屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Thursday, August 30, 2012

良心消費

喺大城市裏面,隨著大型連鎖店同食肆不停擴張,不斷橫行,壟斷市場。好多小本經營嘅舊式店鋪空間愈來愈細下,支持唔住而相繼結業。啲細舖想話賺少幾百蚊,薄利多銷都唔得,市民選擇又少左,睇到都心酸。

啱啱喺面書睇到一個金寳嘅專頁,乜嘢台灣士林,炸雞,麥記,泡泡茶,Old Town等等廣告,全部都即將營業。恐怕未久將來,連唯一一個能夠帶畀我好多童年回憶嘅小埠仔都冇埋。

喺人人被一式一樣嘅消費環境「催眠」下,多元化嘅本地價值將逐步消失。非常希望新一代能夠真正去反思佢哋現有嘅消費模式,培養出有良心嘅生活態度。

5 comments:

  1. 打广告个啲地方,我冇兴趣去咯。你入到新街场,全部都差唔多系高消费既嘢。我宁愿系我乡下叹茶食粉,又便又抵食!!

    ReplyDelete
  2. 時代變遷同社會進步係在所難免架喇, 我覺得應該欣然接受呢個改變, 自己都應該要調試自己於時並進呀~~

    ReplyDelete
  3. 問題在於呢啲大型連鎖店,所做出嚟嘅嘢已經埋沒咗乜嘢叫做良心。難道唔可以兩者並存,一定要趕盡殺絕不可?

    ReplyDelete
  4. 世界在变,不接受改变,哪里可以?新的事务,新的景象,必有它存在的价值。

    ReplyDelete
    Replies
    1. 唔喺唔接受改變,都要變得有良心啲,難道就唔可以兩者並存咩?

      支持小店舖呢種消費態度,能夠鋤強扶弱,保存小店,終止大商場同連鎖店嘅壟斷。

      Delete

讓我編織海市蜃樓,一天一天淺醉過一生。