屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Friday, July 27, 2012

株玉在前

話咁快又過咗4年,2008年嗰場震撼依然記憶猶新。今屆開幕典禮好多人心裏面,都會好自然同4年前嘅作比較。不過我個人認爲兩個唔同嘅國度,各有千秋; 大家都能夠將和睦,和平嘅訊息傳開,平分秋色,絕不欺場。

至於最焦點環節,就要數事頭婆跳降傘一幕,簡直型到爆! 難得一位地位高聳嘅女皇陛下,都願意參與演出,與衆同樂;由此可見時代已經變遷,以前嗰套已經狠狠咁被時間淘汰。

綠油油嘅田園景色,象徵英國工業革命的鋼鐵工業,展示“澆築”奧運五環,場面壯觀,憨豆先生嘅搞笑演出,大型歌舞以及雷射科技演出,碧咸乘快艇傳遞聖火,令人睇得振奮。

萬衆觸目嘅燃點聖火嘅一刻場面浩大,令整個會場氣氛為之沸騰。聖火台地上擺放着代表二百零四個參賽國家同地區嘅花瓣形銅片火盆,合組成一個大圓圈。由七位年輕運動員象徵薪火相傳並排而立,一齊點着其中七塊花瓣形嘅火盆。聖火蔓延開去,燃點起其他花瓣形火盆,變成一個大火圈,並漸漸升起及匯聚合龍,變成一個巨型火炬。

最後壓抽由披頭四成員麥卡特尼爵士同場内萬人嚟個大合唱,唱出翠日喺微博一位強國洗腦80/90後留言所指,"中國歌手孫燕姿"嘅經典歌曲《Hey Jude》把開幕式推向又一個高潮。

4 comments:

  1. 我連睇都冇睇囉.. 上一屆仲興致勃勃, 呢一屆我情願大覺瞓~~

    ReplyDelete
    Replies
    1. 其實都幾好睇架。我都喺錄低咗,周末睇返。

      Delete
  2. "中國歌手孫燕姿"嘅經典歌曲《Hey Jude》!!! 哈哈哈哈哈哈!!! 本週最佳笑話~~

    ReplyDelete

讓我編織海市蜃樓,一天一天淺醉過一生。