回頭已是百年身

又生病了﹐把一切原本安排好的行程統統打亂﹐結果一整天只能與廁所約會。進進出出無數次﹐腳仔都軟了﹐近乎虛脫。最後還是要回來看她﹐藥吃了一次就見效。不得不承認﹐已經完全融入適應了這裡的食物﹐水土﹐環境和藥物。徹底的不能回頭了。

只能說﹐我老了。

茫茫

如此境況，根本看不清前方。

唯一既選擇，就係堂堂正正，見步行步。

玉葫蘆

葫蘆在風水學中功效頗大。胡蘆以驅病為主，非吸財之用。葫蘆不僅可以消災，還可以化煞祛病。凡家中有人常常鬧病，可擺放此吉祥物，起到祛病消災的效果，男女老幼皆適用。你如果不識風水，就把葫蘆掛在病人的床頭上，也能起到一定效果。假如有研究風水，或請風水師幫助看一看，找到病人的天醫、延年吉位，在這些位置上掛幾個葫蘆，化病的功效會更加理想，使病人很快恢復健康，精神爽朗。

琪利

當然唔係孫先生既其利鑽石，係位于新加坡Upper Paya Lebar Road既琪利燒臘。呢閒燒臘店既叉燒有別于新加坡一般係小販中心、食閣裏面既鮮紅色叉燒，無味無道。

因爲地段靠近既關係，只需行落樓係家門前搭21或28號巴士，大約5分鐘車程就到門口。來回唔洗一粒鐘就可以吃完返屋企，非常方便。今次已經係第三次登門造訪，終于能夠一嘗店裏其中推薦客家咸雞。結果吃o左徹底失望。半邊雞上面鋪滿炸過既姜絲，成碟都係油，又唔熱又唔咸。

賣相一般既客家咸雞

又唔熱又唔咸，成碟都係油既客家咸雞

都係叉燒、燒肉最好吃

一碟叉燒平拼燒肉、兩人份客家咸雞、兩碗白飯、一杯kopi冰，埋單合共：SGD20.60。貴平與否，大家自行判決。

琪利燒臘：　125 Upper Paya Lebar Road
電話：67438778
營業時間：早上十點到下午七點 （星期二休息）
巴士: 21，28

戲子無情

戲子只應在戲中有情, 而人們看他們的有情, 是在戲裏面的情； 而在戲後, 便應沒情了。

戲子必須隨時隨刻都在表演，所以不應該有真情。相應地，婊子眼中有的只是錢，有錢就是大爺，不需要講仁義道德。

熄燈一個鐘

唔知大家有無留意，呢排空氣污染指數高左，透淡氣都難！剛剛上網登記，響應今年既地球一小時。3月28日晚8點半，熄燈一個鐘，踏出對抗氣候變化的第一步！

唔好去諗乜野作用唔大，隔離o個三姑仲開緊燈打麻雀，街度啲招牌唔熄等。最重要係由自己開始，千祈唔好睇小自己既力量，3月28日晚上8點30分，一齊熄燈一個鐘，對抗氣候變化，支持Earth Hour！





一人一力量，地球一小時

不過熄燈一個鐘，可以做d咩？猶如網友所講提早過中秋？去煲蠟？出街行？BBQ？上牀瞓？又或者熄燈但係開電視，開成套音響加冷氣，睇dvd？真係要認真諗諗正得...

宮心計

姑姑肚裏既龍種夭折，已經係鐵一般既事實。放左半個月既病假，也終歸要歸位。意味著下官既假期亦跟著結束喇。一直以來，宮中既差事都係下官一手辦妥； 平日多左個姑姑反而係仲要煩多份，應酬d無聊既問題，擠出僵硬既笑容。冇姑姑既呢段日子，宮裏反而風平浪靜得多，下官亦落得清閒。

因此，下官決定對姑姑今次龍種事件採取只字不提，不聞不問既態度。老實講，下官對姑姑既事真係一d興趣都冇，就當無事發生過，無聲勝有聲。

夜太黑

發覺好多身邊既朋友都係夜鬼一族，淩晨一兩點都仲上網遊咸網、留言、回復電郵、煲劇、吃宵夜、煲電話粥、甚至同另一半玩緊成人遊戲。難道他們都精力充沛，睡幾個鐘頭就睡眠充足，足夠可以應付新一日繁重既生活？眼圈、眼袋、皮膚乾燥、五臟燥熱、六腑勞損、便秘、眼屎、鼻屎、耳屎、口臭、飛滋、暗瘡； 統統都唔會搵上門咩？

自問無咁即本事能夠捱夜通頂，因爲睡眠係必要既，人體的內臟需要透過睡眠來休息。充足既優質睡眠能夠幫助功恢復體力和腦力， 並能舒緩壓力，增強記憶力，從而保持身體健康。

冰凍三尺非一日之寒，現代繁忙都市人生活多數都係顛倒擾亂，久而久之d好朋友就會逐一搵上門。

好自爲之。

杯葛老虎

原本早兩個月預訂既機票，隔日就收到通知由下晝4點改至晚上8點幾。相隔個幾月，竟然又收到電郵通知再改去晚上10點35分。昨晚，又再再再再收到第三次通知更改時間，提前15分鐘晚上10點20分起飛。 ）*（#—%—＃……＃……——％＃＊＊·……％……￥％·同一張機票，起飛時間竟然會自動更改四次咁多，究竟係度搞緊d乜？！要座地起價？將d預早預定好係繁忙黃金時間起飛既乘客從新安排到d非黃金時間航班，然後就高價再賣出？？？

你估每個乘客都得閑空出成日時間去坐你架機啊？你估個機場近到行路都去到目的地或者返到屋企啊？每個人落機後都仲要安排接駁工具，你估之前預定既酒店、巴士、旅遊套票任何時間都可以改，隨時都會有位啊？要幾時話換時間就換，根本無比合理既解釋。打熱線電話永遠都係繁忙，聼音樂起碼要半粒鍾以上。都唔知呢間所謂既航空公司點做野，認真過份！

之前上網定購機票已經火滾，按到最後一個step都係睇到原先既價錢；　點知打o左信用卡號碼完成交易之後，畫面竟然多加o左１０蚊所謂既來回機票信用卡Convenience費！行李入艙又貴到離曬大譜，如果到左機場正決定入艙，開價竟然仲貴過張機票；　分明就係扲住黎搶，吃水深。

既然要扮高級，行高貴路綫就咪做廉價航空啦。搞咁多小動作，附帶隱藏費用，服務又差，每次定購都更改時間，今次仲改上癮；叫人點坐你啊？返你既森林做只無牙老虎，收皮啦！

學警狙擊

揀o左學警系列三作爲呢個月既煲劇狙擊。呢次大玩無間道feel，落入灰色缺口，正邪難分界。希望芯姐、孝哥、柏翘、同PC66336鍾立文能夠擦出更多火花，收視率飃升，更創佳績。





其他花絮

窮人健身法

運動 1 : 躺在地上，雙腿彎曲，腳板貼地；然後雙手交叉胸前，用腰力將上半身向上提升，再躺下；做 10 次。可收小肚腩。

運動 2 : 躺在地上，雙腿彎曲，腳板貼地；雙手平放身體兩側；然後，固定下身，左手疊向右手，再將右手疊 向左手，做 10 次。

運動 3 : 平躺於地面，雙腳伸直，雙手伸直平放於身體兩側。吸氣，將兩腿慢慢提升至四十五度角才呼氣， 保持動作5秒，再慢慢放下雙腳，做十五次，可收緊腹部及大腿。

運動 4 : 平躺地上，雙手放平；2. 下腹部用力，把上半身抬起做 20 次，可收小肚腩。

參考資料 :

(1)怎樣減肚腩
(2)瘦身運動

向全世界説愛你

最新一招對付一d發放負能量既人：

與公司拍拖十幾年，我發覺我地已經到左難捨難離，水乳交融的關係，不能再分開。公司無我唔得，我無公司亦唔得。我愛公司，公司愛我。

今日，我決定向全世界宣佈，同公司拉埋天窗，共諧連理。我終于要結婚啦，恭喜我地，祝福我地啦！

我要同公司共存亡！吹得我漲咩？！

笑到趴地

機場阿嬸相信大家都睇過了，森美同Leo篇既機場阿嬸又覺得點啊？



問你死未！！！！

如果有一天

如果有一天我不唱歌了﹐我會抗拒一切自我宣傳的活動﹐我不想讓別人記得我﹐如果我不唱歌了﹐我希望所有人都忘了我﹐真的不希望他們記得我。 在04年﹐菲比尋常巡回演唱會上﹐王菲這樣對歌迷說。阿菲不會再唱歌了。

忽然好懷念阿菲的歌聲，很想聼菲式的靡靡之音。無限期休息！只希望她真的能因此好好過她想過的日子，想唱了，再回來吧！

如果有一天我不在新加坡﹐我會抗拒一切無關痛癢的約會﹐我不想讓別人記得我﹐如果我不在這裡工作了﹐我希望所有人都忘了我﹐真的不希望他們記得我。

觀音誕

一年有四個觀音誕？點解會有四個咁多？自問稱不上是一位虔誠的佛教徒，心中一直都有這個疑問。結果到網上一抓，得到的答案如下：

觀音誕每年共有三次之多。

即農曆二月十九日，相傳是觀音降世之日。

六月十九是觀音得道升天之日。

九月十九則是觀音正位，立願普渡眾生的一天。

然而，每年正月廿六日是觀音開庫 但不是源於佛教。

三根普被的觀音法門

解開心中之謎

有疑問一直在心中盤旋，看過以後一切迎刃而解。

入戲

一個戲子去到呢個地步，已經分唔出對與錯，亦再無氣力去分。唯一條路就係完全投入角色，令到所有觀衆都相信，舞台上既你亦都係舞台下既你，完全融入於劇情裏面。

The Show Must Go On!

慨嘆！

非常認同賀政的感慨 - 同事間雖然朝夕共對，但絕少談及工作外的事。大家似有默契，從不主動關心，大概彼此明白各人背后只有千瘡百孔的故事，不堪一提。

施比受更有福

有人話，能夠施予係因為自己已經足夠而且有餘，有能力可以報施...
需要接受別人的饋贈，是因為本身不足夠，沒能力可以自給自足...

一直以來都不喜歡接受別人的饋贈，總是想盡辦法去歸還，因爲不想做受的那方。但是也很少做報施的一方，因爲眼前看到的多是一些假情假意帶面具的戲子。

但願有一天，能夠衝破心理關口，去施予自己喜歡和不喜歡的人； 得到真正的福氣。

愛你愛到殺死你

從下個星期開始，又多一份優差找上門了。一人四工還不夠，竟然到一人五工！是先甜後苦？種瓜得瓜？因果循環？到底該用怎樣正面的心理去面對呢？

或許我該像森林一樣麻醉自己，我愛工作，我非常愛額外的工作，我更愛額外而沒有酬勞的工作！

旅行的定義

去旅行到底是爲了甚麽？詢問了很多人，結果各持己見，得到了以下的結論：

有人是爲了增廣見聞，體驗當地人生活。
有人是爲了逃避現實，短暫抛開眼前煩惱。
有人是爲了自由自在，不想被死板生活束博。
有人是爲了認識朋友，開闊生活圈子。
有人是爲了欣賞沿途風光，享受大自然奧妙。
有人是爲了獎勵孩子、妻子，一家大小聚天倫。
有人是爲了追女/男朋友、投其所好，死纏爛打。
有人是爲了跟二奶或另一個女/男友偷情，纏綿遊戲一番。
有人是爲了跳飛機，醉翁之意不在酒。
有人是爲了揮霍，因爲錢太多不懂得往哪花。
有人是爲了在陌生環境中，重新思考自己的生命、前途、家庭、朋友；從而調整自己的人格。

旅遊並不一定要有理由，我是這麼認為。若要編織一個理由，我的理由應該很簡單。想出去散散心而已！一旦工作可以暫歇告假一下，家人也應允促成或有好友同行時，說走就走，依假期長短來決定旅遊點的遠近，歡歡喜喜走出去看看這世界，身歷其境一番就夠了。

我心不死

文明完了 日與月墜毀 世界破碎了 這裡一切都毀滅 夷平城市 天崩跟地裂 就算滅盡滅絕 留低只有我心不死

95年蘭西劇場廣播劇，經典中既經典。兩情若是久長時 又岂在朝朝暮暮 他們的情 既似朝露般短暂 又似天地一樣長久 因為爱情是她的信仰 真相是他的堅持。



文字版

點先？

講你又唔聽，聽你又唔明，明你又唔做，做你又做錯，
錯你又唔認，認你又唔改，改你又唔服，服你又唔講。

一句到尾，死要面！

與敵同行

一個戲子是不能有感情，當站在舞台上，就要令所有人覺得你就是戲中的角色，你再也不是你自己了。要讓敵人無所遁形，就要一直演下去，以敵人的敵人為敵人，以敵人的喜好為喜好。正義想要戰勝虛僞，戲子本身也需要虛僞和隱藏，甚至做出一些衆叛親離的事情。

人會隨著世間萬物而改變，然而靈魂是永恒的。善惡因果報應，一切冥冥中自有主宰。人的信仰和認知，甚至於人自己本身，其實一切皆是虛假，虛幻的。

再接再厲

從錯誤中吸取教訓，然後加以修改，從新再嘗試。經過一整天的失敗、改進、又失敗、又改進、再失敗、再改進、都係失敗、都係改進，最後終于成功通關！

呢個經驗證實左，凡是不可太過急進，只要有信心而唔放棄，成功始終會來到你面前。

吃虧在眼前

人在做，天在看。

這句話真的說的一點都沒錯，上星期才獲知姑姑懷有龍鍾；然而今天一大清早就收都姑姑入住太醫院做手術的消息。

無論你同我是多麽的追上科技時代，但係老人家講既說話總要聼聼。有時有d野寧可信其有； 避忌點總會係心安理得。姑姑都已經經歷左咁多，點解仲係未領悟到呢？！