其實我、我、我

又到左年尾，不停就會聽到阿邊個邊個結婚，當然紅炸彈就一個接一個，源源不斷。唔知道從幾時開始，對呢d所謂既喜宴開始麻木，甚至到左厭倦，根本提唔起興趣去赴宴。

其實我， 真係唔係咁中意一大班人，坐埋一起係度問長問短。問埋d:最近點啊，做緊d咩啊，有女朋友未啊！面試啊，問咁多?
其實我， 真係唔係咁中意卑人點上台唱歌，唱完一次又一次，好似小丑咁餘興大家。乜野年代啦，盂蘭節上歌台啊？
其實我， 真係唔係咁中意卑人評頭論足，由髮型、服裝至到皮鞋都要講，家陣台慶曬行頭咩？
其實我， 真係唔係咁中意係一個噪雜既環境下吃野。台上有台上吵，台下有台下既隊酒。有人話係叫熱閙，但係個人覺得似胡鬧多d囖。

現今d喜宴，已經逐漸變化成為耆英大集會。真正參加喜宴既意義，相信好多人都已經忘記得一乾二淨喇。好似阿莎話齋：唔好再眼金金咁望住我，呢度唔係動物園，無動物表演卑你地睇。

唔該。