共勉之

我哋唔應該用一個人嘅國籍或者乜嘢人種嚟判別對方喺一個好人定壞人。

然而，我哋應該用一個人嘅人格嚟判別佢嘅好與壞。

願阿彌陀佛帶領所有于今次事件遇害嘅朋友，早登極樂。

南無阿彌陀佛。

We Are The World 25 For Haiti

年頭為海地災民籌款，將MJ嘅 "We Are The World" 重新編曲，集合一班現今樂壇群星合唱。尾段Will.I.Am同一班rapper好似一齊rap個段勁正。

MV中的歌手包括：Akon, Bono, India.Arie, Patti Austin, Tony Bennett, Justin Bieber, Bizzy Bone, Ethan Bortnick, Brandy, Jeff Bridges, Toni Braxton, Zac Brown, Kristian Bush, Busta Rhymes, Natalie Cole, Harry Connick Jr., Kid Cudi, Miley Cyrus, Celine Dion, Snoop Dogg, Drake, Earth Wind & Fire, Faith Evans, Fergie, Melanie Fiona, Jamie Foxx, Sean Garrett, Tyrese Gibson, Josh Groban, Anthony Hamilton, Keri Hilson, Julianne Hough, Jennifer Hudson, Enrique Iglesias, LL Cool J, Janet Jackson, Michael Jackson, Randy Jackson, Taj Jackson, Taryll Jackson, TJ Jackson, Al Jardine, Joe Jonas, Kevin Jonas, Nick Jonas, Rashida Jones, Gladys Knight, Adam Levine, Jimmy Jean-Louis, Benji Madden, Joel Madden, Mary Mary, Katharine McPhee, Jason Mraz, Mýa, Jennifer Nettles, Orianthi, Freda Payne, P!nk, A. R. Rahman, Nicole Richie, Raphael Saadiq, Carlos Santana, Nicole Scherzinger, Isaac Slade, Trey Songz, Musiq Soulchild, Jordin Sparks, Barbra Streisand, Swizz Beatz, T-Pain, Robin Thicke, Rob Thomas, Usher, Vince Vaughn, Lil Wayne, Kanye West, Will.i.am, Ann Wilson, Brian Wilson, Nancy Wilson and BeBe Winan.

陰公囖搭巴士！

巴士已經成爲我日常嘅交通工具，通常一上到巴士都會往上層去搵位。因爲路途遙遠，喺上層可以揀嗰靚位坐，居高臨下能夠睇清楚沿路風景，人生百態。堂堂正正咁去睇街上啲行人，而又唔會畀人覺得你喺度昅嘢，何樂而不爲。

成功啦!

	上一張  下一張
javascripts code sponsor: [SK] @ http://sk0617.blogspot.com
琉戀塵世美

多謝SK大師嘅專業文字指導，本人首個個人電子相簿誕生嘞！

(PS: 部分照片下載速度較慢，請耐心等候）

羊群效應

有冇發覺有陣時一個人做嘅嘢，通常都好大路。因爲通常都會覺得做大路嘅嘢，一般上都會有人中意。正例如一位的士司機咁，平時行條細路同常都冇客，不如行返條人人都行嘅大路，一定會載到客。做人都一樣，成日諗住跟大隊實冇死。其實有冇諗過，可能今次放棄大路行條細路嘅話，喺機會嘅來臨。

所以唔好諗住跟住一窩蜂咁去做一啲嘢就一定有着數； 有時另覓新路，可能喺一個前景，一個新希望。

三魂

「三魂」分為
1.「靈魂」又可稱：天魂跟主魂
「主魂」為天魂，他往空間天路報到，（因「主魂」只是「良知」亦是不生不滅的無極，雖然有肉體的因果牽連，因之不能歸宗源地，只好被牽帶走上空間天路之寄託處）暫為其主神收押（主公）「天牢」。

2.「覺魂」又可稱：地魂跟視魂
「覺魂」為地魂，往地獄報到，（因「覺魂」本來是「主魂」的「腦袋」，可知「主魂」一切之因果報應。也可指使「生魂」肉身之善惡，所以肉身死亡再進因果是非地「地獄」）。

3.「生魂」又可稱：人魂跟象魂
「生魂」為人魂，往墓地報到，（因「人魂」本來是「祖德」歷代姓氏流傳接代之肉身，以「七魄」在身其性行之魄力，死亡後再墓地對神主，來來往往之走上人路之寄託處）。

「三魂」在於精神中，「七魄」在於物質，所以人身去世，「三魂」歸三線路，「七魄」歸肉身消失。

在道教的學說裏，人在陽間的數是九，當人過身就成陰人，術數會變為七。亡者過身第七日便會滅了一魄，到了七七四十九日，七魄便會從他的凡體上完全消失。到了一百日陰輪之數盡了就會減去一魂，到了小祥，即三百六十日第二魂也會離開，當先人過身足兩年大祥之時，即是第七百二十日，第三魂也會離開，即是說，三魂七魄也完完全全離開亡者。

當三魂七魄離開後，會去了哪裏？如果亡者生前種下功德，行善積德者，第一個魂便會到仙界，第二個魂便會登上祖堂，即是到祖先位遠享祭祀，而第三個魂就會鎮守其墓穴，來護蔭後人。

這個世界有很多不公平的事，但有兩件事必定人人平等，就是生與死。

睬佢都傻

短短半小時裏面，竟然可以收到同一人發出嘅7封唔同主體嘅電郵； 内容又長氣又"chum"氣。結果我一封都唔會回，睇完之後（已經好畀面）按刪除鍵直接掉入垃圾桶，熄機走人。

念親恩

細心睇呢首歌嘅歌詞，其實喺描述相親已離世，非常挂念對方。所以唔該啲電台DJ同啲點歌嘅哥哥姐姐們，唔好喺啲母親節，父親節度點呢首咁唔老嚟嘅歌畀啲在生嘅爸爸媽媽聼，真喺大吉利是。

黃金時期

根據調查，人生的黃金時期，男為29嵗，而女為26嵗。這個年齡的人想到甚麽就能做甚麽，沒有負擔。年輕而身體健康，可以充分發揮自我能力，而且能夠摸索到對社會應有的智慧。

自問自己的黃金時期早已經過了，對很多事情都已經沒有那股衝勁。然而每一個人都有大家不同的人生黃金時期，但願自己知道自己甚麽時候是黃金期，然後好好地去利用。

上帝早已預備

人在真正得到開心的時候，體内就會自然釋放一些物質出來，而這些物質或荷爾蒙之類的分泌，就是一種很好的抗體。而這種抗體就是足夠去迎接戰鬥，抵抗人體内的壞細胞。

上天是有一份終極底牌給予每一個人，當一個人走到生命盡頭的時候，就可以得到上天早已預備的一份最後禮物。而這份極之珍貴的禮物，其實早已在人體裏面一直收藏著，就看每個人何時會發覺它的存在，將它拆開，釋放出來。

人的心是可以自然分泌出一些好的物質，因此做人要有一顆真心。

YOU ARE WHAT YOU EAT AND YOU ARE WHAT YOU THINK.

口是心非

佢雖然口不斷咁投訴，有幾咁心不甘、情不願； 但喺我知道佢其實心中暗喜，樂得其中。就好似有啲人，不斷咁向朋友投訴身邊人，呢樣唔得，嗰樣唔順眼。不過作爲旁觀者嘅聼咗就算，千企唔好加把嘴。因爲到頭來佢一定會同另一半變返糖黐豆，掉轉搶頭將矛頭指向返你。

所以我從來都唔會去勸架，唔中意聼人訴苦。其實好多嘢都喺自己摞嚟賤，心中一早已經有咗決定，只喺想講出嚟畀人聼，去尋求一個同自己心中答案相同嘅結論，能夠自我安慰一番。

心理排汗

同一個身體有病嘅人相處或者一齊生活會好辛苦，不過同一個心理有病嘅人相處同生活會更加心力交瘁。

佢可以呢一刻情緒好高漲好high，不過唔夠半粒鐘會變到相當沮喪，心情低落到谷底。終日疑神疑鬼，會覺得四周圍嘅人嘲笑佢，出賣佢，排擠佢；成嗰人變到多疑，煩躁，焦慮，負面。同呢種人一齊，明明本身好正常，好積極；日子耐咗之後都會變到精神崩潰，心灰意冷。

所以話心理比生理更加重要，心理排汗遠比生理排汗困難，需要心理醫生疏導之外亦要病人自己配合。要提高思想素質，培養對生活嘅熱情，只有將影像心理健康嘅“毒素”全部除掉，才能成為一個真正健康嘅人。

色即是空

國慶之後就喺農曆七月，對好多日拜夜拜，常年滿天神佛，終日疑神疑鬼嘅人嚟講，呢個月份正好合晒合尺。

（新加坡9日訊）今天農曆七月初一鬼門關大開，有風水師指出，今天是壬辰日，為今年流年最凶的一天。風水師陳威良受訪時解釋，今天是壬辰日，有3個凶，分別為：八白入中宮：根據“九宮飛星”的風水理論，當八白入中宮，八白屬土、中宮屬木，也就形成木克土的情形。 龍虎鬥日：壬辰日是龍日，今年是虎年，因此形成干支二斗的局面。 陰府開門：鬼門關大開，因此會凶。 陳威良指出，十二個生肖的人，都不應該參與喜壽二事，如婚禮和生日會，他們只適合辦陰事，例如祭祖、祭拜好兄弟等。 陳威良指出，其中以屬龍、老虎、猴子、馬和老鼠這幾個生肖的人更應該注意，不應該參加，以免犯煞而惹血光之災。 “農曆六月最后一日晚上11點至七月一日凌晨一點為子時，這些生肖的人應該避免夜歸，以免犯煞，造成運勢被衝破。” 陳威良透露，碰到這樣的情況，這些生肖的人應該避免參加喪禮、到太平間或到醫院探病，因為可能會有不好的氣影響到運氣。 “人們也應該避免沖喜，因為也可能弄巧反拙，變得更糟糕。”

以上一切信則有不信則冇，其實全部都喺人嘅心魔作崇； 以平常心對待就喺最好嘅方法，阿彌陀佛。

良心？

點解現今社會會有咁多騙子？佢哋用盡一切可能嘅方法去氹人入局，得逞之後就翻轉豬肚。至於受騙者得到一次教訓之後，當然就會學精。碰得多呢種無孔不入呃神騙鬼嘅老千，對人就好自然咁築起一道防護墻，日以累積人亦會慢慢變得冷酷，甚至乎會變到無情。

呢種風氣可以怪得邊個？唯有人人提高警覺，時刻警惕自己，呢個世界冇免費嘅午餐，貪字得個貧。

良心？我冇咗好耐啦喔，乜你仲有咩？

非男非女

呢兩條台灣粉腸最近搞到我摸不著頭腦，思緒好混亂。偶然睇到佢哋喺電視上做訪問，播放佢哋啲MV已經好定唔順，究竟佢哋要做男亦或做女架？好似嗰主持咁，乾乾脆脆做個女人我反而可以理解。

無論本身喺男定喺女，假如想做女就完完全全做嗰女，想變身男就徹徹底底做嗰男。TB又TB唔曬，乸又乸唔盡，姣又唔夠姣，依家咁算喺點啫？

如果一個1到兩嵗嘅細路睇到問家長，究竟要點樣稱呼呢兩條粉腸？叫姐姐亦或叫哥哥？睇嚟日後似乎真喺要喺電視銀幕上打上PG家長指引先至得。

PS:絕冇歧視成份，純粹個人覺得要扮男就要似男，要扮女就要似女，要TB就要似TB，要乸型就乸到盡。唔好搞到依家咁唔三唔四，誤導下一代。80後已經搞成咁，好難想像跟住落嚟嗰幾幫後人會變到成點，諗到都驚。



是男但他的心會否似女人，若然是女她可有真女人天份？別再去想諸多困惑自尋。

留住這時光

當機會嚟到嘅時候，就唔好在猶豫。快刀斬亂麻，當機立斷，即刻接受挑戰。畢竟唔再喺18/22，機會已經開始顯得罕有；所以要好好把握著每一次，務求把最好嘅時刻留低，永遠將佢儲存於回憶廊裏面。

不能天長地久，起碼曾經擁有。

葉聲

每當工作到心煩氣躁，身邊又有啲廢柴發出好多令人不安笑聲嘅時候，我都會選擇戴上耳機聼音樂、廣播或者聼歌。但喺最近啲廢柴好似變本加厲，愈講愈大聲，愈笑愈令人感到不安同煩擾。

嘗試用盡一切有可能嘅辦法去克服呢啲噪音，務求能夠令到自己可以專心工作，不過結果都喺冇用。音樂太過柔和，根本就冇可能掩蓋到啲滋擾嘅喪笑聲。聼電台廣播節目仲衰，DJ猛係度講嘢再加上外來啲嘈雜聲，效果只會更死。聼歌又覺得好煩，聼呢首唔喺，聼嗰首又唔喺，總之就覺得渾身好煩躁，好唔自在好想閙人。

喺我的音樂庫裏面來回點嚟點去，最後隨便咁點擊咗佢其中一個專輯。耳邊傳來熟悉嘅旋律，始終都喺佢嘅歌聲能夠對我產生化學作用，將煩躁不安嘅心情平復落嚟，完全墮入歌曲嘅意境中。睇嚟都好難戒掉呢20幾年嚟嘅毒素，注定呢一世都要面對呢段永遠化唔開嘅葉緣。

哭了，才知道甚麽是哭了

哎喲，真喺羞家囖，咁大嗰仔第一次連套片啲字幕放完，散咗場之後都唔敢行出戲院。全因雙眼喊到又紅又腫，啲微絲血管爆曬，兼且又忘記帶墨鏡，點樣行出去商場見人啊？！

起初都有啲猶豫會否入去睇呢部片，畢竟對大陸製作出品嘅戲有所保留； 套戲啲特技肯定好唔得過好萊塢，啲演員由冇嗰識，真喺有一時三刻想縮沙。結果入到戲院唔夠十分鐘，就開始震； 短短32秒強震，換嚟32年嘅餘震。

當中數最震撼嘅场面莫過於嗰女推開家中大門嗰一刻，啲眼淚從眼眶中缺堤洶湧而出，完全忍唔住嘞。一直用手去抹，但喺就一直喺咁流，無從選擇嘅情況下，最後唯有躲入厠格，等到止喊咗正可以行出嚟。

咁嘅催淚劇情片，只此一次上戲院睇，下不爲例。羞家架嘛！