清水

唔記得又幾時開始，已經習慣咗出街時會隨身帶一樽水。目的喺想無時無刻有水飲，唔洗去買啲五顔六色嘅飲料，又或者飲啲貴到離曬譜嘅蒸餾水，礦泉水之類。

身邊有好多朋友都唔習慣飲清水，佢哋會買啲有味道嘅飲料或者汽水之類嚟補充水份。然而又有啲朋友為咗唔想扲荷包買水，選擇唔飲水。

因此，一日八杯水呢個健康理念，對好多人嚟講表面上好似好容易，其實又有幾多個人能夠真正做到呢？