愛我請留言

當你覺得對方開始好煩嘅時候，你嘅電話就會陸續出現好多“未接來電”； 緊接著就會喺訊息轟炸。其實對方又點會察覺唔到你開始敷衍緊佢吖，只喺佢唔甘心被敷衍被忽略，因此至會有以上過激嘅異常行爲。

呢類人統統都會被我打入冷宮，你愈轟炸我就愈反感。凡事要點到即止，點解要做到令人感覺討厭至肯停呢？

“信任就似一張紙，皺咗，就算把佢攤平，亦唔會變回原本嘅樣子。信任與承諾喺一對的”

醒醒

甚麽公議，甚麽公平，甚麽公正，甚麽良心統統都喺假嘅； 呢個世界永遠唔會有公議/公平/公正/良心可言。邊一個得勢就邊一個話事，呢個就喺鐵一般嘅事實。

為咗阻礙最新臭屎公諸於世，竟然不擇手段。接二連三扮黑客入侵都不特止，今日竟然連一個post都冇。冇錯，咁大件事竟然一個post都冇，究竟喺統統被河蟹，抑或喺大家都學聰明唔再上載去呢個虛僞嘅平台呢？

心知肚明！

愛回家

儲存喺手指裏面差唔多有成年，
昨日心血來潮獨自一人留喺房裏面，
靜靜咁去細味呢齣感動全日本嘅電影。

 

劇情冇大起大落，故事亦平平淡淡；

但喺偏偏令到睇戲嘅觀衆，眼淚不自禁咁從眼角流下。

整齣戲根本就喺描述緊你同我嘅生活寫照，唔可以話悲慘，因爲現實就喺如此。我哋總被忙碌嘅都市生活追著跑，你有幾耐沒回家好好陪伴兩老嘞？

On way 36小時

由南至北再由北返到南，中間逗留唔夠20個鐘頭。
時間長短完全不受影響，目標非常清晰。

點解？
有陣時好多嘢喺唔需要原因，亦無需去追究因由。

四樓有四仔

還記得相當年興旺時期，整棟大廈人流不斷，水洩不通。2手CD鋪，明星相店，遊戲機鋪，漫畫店舖，高達模型、日本雜誌、四仔天堂，如今統統都已經成爲咗集體回憶。

前日嘅白皮書更加可以預料，『聯合聲明完嘞！一國兩制完嘞！基本法完嘞！』 一切都完嘞。

四樓有四仔，四仔無格仔。男女都啱睇，睇完大個仔... ... ...

大熱像赤道重疊

呢幾日最令人煩躁嘅莫過於嗰粒殺人於無形嘅火球。 中午時分好似想將一切世間萬物融化曬，到咗夜晚就化身為一部燒烤爐。啲熱力就好似哥哥首歌一樣“大熱像赤道重疊，命運註定若離別； 世界快將有浩劫，殞石最終碰撞磨滅！”

據知炎熱天氣受一股熱帶氣旋影響，將會持續到九月！幾日都咁痛苦囖，仲要捱到九月？！后羿叔叔，唔洗手下留情，拉開你嘅神弓，將剩低落嚟嗰粒都射埋落嚟，唔好再畀佢搞到莊稼枯死，民不聊生。

痛楚循環

1. 休息-工作-休息-工作-休息-工作-休息-工作-休息-工作-休息-工作
2. 傷風-發燒-咳嗽-康復-傷風-發燒-咳嗽-康復-傷風-發燒-咳嗽-康復
3. 姑姑-娘娘-公公-姑姑-娘娘-公公-姑姑-娘娘-公公-姑姑-娘娘-公公
4. 糧頭-糧中-糧尾-糧頭-糧中-糧尾-糧頭-糧中-糧尾-糧頭-糧中-糧尾
5. 房租-借款-家用-房租-借款-家用-房租-借款-家用-房租-借款-家用

撞邪

條八婆自從強勢回歸之後就冇日安寧； 未開工就撥手提電話, 催三催四。10個鐘入面收到8-10個來電，至於電郵當然喺多到我都唔想去數。成日就咁畀佢玩嚟玩去，一件小小嘅事硬係要化到大大大!

真喺好想大聲嗌佢一聲死八婆, 然後狠狠咁伸腳佢死!

寧可信其有

由細到大接觸呢方面嘅資訊都比較貧乏，因此亦唔會特別迷信或者沉迷於呢個話題上。不過身邊就有大把對呢方面非常感興趣嘅人存在，有啲甚至可以講話已經走火入魔，完全不能自拔。

喺度想分享小小嘅冷知識，當你感到害怕嘅時候就千奇唔好念經或者播放啲甚麽念佛機。因爲當佢哋聼到經文，就會覺得好舒服好超脫（經文主要就喺發揮超度嘅作用），最後只會愈聚愈多，弄巧反拙。

相由心生

有心人遠渡從西藏寄嚟嘅心意卡，非常感激。

心地喺相貌嘅根本，審察一個人嘅心地，就可以瞭解他嘅善惡之性；行為喺心性嘅外在表現，觀察一個人嘅行為，就可以知道他嘅禍福吉凶。

寫真集

隨著時代嘅變遷，由從前菲菻相機演變到數碼相機，由相片變到電腦檔案。最近興起將數碼相片打印成一本書籍，呢個玩意兒相當實用，慳時兼慳位。相信日後將會逐漸減少沖洗相片，將啲旅行相片打印成一本本書，以作收藏。

喺未畀時代巨輪卷走之前，亦唔執輸印返本書嚟自娛一下。

紙質同顔色都令人感覺良好，再加上團購價錢減半，值得一再加印！

萬里尋爸

最近不斷追睇呢個日本真人show - 世界で働くお父さん。

日本人通常都好大男人，亦唔容易表露自己情感，估唔到啲爸爸睇到自己啲兒女都喊晒。每集當啲小朋友要離開爸爸返日本喺入禁區嘅情節，大家依依不捨離愁別緒之際，都會被感動到眼濕濕，非常感人。

健忘

9個月前就要計劃好2015年嘅假期，然後就要當機立斷買機票。呢一個動作已經重復咗有4-5年； 噚晚搞咗成晚就已經洗咗成千蚊，真喺洗錢容易賺錢難。

今朝早突然醒起仲有一張醫療卷未用，結果發現到期日喺13/4/2015。心裏面不斷盤旋要用乜嘢方法去兌現呢張過期卷，打電話去求情？篇一個美麗故事話出國返嚟等等等等。心急如焚之際短訊友人商談如何解決，得返嚟回復喺： “喂，2015到期喔！”

喺喔！2015年到期！！！成晚搜尋2015日期，搞到以爲今年已經2015。呢啲喺唔喺腦退化嘅跡象？好得人驚囉~~~

摩周湖星紀行

川湯溫泉喺一個遠離塵囂嘅世外桃源，

其中一個難忘記經歷就莫過於摩周湖星紀行。

首先當然要醫好五臟六腑先；

由溫泉旅館提供嘅和式美味晚餐。

晚飯過後，旅館安排專車接送前往摩周湖第一展望台觀星。
隨團仲有一位導賞員哥哥講解摩周湖嘅形成。

絕冇花假，一抬頭真喺睇到漫天繁星， 啲星星近到簡直可以束手可及。
可惜嘅喺冇專業嘅攝影器材，無法捕捉到咁震撼嘅星空。
當晚亦破咗一項個人紀錄，錄得最低氣溫-20度！
此情此景將會永遠留喺腦海中，永不磨滅 (除非老人癡呆)。
(以上照片喺從弟子屈なび觀光網度cap返嚟)

大約10點幾返到旅館，第一件事當然就喺去浸溫泉。

一邊漂雪一邊喺露天風呂度浸溫泉。

只可以講一句：日本仔“你哋好嘢”！

題外話：我發覺嗰導賞員哥哥同Rubberband嘅主音6號有70%相似。

獨處

喺可以選擇嘅情況下，我通常都唔會揀公共假期去請年假。因爲呢啲日子，所有可以容納人潮嘅地方都會逼到爆炸。無論喺交通、食肆、商場、所有公共場所甚至連紅綠燈下都會多人都癲。成日就只有等同埋排隊。

對於我呢種唔喜歡熱鬧，唔中意食嘢，唔擅長吹水嘅人嚟講； 喺一般嘅公共假期，我都選擇會留守家中，享受一下難得嘅獨處時刻。我絕對唔會感到孤單，絕對唔會好似某啲人唔知點打發時間，甚至乎一定要搵人去陪食飯。

到呢一刻爲止，我依然享受一個人唔需要任何互動嘅沉澱空間。

即喺天命亦喺人事

果然不出下官所料，六國大封相即將上演。

一向呼風喚雨，喺后宮橫行霸道，冇風起浪嘅娘娘終于被踢出永壽宮。娘娘喺宮中十幾年，搞事就喺佢嘅本事。但喺最終都喺落得如此下場； 呢個就喺印證咗一句説話“啲花靚又點呀，可以開得幾耐?? 就算而家幾鮮艷，都會有花殘粉褪嘅一日，可以留得住正茂芳華咩.........”

如果人世間真喺有所謂嘅因，所謂嘅果。咁公公能夠置之死地而後生，就喺天意。而娘娘一生都要留喺紅墻之内，如今落得滿盤皆落索，就喺命定。

文字騷擾

最近有條友相當怪，啱啱相識嘅時候，發送訊息裏面啲内容都算有紋有路，不過之後就愈嚟愈奇怪。晚上十點都收到佢訊息，有時問食咗飯未？病咗啊，有冇睇醫生啊？有時又會問放咗工未？喺咪好攰啊？要唔要按摩？？？！！！

開始嘅時候或者對新相識嘅朋友有所好奇，問多兩句都算正常。但喺每日幾個信息嚟問三問四，身為一個女仔人家，竟然問一個見面得嗰一兩次嘅人仲要問人要唔要按摩？就算喺開玩笑，會晤會覺得有點兒過咗火位啊？

電話謀殺案對我嚟講經已免疫，對付呢種騷擾當然最好嘅方法就喺置諸不理。

但願佢會領悟到自己已經問多咗，講多咗，做多咗囖！知醜之餘跟住會收手。

凡夫俗子

現今社會信眾爲咗表達有幾咁誠心，就舉辦一場盛大嘅法會。教徒爲咗表達有幾咁虔誠，就籌辦一場座無虛席嘅彌撒。有人為咗表達自己嘅誠意，令到另一半感動，就搞一個大宴親朋嘅盛宴。

究竟喺依家啲人混肴咗究竟乜嘢叫做誠心？虔誠？誠意？抑或大家已經被俗世嘅所謂言論、眼光、盲從； 侵蝕咗個人嘅判斷、智商以及理解能力？

人人都咁做唔一定就啱，人人都去做唔一定就跟，人人都要做唔一定就好。

周末自娛

經過兩個星期嘅特訓，終于成功泡制出一杯正宗起泡嘅抹茶。
非常滿足之餘，對泡抹茶嘅技巧又更上一層樓。

男共女

有冇發覺大部分雄性動物比雌性動物，外觀上一般都比較引人注目啊？

喺咁以就可以例出以下三個例子：

1. 雄獅 vs 雌獅
2. 公鷄 vs 母鷄
3. 雄孔雀 vs 雌孔雀 (原來只有雄性正會孔雀開屏）

似夢如幻

莊周夢蝶，夢蝶莊周，浮生若夢。好多時候唔需要咁刻意去分清真與假，現實或者喺虛幻。呢種先至叫自在，先至叫做放下。

突然間沉醉於呢段詞，亦正正活生生咁描述緊每日日出而作日落而息嘅你同我。

“中秋好月誰受用，剪西風淚雨梧桐，瘦骨闌珊加沉重，听遍天外哀鴻，草際寒蛩，響徹那紙條窗縫，恨悠悠一場大夢。”

好戲在後頭

宮中最近顯得特別寧靜，猶如靜止一般。呢啲莫非就喺傳聞中暴風雨嘅前夕？

以下官偷生於宮中多年經驗推測，深信宮中即將又掀起一場腥風血雨； 至於誰勝誰負，邊個將會落花流水，統統都與下官冇關。

就讓佢哋打生打死，最好就喺兩敗俱傷，玉石俱焚。

簡單

愛一個人唔一定要擁有佢，默默咁喺背後守護著佢，睇到佢快樂幸福，更加喺一種深層次嘅愛。爱上一個人連口味都可以改變，就連對方嘅缺点都可以令人懷念。

愈嚟愈多人覺得無記啲劇情千篇一律，而且製作求求祈祈。個人認爲無記通常都將男主角塑造到男神一樣，劇女面啲女角個個對佢都傾之仰慕。呢齣反而“回復正常”，男追女。

不過有時睇戲喺著重個過程，做人簡單啲讓劇情自然咁發展，唔喺更好咩？現實生活中已經太多猜度，點解連睇戲都要估戲啫？地球人，放鬆啲好嗎？


呢首歌繼阿菲致青春之後，近日重復聼得最多嘅。可能依家太多選擇，凡而就不斷咁追求一切從簡。

宇治綠茶

唔經唔覺從北海道返嚟已經一個月，被繁重嘅工作煩擾至於又忙於搬屋，搞到今時今日都未曾有時間處理啲相片。

不過心裏面依然褂住一個月前嘅點點滴滴，偶然打開手機膠卷，睇吓入面啲相片； 乜都返曬嚟。

為咗一解思鄉之情，唯有沖杯地道嘅綠茶，好好咁回味一番。

無言歌

自從嗰大太監入宮咗之後，我呢度嘅post相對地就逐漸減少； 原因就唔洗多講啦。再者我嘅blog又冇一個固定嘅模式，中意點都得。

就如我之前提過，當我想發洩嘅時候，就會上嚟得比較頻密。

相反當地我心情輕鬆嗰陣，就會把握時機完全墮入，百分百咁去享受，片刻難得嘅開心。

不過我可以好肯定嘅喺，無論乜嘢情況我都會將佢折埋。

歸來吧！

唔想去作任何評論，亦唔想怪責任何人

一心只盼望奇跡會出現！

心裡的他（們）快歸來吧          這裡才是快樂老家
Ga Le Ung Ah　Ga Le Ung Ah　這裡才是快樂老家
Ga Le Ung Ah　Ga Le Ung Ah　這裡才是快樂老家

無憾

我不需要出席你人生中每一個重要的時刻； 

只要在每一個重要的時刻，我知道你心裏都有我，

那我就無憾了。

我思故我在

跟團絕對冇可能做嘅一回事 ~
就喺食飽飽，悠閒地坐吓、唸吓嘢、上吓網；
然後同大家談天説地。

我的第一次

懷住非常輕鬆兼開心嘅心情返嚟啦！好耐都冇玩得咁盡興； 2個星期將一切宮中事務忘卻，完全百分百投入，盡情享受假期。

咁多年嚟回鄉嘅願望終于確確實實咁實現咗。踏出機場嗰一刻，當下澎湃嘅心情依然不斷咁喺腦海中浮現。

呢個假期實現咗好多個第一次：

1. 第一次徹底自助行
2. 第一次全程白雪，純冬天行
3. 第一次獨自回鄉尋根
4. 第一次參拜河童大王
5. 第一次完全徹底解放浸溫泉
6. 第一次悠閒到坐住都會瞓著
7. 第一次雪山上渡宿
8. 第一次對住一望無際嘅雪景食午餐
9. 第一次雪山上睇日出
10. 第一次駕駛雪上電單車
11. 第一次零下10度露天風呂泡溫泉
12. 第一次夜觀星際，繁星近在咫尺
13. 第一次創下-20度紀錄
14. 第一次近距離接近火山
15. 第一次親眼目睹如仙境般嘅冰湖
16. 第一次乘坐古老蒸汽火車
17. 第一次乘坐市電
18. 第一次食新鮮魚生飯
19. 第一次上居酒屋
20. 第一次親眼睇到函館夜景

最後我要講嘅就喺:"I'll Be Back"!!!

令我敢飛向夕陽

做埋今日終于都可以出宮去避暑啦！計計吓都成三四年冇去過旅行。冇錯，我指嘅旅行喺屬於成日吃喝玩樂，玩足成個禮拜嗰種正屬於真真正正嘅旅行。

至於平時拿假期返家鄉嗰種根本談唔上喺旅行； 有時仲會比返工更辛苦。旅行當然喺乜都唔洗做，連用腦唸嘢都唔洗，完全徹底放空。

2個禮拜唔洗再對住嗰死太監，2個禮拜唔洗見啲搞事搞非嘅宮女，2個禮拜唔洗聽到娘娘嘅聲音喺耳邊迴盪，2個禮拜唔洗企地鐵，2個禮拜唔洗聽到噪音，2個禮拜冇網絡、冇電話鈴聲、冇短訊干擾

期待著即將來臨2個禮拜嘅嚴冬旅行~~~

撈生

近呢十年開始瘋狂地愛上食魚生，因此每逢過年都會自動掏腰包買嚟食。愈食愈好食，愈食就愈上癮！


年20幾第一撈

年30第二撈

年初一第三撈

年初一第四撈

2014人日最後一撈

盼三年

 

連續三年都收到SK兄自製嘅CD，

實在有心思至於亦意味著人間有情！

再次喺度多謝曬你，感激流涕~~~

感恩大賞

大年初一

一年之計在於春，2014年再次得到寵幸，令到件事變得更加順利、嚟得更加自然； 多咗信任之餘，亦變得更有默契。 有時有啲嘢貴精不貴多，能夠點到即止亦未嘗唔喺一件好事。

喺呢個大日子裏面，恭祝大家新年快樂，萬事如意，心想事成，身體健康，最重要喺恭喜發財！！！

十二年人士幾番身

 

唔經唔覺已經過咗十二年，人生有幾多個十二年。

希望呢份友誼能夠永固，繼續潇洒走一回！

頂硬上

唔記得由幾時開始喺呢度寫起口語化嘅中文字。其實原因好簡單，就喺唔想太多宮中人明白我寫啲乜。就算有啲懂得中文嘅都未必睇得明，感覺上安全好多。呢個世界好細，喺宮中萬事謹慎啲比較穩陣。

所以我粒蘋果都喺設置去中文繁體，仲要喺（香港）嗰只； 就連Siri都喺講中文，親切啲吖嘛。

既然身為廣東人，當然要力保自己嘅母語。

掉哪媽！頂硬上！

森呼吸一口氣

成個集禮拜都冇post咗皆因最近一方面要應付只大太監之餘，仲要侍候個無時無刻搞心情嘅變態娘娘。再者年關將至，一切大小事都要經下官跟進，籌備到冇日冇夜。

正因爲長年累月對住一班牛鬼蛇神，下官嘅日子猶如行屍走肉，因此臨時決定下個月衣錦還鄉，好讓自己嘅身與心都能夠得到洗滌。

多年嚟嘅心願終于有啲眉目，期待加興奮之餘，亦要保持低調。

呢一個宗旨喺宮中無時無刻都要切記。

流動電話

我絕對唔贊成喺飛機上講電話，假如一旦通過將會對好多人嚟講喺個大災難。電話對我嚟講可有可無，畢竟我始終喺走過由冇電話演變到機不離手嘅年代。

因此每逢放假回鄉又或者去旅行，我都會完全係熄機又或者只喺採用通話功能。至於啲甚麽聊天室、上網、定位服務等統統關閉。務求要一個落得清靜，與世隔絕嘅平靜嘅假期。

凴千個心

其實我完全冇唸過大家素未謀面，竟然仲會有人會花心思，去郵寄一張好耐都冇收過嘅聖誕卡。一張設計簡單嘅賀卡，遠遠珍貴過啲甚麽交換禮物返嚟嘅朱古力！！！與其叫做交換禮物，倒不如索性改爲交換垃圾； 每年年尾都會收都一大堆冇用嘅廢物，毫無意思可言。

不過上星期五大開信箱，收到一張可謂「久旱逢甘露」嘅賀卡，當時心中真喺會爲之一振。感激你嘅祝願，感謝你真摯嘅行動； 多謝，多謝，多謝！

只得這個我像我

正當大部份人整裝待發準備倒數迎接2014年，我選擇靜靜地喺睡夢中渡過。

2013過得非常滿足，夢想成真原來喺可以開心至今。 想玩嘅已經玩過，想要嘅已經得到，想做嘅已經做到。

呢一刻嘅心情，其實真喺知足； 心底裏面反而嚮往一切歸于基本，無須花巧，回歸自然。

瘋了　累了　痛了　人間喜劇

笑了　叫了　走了　青春離奇

2014年馬年風水佈局

李丞責2014馬年風水佈局
方海閱2014風水佈局

留下只有思念

10年前嘅今日佢離開咗，當日嘅心情依然喺腦海入面，仿似喺十日前發生嘅一樣。

今年有好多紀念活動舉行，目的都喺只有一個； 大家依然冇忘記妳，咁挂念妳。


外貌早改變，處境都變，情懷未變。。。

當一切別離我

其實信仰喺一個非常敏感嘅話題，但喺卻偏偏有好多腦殘嘅人，不斷咁去批評人哋嘅宗教，攻擊人哋嘅信仰。呢啲人歪曲宗教原本嘅意義，終日開口就喺一啲宗教理論，令到身邊嘅人對佢哋非常反感。

見親面都喺鬼鬼神神，名副其實就喺一堆過份得閒，意志消沉，失去方向，走火入魔嘅腦殘人士。

冇得救，唯有一把火燒曬去！！！

聖誕禮物

2013年九月份嚟咗個李連英，終日搞到一頭煙； 冇得去旅行，又冇曬年假放。

唯有買份聖誕禮物送畀自己，慰勞自己之餘，亦需要平衡一下心理。

自娛當中～～

萬千星煇頒獎典禮2013 - 賽果公佈

今年忙到連賽前預測都忘記update，唯有依家補上賽後結果。

「最佳男主角」-黃子華
「最佳女主角」-田蕊妮
「最佳劇集」-衝上雲霄II
「最受歡迎電視男角色」-顧夏陽（張智霖飾）
「最受歡迎電視女角色」-姚文英（田蕊妮飾）

「最佳男配角」-許紹雄
「最佳女配角」-江美儀
「飛躍進步男藝員」-王浩信
「飛躍進步女藝員」-岑麗香

「最佳節目主持」-黃翠如、洪永城
「最佳綜藝節目」-三個小生去旅行
「最佳資訊節目」-走過浮華大地亞洲篇
「萬千光輝演藝人大獎」-劉兆銘
「傑出演員大獎」雪妮、韓馬利、馬海倫、安德尊、劉江

「最佳男主角」-黃子華、「最受歡迎電視男角色」-顧夏陽（張智霖飾）

謝天謝地

終于搵到間良心食肆，
有新鮮沙律之餘分量亦相當多；
最重要價錢唔喺開到天價！
今次真喺要感謝神；
阿彌陀佛，阿門。

畫出彩虹

在天空上用我的愛去畫長虹...心底彩虹，隨著彩筆飛縱

能夠親眼目睹如此完整嘅彩虹確實唔容易，可惜只是近黃昏。

打敗仗

連未流流竟然會嚟一場大病，唔認老都唔得。原本堅持唔食抗生素，點不知愈搞就愈嚴重咁。

一個人嘅生活病嘅時候做得最多嘅就喺要解決三餐。為咗要躲喺屋企三步不出抗戰，成日就喺咁忙碌，早餐後準備午餐，午餐後準備下午小點，過後就喺準備晚餐。目的就喺食咗葯瞓醒之後就有得食，唔洗到時朦朦朧朧仲要去煮嘢食。

各樣角色有代價，完全領悟得到，逆來順受，絕無怨言。

我和你

隨著時間流逝，大家各自有自己嘅生活，面對唔一樣嘅人與事，到最後發覺原來人真喺會變。變得有啲執著、有啲沉迷、甚至開始有啲陌生。

究竟喺我哋改變緊，定喺佢哋改變咗自己？喺我哋改變咗世界，還是世界改變咗我和你？

屢敗屢戰

又一次胎死腹中。好快，快到連自己都消化唔嚟。都好，快啲清醒唔畀自己泥足深陷。

點都好我絕對唔會放棄，繼續嘗試，繼續尋找，直到實現爲止！

沉默不再是金

依家呢個時勢如果你選擇沉默，就會畀人蝦到上心口。假如繼續默不作聲，啲人就會踩到上你嘅頭殼頂。甚麽尊重、良心、理智、風度、禮貌、體諒、禮讓等統統都畀狗食咗。

你唔出聲就代表滿意，你唔反擊就代表接受。

不過，就算你遊行，就算你反抗，結果都會喺一樣，甚至更不堪。因爲我哋大家都一樣活喺一個民主共產嘅國度。

多工作業

最憎就喺啲辦曬嘢，扮到自己好似好忙，但喺又好multi-tasking一邊做嘢，一邊開住嘅電話揚聲器。通常佢哋都唔會對住嗰mic，搞到喺另一邊聼電話嘅人聼得鬼死咁辛苦。仲有就喺講到一半竟然冇曬聲氣，原來做緊其他嘢。

對付呢種人最直接嘅方法，就喺叫佢拿起聽筒講。假如冇反應就索性挂斷電話； 打嚟又唔專心，算點啫？！

含冤待雪

頭痛有好多原因，而我嘅頭痛喺因爲... ...

1. 宮裏嘅死閹人
2. 后宮嘅臭婆娘
3. 屋企嘅大喊包
4. 連續幾個周末忙過不停
5. 大病初癒
6. 好耐都冇去旅行
7. 屋漏偏逢連夜雨
8. 卡數沒完沒了
9. 就嚟過年
10. 回頭已是百年身

李連英

好耐都冇發貼，原因喺因爲自從條粉腸嚟咗之後，每日要東奔西走，絞盡腦汁嚟迎合佢。搞到成個人筋疲力盡，連上網都提唔起勁。實在有苦自己知，所有怨屈都往肚裏面吞。

究竟呢段磨合期仲需要幾耐？究竟幾時唔洗做？唔洗再對住呢班牛鬼蛇神？

已經好攰啦，請你哋唔好再玩嘢囖，頂唔順~~~

從頭開始

一個城市愈喺繁忙，日同夜嘅界限就愈喺模糊。但喺我哋作爲一個人，無論喺呢一個通宵營業嘅世界入面，生活咗幾耐都好，我哋都會好自然咁追逐清晨嘅陽光，作爲新一日嘅開始。

你可以話呢個喺我哋動物嘅本能； 但我寧願相信呢種喺我哋每一個人，無需要人教而自自然然識得嘅一種生存哲學。喺路上未必每一個人都識得向前行，但無論點只要陽光再一次喺地平綫上出現，代表新嘅一日又嚟嘞。

我哋有權同自己話，唔好介意自己之前行成點，一切嘗試重新嚟過。就算結果已經唔可能盡如人意，但至少我哋都可以爲自己，有重新起步嘅呢一份勇氣而驕傲。

煙西餅

久違嘅苦盡甘來

相信新一代嘅後生仔女都應該未見過，甚至未聽過既一種傳統糕點！上個禮拜終于喺吉隆坡街市睇到蒝荽餅，當然唔可以放過。

據說，蒝荽餅主要材料欒樨葉，具有清熱之效，但味帶甘苦； 「苦」食下後，會「回甘」，食蒝荽餅寓意苦盡甘來。

老化

最近不斷聽到身邊認識嘅人都患上老花，某部分仲會影響到日常生活同工作，相當懊惱。因爲本身已經近視，再加上老花就變成睇近又蒙，睇遠都喺蒙。

目前科技有四種解決方法：
1. 配戴老花眼鏡，一副遠用，一副近用。
2. 單眼視力（Mono Vision)，即將眼鏡或隱形眼鏡度數調節到，一眼主力看遠，一眼主力看近 。
3. 雙光眼鏡或隱形眼鏡，兼顧雙眼遠近視力，但不適用於有散光的人士。
4. 漸進鏡片，照顧到遠中近不同距離的視覺需要，而且外貌與一般單光鏡片無異，美觀實用。缺點喺改變咗一般閱讀習慣，需要重新練習使用角度，及適應周邊嘅干擾區域。

一句講曬：人老咗就要認命，詭計技窮，事未如願就要認輸！

萬般帶不走

睇住一件一件物品拍賣，心裏面感覺好酸。無論你生前喺幾咁風光，人死後就連自己最私隱嘅睡房，最貼切嘅物件都無法去保護。

在生時死霸爛霸又如何？同兄弟姐妹翻曬面咁有點？到最後咪又喺同一個結果 - 死。 一世人就活喺爭權奪利，明爭暗鬥中，又有乜意思？

人喺幾咁渺小，確確實實地活著，已經喺上天賜畀我哋最好嘅禮物。

唔知道你到閉上眼睛嗰一刻，究竟領悟到呢個真理嗎？。。。 。。。

南無啊彌陀佛

維他命C

每日必須，包你精神爽利，通暢無阻。
高效抗氧化劑，用嚟減輕抗壞血酸過氧化物酶基底嘅氧化應力

見好就收

點解家陣乜都要甚麽part2，續集，encore之類啫？既然都已經得到大家一致好評，而且又有好嘅回響，何必仲要再絞盡腦汁； 硬喺要整個part2，續集之類呢？

就例如去旅行咁，去過一個地方覺得好玩，就不停喺往後日子不斷重復咁去同一個地方。世界何其大，何必每次旅行都喺揀同一個地方呢？搞到連身邊聽到嘅人都覺得悶，仲要人畀啲咩反應你啊？

其實有冇聼過“見好就收”啊？

話不投機半句多

一齊共事達17年嘅一位工作夥伴，坐埋同一張枱可以雙方無言以對，全程沉默。莫非呢啲就喺叫做心病？

同枱食飯，各自修行就喺咁解也！

不不不

人隨著年紀長大，好多時候都要懂得說不。

我唔喺扯線工仔，唔喺你話乜我就要跟你做乜。當事情到咗極限，就要反駁，就要SAY NO!

你要搞到亂七八糟喺你嗰事，唔好拖埋我落水。唔該曬！

平衡

其實不論周圍嘅環境點樣變化，首先最重要喺要學識喺最短嘅時間内，去調節自己嘅心態。好多時候當你懂得自我調節心理，大部分覺得大壓力好難處理嘅事情都會迎刃而解。

因此壓力其實喺自己畀自己，多於他人將佢附加於你。

戀愛世紀

周末一口氣將剩餘嘅衝上睇曬，結果噚日頓時有一種好唔拾得完嘅失落感。好耐都冇試過呢種感覺； 呢套劇唔稱得上喺啲劇情緊湊，對白肉緊嗰種。不過佢就喺能夠讓觀衆好容易投入劇裏面角色，有嗰一絲細水長流嘅感覺。

其實整套劇就好似一段漫長嘅戀愛階段：
1. Jose同Issac嘅單戀
2. Teddy同夏晨嘅暗戀
3. CoCo同JimJim喺初戀
4. Hero同PinkPink嘅明戀
5. 馬明同黑絲襪就喺熱戀
6. Issac同夏晨嘅苦戀
7. Victor同Colby嘅痴戀
8. Manna同BJ嘅蜜戀
9. Jayden同Holiday嘅失戀

當然唔少得男女主角Sam同Holiday，將以上各個戀愛階段融入喺佢哋嘅愛情入面，呈獻一齣2013年第一部突破40點收視嘅劇集。

蛇蠍毒婦

娘娘深謀遠慮嘅攻心計，終于搞到王爺被貶去邊疆，永遠不得干涉朝政。

娘娘喺后宮鬥爭多年，終于能夠脫穎而出稱霸整個后宮。當中犧牲咗幾多人，做過幾多手腳經已唔再重要，亦不足爲奇。

今日，佢可以講話喺吐氣揚眉，名正言順坐上熱氣球升空； 成就佢一直以來朝思暮想，夢寐以求嘅心願，登上權力顛峰成為萬凰之王。

半澤直樹

最近香港對呢套日劇有好大回應，講述一位泡沫時期入行嘅銀行員，面對辦公室內外「敵人」戰鬥嘅故事。

既然外界有咁大回響，下官身處深宮多年，當然要睇吓套劇有幾多成相似； 當中又有幾多個角色與現實喺吻合。

鄺美雲

六年換咗三部，原來我一直都仲情鄺美雲系列

每次都會帶嚟驚喜連連； 今次指紋識別開機，

簡直就喺將科技再推向另一層次，令人愛不釋手。

啲所為大mon膠機行埋邊，算吧啦！

相關連接：蘋果進化

水乳交融

即使有多少個晚上，徹夜不眠的互訴心聲； 即使兩人達到水乳交融的地步，互相也無法有任何了解。

互相無法有任何了解，也許就是因為兩人已水乳交融。。

好中意長谷川呢個句子，形容得相當貼題兼到肉。好句好句。

忍痛

本來以爲做咗備份就會冇事，點不知人算不如天算。回復到一半，竟然出現錯誤訊息。結果所有嘅聊天紀錄統統到要逼不得意全部放棄。

所有設定都要從新嚟過，搞咗成晚頭都痛。呢個教訓就喺凡事都會有意外，唯有去學識放手。

今次真喺名副其實做到斷、捨、離。

掉哪媽！頂硬上！

明明講好咗有金色架嘛，唔夠30秒就冇曬； 咁順理成章梗系揀銀色，點不知50秒後連銀色都冇埋。點啫? 又要搞噱頭但喺唔到一分鐘又話冇曬貨。

學Sa姨話齋: “家陣盂蘭節派米啊？嚟吖嚟吖有米派”； 等人嚟齊曬就話: “走吖走吖冇曬米啦！”

迷

望住落緊雨嘅天空，耳筒裡傳嚟菲嘅歌聲~ ~ ~

思念是一種很玄的東西 如影隨形

無聲又無息出沒在心底

轉眼 吞沒我在寂寞裡

我無力抗拒 特別是夜裡

想你到無法呼吸

恨不能立即 朝你狂奔去

大聲的告訴你

我願意為你 我願意為你

我願意為你 被放逐天際

只要你真心 拿愛與我回應

我什麼都願意 什麼都願意 為你

我什麼都願意 什麼都願意 為你

一路細味著歌詞，不禁咁想起佢。

你有冇唸起我啊？

尋覓靠倚 終生那志願與心事

有線電視播放緊兩年前嘅ONLY YOU，每晚晚飯不禁又重睇多一次。劇情依然記憶猶新，裏面啲對白又再令我重新去思考。

世事有好多嘢唔喺你計劃好曬，就會順理成章如你所願咁去發生。當中有太多因素我哋冇辦法預料，亦冇辦法去控制。因此最重要喺抓緊每一次擁有嘅機會，每一分鐘都唔好畀自己後悔。

最後竟然發覺每晚睇完都會眼泛淚光； 為劇情而傷感、為對白而反思，為劇裏面角色嘅遭遇而有所感動？抑或人愈大心靈就愈脆弱，愈容易會喊？！

煩聲響起

有冇發覺有好多人好中意add人入whatsapp聊天室裏面，然後又唔回應其他人，跟住就兩個人喺度不停傳嚟傳去。搞到其他人嗰電話成日不斷咁響提示，然而裏面啲内容又完全唔關自己事，鬼死咁煩。

最直接解決方法當然第一時間去聊天室設定，開啓靜音功能。不過呢個功能最長時間只有一個禮拜，過咗期限就會一切回復現狀。啲提示聲又會無時無刻重新喺你耳邊再次響起，永無止境。

同伴

一張相好睇唔喺嗰風景有幾靚，而喺影相人嘅心情。

旅行好玩唔喺嗰地點有幾吸引，而喺同邊個一起去。

毒婦

同一時間要侍候兩位主子，確實有點兒吃力，每晚筋疲力盡之際，連頭髮都甩咗唔少。皇后娘娘嘅攻於心計的確令人聞風喪膽，心狠手辣之餘仲能夠隨時隨地令到宮中任何一個達官貴人永不超生。

如此狠毒嘅女人，唔知道佢最後嗰20年將會喺乜嘢下場？！下官真喺要衷心祝願娘娘“萬壽無疆，福壽康寧”先至得！！！

搞咩啊？

 

究竟以乜嘢準則嚟評選架？

呢啲燕獸環肥，奇珍異瘦叫選美？！

第一次

1988年 - 第一次買Cassette

1995年 - 第一次買CD

1996年 - 第一次買VCD

2001年 - 第一次買DVD

2013年 - 第一次買BD

拒人千里

非常討厭吹水，尤其喺當搭地鐵、搭巴士、坐長途車/機嘅時候； 碰到啲同佢哋唔熟又冇乜話題嘅人，但喺就不斷咁喺度吹，成個過程簡直就等於活喺地獄； 非常之難頂兼難涯。

因此家陣凡喺搭以上交通工具嘅時候，都會將聽筒往耳裏面塞，然後合上雙眼。一於當時運高，乜都聼唔到睇唔到，落得清閒。

假如有日你見到我戴住聽筒，千奇唔好同我講嘢，免得自討苦吃。

講完！

九月天

2013年九月，今年過得非常愉快，想要嘅已經得到手，想發生嘅已經發生咗，想做嘅亦已經做咗。

如果非要喺呢個九月份加上一個瑕疵嘅話，惟有話喺到咗九月都未有得去旅行囖。

明天還有明天

信任喺兩個人之間扮演住相當重要嘅元素。一旦其中一方失去咗信任，無論曾經幾熟有幾親密嘅關係，都會一瞬間化爲烏有，消失得無影無蹤。

猜疑往往就喺失去信任之前嘅一個導火綫。因此兩個人之間最緊要坦白，唔清楚就要開口問。

對自己嚟講喺重要嘅嘢，對其他人嚟講卻可能喺微不足道。要把自己嘅感受傳達畀別人知道，真喺好困難。

呢個世界唔喺只有快樂嘅事! 冇落唔停嘅雨，冇唔嚟嘅黎明，明天又喺另一天。

對與錯

一直夢想嘅事情終于確確實實咁實現咗，心裏面唔喺應該好開心嘅咩？

點解卻有種失落嘅感覺，久久不能散去？

徇眾要求

平靜裡的一盞燈

放下屠刀立地成佛。現時階段，無慾無求，唯一就喺希望心景平靜。

阿彌佗佛

最愛是我家

活咗近40年頭，去過好多嘅國度，睇過無數嘅人與事。

但喺當你有日突然發覺，無論你走過幾多繁華大地，睇盡多少富貴浮雲；
都唔及返到自己屋企嗰種踏實感覺嘅時候，證明你已經確確實實長大了。

換句話講，你已經開始老了~~

及時斬纜

一向都相信自己嘅感覺，因此好多事都會好自然咁凴感覺去落決定。冇話對與錯嘅，事實就喺自己之前嘅感覺完全正確。

慶幸能夠擁有呢個觸覺，喺冇任何損失以及未投完全入之際下抽身，避免事情發生總好過大家日後面左左。

兩個人之間建立嘅信任，喺需要時間去磨合。

然而，兩個人之間建立嘅默契，喺需要時間去剁磨。

少數喺唔需要怯懦

發覺自己通常都唔會跟大隊； 亦唔中意同人掙，同人搶，更加唔會同人作比較。假如嗰度已經有一大班人群喺度搶緊，我絕對唔會喺人群中。

一般人選擇去嘅地方，我唔會感興趣。一般人中意食嘢大過天，我卻相反討厭食嘢。一般人都會去玩Candy Crash，我就連嗰遊戲玩法都一知半解。

即使我只得少數，但我還是以它抵抗命數！

少數並唔代表有問題，少數並唔喺下靶，少數喺唔需要怯懦嘅。

上香數量

喺古代嘅中國，拿香禮佛，喺從漢武帝開始，佛、道教中，祭拜時嘅必需祭品之一，為何祭拜時要點香？不同數量嘅香，又代表那些不同嘅涵意呢？

香喺佛門一種主要嘅供養具，而佛門嘅供養具除咗表達對老師嘅紀念、見賢思齊之外，都有其深刻嘅表法意義。燃香喺佛法代表持戒，也就喺守規矩，奉公守法。持戒喺佛法修行嘅重要手段，喺得禪定、開智慧嘅基礎。佛門燃香就喺時刻提醒自己持戒，修定，就喺真實永恆嘅芳香。

1柱香：代表虔誠，一心一意。
2柱香：喺拜祖先，拜陰間鬼魂用。
3柱香：代表對三界神明嘅尊敬，有三陽開泰，平平安安嘅涵義。
9柱香：靈子回來會靈，插於內爐，三三得九，表示靈子回來團圓，有收圓嘅涵義。
12柱香：代表十二元神，十二生相，可用於收驚，化煞之用。
36柱香：代表三十六天罡，有重要事情，要上稟天庭諸神，同時也表示對仙佛嘅虔誠跟慎重。
72柱香：代表地煞，為敬供地獄諸神。
108柱香：代表三十六天罡，七十二地煞，眾神全部集結，為咗安壇，舉行法會，演法，調請眾神或制煞之用。

「三柱清香敬眾仙」，敬神點香以一或三柱香最為普遍，其餘五、六、七、九柱子香，等已喺學法弟子所用，用於不同嘅法事，並非一般善信可以用得著嘅。

一或三柱香化燒嘅速度不同，及香灰的形成均嘅代表神明對供奉者嘅訊息啟示（僅供參考）。

本文轉載參考：「小玄子」

4日恩典

 

17小時嘅路程，55小時回復怡保人身份，5小時嘅聚會，

翻雲覆雨2小時，充值13小時，其餘時間就咁過去咗。

持之而行

有冇統計過自己一日裏面製造幾多垃圾？又有冇認真唸過啲垃圾將會如何處理？運送到堆田區？拿去焚化？將佢哋分類循環再用？呢一切都喺不斷咁消耗緊地球上嘅資源，終須會有日用完。

以前總喺覺得呢一日絕對唔會喺自己有生之年體驗到，不過隨著近幾年天氣反常嘅跡象顯示，呢一日好似愈嚟愈接近我哋。因此唔好在浪費食物，食唔曬就唔好買又或者同朋友share。

以後買嘢之前唸一唸，扔垃圾之前再唸一唸； 唔好去理會其他人會唔會做，開始跨出自己嘅第一步，持之而行！

食屎啦！

請埋曬啲蛋散嚟做工，一味淨喺識得耍太極，推、推、推。需知道呢班蛋散話曬喺宮中都有一官半職，如今卻乜都唔識做，全部就推到嚟下官度。

假如下官能夠有如此本事嘅話，試問洗鬼請你哋呢班蛋散咩？咁高薪請你班蛋散返嚟食屎啊？！

空城

最近好少上嚟更生，原因喺~~

一嚟忙
二嚟懶
三嚟攰

再嚟，唔想冇嘢寫，都要絞盡腦汁唸啲嘢嚟寫。

勉強冇幸福

籌備咗咁耐，改動咗無數次，到最後都喺臨門撻Q。波折重重之下決定擱置，既然無緣唯有選擇捨棄。

老實講其實過程當中都踫到好多分歧，既然上天都作出如此安排，唯有順應天意。總好過到時候損失慘重，米以成炊之後，正嚟埋怨兼後悔。

留得青山在哪怕冇柴燒，我深信總有一日一定如願以償。

電話進化論

公共電話--固網電話--傳真--傳呼機--手提電話--智能電話--再嚟將會演變成乜呢？

求愛大作戰

現今社會催勢，假如一個女人識得煮飯，喺男人心目中一定會加分。

當呢句說話喺真人騷裏面出現嘅時候，心裏面非常之認同。煮飯其實唔難，但喺點解好多人都好抗拒？

其實一餐簡單嘅住家飯，足以令到好多男人放咗工就好自然咁返屋企。

女人，妳哋究竟明唔明白啊？

文化藝術

紅綠燈前睇到呢一個情景，感覺非常窩心。

如此簡單卻難得

有成兩個星期冇寫blog，返咗屋企一個禮拜，結果返到入宫中當然喺忙到趴地，連瞓覺嘅時間都要分秒必爭，仲點會有精力上嚟更新呀？

一個禮拜喺屋企，做得最多嘅就喺食； 雖然我唔中意食，奈何一日三餐喺必要嘅。慶幸怡保嘅食物仲未變到垃圾，有良心之於仲多咗一份人情味。希望能夠一直保持住呢份良心，唔好搞都周圍嘅食肆都千篇一律，畀啲大財團壟斷整個市場，冇啖好食。


瓊南嘅米面干咖喱。


啲加央香到包你食過返尋味。

懷念菜肴

呢味相信只能喺大馬品賞得到嘅介菜，又點能輕易錯過？！

家族遺傳

唔知道由幾時開始，每年喺宮中循例量血壓，BP都喺爆燈。過後去到御前藥房請御醫再次驗證，結果一切回復正常水平。重復咗好幾年都喺咁，因此決定置諸不理。

鬼咩，嗰心死猛喺度狂跳，面上啲微絲血管不斷膨脹引致通紅； 但喺呢啲生理現象完全無法控制，唔超標就假。既然御醫確診冇事，又何必再自尋煩惱，杞人憂天咁笨！

當下

講咗咁多年，終于落實周末要去返工囖。冇法子啦，為咗生計唯有犧牲私人時間，去賺取啲外快，生活艱難呀嘛。

相信往後嘅日子，將會比依家更加艱苦同疲勞，不過唔辛苦又點可以得世間財？

其實“過去”曾經喺“當下”，而“將來”亦都喺從“當下”而嚟； 所以人應該計較同埋珍惜嘅，因該喺當下。如果當下都做唔好，又邊有資格憧憬將來呢？所以我話當下有啲咩唔明白唔清楚嘅，就要去搞清楚，唔好等到將來追悔。

人人期望可達到, 我的快樂比天高

紜紜卡通當中，唯獨對叮噹及裏面嘅其他角色情有獨忠。

某周末行過商場，見到呢個陣容又點可以錯過呢？！

叮噹呀　誰都喜歡你，小貓也自豪。

報仇

我唔記仇，因爲通常都喺有仇必報； 一旦報仇完結就會即刻將佢從腦袋裏刪除，永不超生！

放心喔，你要做初一，我一定會做十五。