屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Tuesday, October 09, 2012

坪洲


夏日炎炎去離島吸收一吓新鮮空氣,未嘗唔一個好選擇。從中環坐慢新渡輪直達坪洲,沿途除了可以欣賞維港兩岸城市嘅景觀外,亦可以將繁囂鬧市下嘅精神壓力,完全放底下,感受一下悠閑生活嘅樂趣。

坪洲多年來沒有特別嘅地方被列為旅遊景點,但島內居民卻努力將古蹟及行山景點做咗清晰嘅指示牌,讓遊人可輕易搵到景點。加上小島面積約只有一平方公里,只消半天便可行勻全島。

步出碼頭,參觀天后廟同龍母廟,當然仲有那道清禁封令嘅石碑。島上居民多以單車代步,碼頭附近停泊了不少單車,遊客亦可租單車沿着海堤單車徑漫遊。挨近黃昏更可在海堤欣賞日落。

島內民風淳樸,除了一間較大型嘅超市,其餘商店主要係售賣簡單日用品、畫廊、精品店等。坪洲嘅食店都係小店經營,碼頭附近嘅青草地,招牌生薑黑豆漿冰凍解渴,薑味夠辛辣,值得一試。

2 comments:

  1. 上次去香港本來都有plan去坪洲, 到最後唔知點解冇去到, 哈哈!! :D

    ReplyDelete
    Replies
    1. 坪洲幾唔錯,起碼少咗好多廢氣同噪音。如果秋天或冬天去遠足更加舒服。

      Delete

讓我編織海市蜃樓,一天一天淺醉過一生。