城市人壓力

城市人長期抑壓著個人情緒，當到咗瓶頸位嘅時候就會一發不可收拾，甚至會搞出人命，演變成慘劇。所以我哋要喺適當嘅時候，好似呢位巴士阿叔一樣，將啲負面嘅情緒發洩出嚟，減吓壓，簡直冇研究之至。

食得高清

最近全港非常流行有營食肆，主要講求三少： 少油少鹽少糖。菜式、餐單同烹調煮法一般都喺偏向蒸、蚊、燉、魯，至於煎、炸、爆、炒、炙、燒、烤、焗就盡量少用。實行要以高纖、高清、有營、有機為大前提。

至於在下住嘅呢嗰囯度一向中意抄人，真喺衷心希望佢哋能夠以9秒9嘅速度去抄足，將有營食肆運動推廣到全島，少咗啲所謂新加坡美食，到時我嘅三餐就唔洗咁頭痛嘞。

完全因你

忐忑不安又再響起，一切皆由佢引起，因佢而延續，總歸亦為佢而結束。不過諗心一層，人生有幾多個十年啊？ 無論前路幾崎嶇，有幾多風雨阻擋，依然堅守信念，咬緊牙關繼續衝過去。

必要時為求達到目的，不擇手段都要架嘞 。不過唔好誤會，我指嘅不擇手段，當然唔會喺啲傷天害理、殺人放火、打家劫舍、姦淫擄略、偷雞摸狗嘅事情啦！

心亂如麻， 心事難下，從此不相識也罷，叫你覺得驚訝， 離去卻開始牽挂。
心亂如麻， 心事難下，從輕輕鬆松對話，刹那變得沙啞， 越開心更害怕。

人日

唔記得從幾時開始，每年人日都會撈生；今年都唔例外。喺呢個幾兩個禮拜裏面，唔知撈咗幾多次；不過最清楚記得就喺，每次都食到美人照鏡爲止。

清蒸魚片，我最中意

五顔六色，睇到都流曬口水

呢個蓮藕老火上湯，簡直夠曬火候，靚！

初三團拜

一向唔中意熱鬧嘈雜嘅我，今年終于可以如願以償，過一個非常自在、平靜嘅新年。初三正齊人嘅一餐飯局，亦喺暫時嚟講最後一次。

自養白切家禽，肉質特別彈牙。

大家嘅最愛，魚生。

金寳古廟

幾乎喺每年過年嘅指定動作，就喺返家鄉金寳古廟參拜娘娘，祈求來年一切順利，平安大吉。

古廟嘅入口

光緒三十年即喺有幾多百年歷史呢？

湛藍嘅天空，炎熱嘅春節

禮物

一份芝士蛋糕再加多一杯冰鎮綠茶，代表咗此時此地嘅心情。

特別收錄俊少發年賀年之作 2003 ~ 2010

2010開工吉日

2010年歲次庚寅新春開工吉日:

新曆2010年2月17日戊戌成(沖龍）
新曆2010年18日己亥收（沖蛇）
新曆2010年19日庚子開（沖馬）
新曆2010年21日壬寅建（沖猴）

開工大吉，好時高運。

收工

雖然宮中事務依然繁重，但係唔理得咁多； 一於懶理，收工過年。

喺度祝願睇到呢張貼嘅人虎年：
身體健康，恭喜發大財。

十大嚮往去嘅國家

簡單列明十個太少嘞。世界咁大，想去同唔想去嘅多的是。不過，點都列出十個如下：

1. 歐洲國家 - 英國、荷蘭、意大利、法國、波蘭、奧地利、德國、比利時等等等等好多好多
2. 北美洲 - 加拿大、美國、墨西哥
3. 日本
4. 芬蘭、挪威
5. 南、北極
6. 新西蘭
7. 馬爾代夫
8. 澳大利亞
9. 馬來西亞、印度尼西亞
10. 南美洲 - 巴西、哥倫比亞、阿根廷

點解嚮往？人間樂土邊嗰唔想去？四個字形容曬 ： 貪慕虛榮

十大唔想去嘅國家

排名絕對分先後：

1. 中華人民共和國 - 簡稱中國
2. 印度
3. 尼泊爾、斯里蘭卡；總之就喺清一色-黑色
4. 非洲
5. 阿富汗、巴基斯坦、伊朗等等都喺嗰帶水
6. 緬甸、越南等等
7. 俄羅斯
8. 蒙古
9. 北韓
10.泰國

唔好問我點解，冇理由。因爲當中牽涉太多衝突同敏感話題。

長腿港女挑機四眼豬扒

嗰四眼豬扒烏吓烏吓，咕唔到尾端潑水位竟然可以爆成咁。睇完之後簡直O曬嘴，勁啊！





雖然明知喺假嘅，但係都要鼓掌！

發現號

最近不斷重復聼RubberBand呢首歌，曲風感覺上好澎湃，又喺一首勵志歌曲。冇錯，城市人需要好多好多正能量，同埋正面嘅思想去平衡我哋嘅思維，因此就連聼歌都要聼得正氣啲，唔喺聼咗喊苦喊忽嗰種。



作曲：偉 / 正 / 藝琛@RubberBand
填詞：6號 (RubberBand)/Tim Lui
編曲：RubberBand
監製：雷頌德/RubberBand

撞進了冰山 捲上了急灣 一秒從未想折返
就望到了 就能望到了 終會踏足這峽灣
劃破了風衣 丟了救生衣 未曾想過會倖免
若生於某個 總擠不進我地點 註定遠征一遍

這發熱汗腺 也都乾透了 雙腿卻繼續狂放 在衝出那人浪
幾次被埋葬 窄巷中 復活過幾趟 留一口氣講
再失敗 至懂看透 那不甘 去為我來營救 向著太陽狂走

撞進了冰山 捲上了急灣 一秒從未想折返
就望到了 就能望到了 終會踏足這峽灣
劃破了風衣 丟了救生衣 未曾想過會倖免
逆光中進發 不甘安置到盲點 上路去再實踐

板塊移動了 亂世中絕地裡反抗 誰躲於暗光
直到失敗 至懂看透 讓那不甘 去為我來營救 向著太陽狂走

撞進了冰山 捲上了急灣 一秒從未想折返
就望到了 就能望到了 終會踏足這峽灣
劃破了風衣 丟了救生衣 成全這最美歷險
逆光中進發 不甘安置到盲點 上路去再實踐

撞碎了冰山 衝過了急灣 登上完夢的峽灣
望到了 望到了 白雲搭上一片藍
記載了凶險 傷勢也不淺 腳踏這裡這一天
歷史中結算 一心走出錯地點 幹下遠征一遍

民以食為先

發覺最近好大食，食完一份餐之後仍然覺得唔夠飽，想去再食嘢。人嘅胃口真喺難測，有陣時會冇乜食欲，趴三兩下就食唔落。但係有時又會非常開胃，食完一餐冇耐又想再食； 好似第四度發育又抑或者係肚裏面生蟲？！

有人講過，一個人嘅食欲同心情喺有關連。不過我卻覺得，開心會開胃咁食，唔開心都會狂食。點都好，食得是福；開胃咁食總好過患厭食症。

哀莫大於心死

有陣時，到咗推無可推、避無可避嘅時候就要學識拒絕。雖然内心的確唔好受，但喺真喺冇辦法去説服自己，去做一啲心底裏面唔願意做嘅事； 始終過唔到自己。

對唔住，我愛莫能助。

獨家村

喜歡靜，習慣靜；甚至有時會情願選擇一個人獨處、自閉。總好過一班人，問題多多不在話，仲不斷有糾紛，爭論一囉囉，煩都煩死。既然覺得唔開心、係度唔自在，何必仲要拖拖拉拉，勉強逗留落去呢？快刀斬亂麻，一於走爲上著。

莫非呢啲就喺叫做隔膜或者喺代溝？

自尋煩惱

為咗一件未發生嘅事情而煩惱、為咗一件未確定嘅事情而計劃、為咗一件冇信心嘅事情而盼望、為咗一件冇頭緒嘅事情而倒數。不過，再用心用腦去深層次思考，既然以上所有嘅事情都仲未發生，諗嚟做乜？

人就喺咁，往往事情未曾發生之前就諗到天花龍鳳； 到事情要發生嘅時候就朿手無策，完全同之前自己想象嘅喺天淵之別。

簡單嚟講就喺攞嚟賤。