯覺就係每次我拿假返鄉下探親，都誤以爲我去渡假。

查實放假與渡假完全係兩回事囖。每次放假返鄉下可謂仲攰過返工； 由朝到晚呢度去過度去，又要繳交啲過期乜費乜費、修理呢樣嗰樣、洗地洗衫洗窗簾，仲有仲有... ...

因此返鄉下對我嚟講其實唔係渡假。不過，我仍然堅持無論遠近長短，一年一度渡假係必須嘅。完全乜都唔做，齋hea每日吃喝玩樂嗰只，咁先至名副其實叫做渡假!

地球很危險

今日一朝早出門，鞋到未著曬就流到滿身大汗。跟住再落埋樓行咗幾步，由内到外都濕透，好似落雨淋到濕曬咁。

最不可思議就係過咗五分鐘之後，竟然落起雨嚟。猛烈嘅陽光，再加上雨水造成嘅蒸汽猛然上升。熱上加熱之際，我就好似熱鍋上的螞蟻； 遲到就遲到，總好過行到一半熱到洗脫而猝死。

究竟發生咩事？晨早7點幾仿佛身處侷爐中，完全冇到清新空氣。

睇嚟呢個鋼筋森林真係就快要滅亡，大家攬住一齊等待末日降臨吧！

夫復何求？

期待已久，恨咗十幾年今日終於完夢。上天其實真係對我不薄； 尤其今年時，未到半年生日願望經已達成。

人生有幾多個十年？

當一個人到咗個年齡，想去嘅地方已經去過，想食嘅已經食過，想做嘅事已經做過，想得到嘅嘢已經得到手； 最後反而最想嘅喺反撲歸真，回到最初點，一切由零開始。