森呼吸一口氣

成個集禮拜都冇post咗皆因最近一方面要應付只大太監之餘，仲要侍候個無時無刻搞心情嘅變態娘娘。再者年關將至，一切大小事都要經下官跟進，籌備到冇日冇夜。

正因爲長年累月對住一班牛鬼蛇神，下官嘅日子猶如行屍走肉，因此臨時決定下個月衣錦還鄉，好讓自己嘅身與心都能夠得到洗滌。

多年嚟嘅心願終于有啲眉目，期待加興奮之餘，亦要保持低調。

呢一個宗旨喺宮中無時無刻都要切記。