溏心風暴

尋晚終於將40集既溏心睇完﹐算係一齣中規中距的連續劇﹐但係有時感覺有點拖泥帶水。尤其係常在心﹐細鮑同程亮o個條線﹐好似有d多餘。發覺莉姨系劇中好少對白﹐大多數都是站在一旁做表情﹐無咩得發揮。

觸動自己心弦既場面都有幾幕既﹔當然令我最感動既就是Gil同Jackie擺酒﹐大契所講既一番說話。同埋大契走o個陣與每人道別﹐再見了鮑爸﹐再見了阿莉﹐再見了阿波﹐再見了安﹑樂﹑歡﹑欣﹑Jackie.....。仲有 Alferd揮手既遺照﹐常在心跪系醫院地上痛哭。細契在法庭對住個官講﹕法官大人﹐呢場官司已經打完了。對唔住﹐浪費左大家甘多時間。

另外﹐裡面既金句更係一絕。例如最經典既﹕我話係就係，唔使證據。呢度唔係法庭，唔需要證據，我對眼就係證據，我睇人睇幾十年……邊個係人，邊個係鬼，我睇得出！
- 死左都要挖番出黎鞭屍。
- 甜的吃，苦的也吃。
- 哭有時、笑有時、歡樂有時、悲傷有時，工作有時，玩樂有時。
- 耳聽三分假,眼看未為真。
- 未登天子位,先置殺人刀。
- 你唔係一個人住係荒島上,你要顧及大家既感受呀。
- 點解你咁難教??!!就算我幾想教好你, 恐怕我都唔夠時間啦。
- 我真係唔明你地講咩，完全都冇興既！
- 有口是和，無口也是和．
- 多兒多女多冤家，無兒無女坐蓮花。
- 世上本無事, 庸人自擾之
- 我地前門捉賊,你就後欄放火!
- 你唔好對號入座! 總之邊個做過自己心知肚明！
- 佢錯左，我地幫佢彌補囉，唔通加一腳伸佢出大海先安樂？
- 我地係朋友~~~
- 親家母，你年紀比我大，我應該尊重你的，不過你剛才說的那幾句話，並不是一個長輩應該說的話
- 他們還是孩子，少不更事，根本不知道自己在做甚麼，你七十幾我五十幾，吃了幾十年飯，不好好的勸他們，還煽風點火?
- 我問問你這個做媽媽的，你想你女兒再嫁多少次你才高興，你愛她，她愛你，茫茫人海，你們以為去找一個愛自己的人，是這麼容易的嗎?
- 你嫌他脾氣暴躁，你嫌她任性倔強，這個世上有完全沒有缺點的人嗎?做夫妻就要容忍對方的缺點，有時候我心情不好，我覺得自己樣樣事都不順眼，拿鏡子照照我也覺得自己討人厭，更何況是另外一個人，夫妻就是要容忍，而且要一直忍，忍一輩子忍到底
- 不賢妻不孝子,頂趾鞋無法治
- 你知唔知我最憎係咩，我最憎個六憶...........
- 你唔係長子嫡孫係野仔!
- 衷心祝福你,我地三年後可以做真正既一家人
- 咪睇佢笑騎騎，毒過響尾蛇呀！
- 沒有常在心/程亮的日子 第xxx日
等等等等等等。

總括來講呢齣都係值得一睇既聚集之一﹔如果能夠濃縮到30集﹐劇情緊湊多一d就最好不過啦﹗70%分。