屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Thursday, July 22, 2010

集體回憶

記得以前嘅戲院都有分上下兩層,坐樓上當然票價比較貴一啲,所以一般人都會選擇坐樓下。印象中只有一兩次坐樓上嘅經驗,最深刻就喺睇王家偉嘅阿飛正傳,我永遠都會記得嗰一分鐘。

以前入戲院之前,一定會喺前面嗰個零食攤檔度買啲口立濕正入場。攤檔隔離仲有一個安蒂賣包黍,20仙一條蒸包黍又爽口又甜。

至於啲戲票,通常都喺用深藍或者深青嘅顔色筆嚟劃座位; 入到黑麻麻嘅戲院裏面,嗰帶位就會拿著電筒行埋嚟照著張戲票帶領你去座位坐。不過全院最最最為經典嘅就喺推廁所門之前嗰塊黑布簾,由開院第一日就吊上去,日復日年復年,千千萬萬人翻揭過,似乎從來都冇更換過,最具回憶價值。

6 comments:

  1. 那是我小學的回憶。。。

    ReplyDelete
  2. 单身汉: 我還好已經上中學了。

    ReplyDelete
  3. 20sen一碌粟米?? 邊有咁平啊?? 我記得最平都係要成80sen喎.. 好懷念以前咩都可以帶入去食囉其實..

    仲有啲布簾, 應該唔止廁所啦, 其實個大門口都會有架噃.. 老實講, 戲院廁所我唔咁去囉~~

    ReplyDelete
  4. 上一兩個星期我都有想返以前戲院坐樓上嘅特別位,好巧!

    得返回憶。。。

    ReplyDelete
  5. [SK]:80仙可能係KL,相當年係金寳的確一碌包粟買20sen。我記得坐樓下戲票只係個幾至2蚊啫喔。

    係喔,我都忘記大門口嗰塊添。戲院廁所通常都係開場前好多人入嗰陣一起入去解決,除非真係好急。不都係啲傳聞啫,其實冇乜特別感覺。

    ReplyDelete
  6. 森林:有機會的話真想坐樓上看一齣感人的戲,感覺一定很不一樣。可是回不去了,只好留給回憶吧。

    ReplyDelete

讓我編織海市蜃樓,一天一天淺醉過一生。