櫻桃小丸子

中意食車厘子，食完之後仲會有個櫻桃小嘴。

車厘子通常都好貴，而且唔係周圍都有得買。

據知車厘子能滋潤皮膚，治脾虛泄瀉，腰腿疼痛等，

有冇咁神奇啊？！

C AllStar《少數》

又一首勵志歌，好歌有好報！

主唱：C AllStar
作曲：Edmond Tsang@阿房宮
填詞：黃偉文
編曲：賴映彤@groovision
監製：簡@groovision

你在某天　放逐到宇宙那邊
怪異眼光　圍住你似畫了圈
你問句天　路人避得那樣遠
哪有人願意　來站到你站那邊

何以　當你不普遍
人家　先覺得此人煩或厭
傲~慢與偏見
人性中　生出了弱點

誰也在　這一生某段落　做過少數
誰都知　呼天不應　那種冷漠殘酷　
誰一個　漂亮轉身之後　做了多數
又會　能待那　孤軍　更好

誰會為　天空海闊　回頭　後退一步
誰也在　千夫所指裡頭　捍衛着城堡
即使我　只得　少數
但我　還是會　不相信　定數　

要是有天　對調你倆位置演
你又會否　和異數說地說天
每度賑災　為同類禱告贈暖
對眼前異數　誰在雪天中送氈

誰也在　這一生某段落　做過少數
誰都知　呼天不應　那種冷漠殘酷　
誰一個　漂亮轉身之後　做了多數
又會　能待那　孤軍　更好

誰會為　天空海闊　回頭　後退一步
誰也在　千夫所指裡頭　捍衛着城堡
即使我　只得　少數
但我　還是會　以溫柔　上訴

到底　為何　又和　敵人　示好
非因我　稱王的一天未到
誰若對人　夠人性
來日　你們　那兒孫都　將會　遇到

誰也在　這一生某段落　做過少數
誰敢將　他的本性　澈底　照實流露
誰當我怯懦　走出一步　讓我擁抱
若我　流落　對方的領土

誰會為　天空海闊　回頭　後退一步
誰會耐心的　開解世人　去放下屠刀
即使我　只得　少數
但我　還是以它　抵抗　命數

葉蒨文 《精挑細選》官方MV

望天

抬頭望天邊，不過完全睇唔見一隻雁！

株玉在前

話咁快又過咗4年，2008年嗰場震撼依然記憶猶新。今屆開幕典禮好多人心裏面，都會好自然同4年前嘅作比較。不過我個人認爲兩個唔同嘅國度，各有千秋； 大家都能夠將和睦，和平嘅訊息傳開，平分秋色，絕不欺場。

至於最焦點環節，就要數事頭婆跳降傘一幕，簡直型到爆! 難得一位地位高聳嘅女皇陛下，都願意參與演出，與衆同樂；由此可見時代已經變遷，以前嗰套已經狠狠咁被時間淘汰。

綠油油嘅田園景色，象徵英國工業革命的鋼鐵工業，展示“澆築”奧運五環，場面壯觀，憨豆先生嘅搞笑演出，大型歌舞以及雷射科技演出，碧咸乘快艇傳遞聖火，令人睇得振奮。

萬衆觸目嘅燃點聖火嘅一刻場面浩大，令整個會場氣氛為之沸騰。聖火台地上擺放着代表二百零四個參賽國家同地區嘅花瓣形銅片火盆，合組成一個大圓圈。由七位年輕運動員象徵薪火相傳並排而立，一齊點着其中七塊花瓣形嘅火盆。聖火蔓延開去，燃點起其他花瓣形火盆，變成一個大火圈，並漸漸升起及匯聚合龍，變成一個巨型火炬。

最後壓抽由披頭四成員麥卡特尼爵士同場内萬人嚟個大合唱，唱出翠日喺微博一位強國洗腦80/90後留言所指，"中國歌手孫燕姿"嘅經典歌曲《Hey Jude》把開幕式推向又一個高潮。

一波未平一波又起

香港都未曾還清，就要著手還雲頂呢筆巨款葉債，
果然精挑細選過囖！

垂涎三尺

上星期返鄉探親一個禮拜，做得最多嘅一件事就喺食！家陣睇返啲相都死猛吞口水；實在太好味啦！簡直就喺人間美食，令人難以抗拒。

當中有我最中意食嘅客家面、醸料、

同埋我心愛嘅Ramly Burger

 

返到金寳，當然唔少得糯米飯、鹹角仔、

以及唔食唔得嘅炸丸！

發嗡風

上個禮拜就交咗畀佢，當然要跟進吓去到邊度啦。結果條八婆問居然乜都冇做，仲理直氣壯咁話好忙，冇時間做。又話要請假又話好多嘢做咁。關我咩事喔，你做唔嚟喺你部門嘅事。

最後問一句，你幾時肯做？

好！就畀多一個禮拜時間你； 到時候再阿之阿左就唔好怪我恨！

葉蒨文願與Lam仔同台

CT vs MRI

1. 電腦斷層掃描 Computer-assisted tomography (CT scan)

是X光的一種， 主要是利用電腦拍攝多張橫切面X光照片， 就好像一片一片切片麵包的圖片， 於不同角度拍攝可組成立體照片，為身體各方面及器官提供清晰資料給予醫生作分析及診斷。例如有沒有腫瘤、感染、異常結構、或變異。 斷層掃瞄對淋巴結腫大, 胰腺疾病, 背部病痛, 肺癌尤為重要.


2. 磁力共振造影 Magnetic resonance imaging (MRI)

磁力共振掃描(簡稱MRI)是一種常用的醫學掃描技術，原理是利用大型的磁石透視人體的內部組織。可應用於全身從頭到腳每一部位。亦可看清楚體內的軟組織和水份多寡，同時可顯示從最外層皮膚到脊椎內神經，層次分明的構造。磁力共振比 X-ray 及 CT 更易發現腫瘤或病變，影像的清晰度是CT的20倍。

十戒

曾幾何時每晚都要花一兩粒鐘喺面書遊戲裏面，簡直喺到咗沉迷階段。世估唔到隨著時間飛逝，喺不知不覺間竟然可以完全戒甩。

曾幾何時每星期都要食炸雞一至兩次，簡直喺到咗不可收拾嘅地步。世估唔到隨著時間飛逝，喺不知不覺間竟然可以將佢減到一至兩個月食一次，甚至0次數。

曾幾何時....

人年級越大，最感安慰嘅就喺滿載回憶。

簡單

一個人可以放開懷抱去簡單生活，簡單做人，簡簡單單去睇呢個世界。

咁樣並唔係叫悶，而係一種本事。

長生不老

每次聼到長生不老，就會唸起秦始皇； 然後腦海就會浮起阿菲嘅動心。

每次唸起秦始皇就會唸到秦俑，然後腦海就會浮起莎麗嘅焚心似火。

冇任何理由，純粹個人感覺。

十大名畫

我心目中嘅十大如下 （排名不分先後）：

梵高嘅星夜

達文西嘅蒙娜麗莎

蒙克嘅吶喊

米開朗基羅嘅創造亞當

 

達文西嘅最後的晚餐

梵高嘅向日葵

畢加索嘅亞威農少女

維洛奈思嘅迦拿的婚禮

莫內嘅睡蓮池

最後當然唔少得我哋嘅清明上河圖啦!

別讓小島沉沒

最近不斷聼C Allstar呢個組合，除咗天梯之外，其實仲有好多好作品。

用心付出過嘅努力，喺唔會白費嘅，值得大家支持！

郵政匯票

仲記唔記得Wang Pos/Wang Kiriman呢樣玩意啊？想當年未有網上銀行交易嗰陣，要通過首都辦事處買演唱會飛又或者一啲產品相片之類，就要"冒險"去郵局買郵政匯票嘞。

冇錯，喺"冒險"！因爲通常我哋啲信件都會不翼而飛，尤其喺信件裏面放有價值嘅涵； 如一貫嘅劇情，統統石沉大海，永不超生。

至於要拿嗰張底去郵局追蹤或查詢，快則3個月，慢則不了了之。

這就是郵政匯票喺我心目中嘅唯一回憶。多謝曬！

歷年微軟眎窗作業系統

1990年 - Microsoft Windows 3.0
1992年 - Microsoft Window 3.1
1993年 - Microsoft Windows NT 3.1 （第一版NT）
1995年 - Microsoft Windows 95
1996年 - Windows NT 4.0
1998年 - Microsoft Windows 98
1999年 - Microsoft Windows 98 Second Edition
2000年 - Windows 2000, Microsoft Windows Me
2001年 - Windows XP
2002年 - Windows XP 64-bit Edition
2003年 - Windows Server 2003 （2003年3月28日）,Windows XP 64-bit Edition - 以Microsoft Windows Server 2003為基礎，同一天釋出。
2004年 - Windows XP Media Center Edition
2005年 - Windows XP Professional x64 Edition
2006年 - Microsoft Windows Vista
2009年 - Microsoft Windows 7

原來我大部分都用過喔!

桑塔露琪婭

仲記唔記得嘟姐係我愛扭紋柴裏面唱嗰首意大利文歌？

Sul ma re lu-cia, La-stro dar-gen-to
Pla-ci-dae I’on-da, Pro-spe-roeil ven-to
Sul ma re lu-cia, La-stro dar-gen-to
Pla-ci-dae I’on-da, Pro-spe-roeil ven-to

Ve-ni teal-la-gi-le, Bar-chet-ta mi-a
San-ta Lu-ci-a, San-ta Lu-ci-a

Con questo zeffino cosi soave
O com e bello star sulla nave
Con questo zeffino cosi soave
O com e bello star sulla nave

Su passeggeri Venite via
San-ta Lu-ci-a, San-ta Lu-ci-a

桑塔露琪婭嘅意思喺北歐尊為光明女神嘅基督教殉教聖女Lucia，Santa Lucia，同時亦有光明嘅意思。喺瑞典，每年12月13日為「桑塔露琪亞節」，人們齊唱名曲《桑塔露琪亞》。

悟

喺呢個世界上，能夠因爲你唔開心而為你喊，相信呢個人就喺你真正嘅朋友。

鏡子

世界上最令人失望嘅事，喺你以爲好了解一個人。但喺某一日，你先至發現你從來冇認識過佢。

而更令人失望嘅，喺你發現呢個你從來都未了解過嘅人，原來就喺你自己。

精挑細選

為今次演唱會精挑細選嘅一首全新作品，連日嚟不斷有驚喜，好開心啊~~~~

[葉蒨文 完全是你 演唱會主題曲]
唱: 葉蒨文
曲 : 鄭嘉嘉
詞 : 林夕
編 : Ronald Fu
監 : 趙增熹

像過去選擇 舊時時裝
沒懊悔選定 心向哪方
仿似蝴蝶 飛得了 跑不了
謝了花瓣 換到蜜糖

任興緻選擇 淡和濃妝
但永遠選擇 不去說謊
本性如此 心嚮往 手不放
放棄清醒成存夢境更耐看

只得這個我像我
不管怎麼挑剔我

有甚麼損失得不對亦不錯
我自己已注定我
懶得精挑細選過
若我敢想做我所想
就算難 很易過

沒法再選擇 舊時人生
像每個選擇 總有犧牲

選了陽光 不稀罕 那把傘
換到一身淋漓汗水也合襯

只得這個我像我
不管怎麼挑剔我

有甚麼損失得不對亦不錯
我自己已注定我
懶得精挑細選過
就似燭光燃亮烈火
沒有誰 灼傷我
木生火 總會暖心窩 我會懊悔麼
火生土 總要結出果 哪管對跟錯

當初失去了什麼
今天得到瀟灑過
有甚麼損失得不對亦不錯
各樣角色有代價
儘管精挑細選過
做了燭光 回頭又擔心灼傷 不是我

祝君好運

下官已經盡曬力做到最好，奈何事情到咗呢個局面，亦為無可奈何之事。

就算喊打喊殺，要閙要吵甚至要向娘娘稟告，下官都做唔到啲乜。

宮中太多唯恐天下不亂之士，只能嘆句： 保重

普羅米修斯

雖然外界對此片評語好壞參半，但係睇完之後覺得導演依然寶刀未老； 呢套暫時對我嚟講會係今年三甲之一。

可能對科幻片情有獨鍾嘅關係； 無論題材、音效同場面都做得相當出色。尤其圍繞成套戲嘅主題“人類嘅起源”同埋片未帶畀觀眾發人省思嘅想像空間，都喺值得買飛入場睇嘅一套電影。

Intimately Yours 2012

葉蒨文完全是你演唱會2012海報終于浮面啦！

好簡單好靚~~~~感動ing

建行（亞洲）信用卡獨家優惠訂票

葉蒨文完全是你演唱會2012

歌后葉蒨文個人演唱會，一等七年，終於成事!歌迷久候，引頸以待!

日期： 2012年9月22日至24日
時間： 晚上8時15分至11時15分(足本3小時)
地點： 香港紅磡體育館(紅館)- 香港九龍紅磡暢運道9號

你最想聽邊首?
《零時十分》、《祝福》、《信自己》、《秋去秋來》、《情人知己》、《女人的弱點》、《完全是你》、《甜言蜜語》、《傷逝》、《黎明不要來》、《珍重》、電影《秦俑》主題曲《焚心以火》和國語歌曲《瀟灑走一回》、《曾經心痛》、《真心真意過一生》、《真心》、《晚風》、《選擇》?

門票快將於城市電腦網售票網公開發售，請密切留意公佈

城市電腦網售票網售票方法:
方法1) 城市電腦售票網 - 網上
方法2) 城市電腦售票網 - 電話 2111-5999 (10am - 8pm)
方法3) 通利, 各區大會堂, 文娛中心



又要開始還債囖！

人比人比死人

點解要比較，有一出世就開始比較，直到死嗰一刻都仲要比較。

莫非比較就係人嘅天性？比較咗之後又點呢？會飛咩？何必自討苦吃咁愚蠢呢？

趁春濃為我展歡顔

趁著仲有資格，快快完成呢個多年嚟嘅心願，以免後悔莫及。

立定決心，今次一定要成功！Ganbatte Kudasai

網上購物

唔知點解到咗今時今日，我依然好少選擇呢個方式嚟購物。就算有都喺少於20抆以下嘅產品，因爲萬一有乜差池，都會喺損失頂隆20皮，冇咁傷。

至於上五十到百嘅產品，我都喺忠於選擇一手交錢一手交貨。既可以現場驗貨之餘，亦能夠親身睇清楚貨品嘅真僞。

穏陣好多囖！

分裂

每個人心裏面，都有嗰唔可以畀人觸碰嘅地方，我哋稱之爲秘密。

喺自我保護嘅意識下，秘密會被壓抑、扭曲、遺忘。

但當呢種意識崩潰嘅時候，人嘅情緒會被牽動。

妒嫉、執著、暴力，一切將會一發不可收拾。

多謝夾盛惠

唔該啲哥哥姐姐唔好再上傳啲細路相好嗎？自己嘅面書，但係就成日上傳埋啲細路（仔/女）相片，有幾可愛幾趣緻啊？我唔覺囖！

仲有啲哥哥姐姐成日就喺度講仔/女經，好鬼死悶囖！！！而且我一啲興趣都冇囖！！！ thank you多謝曬！

基督教與天主教的差異

稱呼：
天主教：上主，天主
基督教：基督，上帝，天父，神
信仰：
天主教:是憑功德赦罪得救。
基督教:是因信稱義，憑恩典得救。
教義：
天主教:強調「罪」與「罰」、「天堂」和「煉獄」。
基督教:強調「因信稱義」、和 神之間的親密關係。
崇拜：
天主教:有敬拜三位一體的天主（聖父、聖子、聖神），也有崇拜瑪利亞被尊為聖母。
基督教:只敬拜三位一體的 神（聖父、聖子、聖靈）。
耶穌的母親馬利亞：
天主教:相信聖母瑪利亞是永遠童貞的女子。也是耶穌的生母，耶穌既是聖子，童貞
女瑪利亞便是當然的聖母。
基督教:認為童女馬利亞和普通信徒只有一樣不同，就是她把身體獻上被主使用，讓
主道成肉身到世上來。童女馬利亞和主耶穌除了在肉身的關係是母子以外，她便和
其他的信徒一樣只是一個人而已。
活動名稱：
天主教:主要是望彌撒，彌撒的意思是要將耶穌再獻給神為人贖罪，使人得赦罪。時
間有每星期一至日。
基督教:是主日崇拜（聚會），時間在星期日。
禱告：
天主教:必須透過神父來禱告、認罪，他們認為這些人可以在人和天主之間成為帶領
者。
基督教:沒有這樣的分別，每個人都可以直接向神禱告。
赦罪：
天主教:對信徒犯了罪認為當向神父告解，藉著神父的宣告才得赦罪。如果信徒認為
大罪必須藉著聖洗，告解、聖事才得赦免。
基督教:我們信徒若認自己的罪，每個人都可以直接向 神，並求 神赦免我們的
罪。這樣才能洗淨我們一切的不義。
服事人員：
天主教:神父和修女終身都要實行「獨身」，並且在修道院透過簡單的物資來生活。
他們每天都有內部的望彌撒，並且一天有數次。
基督教:牧師可以結婚生子，並且因為不同的呼召而在不同的環境中執行不同工作。
祭拜：
天主教:有遵照中國傳統禮俗舉行祭祖典禮；例如：拿香、聖體遊行、跪拜祭祖。
基督教:認為拜祭祖是崇拜偶像之罪惡行為，「除了神外，不可把神的榮耀變為偶
像」。
十字架：
天主教:聖堂的十字架上有耶穌基督像。
基督教:會堂的十字架上完全沒有耶穌基督像。

願望成真

 Siri終于識聼廣東話囖，簡直喺天大嘅喜訊。

以後又多咗個好助手，幫我紀錄同管理一切事務，消災解困。

北上

 

老朋友母親大人千里迢迢，送上嘅愛心餸菜，

感覺溫馨嘅一餐住家飯。

我唔中意煎炸辛辣，清清地就最啱我口味。

最近閒來無事，一到周末就北上踩背按摩，同埋周圍去搵食囖。體重就當然不斷咁上升；都活到呢個年紀，中坑一名。想做嘅都已經嘗試過曬，唔通仲好似啲花靚咁夜夜笙歌咩。

燃燒歲月

生老病死喺自然定律，每個人都會經歷僅僅一次； 奈何有啲人仲會咁介意自己老。隨著時間同經歷，終須會有老嘅一日。點解唔可以大方咁承認兼接受自己老呢？

冇後生過又點會老呢？老又如何？睇開啲，接受老吧！

最冷一天

哥哥呢首遺作真係耐聼，愈聼愈心寒，打曬冷震。哥哥果然功力深厚，好嘢！

藉口

今日做到頭就嚟爆炸，攰到唸唔到嘢； 惟有食餐好嘅嚟獎勵自己。雖然糖份好高卡路理超標，不過唔理得咁多； 人生短短幾十年，食咗先算。

放假與渡假

好多人有個錯覺就係每次我拿假返鄉下探親，都誤以爲我去渡假。

查實放假與渡假完全係兩回事囖。每次放假返鄉下可謂仲攰過返工； 由朝到晚呢度去過度去，又要繳交啲過期乜費乜費、修理呢樣嗰樣、洗地洗衫洗窗簾，仲有仲有... ...

因此返鄉下對我嚟講其實唔係渡假。不過，我仍然堅持無論遠近長短，一年一度渡假係必須嘅。完全乜都唔做，齋hea每日吃喝玩樂嗰只，咁先至名副其實叫做渡假!

地球很危險

今日一朝早出門，鞋到未著曬就流到滿身大汗。跟住再落埋樓行咗幾步，由内到外都濕透，好似落雨淋到濕曬咁。

最不可思議就係過咗五分鐘之後，竟然落起雨嚟。猛烈嘅陽光，再加上雨水造成嘅蒸汽猛然上升。熱上加熱之際，我就好似熱鍋上的螞蟻； 遲到就遲到，總好過行到一半熱到洗脫而猝死。

究竟發生咩事？晨早7點幾仿佛身處侷爐中，完全冇到清新空氣。

睇嚟呢個鋼筋森林真係就快要滅亡，大家攬住一齊等待末日降臨吧！

夫復何求？

期待已久，恨咗十幾年今日終於完夢。上天其實真係對我不薄； 尤其今年時，未到半年生日願望經已達成。

人生有幾多個十年？

當一個人到咗個年齡，想去嘅地方已經去過，想食嘅已經食過，想做嘅事已經做過，想得到嘅嘢已經得到手； 最後反而最想嘅喺反撲歸真，回到最初點，一切由零開始。

令人費解

未到晚飯時間，但係腦袋不受控制，喺咁係度盤算住要食啲乜嘢晚餐。

究竟係太過他條吖，抑或真係咁肚餓？

坐言起行

擱置咗將近四年，睇嚟係時候扚起心肝，繼續完成。要再次開始實在唔容易，畢竟經已耽誤多時。好多嘢都隨著時間流逝而淡忘，唯有靠僅餘嘅筆錄同逐漸退化嘅記憶力，慢慢咁堆積番。

一切盡力而爲，為自己嘅執著努力，加油！

乾乾脆脆

原來有啲事情含糊不清總好過清清楚楚，搞到精神緊張，最後過勞猝死。

一直都以爲乜都要列明清楚正會好辦事，今時今日真正領悟到，原來唔清唔楚都有優勝之處理。

真喺活到老學到老！

手機提款

無帶銀包，無cash及無提款卡，點算？請你唔好驚，唔好慌； 因爲有咗最新嘅手機提款系統，讓大家透過手機就可以喺自動櫃員機提款。

用戶只要下載銀行嘅手機App程式，登入‘Mobile Cash’ 版面，指示須要提取嘅款項，其後手機就會收到顯示提款密碼嘅SMS訊息，然後喺不洗插咭嘅情況下喺櫃員機輸入密碼，成功提款。

資訊發達，依家連提款卡都唔洗帶就可以提款，實在太方便!

再次感謝教主，RIP~~

天氣那麽熱

夏天又到咗，好想去海邊度假兼曬太陽。

唔洗周車勞動，三日兩夜近近地就得噶嘞。

殺人放火金腰帶

 

又起價咗，咁嘅經濟米粉要價S$2=RM4.85，

值得咩？！

甜入心

炎炎夏日最賞心悅目嘅事情，就喺嚟一杯色彩繽紛嘅雪糕。
滿足~~

錢醉一生

假期完結之後，最大結論就喺 - 財散人安樂！
讓我編織海市蜃樓，一天一天錢醉過一生。

放假

終于可以逃出宮，將腳步放慢，頭腦放空，返鄉下好好地休息幾日。

正如某某所講：人生唔係斑馬綫，永遠都唔會係一條直綫。不過兩條平行線，總有交會嘅一天。

一直嚮往嘅慢生活，何時正能實踐呢？！

自制空間

藝術喺抽象嘅，藝術喺虛幻嘅，藝術喺美麗嘅，

藝術喺色彩嘅，藝術喺抽象嘅，藝術喺無止境嘅。

屎我是一坨屎

我肚痛。

我急屎。

我沖緊入厠所 。

我屙緊屎。

我啲屎好爛，好臭。

我啲屎嘅顔色有啲黑。

以上就喺某啲無聊人，每日喺面書上不停更生自己近況嘅其中例子。需要咩？
跟住就會有人竟然喺“我屙緊屎。”個條文裏面點擊LIKE！！！ 救命， 咩世界？！

藝術

適逢SOTA開放日，上咗頂樓天台俯瞰鋼筋森林。

好辛苦，透唔到氣~~~

每一個角落都經過細心設計，

就連裏面嘅圖書館都從滿藝術氣氛。

兩極交匯

有冇發覺近日黃昏嘅時後嗰天一片紅霞，染到又黃又紅好靚。
不過到咗淩晨嘅時份就雷電交加，橫風橫雨，好似要殺到嚟咁，好恐怖。

莫非呢啲就喺末日嘅先兆？！

奸商

呢度賣嘢有幾無良？

唔講太多，自己睇相吧！

一時一樣

五時花六時變喺女人嘅專利，一切嘅決定完全喺睇佢當時嘅心情，又或者當日是否有親戚探訪嚟定奪。

冇到准則之餘，講過嘅嘢可以完全推翻曬，甚至死口唔否認。 直到你拿出證據嚟，佢就會即刻收聲，然後扮到若無其事，好似乜嘢都冇發生過一樣。

宮裏面條八婆就完全發揮出呢中專長，唯一可以令到自己好過啲嘅就喺置諸不理，話之佢巔，由得佢死！

留曬口水

好耐都冇食過，雖然僅僅兩支，感覺特別滋味。

白飯

有條友仔正餐叫食飯就諸多推搪，一時話唔肚餓、一時又話好飽、食得多白飯好易肥，藉口多多。轉個頭竟然拿住包薯片、芝士圈喺咁食。

難道碗白飯卡路里會多得過包薯片？論健康而言碗白飯點都好過包芝士圈呱？都唔知究竟咩道理！

正餐就唔正正經經食，零食就有殺錯冇放過，唔肥都難啦！自相矛盾！！！

花冇百日紅

啲花靚又點呀，可以開得幾耐？就算而家幾鮮艷，都會有花殘粉褪嘅一日，可以留得住正茂芳華咩？

妳昔日曾經風光並唔代表一直都會風光落去，一但失勢失寵就會落得滿盤皆落索； 就連區區一個宮女都唔望妳一眼。怪只怪妳自己太過虛張聲勢，今時今日有此下場何謂咎由自取。

要記住后宮中掌鳳印嘅始終喺皇后，皇后喺唔可以殺，只可以廢！

黎明不要來

無意中路過發現呢個詭異嘅佈置，
仿如黑山老妖迎娶小倩嘅佈局，好得人驚囖！

慰勞宴

五一前夕為咗慰勞自己，去酒店食咗餐晚飯，感覺滿足。

願天下所有打工一族，勞動節快樂。

廉潔聚餐

428嚟一個廉潔嘅餐聚，感覺自在幸福。
開心就喺如此簡單！

保留

之前已經提及過，其實我唔係咁喜歡將自己嘅部落格同面書地址畀啲相識嘅親戚、家人以及同事。再者我亦唔會喺相識嘅朋友裏面推薦或叫人去自己嘅部落格同面書裏睇嘢。因爲呢兩過所謂嘅平台，都實在太過公開； 所以我一直都純粹以發洩同娛樂嘅態度嚟看待裏面啲内容。

至於點解唔想公開畀啲相識嘅親戚、家人以及同事，完全喺因爲呢個範疇裏面嘅人，通常都係熟悉而又以熟買熟，打爛沙盤問到篤嘅，倘若你post少少嘢都會大驚小怪，驚天地泣鬼神。

更加強調嘅就喺同事，呢個group嘅人就更加唔可以畀佢哋知道你任何事情、近況以及與其他人嘅關係，全部一概絕緣。因此如果有同事開到口，問咗4-5次要加我入面書，我通常都會拖字決，然後加對方入我嘅特別過濾名單裏面。 往後一切發貼、圖文都過濾曬，永遠都冇可能睇到。冇圖睇、冇近況update，冇嘢tag，冇活動，一於做個活生生嘅植物人面書戶口，吹咩？！

虛無飄渺

呢首「Falling」充滿咗迷幻，低音結他Bass增添詭譎嘅氛圍，深夜裏聽起嚟更加彌漫住慵懶與虛幻之中。

似有還無，疑幻似真...好飄~~~~

阿門

異國情緣一直都唔被睇好，更何況喺一段孽緣。不過假如雙方都不在乎天長地久，而能夠喺有生之年嚟一場轟轟列列、刻骨銘心嘅戀愛，未曾唔係一件好事。

永遠回頭有最好，推翻現實是殘酷。祈望你像耶穌基督收我這門徒，來默化潛移我新生愛比天高。

黑夜不再來

估唔到搬嚟養心殿之後，下官竟然可以重溫想當年啲日子。咁嘅時候都能夠上嚟抒發心情，實在太太太太太太驚喜啦！

霎時間落得清閒，感覺有點兒唔係好習慣添。希望往後嘅日子都可以咁就好囖，起碼可以專心去完成手頭上嘅公務，唔洗忙到連上茅廁嘅時間都冇。

風水果然會輪流轉，黑夜已經過去，黎明還會遠嗎?！

天氣這麽熱

周末炎炎夏日 （起碼有34度以上），最好嘅活動就喺瞓返個晏覺。
難得可以無所事事，梗系有咁懶得咁懶。一於乜都唔做，淨系做一樣嘢 - 就系HEA!!!

如火如荼

一切整裝待發，一旦公開確實日期，就要開始還債。

明星

點樣正叫做明星？點樣正叫做唱歌？

講多無謂，用你未盲嘅一對眼睛睇清楚，用你未聾嘅一雙耳仔聼清楚！

多謝您哋曾經為呢片星河閃耀燦爛過，我哋永遠都會記住你哋，永遠懷念你哋。

梅艷芳 張國榮

吻下来 豁出去

既然通唔過本地電檢局，唯有喺呢個暫時仲算係自由嘅網絡世界裏面，公諸於世。

其實我真係唔明白，點解需要剪咗去？？？ 有嘢咩？！

愛與痛的邊緣

每日都要等、逼、擠、推正可以入到車廂，而且包保你可以充分鍛煉到一身好嘅腳骨力，仲可以同時一邊搭車一邊做桑拿。近呢幾個月更升格到為普儸大衆訓練EQ同守時，因爲無論你提早幾多分鐘，包保有遲冇早安全送到大家到達目的地。

生活喺一個如此高質數又超水準嘅環境中，心情自然會靚啲，皮膚會光滑啲，人都會長命啲！

等到花兒也謝了

日本有櫻花，呢度有賤過地低泥嘅不知名甩色叢葉

韓國有楓葉，呢度亦有超級野生嘅不知名紅葉

重返鐵達尼號

無心插柳之下竟然咁啱喺沉船100年嘅今日，再次進入戲院睇咗呢套曾經瘋魔一時嘅經典電影3D版。 其實啲劇情，場景同對白都已經了如指掌，但喺到咗某啲場景，聼返某段對白依然被感動，心裏面閒中都會慼慼然，眼眶發熱。

老實講，與其話係3D版倒不如話係修復版比較貼切。畢竟都係15年前拍下，金馬倫就算係首個人類成功潛入海洋最深處，好多場景點樣攪盡腦汁都無法突破到3D效果。因此千奇唔好期待沉船嗰時，啲海水會沖向到你面前，甚至會延伸到可以觸手可碰嘅視覺效果。

至於今次呢個Rose三點不露嘅保守版，整體嚟講都喺值得再次揞荷包入戲院，欣賞裏面多場震感嘅大場面、振奮人心嘅電影配樂同裏面好多嘅經典對白： “You Jump I Jump, right?” and "To make each day count."

2012年4月14號晚上11時40分： 船側以20.5節的航速向55~60英呎嘅冰山擦身而過
2012年4月15號淩晨2時20分： 鐵達尼號嘅船尾部分在水面懸浮了一會，便緩緩地在水面消失，1500人隨著她嘅消失而葬身大西洋中。

相關貼文：
鐵達尼號 2 ???
鐵達尼抵新
永遠的鐵達尼號

敬禮

透過蘋果動新聞嘅推薦，下載咗Instagram嚟玩。估唔到攝影白癡都能夠影出呢種效果同水準出嚟。

佩服現今科技進步，更加要佩服一代傳奇人物 - 蘋果教主。

宮嘯

估唔到印尼大地震竟然會震到嚟宮中，連日嚟兩位娘娘互相鬥法，各處奇謀。最後下官被譴派到養心殿為皇爺效勞，果然喺柳暗花明又一村。

無心插柳之下，竟然可以脫離爾虞我詐嘅后宮是非地，堂堂正正咁協助皇爺辦理日常政務。今次多得兩位娘娘鷸蚌相爭，下官正可以逃出生天，能夠依稀睇到一絲曙光，還得神落。

這麽遠、那麽近

門前有一條小河，遠處有人係河中捕魚，河邊有牛群係翠綠嘅草地上悠閒地食緊草。 原來如此簡單樸素嘅一個景色，喺呢個鋼筋森林裏面竟然會喺遙不可及。

唔記得從幾時開始已經將呢一切遺忘咗，直到某日睇返呢個情景，至真正察覺已經離開太遙遠，回頭已是百年身。

人往往就喺要到失去咗正懂得珍惜。

雲海

清晨飛機上睇到嘅一片雲海，好靚。

最近每次搭飛機都自不然會唸起一首歌 - 不眠飛行

三萬呎高　困在機艙　足三萬呎高
我睡不好　小別太多　思念太早
靠著氣流　滑翔跳舞　突然疑慮到
這機身似夜半的飛蟻　霎時迷路
直到空姐說　可要被鋪

合上眼睛數啊數　數啊數
並無一隻綿羊跳得比你高　比你好
夢到獅子將你帶走怎算好
你這麼好　數到2047 還未夠數

期望

每個人對生命都有唔同嘅期望，有啲喺為咗自己，有啲喺為咗滿足別人。但喺從來冇人可以保證，呢啲期望可以時達成。如果期望真喺無法達成嘅話，咁喺咪仲應該堅持落去呢？

期望喺唯一能夠醫治苦難嘅藥物，當你悲傷嘅時候，期望就好似一首能夠安撫傷痛嘅音樂。能夠達成期望當然喺開心嘅事，但有時候我哋嘅期望會違背咗其他人嘅願望，難面就要作出取捨。放棄邊個期望都要付出代價，但係除咗自己冇人可以話畀你知應該點揀。

有啲期望可能唔關自己事，更加唔明白點解有啲人甚至願意犧牲性命，都要追求一啲唔會有結果嘅期望。但若用心感受，你就會學識，每個期望或輕或重都喺值得尊重。但係無論期望帶畀你安慰、快樂定喺傷心，能夠期望與被期望都喺幸福嘅事，因爲我哋仲生存緊。

就算幾多個期望落空，我哋都可以有新嘅期望，直至生命嘅最後一刻。

鬼哭神號

鬼片之中呢套到算係經典，不僅第一集中飾演大女嘅演員，上演後因與男友吵架，遭到槍殺身亡；連飾演劇中靈魂人物卡洛嘅小童星海瑟奧克露，也喺剛拍完第三集，仲來不及上演就離奇死亡....

女主角喬貝絲威廉斯又喺隨後爆料劇中用真正嘅屍骸進行拍攝工作，適逢這部「被詛咒嘅電影」發行二十五週年之際，為本片增添許多話題性同神秘感。

等待黎明

正所謂到咗山窮水盡嘅時候，前面好似無路可行，但係停低一吓，轉個彎就會睇到柳暗花明又一村。凡事到咗絕處就會逢生，要逼都逼唔嚟，船到橋頭自然直吧喇。

年復年都喺咁，不如一切順應天命反而會悠然自得。

六道

佛教宇宙觀嘅其中一部份 - 分別為三善道同三惡道。

三善道為：
天道、人道、阿修羅道；

三惡道為：
畜生道、餓鬼道、地域道。

正所謂善有善報，惡有惡報； 若然未報，時辰未到。

放下屠刀、立地成佛。放下屠刀、立地成佛。放下屠刀、立地成佛。~~~~

美食

唔喺淨喺強國正有“冇性愛雞”，係呢個被侵蝕嘅國度裏面，一樣有傑作！（注意海報裏面英文介紹）

匪夷所思

戰況由戲劇演變到成爲漫畫，佢哋根本就係王澤筆下嘅攪笑小人物。正所謂日日新鮮獲獲金，喺狼喺豬下星期自有分曉。

倒不如買定花生啤酒，今晚8點準時入場，睇返齣耐人尋味嘅好戲仲好！

演唱十大

十月演唱會希望聽到嘅十大選曲：

第一首當然唔少得我首主題曲 - 淺醉一生
第二首喺好耐冇聼過現場嘅 - 回歸自然
第三首就喺大家極力要求嘅 - 憑千個心
第四首喺一直到好想聼嘅 - 與你又過一天
第五首好想再次睇到嗰舞步 - 面對面
第六首希望可以跳到好勁嘅 - 麻煩女人
第七首希望跳曬成首歌嘅 - 走火入魔
第八首絕對好有感情嘅 - 我的愛和別人一樣
第九首歌詞好靚嘅side track之一 - 明白
第十首重溫那些年嘅情懷 - 珍重

底線

現今社會人與人之間最好就係保持距離。無論兩者之間係乜嘢關係，要將感情維繫得持久，就必須保持適當嘅距離。

過分關心同親近，反而會得不償失； 同樣亦會破壞大家之間嘅嗰份信任，慢慢就會演變到令人生厭。

做人要有分寸，無論喺男/女朋友，夫妻，兄弟姐妹，父母，親朋好友，都要為自己同為對方留一條僅有嘅底線。

天空

每次抬頭睇到呢個景色，就會自不然聯想起王菲嘅天空，特別有feel~~

我的天空　為何掛滿濕的淚
我的天空　為何總灰的臉
飄流在世界的另一邊　任寂寞侵犯一遍一遍
天空劃著長長的思念

老花

人到咗四十嵗之後，無論有冇近視或遠視，都逃離唔到老花呢個厄運。好多過來人都話，老花喺冇徵兆冇預備嘅情況下，一夜間形成嘅。聼起嚟相當可怕，好似一夜成頭白髮，又或者一夜間甩曬啲頭發咁得人驚。

好彩有老花隱形眼鏡嘅出現，為上班族解決好多煩惱同不便。老花隱形眼鏡其實就喺把多焦點鏡片做成隱形眼鏡，原理同多焦點鏡片嘅設計類似，不同嘅喺老花隱形眼鏡採用嘅喺同心圓原理，鏡片嘅外圈喺看遠處、近視度數嘅焦點，鏡片嘅中心部分，則喺看近物、老花眼度數嘅焦點，並運用瞳孔自然嘅生理反應去適應看遠看近嘅焦距，因此解決了影像跳動嘅問題。

備註： 純粹作質料搜集，本人仲未老花，你諗多咗啦！

浪花在微笑

啱啱讀完呢本浪花，作者區樂民以輕鬆嘅手法寫出，笑中帶淚。

當中精彩金句有：

1.生命之歌在迴旋，時有高調，時有低韻，這原是生命的內涵。

2.人一生總會有喜有悲，快樂與失落都總有完結時，快樂的盡頭就是失落，失落的盡頭就是快樂。

3.人生，好像有許多選擇，但往往只是在眾多痛苦的選擇中挑一個沒那麼痛苦的。

4.你知道你愛她，但你沒有強烈感受到你愛她，直至她患病。我不敢說天主故意用痛苦教曉你們相愛，但痛苦並非沒有意義。

5.學明，如果你看到浪花對著你微笑，你要知道，那就是我。

「天地間有一股肉眼看不見的情，籠罩著萬物，令我們懂得去笑、去哭、去愛。」

平靚正

睇咗阿蘇介紹煲羅漢果水，拿拿淋走去藥材補揀幾粒羅漢果，返屋企即刻煲嚟飲。過程簡單又方便，最重要係快。

1. 首先將羅漢果洗乾淨
2. 用拇指把羅漢果打開，然後將種子分開
3. 跟住壓碎外殼，連同種子放入未煮熟嘅水裏滾
4. 水滾後計算二十分鐘，熄火放置十分鐘，搞掂。

羅漢果水可以直接熱飲，或過濾後放入雪柜裏面冷藏，可保存一個月。

羅漢果具有清肺止咳、涼血止血、生津潤腸嘅功效； 因此對高血壓、糖尿病、胃病、便秘、肚潟、炎症、哮喘、敏感症等等，都有一定嘅舒緩療效。

太陽風暴

好戲在後頭，等你大駕降臨！

共通點

八婆

肥婆

傻婆

癲婆

狗婆

雞婆

全部都可以係宮中搵到，佢哋都擁有同一姓氏，就喺姓 - 死

嫉妒與妒忌

兩者之間嘅分別喺 ：-
嫉妒： 因人勝過自己而產生嘅忌恨心理。
妒忌: 對别人嘅長處感到不痛快或忿恨，同時又希望自己具有同樣長處。

嫉妒喺一種極想排除或破壞别人嘅優越地位嘅心理傾向。 人往往年紀越大，嫉妒心就越強。 因此會變的愈嚟愈小氣，愈嚟愈孤僻。 久而久之就會諗埋一邊，演變成爲世俗所稱之心理變態。

酒是故鄉醇

聼住柔和嘅音樂，讀住一本短篇小説，再加多杯醇喉嘅紅酒。
飲醉咗可以一覺瞓天光，暫時忘記啲令人納悶嘅工作，晚安。

先發制人

最近做到好攰好厭倦，估唔仲要將啲手尾帶返屋企收拾。 到咗星期一嘅時候至能夠先所有人一步，將啲牛鬼蛇神統統截住，第一時間抽身，以免牽涉其中，萬劫不復。

既然宮中上下對太極呢門絕技咁受落，下官都唔理得咁多，一於先下手為強。

不能改變事實，就改變自己嘅心態； 每一個明天都喺新嘅開始。

天梯

啱啱睇完超級巨星3，被仲恒同釗鋒嘅歌聲感動，聽到起曬雞皮。就如同MR LUN LUN一樣，響往後嘅日子追隨住C AllStar！

滄海遺珠

好耐都冇聼過呢首未曾plug過嘅滄海遺珠，每次聼都份外有味道，好舒服。

回憶是最可怕的敵人

繼人生嘅主體曲之後，如果可以隨著仙遊能夠讓你帶三樣嘢，你最想帶乜走？

諗咗好耐，最後希望可以帶走感覺，品格同思維。

最最最最最唔想帶嘅就係回憶！

我要中大彩

$2,200,000！！！

首先$900，000用嚟買個單位收租

跟住$1,300,000轉曬馬幣=RM3,120,000

RM400,000還清所有銀行債務，兼所有慶祝，請客，旅遊等花費應酬

最後剩低RM2,720,000擺入銀行食利，利息同每月收取租額當作儲蓄

假如仲有40年命嘅話，咁一年洗用RM68,000； 換然之每個月有RM5，666.66用嚟洗用

總括嚟講可以即刻辭職，出宮一天一天淺醉過一生！Yeah!！！

311

不經不覺已經過就嚟一年，剛剛睇到電視節目做咗一個特輯，百感交集。 一切仿似發生咗冇幾耐嘅事情，但係已經過咗一年。係地球嘅另一邊，我哋依然營營役役咁去生活； 心裏面突然間唸起佢哋？

好想問一句： Nippon，你哋還好嗎？



昔日懷緬：
乜都冇曬
青荷溫泉
身在福中

主題曲

同某某講起，假如可以搵一首歌當作自己嘅主題曲，你會揀邊首？

一首可以代表自己而又非常喜歡嘅歌，到咗百年歸老嘅時候可以係靈堂裏面不斷播放，讓參加喪禮嘅親朋好友們能夠聼著首歌，送別自己行完人生最後呢一段路，喺幾咁淒美而又浪漫。




昔日淺醉：
一廂情願的幻想
有無搞錯
淺醉一生
神啊！可以救救我嗎？

對立

影星
60年代有：陳寳珠vs蕭芳芳，呂奇vs謝賢
70年代有：林鳳嬌vs林青霞，秦祥林vs秦漢
80年代有：翁美玲vs陳玉蓮，周潤發vs任達華
90年代有：張曼玉vs劉嘉玲，梁朝偉vs劉德華

歌星
60年代有：??
70年代有：劉文正vs劉家昌，鄧麗君vs鳳飛飛
80年代有：譚詠麟vs張囯榮，梅艷芳vs??
90年代有：劉德華vs黎明，葉蒨文vs林憶蓮

跟住落嚟嗰啲一個比一個爛，不願置評。

是這樣的

自從有咗廉價航空，個個人都可以飛之後，多咗好多人周遊列國。大多數都係一班出嚟社會做嘢一段時間，經濟基礎開始穩定嘅80/90後。

有人每個月飛一次，有人半個月飛一次，甚至有人每個周末飛一次。無論飛去邊個國度，一趟雙程機票平幾都要起碼100蚊以上。

撇開錢嘅因素之外，最令人費解同疑惑嘅喺佢哋嘅假期同工作。1年最多21至24日年假，不過佢哋就每個月係咁飛一個星期甚至10幾日以上。由咁多假咩？工作方面完全冇到壓力咩？可以每個月唔見4-5日都得咩？

換轉系下官？上星期五拿咗區區半日假，噚日返到宮中，未坐低已經有4至5人企係度等緊。Come on，下官放半日假啫，洗唔洗搞到好似放咗成個月返嚟咁誇啊？總係要咬住我唔放，爲何這樣？