哭了，才知道甚麽是哭了

哎喲，真喺羞家囖，咁大嗰仔第一次連套片啲字幕放完，散咗場之後都唔敢行出戲院。全因雙眼喊到又紅又腫，啲微絲血管爆曬，兼且又忘記帶墨鏡，點樣行出去商場見人啊？！

起初都有啲猶豫會否入去睇呢部片，畢竟對大陸製作出品嘅戲有所保留； 套戲啲特技肯定好唔得過好萊塢，啲演員由冇嗰識，真喺有一時三刻想縮沙。結果入到戲院唔夠十分鐘，就開始震； 短短32秒強震，換嚟32年嘅餘震。

當中數最震撼嘅场面莫過於嗰女推開家中大門嗰一刻，啲眼淚從眼眶中缺堤洶湧而出，完全忍唔住嘞。一直用手去抹，但喺就一直喺咁流，無從選擇嘅情況下，最後唯有躲入厠格，等到止喊咗正可以行出嚟。

咁嘅催淚劇情片，只此一次上戲院睇，下不爲例。羞家架嘛！