誠信

信用喺一種無形嘅資產，一個有形用嘅人，佢講嘅説話就好似黃金一樣咁貴重。但喺相反一個姓信用破產嘅人，就算佢幾有錢，都買唔到人哋對佢嘅信任。

正所謂信用生出黃金，容易過黃金生出信用。

戒毒

三年前忍痛戒咗一直深愛嘅肯德雞同快餐，過程中如同戒毒癮冇乜分別。由開始嘅捨皮食肉，至到中期以鼻聞嘅方式嚟解困； 當中過程辛酸透頂，嗰種煎熬猶如行屍走肉，痛苦非常。

今日，又要再次忍痛戒毒，下定決心未來1個星期裏面開始，無論幾辛苦幾咁唔舒服都要忍。

仍未忘跟你約定假如沒有死 ~~~ 再見嘞，我深愛嘅白飯！

黃韻詩

一直以嚟都對呢位前輩十分欣賞，佢尖酸刻薄、潑辣、七情上面嘅搞笑演出，簡直就喺一絕。

喺度回顧吓佢嘅精彩演出，放鬆一吓心情，然後繼續做奴做婢。

善惡並存

一個人越聰明，就越多嘢唸，越多嘢唸就越唔會好過。

理由好簡單.......

善喺永遠長存，但喺惡亦都唔會永遠消滅； 只要取得平衡，天下先得太平。

你學懂了嗎？

瀟灑走一回

點解硬係要雞蛋裏挑骨頭？點解冇嘢搵嘢嚟搞啫？

煩惱往往都係自尋嘅，麻煩通常都係自找嘅。

何不簡簡單單，乾乾脆脆咁過活呢？！

大開眼戒

王菲噚晚係香港完美演繹Eason嘅《大開眼戒》，果然令人大開眼界，相當鼓舞。但願跟住落嚟阿菲會畀香港觀衆更多驚喜...期待~~~

等到花兒也謝了

今時今日等待嘅只有一個目標，就喺花紅究竟幾時有？

超脫輪回

佛法奧妙精深就喺要熄滅生死，超脫輪回得永生。

就如心經裏面提到：
是故空中無色，無受、想、行、識。
無眼耳鼻舌身意，無色聲香味觸法。
無眼界，乃至無意識界。
無無明，亦無無明盡，乃至無老死，亦無老死盡。
無苦集滅道。
無智亦無得。
以無所得故。

呢個世界公平咩？？

我唔係未試過，我試過安份守己，日搏夜搏，賺得果一萬幾千，我試過，但出面果班人，出­面果班人呀，佢地識建築識起樓咩？佢地只係拎少少錢出黎，拎少少時間，炒起個樓市就不­停係度賺大錢，咁叫公平咩！你出去問下人，是但問一個人，問下佢地想要啲乜野！佢地答­案好簡單，只係想要一間好普通好普通嘅樓！點解佢地要用成世人嘅時間去供一層樓呀？因­為啲有錢佬係度玩野呀！越有錢就越有得玩呀！呢個世界公平咩？呢個世界公平咩！！

許文彪講得一啲都冇錯，呢個世界公平咩？！

禍從口入

經過兩個星期暴飲暴食，最後嘅後果就喺得到一條爆胎。家吓嗰褲頭緊到好辛苦，睇嚟唔運動都唔得。

[相片 1 / 13]	上一張 下一張
javascripts code sponsor: [SK] @ http://sk0617.blogspot.com
金陵燸米雞

默哀....

2月22日6.3級地震，將新西蘭南島基督城市中心最具英國風味嘅地標，經歷140多年歷史嘅基督城大教堂(Christchurch Cathedral)幾乎完全崔毀。昔日宏偉嘅歌德式建築大教堂，一息間變得頹垣敗瓦； 慘不忍睹，令人痛心。

為今次新西蘭地震嘅死難者表示哀悼，並向受害者及其家人表示慰問。

南無阿彌陀佛

心魔

終于可以一口氣將呢套咁有水準嘅大馬電影睇完。喺度首先要稱讚導演嘅觀察入微，將戲中每一個角色都策劃得相當人性化，展現咗現世嘅人情冷暖、世態炎涼。佢哋嘅性格啱啱就喺現今社會嘅對照。

可能自己喺大馬人，因此有好多情節都可以輕易了解到導演想帶出嘅訊息。 但相信呢點有好多人都冇法理解，會覺得故事有啲悶，甚至會話結局有啲匪夷所思。接近開放式嘅結局，讓觀衆有更大同更多值得思考嘅空間。

個人最驚喜就喺最後天佑撞車嗰幕，背景音樂播出馬來人念經，整個螢幕就只有天佑嘅大特寫，心中突然覺得毛骨悚然。完全冇血腥畫面，又冇乜嘢驚嚇場面，但偏偏就覺得好心寒。可能就喺導演嘅功力，將人性真正嘅醜惡表露無遺。

再嚟就喺金馬紅。德仔錯手殺死女友，返屋企埋怨媽媽。個場打鬥戲份小紅姐發揮得淋漓盡致，打到喘曬氣最後仲執起個熨斗，繼續做家務，靚！

至於最後喺差舘錄口供嗰幕 - “你呃我，我仔唔會打電話嚟嘅。” 嘩！個啲深層嘅内心演技，試問當今仲有幾多位女演員可以做得到如此好戲？

心魔，為大馬人感到自豪、驕傲， 勁啊！

遷宮

皇上落聖旨一個月之内要將坤寧宮遷拆，因此下宮忙到連茅厠都冇時間去，每日做足9個鐘冇停過，仲慘過擔泥。

下宮家陣對眼皮就嚟撐唔住，好攰 zzzzzzzzzzzzzzzzzzzzzzzzzzzzzzzz

環球影城 （延續）

Daddy Os 好萊塢街頭娛樂表演 - 沙灘男子和聲團以悅耳歌聲共渡時光


未來水世界 - 壯觀嘅水上表演中體驗生死驚掠、刺激嘅爆炸現場； 體驗渾身戰略嘅震撼感覺。

環球影城

2011年2月17日，無心插柳下過咗一個好攰好熱，但相當開心同充實嘅生日。影城裏面分別以7個主題合拼而成； 當中包括好萊塢、馬達加斯加、失落的世界、古埃及、遙遠王國、科幻城市以及紐約。

個人認爲最值得去嘅喺失落的世界裏面嘅未來水世界，壯觀嘅水上表演以及刺激嘅爆炸場面，令人相當驚掠同震撼。

第二就喺古埃及裏面嘅木乃伊的復仇 Revenge of the Mummy 驚險雲霄飛車； 飛車以高速嘅速度突然停止撞擊牆面，然後甲蟲從四周嘅牆壁竄出來。呢陣時，雲霄飛車突然往後倒退，又轉180度，以時速72.4公里嘅狂衝，通過許多嘅轉彎，係木乃伊同火嘅投影間穿梭，然後不斷前進並墜落，亦喺整個設施中最大角度嘅墜落，刺激度幾可乎達至5粒星。

環球影城入口處，呢粒波冇影就等於未曾到此一游過。

好萊塢 - Hollywood

馬達加斯加 - Madagascar (VICTORY!)

失落的世界 - The Lost World

古埃及 - Ancient Egypt

遙遠王國 - Far Far Away

科幻城市 - Sci-Fi City

紐約 - New York

與著名人物角色係好萊塢星光大道邂逅留影 - Hollywood Boulevard

官方網站：新加坡環球影城 Universal Studios Singapore

莫生氣

人生就像一場戲，因為有緣才相聚。

相扶到老不容易，是否更該去珍惜。

為了小事發脾氣，回頭想想又何必。

別人生氣我不氣，氣出病來無人替。

我若氣死誰如意，況且傷神又費力。

鄰居親朋不要比，兒孫瑣事由他去。

吃苦享樂在一起，神仙羨慕好伴侶。

乜都假，嚟碗六味雪耳燉木瓜潤一潤，即刻舒服曬！

迷失世界

百無聊賴冇乜嘢做，開車兜風嚟到呢個位于打們嘅水上樂園

主體公園裏面有一個遼闊嘅人造沙灘，迷你動物園，
溫泉區，Spa, 仲有依山而建嘅遊樂園

呢度最適合一家大細共聚天倫

環境相當優美，聼講獎門人有集曾經喺度拍攝過

大門入口處嘅雕塑

入口兩邊各有只大象人造瀑布

主體公園前面仲有一個小徑供遊客沿著小溪散步

一大清早門口售票處已經擠得水洩不通新蒸頭當日仲有舞獅表演；現場最多嘅竟然唔喺華人，
而喺其餘兩大民族，大家一起湊熱鬧。

你領悟了嗎？

其實大馬真喺一塊寶地，湛藍嘅天空，微風徐徐； 一片綠油油嘅油棕樹依山伸展，咁靚喺景色唔喺度度可以睇到。

人就喺咁，往往都會忽略一直喺身邊擁有嘅一切，到失去咗正會懂得珍惜。其實大家追求嘅就喺當初最基本嘅，何必一直要將啲嘢複雜化，其實平凡簡單就喺最浪漫。

民以食為先

今個農曆年食得最多就喺魚生，幾乎由年28開始食到年初七人日。

不過數最難忘食過嘅就非金寳金陵嘅叉燒包，皮薄餡靚，簡直好食到想飛。

第2就喺好耐都冇食過，媽媽炮製嘅愛心吊片蒸豬肉。
相信除咗媽媽，出面絕對食唔到呢種味道，100分！

排第三嘅就喺在下年初一煮嘅南乳齋菜，經過媽媽嘅教導真傳，都有80分以上嘅。

因爲嘴刁如老豆都會話好食，仲添飯就喺最佳回應啦。

金兔賀年

呼，終于可以坐低登錄部落格啦； 返嚟工作崗位咁多日就忙足咁耐，真係唔明白點解？！

今年呢個農曆年過得都幾開心，大年初一老豆打開報紙，就睇到中咗獎，雖然唔喺乜嘢大獎，不過都算喺一個好兆頭。跟住到咗年初四，輪到在下中三獎，雖然獎金唔算好多，不過都夠彌補我返家鄉嘅一切洗費。

輪到今日農曆初八生辰，竟然都仲會喺公司收到紅包，雖然内膽唔喺好厚，不過對我嚟講算喺一封利是。最重要喺封利是唔喺啲娘娘畀嘅，而喺一位大人親自行嚟下官嘅位，親手畀封利是下官，難得難得。

呢只金兔似乎為我帶點財氣嚟，但願呢股運氣可以延續成年，橫財就手，恭喜發財！發啊！！！