鍾情意粉

茄汁海鮮意粉

橄欖油鮮蝦意粉

沒有牆的世界

虛擬的，實體的，還是心靈的圍牆，都應該拆除。
廣闊無界的空間裡， 眾生無異。

有沒有想像：如果突然失去了某種能力，你的生活將會面對怎樣的轉變？
有沒有思考：你的一些舉動，對殘疾人士來說可能是好心做壞事？
有沒有體會：你的一個眼神、一句嘆息，會變成他們心中不能磨滅的傷害？

我們究竟有沒有真切的聆聽殘疾人士的心聲？

沒有牆的世界

草裙舞

好像跳番part草裙舞，起碼畀自己條氣順啲。

麻木

拖住疲累嘅身軀，啱啱返到一個屬於自己但又唔係完全屬於自己嘅屋企。忽然間好想撇撇脫脫咁逃離呢種生活模式。係度足足渡過咗16個寒暑，近乎小小嘅漣漪都冇跡可尋，頸瓶。

心情好低落，腦海裏突然又再唸起呢首歌...

別亂拍老虎屁股

係呢個誰都唔肯承認自己做錯事嘅都市叢林中，你隨時都要提醒自己，唔好去踩人哋嘅痛處，尤其係當對方係一只老虎時，更加唔好傻到去拍佢嘅屁股，讓自己白白變成人哋餐後嘅點心。

源自：公孫籠策

樓上樓下

4部電梯，3部正在運作，1部停喺地面。但喺當你按“上”鈕時，燈只會着喺其中一部正在運作嘅電梯；停喺地面嗰部嘅門永遠都唔會自動打開。往往要等到着咗燈嗰部從樓上落嚟，載曬啲人閂門之後上埋去，然之後再按“上”鈕嗰部死喺地面嘅正會慢慢打開。

另外仲有一部喺後樓梯，當你喺中間樓層按“上”鈕，佢就算上緊嚟都唔會停，要等到佢上到頂樓再落返樓下然後再上嚟正會開門。當然，當你喺中間樓層要落樓時按“下”鈕，佢一樣會環游世界一次，正會開門畀你落摟。

究竟喺邊鬼嗰安裝嘅程式，竟然蠢到咁都有，畀佢激漲！

未了願

去唔到望梅止渴都得挂！
Nihon，Ganbatte Kudasai!

出界

友達以上，戀人未滿。 意思即係兩個人之間比朋友更親暱，卻又仲未到戀人嘅程度。

呢種曖昧關係，似是以非，對兩者嚟講都一樣係煎熬。人除咗愛情、親情同友情，仲有呢種微妙嘅情誼更值得我哋去珍惜。

服

兩位娘娘大鬥法，各自放暗箭係後面射嚟射去。下官當然唔會咁蠢，挾喺中間畀佢哋點嚟點去。結果當兩位娘娘要正面交鋒嘅時候，好似鬼上身一樣，虛情假意程度簡直可以比美中國國術-變臉！

最佩服兩位娘娘就係，明知下官知道佢哋喺度做緊戲，但係偏偏可以做到若無其事，七情上面。 真係不得不寫個服字！

冬の聖誕

忙咗一個晏晝，一切終于塵埃落定。既然有善長人翁贊助機票，當然卻之不恭，欣然接受。禮尚往來固之然要做返啲嘢，行程、住宿、交通安排統統包喺本人身上。其他地方就會擔心人生路不熟； 不過呢個去咗六次之多嘅東方之珠，梗系冇問題啦。

今年年尾終于可以過一個冬天嘅平安夜。

咪就係咁囖！

寂寞夜晚

月圓之夜就係最多人犯案，做錯事嘅夜晚。今晚望出窗外睇到好圓嘅明月高挂，突然好想將佢影低。

冇乜理由，只係想咁做。

熱氣逼人

30幾度嘅夜晚下，仲要連冷氣都壞埋，點瞓啊？！唯一嘅解決方法就喺沖涼，打大赤勒坦蕩蕩咁睡。結果都喺成晚輾轉反側，起身得身汗再加對黑框眼鏡。

呢個夏天究竟要到幾時正完結？救命啊~~~

邊度有嘢食

拜六行行吓街，百無聊賴入咗呢間Empire State(Iluma@Bugis)，食咗一餐豐富又好味道嘅西餐。價錢大衆化之餘，份量都幾大，搞到甜品都食唔到，就連嗰Pizza都食唔曬要打包。

咁好食又唔貴嘅餐廳喺度已經買少見少，承諾一定會再次光顧，希望佢唔好咁快閂門大吉嘞！

原只烘雞肉加炸薯條，沙律伴碟。好食指數****

香口夏威夷披薩，材料同味道都唔錯。好食指數****

良心去咗邊？

排咗差唔多10分鐘，嗌咗碗蝦米粉干嘅唔要辣。最後出嚟竟然喺一碗浸住茄汁嘅米粉。全城最具“誠意”嘅茄汁蝦米粉，勿洛南（牛記）蝦面 #01-199，好食程度簡直爆曬燈，攞曬獎嗰只！

茄汁浸住啲米粉，完全散發出蝦面嘅精髓！ ！

一定要認住呢檔咁“好食”嘅蝦面，
你睇我成碗米粉原封不動，就知佢幾咁“好味道”！ ！

大智慧

工作其實有幾困難都會有解決嘅辦法，之不過人事就永遠都冇得解決。唯一個辦法就只得一個，就係接受。

願我佛慈悲，畀我智慧，繼續學習成長。

忍

忍一時，風平浪靜
退一步，海闊天空

兩個人相處之道往往離唔開一個字 - 忍

先甜後苦

呢種感覺的確唔好受，但係呢個國度實在太多誘惑。每分每刻都喺度引誘我哋、茶毒我哋，誓要將每一個凡夫都變成蜘蛛精，永遠墮入深淵，永不翻身。

呢個就係上天要考驗我哋定力嘅其中一課； 每一個人都能夠過關，就睇大家本身嘅造化。

包容

兩個人相知相愛喺一種緣份， 但相唔相處得到絕對喺一門學問。其實人與人之間相處，最緊要喺放低菱角，互相嘅欣賞、互相嘅補足，關係之然會水乳交融。

所以無論喺邊一種絕配，我哋首先要學識嘅就喺包容。