煙花會謝，笙歌會停

估唔到一齣三級片竟然會搞到個個大男人睇完後眼濕濕。有人話睇到最後感覺好唏噓； 除咗有共鳴之外，心入面亦有少少心酸。呢套戲，係一般人眼中只係露點嘅咸片，但喺係好多入場嘅男士眼中，佢喺一套能夠講得出嫖客心聲嘅文藝片。

激情與感情之間互相交錯，可能每個男人心裏面都有一個小思.....

卍南無觀世音菩薩卍

繼大感冒之後到大肚瀉，究竟喺咪踩到狗屎？
睇嚟喺時候周末要入廟作個平安福，祈求病魔速速遠離。

情若真不必相見恨晚

生病嘅假期如何渡過呢？當然就係攤屍係張床度，開着個電視煲劇嚟消磨時間。

都唔明白家陣啲觀衆要睇啲乜？個個老戲骨演到七情上面，咁好睇嘅一套劇換來評語竟然係老啦、悶啦、黑絲襪重口味、咬唇，節奏慢等負面回應；根本就抹煞曬劇中演員用心嘅演出。

精湛嘅演技另人睇到佢嘅實力，修行人層次果然高超；不食人間煙火嘅獨有氣質相信年輕如木偶鼻都遙不可及。

咁多年嚟，佢依然喺我心目中嘅姑姑。

情義似水逝去，此心托飛雁；情若真不必相見恨晚。

永存不杇

天下無不散之筵席，一個用咗足足二十年嘅電飯鍋，終于要宣佈榮休。

有啲唔捨得至於仲有小小不忿，因此決定要將佢修理好之後再次復出。勢要吐氣揚眉以實力證明畀大家睇，佢係經得起時間考驗，舊而不廢！

2013年蛇年風水佈局

巽			離		坤
	東南(太歲) 四綠文昌星(屬木) 利求學、進修、考試、創作 適宜放置 多於此方工作、溫習、進修，事半功倍，亦可放置「文昌塔」，有利於催旺事業、學業運及考試運。		正南 九紫吉慶星(屬火) 主喜慶事、如婚嫁添丁、升職置業、當選、中獎等 催旺方法 多於此方作息坐臥，吸納九紫吉星氣場，添福增運。		西南 二黑病符星(屬土) 主大病、頑疾，人口損傷 化解方法 凡家宅大門、睡房窗向、辦公桌面向西南或坐落西南，可於此方擺放一個「銅葫蘆」，化解病災煞氣。
震	正東 三碧是非星(屬木) 主鬥爭不和、口舌是非、小人官非 化解方法 凡家宅大門、睡房窗向、辦公桌面向正東或坐落正東，宜佈置一座「七星陣」，有效制化是非，改善人緣，近貴人而遠小人。		中宮 五黃災瘟星(屬土) 主無妄之災、阻滯、病災、瘟疫、官非及血光 化解方法 「中宮」代表一宅的中心位置，從一室中四個角位，分別拉起對角線，其相交點即為中宮位置。流年中宮，為病災凶煞之位，不宜長久坐臥作息。如辦公室或桌子近於「中宮」，可掛上一串「化煞銅錢」，化解煞氣，添福增運。		正西 七赤偏財星(屬金) 利偏財、投機博彩、偏門行業及演藝界等 適宜放置 可放置「招財玉貔貅」風水擺設，面向正西，取其祿馬進門，財源滾滾，旺氣迫人。	兌
	東北 八白財運星(屬土) 主財富之運、升職加薪、生意額上升、投資獲利 催旺方法 多於此方坐臥，吸納財氣。此外，亦可放置「招財玉貔貅」，面向東北，以令財氣豐盈，生意興隆。		正北 一白桃花官星(屬水) 大利人緣、桃花、名氣、升官及旅遊運 催旺方法 放一座「白玉龍官印」，能提升事業及名氣運。單身者，可於睡房正北，放置「金龜催情緣」風水擺設，有助催旺桃花，伴侶、夫妻，則放「和合二仙」，可期琴瑟和諧。		西北 六白武典星(屬金) 主權位、貴人，利於武職、戶外行業、紀律部隊 適宜放置 於家宅西北，放置一對「開光白象」，面向西北，有助於鞏固權位，提高聲望，揚名立萬。
艮			坎		乾

李丞責2013蛇年風水佈局
方海閱2013風水佈局

平安夜冇眼睇

倒數一分鐘到2012聖誕，祝願大家聖誕快樂。

冬至=末日

又到冬至，雖然今年唔方便自製；

不過依然要應節嚟碗豆腐花芝麻湯圓。

葯煲

大戰咗多日，最後都係敵唔過惡毒嘅病菌，

開始要接受現實食抗生素嚟繼續打仗！

好自爲之

天氣預測果然準確，大家儲備好糧食，準備迎戰！

祝君好運!

萬千星煇頒獎典禮2012 - 賽果公佈

最佳男主角：黎耀祥（大太監）- 可惜苗田一個獎都冇
最佳女主角：楊怡（名媛望族）- 中
最佳劇集：天與地​– 如果命運能選擇，十字街口你我踏出的每步更瀟灑！
最佳男配角：古明華（巴不得媽媽）- 中
最佳女配角：胡定欣（拳王）- 中
我最喜愛的電視男角色：張一健（On Call 36小時）-馬國明 飾- 中
我最喜愛的電視女角色：陳家碧（雷霆掃毒）-徐子珊 飾- 中
飛躍進步男藝員：梁烈唯（缺宅男女、東西宮略、耀舞長安、飛虎、大太監、兄弟幫）- 仲唸住今年輪到謙仔添
飛躍進步女藝員：黃智雯（缺宅男女、On Call 36小時、飛虎、巴不得媽媽）- 中
最佳節目主持：黎芷珊（最佳男主角）- 中
最佳綜藝節目：快樂地圖– 我始終覺得最佳男主角好睇啲囖
最佳資訊節目：走過烽火大地- 中
傑出演員大獎：錢嘉樂、許紹雄、陳錦鴻、李成昌、鄭裕玲– 實至名歸
萬千光輝演藝人大獎：汪明荃– 在生頒有意義過追頒

天意弄人

由天光坐到天黑，又晴天坐到傾盆大雨

9 個小時嘅車程，最後換嚟當然就係:

頸痛，頭痛，再加腰酸背痛！

爲何我哋要離鄉背井，嚟到咁遠工作？

江南制造

繼之前燒錄功能壞咗要更換，拿返嚟之後就冇咗HDMI功能。家陣又輪到錄影障礙！究竟要玩我到幾時方能罷休？

江南品牌果然同強國出品嘅不相伯仲，一個字形容 – 爛！

不老傳説

年紀越大身體就越多毛病出現

年紀越大恐懼就越大去做檢查

年紀越大記憶力就會每況愈下

年紀越大心胸就越狹窄越小氣

年紀越大消化力就越低越緩慢

年紀越大頭髮就越稀疏兼脫落

年紀越大視力就越退化同模糊

討厭

每次入戲院，最鬼憎就係以下幾種蛋散：

1. 不停講電話
2. 回復短訊或者玩其他程式
3. 不斷係度講戲
4. 教仔/打仔
5. 細路不停吵鬧
6. 搖腳
7. 郁身郁勢
8. 打鼻鼾
9. 出出入入
10. 竊竊私語至到高談闊論
11. 包雲吞

催命符

條粉腸真係好x煩，一個被貶嘅娘娘仲想有所發為？

一個二個真係以為下官冬眠多時，真係乜都唔知乜都唔曉？

睇嚟下官都係時候出點招數，至能夠落得清閒。

冇辦法，係你哋逼我架，我好驚啊~~~

盼望

仲未有得去，唯有望梅止渴，一解思念。究竟幾時正能夠將呢個多年嘅夢想實現？

為免夜長夢多，唔該快啲落實好嗎？

末日論

個個都話末日呢個話題帶出好多負面影響，其實末日都可以能夠帶畀大家好多正面訊息嘅。

係咁易就可以列出以下8項；其實正面或負面只係一線之差，視乎個人觀點與角度。

1.唔使交卡數
2.唔使再畀稅
3.唔使供屋供車
4.唔使逼地鐵
5.唔使返工
6.貧富懸殊終于可以解決
7.男女平唔平等都唔再重要
8.呢個世界最公平嘅就喺~死

低莊

點解做年終個人業績評估唔可以留係公司，而要移師到出面嚟個甚麽午餐/coffee session之類？

咁都不單止，仲要講埋啲人事、工作等話題； 逐個同事數至於又要聼八卦，重要八埋人哋屋企、家庭、婚姻或情人。

咁嘅女人上司，確實好無聊、少家兼多此一舉囉！

計時開始

步入各大商場，睇到呢啲裝飾；
腦袋就好自然畀你一個訊息，

聖誕將至，末日近在咫尺。

入迷

2個小時之後，

步出嚟成個人猶如間鋪名一樣 

~  重生！

回歸於零

前陣子放假，發覺竟然可以一個星期内脫離上網，完全零網絡。原來自己依然能夠有還原基本，一切視乎個人心態與造化。

例如汽水、雪糕、甜品等等都唔係必須品； 既然心愛多年嘅炸雞都能夠戒甩，下一個目標將會喺甜食。 食咗30幾年有多，乜quota都快將耗盡，喺時候臨崖勒馬忍痛講再見呐！

有相為證

乜嘢叫五勞七傷？

捱生捱死換來如此下場，究竟為咗乜？

曾經讓我們窩心同流淚的歌

陽光普照

無論南北極冰川極速融化、北海道溫度降到零下、歐洲國家暴風雪、
亦或大馬降雨量大增； 呢度一如往常，完全不爲所動。

清晨8點半稍爲動作大少少，就即刻汗流浹背，務求熱到你卜街爲止方罷休！

食mic之作

重返金馬舞台

等咗咁多年，終于可以返娘家踏上呢個舞台。

非常期待今晚金馬獎嘅演出！

桑葉

日本人習慣將桑葉泡茶飲用，桑葉除了可以幫助排水利尿之外，還能夠延緩澱粉類的分解吸收，因此經常飲用具有減肥瘦身的價值。

除此之外，桑葉也具有抗氧化及美白效果，經常飲用桑葉茶，還可以改善臉部斑點的生成。

都市人失眠其中一個最主要成因是肝火過於旺盛，心情煩躁，導致難以入睡或熟睡。要解決因肝火盛而引致的失眠，就要從去肝火入手。桑葉涼茶可以清肝火，並舒緩煩躁心情，自然可以輕鬆入睡啦！

但桑葉性質比較寒，不適時常飲用，適當加了甘草，就能中和桑葉的寒性！

住家飯

唔知道由幾時開始，非常嚮往食住家飯。自從老媽子封剷之後，已經好耐都冇食到咗。好挂住媽媽嘅吊片蒸豬肉、煎叉燒、白切雞、粉絲蝦米節瓜等等等等

今時今日能夠食到一餐簡單嘅兩餸一湯，喺幾咁幸福； 好比甚麽山珍海味，鮑参翅肚等嚟得矜貴。

因此有幸仲可以食到媽媽炒嘅餸，你哋真係要感恩要珍惜也。

記住，無論幾忙，都要記得飯屋企食飯。

鋒芒畢露

要一個人跌得重，最緊要就係將佢捧得最高！

萬千星煇頒獎典禮2012 - 賽前預測

最佳男主角： 陳豪-天梯
最佳女主角： 楊怡-名媛望族
我最喜愛的電視男角色: On Call 36小時-張一健（馬國明）
我最喜愛的電視女角色: 雷霆掃毒-陳家碧（徐子珊）
最佳男配角： 古明華-巴不得媽媽
最佳女配角： 胡定欣-拳王
飛躍進步男藝員： 羅仲謙-缺宅男女、On Call 36小時、飛虎、巴不得媽媽
飛躍進步女藝員： 黃智雯-缺宅男女、On Call 36小時、飛虎、巴不得媽媽
最佳劇集： 大太監
最佳節目主持： 黎芷珊-最佳男主角
最佳綜藝節目： 最佳男主角
最佳資訊節目： 走過烽火大地
tvb.com微博人氣大獎： 黎耀祥

一雙一對

終于都能夠團圓，睇到都窩心。^_^

驚喜

啱啱臨走時巴士經過交通燈，睇到呢個廣告牌。

估唔到過咗三個禮拜都仲係度，梗系要即刻影低自賞一番啦！

年又過年

點解一定要等到年尾，就要大洗特洗去添新裝、裝修屋企、買乜買乜咁準備過年？

難道平日做咗都唔夠，硬係要等到臨過年前就要大筆咁花費； 究竟為咗乜？

人愈大花費就愈高，年年如此年年過。

感覺完美

人生最舒服嘅一個套餐就喺好肚餓，食飽飯，屙完屎，沖個熱水涼，達上床瞓著。

再加多一個bonus就喺第二朝可以自然醒；咁就最完美無憾。

人生最快樂就莫過於此。

愛情天梯

電視劇啱啱結局無耐，婆婆就走咗。喺巧合定喺注定？睇住隻MV一幕幕嘅感人畫面；再加上Andy深情演繹，眼淚不期然咁流下。

幾多對持續愛到幾多歲？但願呢對戀人喺天國繼續情緣，永遠幸福。

阿彌陀佛

愛沒有不對

原來單凴一把聲音都可以緊緊咁畀佢攝住，日思夜想。一把非常性感，令人聼咗好想即刻攬住佢唔放。

真係非常希望永遠都唔會完，繼續陶醉其中~~~

愛情金句： 「你真係覺得有得揀咩？！話就話係自由戀愛，講咩？邊有得揀呀！我哋只係按照自己心裡面嘅慾望去揀咋嘛。」

絕處逢生

連部落格都封鎖埋，真喺要趕盡殺絕！下官係宮中唯一嘅發洩管道都剝削埋，簡直慘無人道，天地不容。

不過人為咗活著，無論前路幾咁崎嶇，都總會搵到出路；呢個就喺生存之道！

累得我無法繼續

唔想寫任何嘢，亦唔想去唸嘢。

因爲我好攰，好攰，好攰zzzzzzzzzzzzz

上報咗！

今次真係high到爆炸，畀人點咗相，影埋相都懵然不知。香港同大馬都上曬報紙，以後仲點出嚟見人？

只手似乎好長喔，好似變咗張相嘅重點咁。

好羡慕，我都想要抱抱~~~

江南Style

仲以爲佢真係會跳咁cheap?! 

好彩最後腰斬，冇將成嗰咁靚嘅演唱會搞禍。

葉蒨文完全是你演唱會2012 - 馬來西亞站

一場比起香港仲更加熱情，high到爆嘅演唱會。
昔日嘅感動，終于喺呢晚返曬嚟啦！

當晚座無虛席； 觀衆親手做嘅銀紙花，果然夠豪！

當然我都有所斬獲； 現場睇到呢嗰色仲以為係女裝，

返到嚟打開正察覺係男裝大碼，開心死人！

天梯婆婆走咗！

信息時報訊 (記者 何珊)香港樂團C Allstar兩年前創作的歌曲《天梯》，唱出了重慶“愛情天梯”的真實故事，也讓金牌監製李添勝有感拍攝同名電視劇《天梯》，把重慶兩位老人家劉國江跟 徐朝清的故事搬上熒屏。C Allstar四位團員在6月親赴重慶，探望故事的女主人公徐婆婆並拍攝紀錄片，婆婆卻於本周二晚上離世。昨日C Allstar四位成員接受信息時報專訪，憶述跟徐婆婆的見面經過，以及《天梯》的創作過程，他們說爬上了6000級的天梯，才領悟到什麼是“竭力為愛盡 瘁”的真愛。

起源：將真愛故事傳遞下去

兩年前歌曲《天梯》的誕生，也讓人們記住了“C AllStar”這個熱愛無伴奏合唱的四人男子組合，陳健安、吳崇銘、何建曦以及梁釗峰，當時大學剛畢業，有音樂夢的他們參加歌唱比賽屢敗屢戰。四人在一 次偶然的機會，在網上看到了關於“愛情天梯”的報導，與比賽中認識的製作人賴映彤、網上結識的作詞人鐘晴商量要創作一首歌曲。沒想到《天梯》一炮而紅，橫 掃當年香港幾大頒獎典禮。TVB金牌監製李添勝聽到《天梯》后深受感動，找來陳豪跟張可頤[微博]飾演這對感人夫婦，拍攝電視劇《天梯》，可惜因為版權問 題，最終未能將C AllStar的《天梯》作為主題曲，不過卻讓這首歌再度成為網友討論的熱點。“我們創作時僅是因為被劉伯伯跟徐婆婆的故事所打動，現代人的愛情太過兒 戲。”

遺憾：未能讓婆婆看到紀錄片

C Allstar在2009年創作的《天梯》，把劉國江跟徐朝清的故事唱遍香港大街小巷。50多年前，不到20歲的劉國江和比他大10歲的寡婦徐朝清相愛， 為躲避世俗搬到海拔1500米的深山老林居住，過上自給自足遠離現代文明的生活。為讓愛人安全出行，劉國江用了近半個世紀的時間在懸崖峭壁上鑿出6000 級“愛情天梯”。因為這首《天梯》而走紅的C Allstar四位團員如今得知徐婆婆過世，表示一時間難以接受，主唱梁釗峰說：“跟徐婆婆的見面好像發生在昨天一樣，我還記得當日婆婆給我們煮飯，看着 她彎腰摘菜洗菜的樣子，我們一時間覺得好心痛，她都87歲了還保有一份少女情懷，固執地要煮飯給我們吃，也要求我們一定要喝她自己釀製的蜂蜜水。”

離開時，婆婆跟四位團員合照，還說照片曬好之后希望能寄給她。梁釗峰說沒想到當他准備好要寄出照片時，婆婆已經不在了。“我遺憾沒有讓她看到照 片，也等不到看到我們為她拍的紀錄片。她最后還問我們，是不是再回去探望她，我們還說一定會。”負責紀錄片的監製羅昊表示，紀錄片本周內將會完成最終版 本。

文章轉自：C Allstar：她87歲了還有少女情懷(圖)_娛樂頻道_新浪網-北美

完全雲頂

上山還債囖！

夜晚冇嘢做，出去戶外吹吹風

印象中呢個水池以前冇嘅，好似喺改名叫RW之後建嘅。

大家難得有緣相聚，梗系要影相吹吓水啦！

呢個就係嗰猛鬼村入口嗱！

猛鬼村

從面書睇到呢張相，睇嚟喺山上唔使再煩惱有咩做。

單單入呢個村落一遊，包保你有得震冇得瞓！

修橋補路無屍骸

近排對嗰3G行動網絡好鬼火滾。無論你身處公司、屋企、商場、戶外、地鐵、地下層等等都係網絡中斷。

有時仲過分到明明嗰網絡接收圖標係滿曬，但係偏偏連發個短訊都唔成功。至於講電話仲離譜到聼唔到，又或者中途斷線。

大佬，我個個月畀你咁貴，依家就連2G嘅網絡都提供唔到，想點先？！

點算？

一直以嚟都有個疑問同煩惱，就係點樣處理啲海報。全部都簽曬名，又唔揼得； 但係又冇咁大嘅空間將佢哋全部裱起。難道就咁卷起擺埋一邊就算？好似有啲浪費喔！

唸唸唸唸~~~~

開工囖！

冬眠咗成半年有多，終于係時候起身開工咗。保持一貫作風，自生自滅。做得岩未必有獎，做錯就一定有罰。係呢個宮中一步之差，只有落得慘淡收場。

正所謂風高浪急，試問可以駕禦幾多次？第一次你會拒绝，第二次，第三次之後呢？一而再再而三，只會不能自拔。。。

幾多對持續愛到幾多歲？

最近日以繼夜咁煲添哥嘅劇集，係工作日裏面都可以睇到五集一日，果然佩服自己。可想而知返工來回嘅車程係幾咁耗時同無聊； 多得智能手機為我增添娛樂解困。

原本以爲首主題曲非C AllStar嗰首同名歌曲莫屬，點知卻換上胡鴻鈞嘅一心一生。唔係胡鴻鈞唱得唔好，不過如果用番C AllStar嗰首會更加親切，大家亦會睇得更加肉緊。

天佑我也

自從上次係香港發生咗嗰次“意外”之後，發覺跟住落嚟都係諸事不順，好多嘢都好似事與願違，而且頻頻不如意。

唔係話破財擋災咩？點解啲災難好似不斷咁發生嘅？一波未平一波又起，雖然稱唔得上乜嘢大件事，不過梗系有好多阻礙，好鬼死邪。

都係凡事小心為上，阿彌陀佛。

的士恐懼症

從此以後坐的士千萬要打醒十二分精神。 無論發生任何突發事件，都要冷靜兼且落車嘅時候，記得要拿番張收條以備不時之需。

貧與富

窮唔一定會邋遢，富又唔一定會乾淨。

窮唔一定會愚蠢，富又唔一定會聰明。

冬天里的一把火

因爲拜六飲少咗水，搞到依家喉嚨紅腫，仲好似有少少發燒嘅跡象。我呢個冬天體質，絕對就唔適合亞洲嘅天氣，不過偏偏就喺度生活咗差唔多就嚟40年，今時今日仲喺度不斷咁抗爭同排斥。

莫講話食煎炸爆炒完全冇得唸，稍爲一日飲少啲水啫，就即刻見效。假如有12月22日嘅話，我有一個願望 ： 希望亞洲變咗有四季，最好就係冬長夏短！

旅遊之談

以前曾經提及過，我一向都唔中意不停重復咁去同一個地方旅行。有朋友話同唔同嘅旅伴去同一個地方，會有唔同嘅體會，唔一樣嘅感覺。但係我就覺得，不停咁去同一個地方，驚喜已經大不如前； 假如中間發生啲不如快事件（如果換上唔一樣嘅旅伴），反而將之前美好嘅回憶都毀滅。

除此之外，旅行最最最唔想發生嘅就喺發病。一旦發燒發冷，翻曬白眼咁，乜嘢mood都冇曬。所以趁仲有魄力行得走得，就要快啲去曬自己想去嘅地方； 一旦老咗你想去想行，都會變得力不從心。

點都好，能夠有能力去旅行，始終都係一件賞心悅目，開行幸福嘅事嚟嘅。

臨別秋波

離別之際，梗系要到旺角掃貨啦。

呢度除咗人多廢氣多，平嘢就最多。

呢個場景相信不久就會係沖上雲霄2裏面睇到，

唔洗我再介紹啦！

浪遊香港，後會有期！

情憾中環

去咗香港咁多次，終于有機會真真正正咁行吓中環，

遊覽一吓半山扶手電梯，石板街，都爹利街煤氣燈等名勝。

鏞記燒鵝必定選擇，另外碟鼔油皇炒麵賣相平平無奇，

擺入口卻令人即時瞪大雙眼。

正所謂一分錢一分貨，包保你唔會後悔。