首都驚險談

今次西馬遊最後一站，當然系唔少得首都吉隆坡。十幾年冇認真到過吉隆坡，一切依舊； 唯一改變嘅就系人流複雜咗，空氣污染咗，提心吊膽嘅地鐵一行！

由於酒店下塌就系地鐵站，所以我哋咪選擇坐地鐵去KLCC囖。途中上咗位四十幾嵗嘅中年婦人，坐到一半突然好大聲咁話，企系佢前面嗰馬來仔想扒佢嘢，仲越逼越埋嚟。嗰位馬來仔亦不甘示弱，不停嘅用背袋去騷弄佢。

當時我第一個反應就係，呢兩個人系度做緊場馬騮戲，目標當然就係我哋三個其中一個啦！列車一到站，唔理佢係傻嘅亦話係做戲，第一時間哽係雞咁腳走爲上著。

出到站諗住轉列車去KLCC，點不知原來要行出嗰站，再行一段漫漫長路，過埋條大馬路正可以轉到車。救命啊，呢段路簡直就係為啲罪犯落手嘅好地方而設嘅。到咗月台，仲不停聼到要注意，小心財物之類嘅廣播。試問如果一位妙齡少女每日上班落班都要咁樣行呢條路綫，乜仲有得剩咩？！