獨處

喺可以選擇嘅情況下，我通常都唔會揀公共假期去請年假。因爲呢啲日子，所有可以容納人潮嘅地方都會逼到爆炸。無論喺交通、食肆、商場、所有公共場所甚至連紅綠燈下都會多人都癲。成日就只有等同埋排隊。

對於我呢種唔喜歡熱鬧，唔中意食嘢，唔擅長吹水嘅人嚟講； 喺一般嘅公共假期，我都選擇會留守家中，享受一下難得嘅獨處時刻。我絕對唔會感到孤單，絕對唔會好似某啲人唔知點打發時間，甚至乎一定要搵人去陪食飯。

到呢一刻爲止，我依然享受一個人唔需要任何互動嘅沉澱空間。