屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Wednesday, July 15, 2009

時光本是無罪

前幾日系郵箱裏面收到一封由Geocities寄嚟嘅電郵,宣佈將會系10月26日正式暫停提供所有免費製作個人網頁空間。換句話講,昔日所有寫嘅遊記都會無一幸免,統統要斬!

建於2000年5月1日嘅個人網頁,取名為海市蜃樓。第一代嘅海市蜃樓相當雜亂;有電影推薦、生活點滴、當然唔少得有關葉蒨文嘅一切,乜嘢都有齊; 整個網頁冇一個統一嘅概念。同時亦因此激發到圖書館去借一啲有關製作網頁嘅書籍做參考,學識咗HTML CSS JavaScript語法,開始嘗試自己去寫HTML。

直至2002年去完南韓旅遊返嚟,好想把開心嘅遊歷同一啲難忘時刻全部寫低。所以把整個海市蜃樓翻新,主力係選寫遊記,一為保存紀錄,亦為娛人娛己。更為老咗可以回憶,因爲怕自己患上老人癡呆嘛!

2003年葉蒨文全面復出,同時間馬不停蹄製作咗另一個完全屬於你、屬於我,完全係屬於葉蒨文嘅小宇宙。

兩個放咗相當長時間同心機去經營嘅網頁,隨著呢封電郵亦即將宣佈暫停服務。唯一慶幸嘅係,自己一直都有備用資料作後援嘅習慣。倘若日後心血來潮,要將兩個網頁從新上載到另一個司服器,都唔算係一個大問題。

時光本是無罪,冇嘢係可以永遠。因爲變幻原是永恒。

7 comments:

  1. 你應該有backup係嘛, 如果冇應該可以將啲files從新download落來, 然後再搵番個家, 全部transfer過去.. 應該唔係問題啩??

    ReplyDelete
  2. [SK]: backup係有。之不過係麻煩啲囖,每一篇嘅連結都要改,好大工程。

    ReplyDelete
  3. 好简单俾錢咪得囉!

    ReplyDelete
  4. 我在想,少了我们的网页。以后是不是有关叶倩文的资料在网上就越来越少。。。哈哈~~~

    (都没有几个,还要被砍,

    ReplyDelete
  5. 10月26日前夕,請守著各自Geocities網頁,作最後的告別。

    ReplyDelete
  6. ukgssy: 當然要搵免費架啦!

    ReplyDelete
  7. 潇洒走一回(少俊):我會搬去另一個地方,此處不留人,自有留人處。

    森林 :發神經啊你,送殯咩?!

    ReplyDelete

讓我編織海市蜃樓,一天一天淺醉過一生。