這些年來繼續鍾情張國榮紀念特輯

今晚淩晨12：30至02:00，香港人網林雨陽嘅五個一夜情特備， 這些年來繼續鍾情張國榮紀念特輯。請嚟李惠敏、盧巧音、鄧建明同埋嘉賓主持袁文傑一起繼續張國榮。

講與瞞之邊緣

講與唔講之間其實喺非常痛苦，我諗正所謂有口難言就喺咁解。唔能夠將事實講出嚟，仲要一直保守落去。

假如有朝一日好似Sa基一樣，被踢爆曝光之後，我真係唔敢去諗後果會喺點。難道要效仿佢哋，開記者招待會發表聲明不可？我將會一樣，絕對唔會設問答環節架。

拜山

每年到咗呢嗰日子，都會長途跋涉返屋企爬山，今年亦唔例外。聼過好多朋友講，屋企一路嚟都冇呢嗰環節，所以對呢日亦冇乜特別感覺。由細到大因爲老豆嘅堅持，我哋每年都要出席； 就算幾咁唔得閑，幾咁唔願意，都唔可以有藉口。

我唔會喺度評論，究竟呢一切行爲背後會有啲乜意義； 心裏面只係知道，呢嗰環節我一定唔會斷，直到我行唔到去爲止。

今年值得慶幸嘅喺，將唔會爬咁多頭山，剩低一個姐。移民到xx山莊之後，我哋可以改為室内冷氣進行拜祭儀式，唔洗汗流浹背咁辛苦，時間無形中亦縮短咗。感覺將會喺點，留返拜山先講啦！

刹到嚟

大限將至，明日就喺交屬款之期。一切準備就緒之後就只有等，等佢哋打電話嚟通知藏心地點，然後依時回合，矯裝上機著草。整個計劃唯一嘅條件就喺唔可以洩漏風聲，千期唔可以報警。

風之花

聽到呢首歌，即刻就會諗起Do姐嘅版本。單係嗰段獨白就夠曬絕，沙漠都出埋嚟！表姐，你好嘢！



Windflowers, my father told me not to go near them.

He said he feared them always,and he told me that they carried him away.

Windflowers, Beautiful windflowers I couldn't wait to touch them, to smell them I held them closely.

And now I cannot break away.

Their sweet bouquet disappears like the vapor in the desert.

So take a warning, son.

Windflowers, Ancient windflowers.

Their beauty captures every young dreamer who lingers near them.

But ancient windflowers, I love you.

沒時間

秒速捉得緊了，而皮膚竟偷偷鬆了...計劃了照做了得到了，時間卻太少...對呢兩句歌詞特別有共鳴，猶如身同感受一樣，好無奈。

計劃咗好耐嘅事情終于做到咗、實現咗，虛榮感、滿足感亦得到咗，到頭來卻有種空虛嘅心情，好似唔知失去咗啲乜嘢咁，好難受。所以話，當你察覺到時間唔夠嘅時候，其實你已經開始老啦。開始覺得力不從心，有啲嘢想捉但係又捉唔住。唯一嘅方法就係要放鬆生活，自我調節嚟平衡自己。

我要透氣

由朝喘到依家，電話響足成日，終于有時間可以停落嚟hea吓。多得姑姑同嗰劇肥嘢帶挈，搞到呢排啲嘢都衝住下宮而嚟。唯有忙中偷閑上嚟發洩吓，吐吓苦水平衡一吓心態。

希望大家唔好有嗰錯覺，覺得我好煩，成日喺度投訴，發放負能量。其實....我平時唔喺咁架 （有睇女王辦公室就會明）。

火都嚟

容忍喺有限度，當過咗底綫，忍無可忍嘅時候，就無須再忍。有啲人，得寸進尺、變本加厲、愈嚟愈過界，一定要狠狠咁閙佢一鍋金嘅正肯收口同收手。你哋話喺咪犯賤呢？！

做人，講説話要識得分寸，見好就收。唔好三分顔色上大紅，要求多多，嫌七嫌八，諸多要求。唔喺每個人都要好似你身邊嗰位咁奉承你，遷就你，買你怕；要做王子、公主就唔該你返你嗰屋企。

一封紅紙

整嗰農曆一月份都已經過曬，今日居然仲會收到紅包； 咁喺唔喺代表下宮今年有運行，鴻運當頭，大富大貴呢？！

係宮中虞我詐喺必要，不過奉承嘅説話，同埋過時過節嘅俸祿亦少不了。好現實咩？不過事實就喺如此，唔到你唔去接受。

要記住，能夠猜到主子嘅心意唔係乜嘢本事，要令到主子唔擦覺，你條命先可以活得長久！

丞相肚裡可撐船

雖然明知嗰劇肥嘢有意刁難，全心玩嘢； 就算心理面有幾咁唔舒服、幾咁難頂，幾咁唔服氣，但喺下官知道依然要咧嘴微笑，施展全身功力演埋場戲落去，直到散場為止。

踏出門口嗰一秒，下官對住塊鏡頓時覺得自己確實夠假，假到可以話喺出神入化。冇法啦，要喺宮中生活過得安穩，生存之道首嘅要條件就要識得假。要幾假就有幾假，甚至假到連自己都唔察覺。一旦時機成熟之時，就要即刻抓緊，嚟嗰變臉； 跟住就喺厲行三毒，神不知鬼不覺，將所有眼中釘一一除去。

時間令痛苦都醫好

喺呢一刻，只想點唱以下首歌畀自己。


　
可日夜也埋頭醉心工作，最好出一身一臉熱汗，痊癒便靠這配方！

要擁有必先懂失去怎接受

明明放咗入口嘅肥豬肉，到頭來都要吐返出嚟。一切已經準備就緒，臨門一腳卻將整個局面扭轉。

睇嚟我真係需要更深一層去學習‘要擁有必先懂失去怎接受’呢句説話。呢次經驗令我更加清楚，保持低調喺首要條件； 要事成就必須低調。

落花流水

娘娘自從打入冷宮之後已經深居簡出，估唔到娘娘佢始終按耐唔住，依然嚮往昔日雍容華貴，要風得風嘅日子； 居然想攀越紅墻逃出宮。咁大件事當然會驚動到宮中上下，然後就會將消息傳送到皇上耳邊。

相信跟住落嚟宮中，又再會泛起滔天巨浪，翻雲覆雨，驚天地泣鬼神。一場世紀海嘯整裝待發，隨時隨地即將會大爆發。到時候又唔知會牽連到幾多嗰無辜宮婢，白白咁去送死。

都喺嗰句：

不愛宮牆柳 衹被前緣誤 花開花落自有時 總賴東君主
要走 慶幸喺你心中有愛 要留 只怪我心中仍然有恨
如今 就只好靠你去償我哋呢一個海闊天空嘅心願
珍重！

默默向上

日復日，年復年，轉眼間已經係第四個年頭。無論前路多麽坎坷，身心多麽虛弱，頭腦多麽空白，勢必要達到過千目標。

還剩低幾多心跳，還在數趕不及了，計劃了照做了得到了，時間卻太少！

一個系列

從葡萄成熟時、人車誌、裙下之臣、沙龍、至到最新派台歌陀飛輪，講盡時下每一個男人，係去到某一個年紀或者某個階段之後，都會擁有過嘅嘢。

葡萄成熟時=紅酒
人車誌=汽車
裙下之臣=女人
沙龍=相機
陀飛輪=手錶

當你好努力去擁有曬以上呢五樣嘢之後，卻因爲佢哋而令你失去一啲嘢而搞到自己好唔開心。呢一切庸人自擾嘅舉動，就係人生嘅奧妙。

係時候反省諗清楚，究竟每日工作咗咁多嗰小時，買到咁貴嘅錶，但係其實喺咪真係嘥咗啲時間呢？買到嗰手錶，失去咗時間，喺咪你人生嘅目標？你嘅人生係想要啲乜嘢呢?

馬不停蹄

終于完成一個課程，跟住落嚟又要迎接下一個挑戰，繼續埋頭苦幹。人生就喺如此，一浪接一浪，永無止境，永無邊際。呢種生活模式，你可以當做有上進心，有抱負、有目標；但喺長此落去，都會有筋疲力竭，精盡人亡嘅一日。

人生總有許多巧合，兩條平行線也可能會有交匯的一天。當你攰嘅時候，不妨停落嚟歇一歇，你可能會發現一切完全唔一樣。

痛愛

頸肩痛、腰背痛、關節痛、心絞痛、神經痛、腰腿痛、耳朵痛，屁股痛、鼻竇痛、痔瘡痛、乳房痛、手腳痛、肌肉痛、喉嚨痛、眼晴痛、風濕痛、髕腱痛、前膝痛、膝蓋痛、睪丸痛、頭痛、胃痛、肚痛、牙痛、心痛、經痛、仲有就喺 - 男人最痛。

以上咁多種痛，你中咗幾多種痛？

願佛祖保佑你我，遠離疼痛。

花樣年華

曾經為之瘋狂嘅一部電影，導演將佢拍得份外凄美浪漫。每日落樓買面擦身而過嘅情景，周慕雲同蘇麗珍第一次約會食西餐，曼玉一幕一件嘅高貴旗袍，潘迪華姐姐嘅包租婆，套戲嘅配樂，仲有裏面好多好多精彩對白，直到依家都唔會忘記。

那些消逝了的歲月，仿佛隔著一塊，積著灰塵的玻璃，看的到，抓不著。他一直在懷念著過去的一切；如果他能衝破那塊積著灰塵的玻璃，他會走回早已消逝的歲月。

永遠的微笑

等待喺最沉悶，等待喺最忐忑，等待喺最煩厭，等待喺最考驗，
等待喺苦惱的，等待喺漫長的，等待喺心急的，等待喺彷徨的。

等待喺要耐性，等待喺要清醒，等待喺要堅持，等待喺要經驗，
等待喺有期盼，等待喺有希望，等待喺有推動，等待喺有生命。

内地嚟嘅

啱啱食咗一餐完全冇到質數，極之難落肚嘅午餐。最簡單嘅海南雞飯，雞肉得六成熟而且喺冷嘅，雞飯竟然喺頭熟尾生，最最最頂唔順嘅就喺碟油菜，竟然有好重嘅牛肉味，就好似啲牛肉汁淋上啲油菜上面。成餐晏簡直就難啃到要叫救命，完全冇曬食欲，幾乎反胃。

呢一切嘅發生原因非常簡單，只因全部工作人員從廚師到收銀都喺清一色大陸人！冇辦法，改唔到架嘞，格嘅事；唯有下次加倍小心去搵食係嘞。

循環

新春佳節假期已過，所有啲貪官、公公、姑姑、娘娘、妃嬪、答應統統冬眠後脫殼醒來。日常嘅差務依然繼續只有增永無減； 再加上班蛋散挖返去年或者經已風塵多年嘅嘢出嚟； 實行要考記性、考功力，方死做你唔死！

一嗰二嗰喺度扮曬忙、扮勤力。下官就即管睇吓你哋班卡啦囌三分鐘熱度可以維持幾耐，唔洗一時三刻又會重施故技，嗰嗰走返入皮竇裏面繼續冬眠。

假如

如果南瓜真喺可以變成童話故事裏面嘅馬車，咁呢嗰世界上就多咗好多憧憬，人亦會變得美麗、開心得多嘞。做人可唔可以簡單啲； 多啲包容、少啲機心。

叮噹中的主要角色

叮噹Doraemon：来自未来世界的蓝色貓型机器人，为改变大雄的命运而来。

大雄Nobi Nobita：故事最主要角色，也是哆啦A梦中唯一一个每回都有出场的角色。功課體育不好個性懶惰，但心地善良，热爱自然。擅長的有射擊、翻花繩和快速入睡，尤其是射擊，可說是百發百中。

靜宜Minamoto Shizuka：大雄的女同學，用功兼性情溫和，是大雄未來的妻子。

阿福Honekawa Suneo：家裡有錢，喜好炫耀的同學。

技安Goda Takeshi：本名剛田武。力量大，愛欺負人，但也有正義感的同學。喜歡唱歌，但歌聲嚇人。

大唔透

千金難買心頭好，難得畀我睇到，梗喺要將佢哋統統帶返屋企，佔為己有。

大雄與叮噹 - 永遠的好朋友

靜宜、叮噹同大雄

四位玩伴兼同學 - 大雄、靜宜、阿福、技安

嚟張全家福 - 叮噹、大雄、靜宜、阿福、技安

眼中的希望

照現階段形勢嚟睇，似乎前面有一絲曙光；雖然時候尚早，不過最起碼有一丁點希望。一股盼望嘅心情，亦喺一個相當美妙，令人回味嘅過程。期待好消息宣佈！！！

希望，能重燃亮眼中光芒，照破無窮無盡的沮喪，永遠伴隨再你身旁。
重尋覓眼中希望，尋回人類最真光芒，帶無限愛飛遍萬方，願能為你　風裡高唱。