胡亂唱

其實我哋每日咁辛苦，有咁多嘢要呻，想買樓又買唔到；政府推出一系列計劃，根本冇一個能夠直接受惠。當有咁多不快嘅時候，日日搭巴士返工又或者坐地鐵嘅時候，都會板口板面； 好似都唔知為乜嘅時候，其實都要搵一個窗口，搵一個出口位畀自己去抒發吓内心裏面嘅憂鬱。

其中一樣嘢就係喺你最私人嘅時間，可能就喺沖涼房入面，開著花灑沖緊涼係度唱歌。其實呢啲就係叫做胡亂唱。你我總要有一啲方法，去宣洩自己心中不滿嘅。