傳統與現代嘅結合

話咗唔再花費，結果都喺破戒，仲要打孖上，自製指數跌至新低，不能自拔。

腰背鬆揼揼鬆

腰背鬆+揼揼鬆+揼一番 = 一套完美嘅組合。溫熱按摩促進血液循環 ，無論由頸部，肩膀，背部，腰部，再到腳底都完全迎合個人需要。勢向肩膀僵硬，腰酸背痛，疲勞身軀 say 拜拜！

單車

唔知邊條茂李落實，單車可以喺行人路上行駛。本來都冇乜嘢，不過最近愈嚟愈多啲圈舌同胞踩單車，仲要饗玲嗰只，避過咗一輛又嚟多一輛喺後面，不停咁饗玲，煩都煩死。

有陣時無拉拉身後有輛單車喺身邊擦身而過，其實都有一定嘅危險性喺度囖。條行人路都已經夠狹窄架啦，家陣仲要迴避啲單車！大佬啊，畀條路嚟行都得挂。

秘笈

下官： 你今日食咗葯未啊？
姑姑： 乜嘢呀？

前輩教路回應 ~~

下官： 哈哈哈，同你開玩笑。（跟住走人）

心聲

無聲之中怎可知真擁緊你　如觸摸一堆飄忽空氣
眼看無數個問號被靜默的你吻去　只好自欺
從不敢不忍心識穿你　據聞你與那默劇藝人戀上了
我也學別人靜靜地演　我這套戲　亦不願分離

相對不發一言似是你共我有了默契永不要幼稚的罵戰
但表情彼此表情稍稍地暗示這是冷戰

多少年共對亦無言

流言風一般於身邊一聲一句 從不聽不講不想一句
怕會無意揭露 令人難圓場的證據　怎可面對
無聲之中將心聲踩碎　變成最有趣默劇藝人
不怨懟　永遠靜靜地寂寞地演你愛侶　別管你想誰

多少年　直到目前　我愛你你也愛我這個你我過去也聽過說過
破裂過厭棄過怨過傷過變過你我卻永遠怕說破

破裂過厭棄過怨過傷過變過你我卻永遠怕說破
冷戰再冷戰再冷戰　一錯再錯我卻愛上這個錯
怪責你揭破你放棄你可會使我好過

相對不發一言似是　你共我有了默契永不要幼稚的罵戰
但表情即使表情也似沒有話說　沒有話說沒有話說像冷戰
多少年共對亦無言　彷彿多少年　欲愛但忘言欲愛但忘言
讓你走過眼前

幸福

幸福其實好簡單，
唔需要山長水遠，
唔需要真金百銀，
唔需要奢侈豪華，
唔需要時間遷就，
唔需要百般理由，
唔需要犧牲放棄。

因爲幸福近在咫尺，
一直都喺自己身邊，
從來都未曾離開過。

最新消息

嗰腦壞咗都已經夠黑架啦，點知做緊backup當中連嗰external HDD都忽然間死埋，一啲反應都冇。結果裏面所有資料都冇曬，唯有趕緊做file recovery。因爲唔喺第一次，所以已經冇乜感覺，救得幾多就幾多。好彩平時都有做backup，所以未至於損失慘重。

究竟撞到啲乜，會衰成咁？！

爲何這樣？

為咗安裝一個多媒體軟件，結果搞到中毒，跟住就一連串嘅不尋常現象陸續出現。連日嚟不眠不休，馬不停蹄搶救，結果依然冇乜反應。究竟問題出喺邊呢？

我一生冇做壞事，爲何這樣？

STOP: c000021a {Fatal System Error}
The Windows Logon Process system process terminated unexpectedly with a status of 0×C00000005 (0×00000000 0×00000000).
The system has been shut down.

活著

死亡絕對唔喺問題嘅結束，所以要珍惜生命，活在當下。

大雀仔

乜乜廉價航空搞據頭，推出免費機票，即喺話只須繳付機場稅就可以飛。不過兩日嚟都大塞車，入唔到嗰網。

預早一年前就買定機票，聼落好似有啲早；不過原來呢個世界上，真喺有咁多人會咁做。尤其喺好似我呢仲離鄉背井，喺外地捱世界嘅大有人在。依照呢嗰走勢，睇怕都喺唔夠人爭，唯有畀多少少錢，買貴啲嘅機票算吧嘞。

日落巴黎

今日嘅主體就喺羅浮宮

入口處旁都有兩個比較細嘅金字塔

舉世矚目嘅藝術殿堂同萬寶之宮

嚟到呢度就即刻諗起達文西密碼
呢個三角形就喺博物館嘅入口

巴黎羅浮宮與列寧格勒博物館、梵蒂岡博物館並列，號稱世界三大博物館

收藏藝術品多達40萬件，分別喺六大展館中展出。

第一個要參觀嘅當然喺德農庭院（Denon Wing）

好多藝術珍品，多都睇唔曬

鎮館三寶之一薩莫特拉斯勝利女神，位于德農8，二樓，達魯樓梯的平台

收藏咗人類美術史上嘅精華

有著“人類文明發展的總索引”之譽

畫作中好多都喺與神有關

藝術雕塑更加多不勝數

鎮館三寶之冠《蒙娜麗莎》。由達文西繪畫，神祕嘅微笑，充滿柔和嘅姿態。

蒙娜麗莎只是一幅畫，就能艷壓天下

繪畫館展品最多，佔地面積最大

六大展館分別喺東方藝術館、古希臘及古羅馬藝術館、古埃及藝術館

珍寶館、繪畫館及雕塑館

而其展覽區域劃分為：
黎塞留庭院（Richelieu Wing）、蘇利庭院（Sully Wing）、德農庭院（Denon Wing）

來自整個天頂嘅白光無色彩傾向，還原咗畫作原有嘅真實色彩

曾經喺雜誌或書本中睇過呢幅畫，畫中人喺？ 行唔旭，好攰

拿破侖一世在巴黎聖母院加冕大典，路易·達維德嘅作品（19世紀）

新古典主義時期繪畫展廳
《梅杜薩之筏》(The Raft of the Medusa），從照片中可以睇到幅畫同人嘅比例

喺時候落樓食晏

Cour Marly

Cour Marly, Coysevox's statues

拿破崙三世公寓

用金碧輝煌嚟形容簡直貼切

拿破崙三世

當你一行到入嚟，一定會嘩！嘩！嘩！

抵得佢， 全部都喺金

仲勁過金光燦爛徐小鳳

單喺呢個水晶燈就夠曬豪華

拿破崙三世公寓大廳 - 想象一吓以前啲皇族都幾識享受

呢嗰擺喺大廳出面，莫非喺貢品？

Cour Marly

戰鬥勇士

鎮館三寶 - 米羅的維納斯雕像（Venus de Milo），位于蘇利7，一樓第12廳，
喺古典女性美嘅代表，也喺古希臘雕塑嘅極品。

獅身人面臥像

目前僅存嘅中世紀地下室內嘅原城堡護城河遺迹

阿里巴巴芝麻開門

拉美西斯三世石棺

古埃及文物

古埃及文物入口

其實呢個館會愈行愈少人，而卻仲有陣味，有啲恐怖嘅感覺

畢竟喺太耐歷史，而且仲喺出土文物

蘇利庭院（Sully Wing）主要收藏古埃及文物； 近東文物；
古希臘、伊特魯里亞、古羅馬文物及雕塑

從地下望番上去玻璃金字塔

黎塞留庭院（Richelieu Wing）：遠東、近東、伊斯蘭文物；雕塑；
14世紀至17世紀嘅法國油畫；德國、尼德蘭和佛蘭德斯油畫；其他繪畫和形象藝術

自動售票機

倒三角

美籍華人建築師貝聿銘嘅設計

能夠有幸參觀呢座藝術殿堂喺多麽令人難以忘懷嘅美好享受老佛爺百貨

買名牌嚟呢度就最方便，因爲可以現場退稅

傍晚到春天百貨頂樓食晚餐

一邊食一邊睇靚景

蒙馬特聖心堂

香榭麗舍大道les Champs-Élysées

前面嗰間應該喺萬神殿褂

呢間我真喺唔知道

冇時間上蒙馬特，影多張相留念

十幾日話咁快就過咗，巴黎機場因爲受冰島火山爆發，顯得相當冷清。

同事啱啱噚日從巴黎返嚟，佢話無論機場、羅浮宮、凡爾賽宮、游塞納河、上鐵塔、老佛爺統統到要排隊，仲要喺長到到蛇餅嗰只。原來因爲火山爆發，當日羅浮宮入口冇排長龍，館内亦不至於逼到水洩不通； 到老佛爺掃貨亦唔洗同人搶。

真喺要感謝佛祖保佑，畀我哋有嗰順利、安全又愉快嘅假期。可以讓我完成多年嚟嘅夢，感謝菩薩，阿彌陀佛，美夢記心中。

假如我中大彩，我會再嚟巴黎shopping, 去瑞士玩雪，玩足一至兩個月爲止。等我啊！