觀自在菩薩

前面條路將會喺點依然喺個未知數，

好好享受兼把握當下擁有嘅一切最重要。

豁出去

今次返去相當特別兼難忘，日盼夜盼朝思暮想嘅畫面，終于喺我主動要求下，一次過豁曬出去成就咗呢次嘅難忘經歷。

期待住接落嚟7月亦會有此驚喜，兼且能夠更進一步，務求達到大家都開心滿足爲止。


原來發夢真喺可以成真！騰雲駕霧莫過於此。

霹靂巴锡班尖海邊品仙祠大伯公廟及觀音堂

回城經過大伯公廟，拜得神多，自有神庇佑。

廟嘅後院有個品仙園, 裏面設有十八羅漢, 八仙, 姜太公以及五指山石像

廟嘅另一邊喺通往海面嘅小徑, 吹吹海風, 相當舒服。

Lumut@Marina Island

大約兩個鐘頭車程，嚟到紅土坎呢個嶄新嘅碼頭

人工島上四周圍都種有椰樹，環境相當優美

雖然冇機會坐上遊艇出海，閒逛影吓相，都未嘗唔喺一件樂事！

人情味

睇完咁多集嘅珍情品味，對三嫂裏面有句説話特別印象深刻。估唔到一個飲食節目都會令人有咁大啓發同感受。

人愈長大，要記得唔喺乜嘢難事，反而要去忘記正正喺一個大智慧。

好戲在後頭

所謂柳暗花明又一村，姑姑走咗一個大圈，又返入嚟呢個紅墻内。難道外面嘅世界都喺不過如是，姑姑轉一個白鴿轉卻選擇要返入呢個深宮中？

昔日兩位鬥到你死我活嘅姑姑又再碰頭，競爭應該比之前更加激烈。不過呢個境況對下官嚟講都未嘗唔係一件好事，起碼日後永壽宮有乜風吹草動都有姑姑為下官籌謀一番。

孤獨精

我唔喜歡人多
我唔喜歡熱鬧
我唔喜歡講話
我唔喜歡跟風
我唔喜歡潮流
我唔喜歡食嘢
我唔喜歡節日
我唔喜歡重復
我唔喜歡解釋
我唔喜歡應酬
我唔喜歡虛假
我唔喜歡自大

大馬海嘯

估唔到噚晚場海嘯行動喺如此墟冚，空前成功！
由此證明畀全世界睇，條粉腸講嘅大話完全被推翻！
為所有勇敢嘅戰士鼓掌，敬禮！！！！！

好大個網

隨著人網3月接埋，一個月嘅時間冇得聼節目，實在忍無可忍。今日終于畀咗錢，聼返潘聰熟悉嘅聲音，感覺全部返曬嚟。


聼咗十幾年免費，家陣畀港紙25蚊去支持吓個節目，都未為過~~

熄燈

長途跋涉咁趕返去，目的只有一個

可惜到最後竟然換嚟咁嘅結果。

不過依然冇後悔返去參與。
耳聽三分假，眼看未為真；
革命尚未成功，同志仍需努力。

反清復明

啓程進入漫長塞車之前，就讓我寧靜咁瞓一覺。

還可以嗎？還能夠嗎？還是夢嗎？

拭目以待

人愈大就愈敏感，愈老就愈小氣。

一個人假如年輕嘅時候已經非常小氣，老咗喺咪會變得更加小氣？

又或者會睇開咗，個人變得豁達咗呢？

有待證實！

得亦不喜，失亦不憂

又一個大人今日離宮，能夠離開呢個鬼地方的確喺一件值得慶幸嘅事。花開花落自有時，能活在當下正喺大智慧。

喺呢個宮中，就算你听到嘅喺確確切切嘅措辭字句，亦唔代表就喺真實。呢一個連說話都不可以句句當真嘅地方，所謂嘅故事，所謂有情有愛嘅人與物，又何須太認真？

Rubber Duck

黃色橡皮鴨Rubber Duck環遊世界，終於「游」到香港，再多幾日就會於尖沙咀海運大廈海旁現身，讓大家免費觀賞巨鴨。

從5月2日至6月9日， 橡皮鴨游世界展覽將於尖沙咀海運大廈對出海面進行。除咗天星碼頭對出空地外，海運大廈商場及停車場等露天位置，亦喺賞鴨熱點。

可惜鴨鴨冇游嚟呢度，唯有上網追尋鴨鴨蹤跡，一解思鴨之癮。

手錶

唸到手錶就會唸到陀飛輪，不過今日我唔係要講啲乜嘢珍惜時間，珍惜眼前人之類； 而係觀察到一個關於手錶嘅現象。

有冇發覺市面上分兩類人群，一班係戴手錶，而另一班係冇戴手錶？ 而帶手錶嘅呢一群通常都會打扮吓，執一執正出嚟見人。然而另一群冇戴手錶嘅就穿著比較隋便，輕鬆方便就得。

兩者之間絕對唔牽涉入息高低與否，但係就同個人品味兼性格有好大嘅對比。

今日行街不妨留意一吓，你會發覺準確率竟然會達至80%以上。

不得了

死咯死咯愈嚟愈kiasu，依家正話四月，竟然買咗明年過年嘅機票。究竟乜嘢世界嚟架，點解會搞成咁？

好似舊年咁，因爲有60%優惠，一口氣買曬成年返鄉下嘅機票。家陣就唔洗再煩機票價貴，時間接駁唔到巴士等千篇一律問題。直航返到鄉下機場，乾手淨腳乜都唔洗煩。

為咗勢要買到平價機位，唯有不擇手段。。。

個人衛生

發現到今時今日好多人對個人衛生依然唔係咁注重，只要你去到公衆場所，好容易就會睇到以下啲由細個就已經得到各方面教育嘅基本衛生知識。

1.去完廁所唔洗手
2.傷風唔戴口罩
3.隨地吐痰
4.飛沫走圍抹
5.雙手周圍摸，之後又往臉上/鼻子擦

區區以上咁簡單嘅五項衛生條件，點解到依家都依然未學識？

爲人爲自，請你哋自重啲好嗎？

一乾二淨

隨著年紀愈大，就會覺得時間愈唔夠用。

特此狠下心閂咗個blog(唔係講呢個），冇眼屎乾淨盲！

暫別海鮮

有人食革命餐查唔多一年，而我卻要故態復萌，重新要再拿起奶樽，延續未完的目標。停咗咁多年，不但冇進展，反而變本加厲。

估唔到真係咁差強人意，唯有面對現實，挑戰毅力。其實都冇一個實際目標，但求一高指數會下滑，唔好超標就還得神落。

逝去的愛

人終歸會死，睇住熒光幕一張一張經已離開嘅藝人同名單，心裏面感覺唏噓。雖然佢哋走咗，但喺依然活喺我哋每個人嘅記憶裏面。

今日我哋喺度懷緬一啲離開咗嘅親人、朋友、偶像，終須一日亦會輪到自己。。。。。。

因果循環，若然今日你仍未感受得到，只係時辰未到。

致青春

天后為好友首次執導嘅電影【致我們終將逝去的青春】開金嗓演唱主題曲。

阿菲果然明智，明知道今時今日已經唔再喺賣CD嚟賺錢嘅時代，買唱片嘅亦人愈嚟愈少。選擇咗按照個人喜好同心情，每年錄製一單曲歌擺上網畀樂迷免費下載。讓歌迷一飽耳福之餘，亦能夠讓大家對首歌曲更加深刻。

主唱：王菲
作曲：竇鵬
填詞：李檣

他不羈的臉　像天色將晚
她洗過的髮　像心中火焰
短暫的狂歡　以為一生綿延
漫長的告別　是青春盛宴
我冬夜的手　像滾燙的誓言
你閃爍的眼　像脆弱的信念
貪戀的歲月　被無情償還
驕縱的心性　已煙消雲散

瘋了　累了　痛了　人間喜劇
笑了　叫了　走了　青春離奇

良辰美景奈何天　為誰辛苦為誰甜
這年華青澀逝去　卻別有洞天
良辰美景奈何天　為誰辛苦為誰甜
這年華青澀逝去　明白了時間

瘋了　累了　痛了　人間喜劇
笑了　叫了　走了　青春離奇

身體檢查

已經有好幾年冇去做身體檢查，為求每晚瞓得心安，今次的起心肝再次做過全身檢查。

我問：“假如結果出嚟要去跟進咁點算？”
朋友答：“咁咪去面對佢，積極地去過以下落嚟嘅人生。”
我問：“咁要唔要去醫治？”
朋友答：“睇情形，如果到咗第2-3期，就當冇事發生過，一切如常。”
我： “啋！講到好似患絕症咁，大吉利是!”

其實我真係有啲咁多擔心~~~~

一切皆人爲

數數手指一年見到兩老嘅日子都唔上一個月，感覺真喺慚愧。身邊有啲朋友一年返去一次，整整吓就連一次都冇。難道佢哋唔挂住屋企，唔想見吓爸爸媽媽咩？試唸吓你仲有幾多次機會，可以能夠同兩老坐埋一齊食飯？

其實近呢五六年都已經返多咗睇佢哋，不過始終覺得唔夠。如果每月有3-5次就最理想，但喺世事豈能盡如人意。唯有盡量返去頻密啲，哪怕只喺一兩日。

金枝慾孽貳金句

人就是賺得全世界、賠上自己的生命、有甚麼益處呢？人還能拿甚麼換生命呢？

台上叫演戲，台下叫做人，演戲講關目，做人就要醒目。

人人都有一張嘴，所謂是非，從來就管不住。

福禍是際遇，亦是因果，能活在當下才是大智慧。彷徨將來，又執迷往昔，生活又怎能夠稱心？

就是你听到的是確確切切的措辭字句，也不代表就是真實。這一個連說話都不可以句句當真的地方， 所謂的笛聲，所謂的故事，所謂有情有愛的人與物，你又何須太認真。

以前嘅我用心待人，如今嘅我用心度人啫。你所見到嘅分別，只喺在於手段，我唔可以計較手段當中嘅得與失。以前我處處爲人設想，無補於任何事，只會惹嚟歹毒嘅污名同埋無辜嘅人被牽連更多。如今，我只求達到目的，何謂邪鬼、何謂神，當中，你同我又有邊個可以講句絕對。

煩惱自招，苦果自求，一切福禍，都喺天命亦喺人事。

人心蠱惑，就喺心情自在嘅障礙。

我成日叫人唔好向後望，應該向前睇； 但喺前面我哋真喺睇得清摸得透咩？ 亦都可能正正我哋睇唔清摸唔透，所以先至令到我哋更加嚮往。

唔通人喺應該執著過去，唔應該憧憬將來？

其實“過去”曾經喺“當下”，而“將來”亦都喺從“當下”而嚟； 所以人應該計較同埋珍惜嘅，因該喺當下。如果當下都做唔好，又邊有資格憧憬將來呢？所以我話當下有啲咩唔明白唔清楚嘅，就要去搞清楚，唔好等到將來追悔。

無論麻煩喺他人找上門又好，喺你不識好歹去自招嘅。只要你人留喺宮中，就好似一張會宣示嘅文告一樣，向宮中嘅好事之徒，話畀佢哋知我淳太妃，偏有呢個本事去惹麻煩，惹是非！

天公嘅脾氣雖然我哋控制唔到，但喺唔代表我哋嘅一言一行都要聼由上天擺佈。落雨咁又點啊？只要我哋願意嘅點解唔可以冒雨前行？我要話畀嗰天知你喺唔會如願以償嘅，就算我會病，會受傷害，我哋都有自己嘅注意，有自己嘅打算。

我哋做奴才嘅，除咗要耳聰目明咁去裝聾作啞之外，最重要嘅就喺懂得“耐性”呢兩個字。我哋嘅光陰時日從來就並非掌握喺自己手中，反正早已經喺垂頭做人，你又何不唔繼續垂低你嘅頭，就當休息一吓； 幾時至有擡頭之日至再算。

莫講娘娘從來冇實實在在答應過赦免你出宮，即使有，但到頭來放與唔放，唔喺在乎你做咗幾多，放棄咗幾多或者背棄咗幾多。一切只喺在乎佢一念之間，喜歡與否有幾多。

所以從來能夠回應你一番耐性嘅就只有天，唔可能喺一個人。

昔日人喺你留，會招人話柄喺必然，今日人喺我召，與你無干。既無是非就一如我以往所勸。既然我行事一致，又何來你所謂嘅表裏不一啊？你所問嘅一句點解，我亦都答咗你一個原因，我已經解釋到好攰了，依家你喜歡點樣唸我就隨便你。

聽戲本來就喺尋常不過嘅人生事，有何大不了？所謂嘅歪風只喺一個藉口。試唸吓台上嘅故事就算唱嘅喺男歡女愛，我哋都喺唱緊人之常情嘅美事，何歪之有啊？反觀台下、宮中，有權貴欺淩奴僕。宮外，就親倫視如仇敵，仲要大家習以爲常，俯首認命。台下人生喺處處荒野絕路，難得台上嘅戲可以唱出一片朗日晴天。人要聼戲都喺為咗咁啫，就算一切只喺虛幻，但亦比好多眼前嘅事更真實。

人生在世，總有所求

天晴就趕路，天雨就停步。風沙起，如果喺西面吹嚟，你就唔好背向東面走。雪再厚，只要搵到前人嘅腳印就自然走得從容。年年月月，宮裏宮外人就喺咁樣過活，無需要慨嘆乜嘢。

我只喺唔喜歡做人一步一腳都要等嗰天嚟造就。一個人若然唔相信命運，又何必事事埋怨去老天爺嘅頭上？俗世凡塵，衆生千萬，能夠遇到一個真心喜歡嘅人，或多或少都總帶點緣分。

一個曾經敢去愛過嘅人，自然亦會識得點去恨一個人。忍心與否，根本就唔會困擾我半分。

文人雅士，對於音律、曲藝趨之若驚。正如一首月老之音，簡單幾句音節，就可以令人心神蕩漾，難以忘懷。尤其喺夜闌人靜之時，曲聲隱約隨風傳來，就算喺鐵石心腸嘅人都會動容，莫講話本來有心事嘅人。

如果人世間真喺有所謂嘅因，所謂嘅果。咁皇后娘娘嘅頭風症始終反復難治，就喺天意。而我鈕祜祿.如玥一生都要留喺紅墻之内，就喺命定。

畢竟能夠喺凡塵間覓得知心，唔理結果喺白頭偕老定抑或只能同生共死，始終都唔喺尋常你我可以輕易領受嘅一種福分。就算血脈請親倫，緣厚緣薄亦各有天命。更何況喺男女間嘅一份情。本宮既無所得在先，又何來有所追悔在後？天下間本來就嘅憾是處處，能盡如人事者就只得一二。不果亦因爲美滿難求，人世只可以時刻有所期盼，咁就已經足夠。每一個人總有每一個人嘅天命歸結。

莊周夢蝶，夢蝶莊周，浮生若夢。好多時候唔需要咁刻意去分清真與假，現實或者喺虛幻。呢種先至叫自在，先至叫做放下。

慮澹物自輕，意愜理無違

中秋好月誰受用，剪西風淚雨梧桐，瘦骨闌珊加沉重，听遍天外哀鴻，草際寒蛩，響徹那紙條窗縫，恨悠悠一場大夢。

回憶

人嘅記憶非常奧妙，一旦事情發生咗，無論是悲是喜，又或者過咗幾多年，都依然記住喺腦海裏面，永遠都唔會忘記。

就算喺失憶，都只不過喺患者將某段記憶自我封鎖，被心理防禦機制所阻擋。而非好似電腦記憶體資料消失一樣，搵唔返嚟。一旦能夠將病人心結解開，好可能所有嘅記憶都會返曬嚟。

你嘅腦海裏面仲有依稀記得1-3嵗發生過嘅一啲片段嗎？我到今時今日都會記得當時一啲瑣碎事情，或者自己曾經所講過嘅嘢。反之對上10年前發生過嘅嘢，反而變得模糊同有啲混亂。

莫非呢就喺老人癡呆嘅先兆？？！！！

每個選擇仲有犧牲

到咗今時今日雖然已經唔再介意，但其實依然好在意。喺我太過著緊？抑或你過於瀟灑？因爲矛盾嘅身份最後搞到大家兩頭唔到岸；問心嗰句有邊個想？

正正因爲呢個原因令到今日得到嘅擺在眼前； 但亦因爲咁而失去咗好多睇唔到嘅。深深理解食得鹹魚抵得渴，但係不得不承認，要留只怪我心中仍然有恨。

密謀造反

日子啱啱公佈，不過非常可惜今屆未能參與。

原因一喺太過接近，多兩個星期又要再飛返去，你估我識印銀紙咩？
原因二喺上一屆都已經好清楚，無論幾努力都依然改變唔到事實，有錢的確使得鬼推磨。
原因三喺人哋已經部署咗咁耐，唔多唔少都已經有足夠把握出夠千，清醒啲啦好唔好！
原因四喺反對咗又點？到下一屆咪再嚟反對、遊行！搞咁大龍鳳，到最後依然徒勞無功。
原因五喺過咗呢晚根本就唔會有人贏，只會有人輸！！！

海洋館

周末為咗滿足兩位小妹妹嘅好奇心，嚟到呢個入口處標榜住“全球最大嘅水族世界”位于聖陶沙名勝世界核心景點之一嘅海洋館。 

Ｓ．Ｅ．Ａ．海洋館展示咗生活喺爪哇海、馬六甲海峽、孟加拉灣、阿拉伯海、紅海同東非海域等不同區域嘅海洋動物，通過１０個不同區域嘅４９個展區展示了８００多個品種逾１０萬只海洋生物，其中不乏雙髻鯊和樽鼻海豚等珍稀物種。海洋館嘅儲水量達４２８０萬升，為世界之最。

總括嚟講，呢個海洋館價錢與館内嘅設施、展品以及魚類符合，值得深入探究一番。


海洋館打破咗兩項吉尼斯世界紀錄，
被確認為世界最大的海洋館
以及擁有世界最大的水族觀景窗。

不過裏面嘅海洋生物，的確種類繁多。

尤其喺個水母區，令人嘩然。

好自然咁聯想到阿凡達同少年Pi

館内最大賣點莫過於呢個超大魚缸，
缸內就喺一個縮小版嘅海洋世界。

大白沙嚟啦~~~
 
最後當然要同蛙人喺海底留影以作紀念。

搞風搞雨

既來之即安之，下官就睇吓呢位娘娘會有乜嘢板斧，將呢個七角咁亂嘅后宮安頓落嚟。

正所謂好漢不吃眼前虧，下官當然唔會再好似想當初咁笨，畀你哋擺上枱。既然你識出招，下官都學識抛波再加多幾錢肉緊。就等你哋幾個娘娘同姑姑喺度勾心鬥角，搞事搞非。

能夠做到置身事外，而又知道佢哋嘅一舉一動，的確唔係一件容易嘅事。不過係呢個宮裏面打滾咗咁多年，唔多唔少都學識乜嘢叫做裝聾作啞，閑事莫理呢一個道理。

翹腳

翹腳有壞冇好，要命就要錫自己多啲。

1.提早出現退化性關節炎

首先，「被壓的腳」長期承受另一隻腳的壓力，久而久之，不正常的外力導致膝蓋上腔退化磨損，膝蓋的毛病就會出現，很多人「未老先衰」，年紀不大就出現退化性關節炎，追問之下原來都有翹腳習慣。

2.出現神經壓迫症候群可能要復健矯正

由於大腿前側的股神經掌管感覺，如果常常被壓迫，容易知覺麻痺，整條腿喪失感覺，這也就是醫學上稱的「神經壓迫症候群」，臨床上接獲到這種病例，病人還要接受復健治療。

3.雙腿比較容易有靜脈曲張困擾

另外，「被壓的腳遭殃，翹起來的那條腿問題也很大」，翹起來的那條腿，後側神經血管長時間疊在另一隻腳上，在兩腿「密不透氣」的貼合情況下，血流不通暢，會加重小腿靜脈曲張的發生機率，嚴重的話還會導致下肢水腫，使得小小的傷口不易癒合，增加腿部潰瘍的機會

4.小心演變成「Ｏ型腿」

而且，兩腿交疊，翹起的腳向內縮，也會導致該條腿的韌帶肥厚發炎，產生腫痛的問題，甚至還可能變成「Ｏ型腿」，腿形變得醜醜的。

5.龍骨也容易出現異常

不單單是腿部腫痛、靜脈曲張的毛病，翹二郎腿還會導致腰椎和脊椎異常，包括「脊椎側變」、「椎間盤破損突出」等，這類慢性化的症狀治療起來更是棘手。翹腳真的是很不好的習慣，兩側髖關節（臀部和大腿間的關節）位置一高一低，連帶使得骨盆位置偏離，腰椎和脊椎的角度也會改變。長時間翹腳的結果，骨盆、腰椎和脊椎偏位，不但會引發腰痛、下背痛，還會變成「長短腳」，兩側膝蓋受力不同，較常磨損的一側膝關節就會提早退化，退化性關節炎應運而生，可說是「連鎖反應」，從上到下都會出問題。

顔色與氣味

有冇發覺身邊有好多人都會有體味？有啲特別難頂，有啲成身香水味，有啲一陣洗頭水/沐浴露嘅清香； 而有啲明知道唔喺香水味，但係卻會有一陣令人感覺唔臭又舒服嘅獨特體味。

記得以前有個同學臭到不得之了，成班同學都取笑佢； 凡喺佢行過嘅地方，即使已經過咗成分鐘，嗰陣味道依然停留喺四周圍，好鬼死難頂。

但係有另位同學嘅味道卻相當獨特，每次一聞到陣味都會知道佢就係左近。每逢夏天流汗又或者上完體育堂，嗰陣味更加濃烈但絕對唔會另人作嘔。直到依家都好想再搵返嗰陣熟悉嘅氣味，但係偏偏就喺冇。。。 。。。

此時此刻，腦海裏面浮現出彭姑首窗外裏面嘅歌詞。

風吹過　帶著暗香
車經過　帶來黃昏
街燈下　站一個人
同樣孤寂　同樣氣氛

風起了　散下雨點
轉載來自
花開了　向著藍天
窗邊上　坐一個人
同樣孤獨　偏偏這天　說話了……

獨白：你記唔記得，你住過嘅每一間屋嘅每一隻窗？
你記唔記得，從唔同嘅窗望出去睇到唔同嘅風景？
你記唔記得，窗外面飄過入嚟嘅每一種氣味？
你記唔記得，第一次企喺窗邊望出去睇住你喜歡嘅人番嚟嘅心情？
你仲記唔記得？你仲記唔記得？

機不可失

試問自己最高紀錄幾耐可以冇電話在手? 可以幾日冇得上網？

我嘅最高紀錄可以10日冇得上網，不過電話就好似未曾試過。由公共電話延伸到固網電話，再演變到手提電話； 似乎一直以嚟都未曾離開過電話。

冇網際網絡嘅日子以前都一樣咁過，但係如果冇咗電話嘅話，相信就如現今社會冇咗手機一樣； 將會死人，會天下大亂，會世界末日。

好好哋唔得嘅

每年到咗呢個時間都會心情忐忑，坐立不安。因爲人哋個個都拿曬俸祿，有啲甚至已經用到油盡燈枯； 而我哋卻乜嘢消息都冇，水盡鵝飛，聲都唔聲吓。

點啫？要拖到幾時正肯畀人？遲又要畀，早又要畀，點解要咁神秘啫? 好好哋唔得嘅!

繼續寵愛

十年前嘅4月1日你同我哋開咗個大玩笑，

往後嘅4月1日已經唔再喺啲乜嘢愚人節；

而喺變成悼念你嘅日子。

你好嗎？
我哋好掛住你。

雪梨燉川貝

因爲久咳未愈，經前輩教路，不妨清燉此湯一試。此湯清熱化痰、止咳平喘，性質微寒，適合熱性體質人士日常服用，正正吻合出生於冬天嘅我。

材料：
雪梨一個
川貝末一錢
冰糖適量
南杏北杏少許
雪餌適量

首先將雪梨洗乾淨、去皮去芯、切塊，將所有材料放入燉盎內，加水蓋好。然後隔水慢火燉約2至3小時，即可食用。

後會有期

人網要執笠，唔係因爲經營不善，唔係因爲營運資金不足，唔係因爲人士變動，唔係因爲被大財團收購，純粹因爲政治因素，要係短時間内閂門大吉。

老實講，一個越做越好嘅網台，每日伴隨著我已經幾個寒暑，突然間話要執笠，心底裏面的確覺得好可惜同有啲唔捨得。

不過正所謂天下無不散之宴席，好多嘢都係冇永恒嘅。唯有盼望來日能夠再重遇，雨後仍然有陽光。

香港人網 敢講 至好聽！

接點

家陣出席囍宴，都會少不免被啲親朋戚友問，幾時到你啊？幾時有另一半啊？幾時結婚啊？等等千篇一律重復嘅問題。講老實由開始時覺得厭煩，直到今時今日已經好似變咗免疫一樣，完全冇到感覺； 就當喺閒話家常一樣普通。

其實結婚與否真係咁重要咩？今時今日睇住身邊認識嘅人結完又離，離咗又再結，尋尋覓覓咁就過咗半世人。另一單仲慘，終日為一家幾口奔波勞碌，搞到欠債累累，最後選擇自盡英年早逝，剩下孤兒寡婦，睇到都心酸。

其實唔應該為結婚而結婚，啲乜嘢年齡障礙，老咗有兒女照顧，老咗又乜乜而結婚，統統都係自私。結婚應該按部就班，一步一步嚟； 緣份若果敲你嘅門，你擋都擋唔住。

女：世界上嘅人咁多，如果我有接點認識好多人，我就能找到跟我契合度百分之百嘅男人。
男：如果世界上有跟你百分百契合嘅人，但你卻搵唔到他，亦代表佢並不係你嘅真命天子。

有接點，正有可能； 如果冇接點，就不係是100％。

爆炸糖

唔該各位糖果哥哥姐姐高台貴手，唔好再發邀請畀我，加入你哋嘅糖果陣容好嗎？ 呢個讓人失心瘋，廢寢忘食，猶如病毒一樣入侵腦細胞，操控著各人嘅時間，搞到周圍甜到惹蟻。 家陣仲要我每日不停咁拒絕你哋啲邀請，真係睇到都煩！

本人再次在此聲明，唔中意食糖亦驚中甜尿，懇請各位停止派糖畀我。

多謝夾承惠，真係唔該曬！

ゆっくり ゆっくり

炎炎夏日再次重溫呢部日劇，依然令人感覺舒暢。劇情冇太大嘅起伏，就如主題一樣，慢~慢~來。



此刻嘅我正需要呢種清涼嘅感覺。慢舞、慢活，順其自然，悠然自得咁生活。

你有你的人生，我有我的旅程

有種人每當去到商場或者一個新鮮嘅地方，就會四圍東張西望； 務求要係短時間内遇到熟悉嘅面孔，然後上前同對方搭訕。

而另一種人每當去到商場或者一個新鮮嘅地方，都會肆無忌憚心情放鬆； 主要係唔想遇到熟悉嘅面孔要去打招呼，破壞咗行街嘅雅興。

有種人中意約埋一大班朋友，一齊吃喝玩樂，熱熱鬧鬧。

而另一種人中意三五知己，一齊聚舊談天説地，噓寒問暖一番。

人有好多種，有人中意咁但有人卻唔中意咁。冇話對與錯嘅，只要大家唔好勉強大家，各自各覺得舒服咪冇問題囖。

獨角戲

絕對唔容易做，無論出場，走位，搞氣氛，中場轉入高潮至到尾段落幕都喺靠一人支撐，完全冇對手交戲。場戲做得好與壞完全靠曬一個人，最慘嘅就喺每場戲都冇劇本，以飛紙仔形式喺最後一分鐘嚟繼續演繹下一場戲。

無論點都好，我始終明白做得岩未必有獎，做錯就一定有罰呢個道理。

我唔撈啦

呢封辭職信的確將所有積勞多時嘅怨氣一吐為快！

幾時輪到我有咁嘅機會，吐氣揚眉？

呢度搭的士

上到的士啲司機一定會問乘客行邊條路綫，一大論乜p乜p收費公路名之後，又問行乜乜高速公路。有啲更加離譜問你點去，往邊個方向!!! 真係把x火，大佬啊我鬼知道行邊條路咩? 如果我知道點去就唔洗搭的士啦! 問問問！

有時我會答: 行冇塞車，最快到達目的地嗰條路綫，唔該曬！

講完

每當某某將照片上載到面書，又或者講有關佢哋公司裏面嘅事情； 點解我完全領悟唔到佢哋所講嘅喺一種分享或者喺發牢騷。反之有時會覺得佢哋只係純粹想炫耀自己有幾威水，公司畀佢幾多花紅、啱啱又同老細去食咗乜乜大餐、老細幾咁起重佢派佢去邊邊度公幹、有幾咁巴之閉咁。

最明顯嘅例子之一就係當佢哋放完假返嚟，就會一直係到滔滔不絕咁描述佢哋嘅一點一滴。去過邊食過乜，仲畀埋相你睇一邊講解。呢種叫做分享喜悅同經歷，我完全十分理解而卻相當認同，亦非常樂意去聼你或妳啲經歷以及欣賞你哋嘅照片。

但係當換轉喺我去完旅行返嚟，而你又問起我“玩得開心嗎？”； 咁理所當然會好想去分享一啲發生過嘅趣聞趣事。 對方態度竟然嚟個360度轉變。一副唔耐煩嘅樣之餘仲要好敷衍咁應你幾句。假如你畀相佢哋睇仲離譜（當然係對方問我至會畀佢哋睇），翻兩嘢啞口無言咁遞返嚟，無動於衷。好似搞到我喺度向佢曬命咁，真係把鬼火。

點啫？你哋講我就要聼，難道我講嘅時候就係發噏瘋？最火滾就係又要問口爽，到你講緊之際佢竟然係度玩電話？#*%%#*……Q—*·%#）點解我要去應酬你哋吖？呢種人一於當佢哋死嘅，講乜都唔需要聼，電話亦唔需要接，連見面都免得就免，最好就喺各行其是，互不相干。

完。

音樂殖民地

又有新歌派台，黑膠>捲帶>CD>MD>MP3>?

發佈時間：2013年03月13日
音樂殖民地
主唱：C AllStar

作曲：賴映彤@groovision
填詞：梁栢堅
編曲：賴映彤@groovision
監製：簡

有個洞穴人 敲打出聲音
過後 來到某個世代有一人
留聲機 關起跟釋放了聲音
聲軌雕刻聲音 音波都流痕

再過數十年 卡式帶出新
以後 迷上聽眾有十數億人
磁帶粉 一轉眼滿街walkman
CD一出生轉眼變discman

CD再生MD
再進化MP3
再進化哪裡 哪個知

再見 我們道別聽覺圖騰
轉眼變細變塵 微塵再出靈魂
留聲機 聲音可鎖緊 可惜聲音不留人
再見 往日旗艦店眾人民
數碼半秒震憾 直入耳膜元神
來聽真
今天的聲音 響遍世界 過後十萬代傳真

我最快樂時 一屋的CD
這日 聞訊老店也沒法堅持
留青史 黑膠那唱針終止
捲帶捲走AB終結到CD

YOUTUBE 再加 facebook
聽歌的新定義
再進化哪裡 哪個知

再見 我們道別聽覺圖騰
轉眼變細變塵 微塵再出靈魂
留聲機 聲音可鎖緊 可惜聲音不留人
再見 往日旗艦店眾人民
數碼半秒震憾 直入耳膜元神
來聽真
今天的聲音 響遍世界 過後十萬代傳真

再見 世人迷途聽覺羊群
轉眼變細變塵 微塵再出靈魂
留聲機 聲音可鎖緊 可惜光陰不留痕
再見 昨日洞穴那個猿人
數碼半秒震憾 直入耳膜元神
來聽真
今天的聲音 響遍世界 過後十萬代傳真

老化

1. 皮膚越來越失去光澤、
2. 歲月的痕跡
3. 脫髮煩惱
4. 視力變差
5. 嗅覺味覺降低 
6. 免疫力降低 
7. 口腔粘膜萎縮 
8. 唾液分泌減少
9. 血壓上升 
10. 肺功能降低 
11. 基礎代謝率減少 
12. 骨頭密度減少 
13. 肌肉組織減少 
14. 睡眠時間減少 
15. 記憶衰退 

仲有仲有....真喺愈寫愈多，愈嚟愈令人毛骨悚然~~~

令我敢飛向夕陽

完全是你風中歌唱，長路中照亮，令我敢飛向夕陽。
完全是你，我可感到天真的往年能在你臂內重遇上。
如沒有你，如沒有真的愛上。

2012 C AllLive 演唱會

三月份傾城投入於C AllLive 演唱會，曾經讓我們窩心同流淚的歌，
四個熱愛音樂嘅小伙子，值得支持！

DVD Disc 1 (LIVE)
01. Overture + 我們的胡士托
02. 切膚之痛
03. 白色信件
04. 小王子 / 我們的電車上
05. 別讓小島沉沒 / 傾城
06. 馬爾代夫
07. 新預言書 / 巴斯光年
08. 2013的約定
09. iSing
10. Sweet medley 喜歡你 / 一生愛你一個 / 喜歡喜歡你 / 喜歡你是你 / 尋開心 / 吻感
11. Sad medley 假如讓我說下去 / 幾分傷心幾分痴 / 餘情未了 / 祝君好 / 不拖不欠
12. 我的快樂時代
13. 時間囊
14. 「星投大戰」後傳: 小城大事 / Against All Odds / 如果沒有你 / 陀飛輪
15. 陀飛輪 (winning song)

DVD Disc 2 (LIVE)
01. 不知不覺已大個
02. 給自己的信
03. Last Day
04. 年少無知
05. 少數
06. 命硬 (側田/C AllStar)
07. 很想很想說再見 (側田)
08. 大同 / 無心睡眠
09. 80後時代曲
10. 我們的胡士托
11. 天梯
12. 從當天到今天

Bonus Tracks:
01. 切膚之痛 MV
02. 少數 MV
03. 下靶 MV

C AllStar 音樂成長印記 從街頭到九展Star Hall舞台 唱功全展示
“2012 C AllLive” ( 2 Live DVD + Karaoke DVD + 2 CD )

首批 特別版 除加送Karaoke DVD
另外Live DVD特別收錄3首Bonus MV “切膚之痛” “少數” 及“下靶”
DVD - HD全高清1920 x 1080拍攝
Dolby Digital EX 5.1 / DTS- ES

人在江湖

以前覺得啲人好無聊，點解要將啲工作帶返屋企做？即唔可以完全放鬆休息之餘，又將啲壓力延續係屋入面，相當愚蠢。

隨著時間洗禮，自己竟然也落得同一下場。 不約而同咁將啲工作帶咗返嚟屋企做； 中飯時候仲要回老細短訊兼報告行蹤。

腦海裏面突然不斷咁問自己，點解突然間會落得如絲田地？

真喺身不由己，不能自如。

踩狗屎

傷風感冒未痊愈，左眼竟然無啦啦紅咗； 啲微絲血管爆曬紅，但係又唔痕唔痛。結果梗系要拿病假，乖乖地留係房間裏面，以免再受感染。

呢排都唔做乜，過完個年返嚟就不斷咁病； 去診所好似去shopping咁。

莫非真係踩到狗屎？！

戀愛季節 - 春之章

呢首洋蔥真係越聼越好聽，加上春芬同施辰嘅幽默演出，
感覺溫馨兼有趣。春天就係應該輕鬆吓，開心啲~~~

地盡頭

我深信所有嘢都有配額（即係quota）。因此無論食嘢同做人都好，千奇唔好去到咁盡，要留一綫餘地。Quota 一旦用盡就恨錯難返，永不超生。

所以亦無需要去羡慕別人，因爲今日佢得到嘅唔代表他日佢能夠擁有。可能配額超支，他日要雙倍、三倍甚至倍上一生去奉還。

要學習知足，要懂得放手，凡事適可而止。

醫生喔！！！

最近睇醫生好似睇上癮一樣，連續兩個星期都發燒，好似燒上腦咁，懵懵懂懂。

啲所謂醫生就淨係識得開埋啲抗生素； 當然我硬係全部都冇食到啦。假如真係聼聼話話咁食曬啲葯，睇怕我嘅病未痊愈，我嘅肝同腎都已經做到虛脫囖。

求人不如求己 ，唯有生生性性；  戒口之於每晚10點乖乖上牀瞓覺。

晚霞

默默望著晚霞，心情非常忐忑。

仿似蝴蝶，飛得了跑不了，

謝了花瓣換到蜜糖。。。。。。

輪流轉

一輪狂風爆雨，轉咗一個大圈； 最後返嚟原地， 一切似變非變。

事實上防似華麗緣描述一樣：

轉又轉又轉 原地在轉　相信戀愛不很遠
但我恐怕轉過年月都不過踏到邊緣
如愛便愛直到華麗被揭穿　恰似考究的小說
被角色　被橋段　迷住( 被角色　被橋段　被心經攝住)

傾城祝福　我便隆重宣佈
一樣跌倒　已做到最好
甚麼是幸福　想到雙眼漸紅
華麗其實無用

怡發咖哩面

人生30到抆第三次整整式式咁叫咗牒乾咖哩面，
簡直好食到飛起，嗰種味道到依家唸起都會流口水。

未雨綢繆

趁假期空閒期間，去牌館申請咗國際車牌；
為年尾回家作好準備。

親密關係

兩個人嘅關係其實非常微妙，就算如每日都見面，同一屋簷下，都可以各懷心事，各自都有自己不爲人知嘅一面。

正如一對戀人即使有多少個夜晚徹夜未眠互訴心聲，即使兩人已水乳交融，也無法互相有任何了解。

無法互相了解並非因為已水乳交融，而喺沒有交談。

幸福满溢

正所謂越簡單嘅菜肴就越見真功夫

姜茸配蔥頭，三水必備

清蒸菜園雞，連啲雞汁一滴都不會放過

老媽子呢幾度餸令我唔加飯都覺得對唔住自己

非常感恩能夠仲食到媽媽煮嘅餸，幸福滿貫~~~

南乳齋

 

大年初一我家一向都係食齋，

今年煮呢個南乳齋雖然味道仲差少少，

不過成就感同滿足感就勝於一切。

明年2014年再接再厲，誓必要煮到大家食到耳仔郁爲止。

哎喲，哪裏來的嗎？

今年過年除咗食得最多魚生之外；
就係重溫呢個非常有誠意嘅演唱會DVD。
當然，裏面幾幕嘅曇花一現每一次睇都會瞻瞻自喜。

繼續撈起

2013年食得最多嘅就喺魚生，

希望越撈越旺，中多多、中萬字、中大彩！

會過去的

話咁快就過咗十日嘅新年假期，

好似放屁一樣，無聲無息咁過去。

加飯嗎？

睇完呢個廣告，令我不禁流下一滴眼淚。
以後唔好搵啲乜嘢減肥當藉口，記住一定要加飯。

感恩大賞

繼前年相當開心得到呢個大賞之後，估唔到12年能夠再次蟬聯。非常感激SK兄嘅心思之作，令到今年個年度大賞更添意義。

要講多謝之餘，仲要向你拜個早年。恭祝你心想事成，萬事勝意，恭喜發財。

今年除咗有一張獨一無二嘅精選CD之外，

仲有意外驚喜。

發發發

 

2013年第一撈，生生猛猛發大財！

金銀花

金銀花能夠清熱解毒，紓緩不適。濕疹會令皮膚有乾燥、出水迊和痕癢嘅現象，而金銀花有清熱解毒嘅功效，對濕疹的確有紓緩作用，用它煲水外敷，可以紓緩濕疹帶來嘅不適。

理性與感性

一向都非常欣賞佢啲戲，以上感言更加令人刮目相看， 佩服佩服。

掠水

當你第一眼見到呢棵許願樹，腦海裏面即刻浮現係啲乜？

本人就覺得好抄得，兼夾好假囖！

趁虛

需要排到咁咩？冇肉乾食會世界末日吖？

過敏世界

記住呢個抗生素，以後勿碰

食抗生素喺因爲皮膚突然出好多紅疹，點不知紅疹未完全消退，抗生素竟然起副作用。搞到依家好似出風膜咁，又紅又癢，非常難頂。

至於啲所謂醫生，咪一如既往你話咩佢咪開咩葯畀你； 同去藥房買成藥冇乜分別。

無端端搞到成身紅紅； 龍兄都未返天庭，呢條蛇就出嚟覓食，果然係修煉多時嘅蛇精。睇嚟都係要法海出法力，收咗佢至得安寧。

自閉症

我發覺自己有點兒自閉，好多時都中意獨處。一向唔中意熱鬧，更加討厭多人。

至於應酬簡直喺拿命。雖然未至於應付唔嚟，不過個種由内至外，然後再由外至内嘅假，實在難以令自己能夠接受。

好少會主動同陌生人交談，就算係相識但唔熟嘅人都唔會主動打開話題。

可能呢種就喺水瓶座嘅特徵。

飲飲食食

一客素迷你火鍋，清清地將罪惡感降至最低。

再嚟杯花茶，鎮靜降熱。

子虛烏有

講到咁天下無敵，即管去試吓。
不過食落咪不過如是。

我的愛對你說演唱會2013

個人巡迴終結站

葉債暫且還清，完美落幕。

千呼萬喚始出來

 3合1， 一次過搞掂曬

葉蒨文 五年後再踏舞台 “葉蒨文完全是你演唱會2012”
( 2 Live DVD + Karaoke DVD + 2 Live CD )

首批 特別版 除加送Karaoke DVD 及 Making Of
另外Live DVD 及Live CD 特別收錄Bonus Track 全新歌曲 “精挑細選”歌曲及MV
DVD - HD全高清1920 x 1080拍攝
Dolby Digital EX 5.1 / DTS- ES
推出日期: 2013-01-31
出品商: 寰亞音樂

DVD 1 (LIVE)
01. Opening. . .
02. 人生其實很簡單 / 焚心以火 / 黎明不要來 / 紅塵 / 我是不是你最疼愛的人 / 瀟灑走一回
03. 甜言蜜語 / 願死也為情
04. 曾經心疼
05. 童年
06. 談情說愛
07. 春風秋雨
08. 迷惑
09. 珍重
10. 一輩子溫柔
11. 祝福
12. Cha Cha Cha
13. LA ISLA BONITA / 海旁獨唱
14. 我要
15. 他
16. 女人的弱點
17. 別人的情歌

DVD 2 (Live)
01. 憑千個心
02. 傷逝
03. 秋來秋去
04. 零時十分
05. 分分鐘需要你
06. 我愛你
07. 完全是你
08. 情人知己 / 讓我歡喜讓我憂
09. 完全是你 / I Will Always Love You
10. 命運我操縱
11. Edge of Glory
12. 心裡的陽光
13. 你要記住
14. 信自己
15. 褔氣
16. Making of
Bonus track
1. 精挑細選MV

DVD 3 (Karaoke)
01. Opening
02. 人生其實很簡單 / 焚心以火 / 黎明不要來 / 紅塵 / 我是不是你最疼愛的人 / 瀟灑走一回
03. 甜言蜜語 / 願死也為情
04. 曾經心疼
05. 童年
06. 談情說愛
07. 春風秋雨
08. 迷惑
09. 珍重
10. 一輩子溫柔
11. 祝福
12. Cha Cha Cha
13. LA ISLA BONITA / 海旁獨唱
14. 我要
15. 他
16. 女人的弱點
17. 別人的情歌
18. 憑千個心
19. 傷逝
20. 秋來秋去
21. 零時十分
22. 分分鐘需要你
23. 我愛你
24. 完全是你
25. 情人知己 / 讓我歡喜讓我憂
26. 完全是你 / I Will Always Love You
27. 命運我操縱
28. Edge of Glory
29. 心裡的陽光
30. 你要記住
31. 信自己
32. 褔氣
33. Making of

CD 1
01. Opening
02. 人生其實很簡單 / 焚心如火 / 黎明不要來 / 紅塵
03. 我是不是你最疼愛的人 / 瀟灑走一回. . . . . .
04. 甜言蜜語 / 願死也為情
05. 曾經心庝
06. 童年
07. 談情說愛 / 春風秋雨 / 迷惑
08. 珍重
09. 一輩子溫柔
10. 祝福
11. Cha Cha Cha
12. LA ISLA BON ITA / 海旁獨唱
13. 我要
14. 他
15. 女人的弱點
16. 別人的情歌

CD 2
01. 憑千個心
02. 傷逝
03. 秋去秋來
04. 零時十分
05. 分分鐘需要你
06. 我愛你
07. 完全是你
08. 情人知己 / 讓我歡喜讓我憂
09. 完全是你 / I will always love you
10. 命運我操縱
11. The Edge of Glory
12. 心裏的陽光
13. 你要記住
14. 信自己
15. 褔氣
Bonus Track
1. 精挑細選

白宮雞飯

每次返到怡保總要幫襯佢；
當然嗰位醒字派嘅事頭婆亦要畀佢5個讚。

張燈結彩

經過呢間店，就會好自然咁發覺就嚟要過年嘞。

增添氣氛

相當有創意嘅一個藝術作品，值得贊許！

2012年度十大勁膠金曲頒獎典禮得獎名單

睇到以下十首金曲，請問閣下有幾首喺哼得出嗰旋律出嚟？ 一個曾經備受各界信服嘅頒獎禮，搞到如此田地，令人感覺唏噓兼失望。

簡直仲曳過頒百幾個獎，頒足五粒幾鐘嘅勁爆；搞成咁不如停辦冇咁衰！

「十大勁歌金曲獎」:

1. 《What Have U Done》G.E.M. - 好似自己好紅好威水
2. 《重新長大》許廷鏗 - 咩歌？未聼過
3. 《白頭到老》蔡卓妍 - 果然保持一貫走音風格
4. 《幼稚完》林峯 - 普通歌一首
5. 《一首歌》小肥 - 接受到
6. 《牆紙》容祖兒 - 呢首咪舊年嘅？
7. 《預防針》鍾嘉欣 - 佢都有首金曲，簡直當其他坐喺台上嘅歌手死曬
8. 《樹藤》林欣彤 - 勉強
9. 《失戀哲理》關心妍 - 關菊瑛終于有得欏
10. 《留白》王菀之 - 可以

最受歡迎男歌星: 林峯 - 呼之欲出
最受歡迎女歌星: 容祖兒 - 拿80屆都冇人在意，何得何能？

亞太區最受歡迎男歌星: LOLLIPOP F - 乜佢哋變咗男歌星，唔係組合咩
亞太區最受歡迎女歌星: Twins - 同上

「金曲金獎」：《留白》王菀之 - 叫做10首裏面最有水準嘅一首

「最受歡迎華語歌曲獎」金：《霧裡看花》容祖兒 - 無言
「最受歡迎華語歌曲獎」銀：《戰利品》LOLLIPOP F - 無言
「最受歡迎華語歌曲獎」銅：《頑石》林峰 - 無言

「最受歡迎廣告歌曲獎」：《途經北海道》容祖兒 - 垃圾

「新人薦場飆星獎」：陳法拉 - 叫救命！！！

「最受歡迎新人(男)獎」金：胡鴻鈞 - 搞乜東東
「最受歡迎新人(男)獎」銀：馮允謙 - 凴乜
「最受歡迎新人(男)獎」銅：羅力威 - 接受到

「最受歡迎新人(女)獎」金：陳僖儀 - 舊年咪拿咗囖
「最受歡迎新人(女)獎」銀：Super Girls - 好多人
「最受歡迎新人(女)獎」銅：蔚雨芯 - 邊嗰嚟嘅

「最受歡迎組合獎」金：RubberBand - 好
「最受歡迎組合獎」銀：C AllStar - 恭喜曬
「最受歡迎組合獎」銅：糖兄妹 - 繼續努力

「最受歡迎唱作歌星」金：周國賢 - 再接再厲
「最受歡迎唱作歌星」銀：G.E.M. - ？？
「最受歡迎唱作歌星」銅：Rubber Band - 竟然拿銅

「最受歡迎合唱歌曲獎」金：《生命之花》王菀之、張繼聰 - 未聼過

睇完直播，只有三個字形容 ： 吊那星！！！

水裏來火裡去

經過長達8個月嘅真空期，王爺近日終于有所行動。話曬下官都係出身於鐘粹宮，有乜大場面未見過？更難頂嘅主子都領教過，更艱辛嘅日子亦都捱過。

正所謂兵來將擋，水來土掩； 見招拆招, 四兩撥千金。

書中自有黃金屋

俗語話讀萬卷書不如行萬里路；

我就話讀萬卷書不如睇萬秒劇。

望梅止渴

十幾二十年前就開始對東瀛文化同佢哋嘅食物情有獨鍾； 尤其喺家鄉白雪皚皚嘅景色，漫天飄雪下浸溫泉，一直都夢寐以求，非常嚮往嘅浪漫休閒假期。

此情此景不知何日能夠兌現，唯有以拉麵一解思鄉之苦。

時間囊

時間真係會將一個人嘅腳步放慢

時間真係會將一個人嘅恐懼減低

時間真係會將一個人嘅怨恨淡忘

時間真係會將一個人嘅思想改變

時間真係會將一個人嘅執著軟化

如果命運能選擇

計起上嚟呢幾個月頻頻回鄉，暫時要持續到三月。

每返去一次都要洗上幾千銀； 恐怕呢個蛇年都係依然要節衣縮食，咬緊牙關咁去渡過。

做了多數

好開心睇到燒烤叉能夠再次上叱咤頒獎台，奪得我最喜愛組合。恭喜恭喜~~~

誰會為　天空海闊　回頭　後退一步
誰會耐心的　開解世人　去放下屠刀
即使我　只得　少數
但我　還是以它　抵抗　命數

煙花會謝，笙歌會停

估唔到一齣三級片竟然會搞到個個大男人睇完後眼濕濕。有人話睇到最後感覺好唏噓； 除咗有共鳴之外，心入面亦有少少心酸。呢套戲，係一般人眼中只係露點嘅咸片，但喺係好多入場嘅男士眼中，佢喺一套能夠講得出嫖客心聲嘅文藝片。

激情與感情之間互相交錯，可能每個男人心裏面都有一個小思.....

卍南無觀世音菩薩卍

繼大感冒之後到大肚瀉，究竟喺咪踩到狗屎？
睇嚟喺時候周末要入廟作個平安福，祈求病魔速速遠離。

情若真不必相見恨晚

生病嘅假期如何渡過呢？當然就係攤屍係張床度，開着個電視煲劇嚟消磨時間。

都唔明白家陣啲觀衆要睇啲乜？個個老戲骨演到七情上面，咁好睇嘅一套劇換來評語竟然係老啦、悶啦、黑絲襪重口味、咬唇，節奏慢等負面回應；根本就抹煞曬劇中演員用心嘅演出。

精湛嘅演技另人睇到佢嘅實力，修行人層次果然高超；不食人間煙火嘅獨有氣質相信年輕如木偶鼻都遙不可及。

咁多年嚟，佢依然喺我心目中嘅姑姑。

情義似水逝去，此心托飛雁；情若真不必相見恨晚。

永存不杇

天下無不散之筵席，一個用咗足足二十年嘅電飯鍋，終于要宣佈榮休。

有啲唔捨得至於仲有小小不忿，因此決定要將佢修理好之後再次復出。勢要吐氣揚眉以實力證明畀大家睇，佢係經得起時間考驗，舊而不廢！