鐵馬尋橋

花一日嘅時間將25集一氣呵成睇完，換嚟腰酸背痛，頭皮發麻，手腳僵硬，無精打采，反應遲鈍。總括嚟講喺巾幗嘅延續篇，角色、對白、劇情大致上大同小異，換湯不換藥。

Wiki上寫到劇集播映初期很多觀眾覺得劇情枯燥乏味，而放棄追看。到中期，阿雁嘅悲慘經歷、大奸角榮德逐漸跑出，劇情亦日漸白熱化，追看嘅觀眾日漸增多，加上各討論區網友嘅激烈討論、微博效應下，令更多觀衆留意本劇，帶起追劇熱潮令本劇後期收視穩步上昇，大結局更獲得最高43點收視嘅佳績，而香港討論區亦開設第十個討論此劇的帖子，可見此劇嘅迴響。

雖然劇中嘉穎一人分飾兩角，而且宣傳海報同楊怡嗰大頭安排喺正中間，不過我可以肯定此劇男主角喺馬明顧汝棠，女主角喺阿雁唐詩詠。至於影后金馬紅嘅出色演出，當然喺本人最中意嘅一位劇中演員，佢嘅演技簡直到咗爐火純青，無可置疑。

添哥又一佳作，真喺可喜可賀。