遺憾

連一個平時好少運動，兼且唔會轉去睇運動頻道嘅人，都對噚晚嗰場比賽搞到心跳一百，熱血沸騰。估唔到會如此着緊呢場比賽，簡直就喺一場高手過招，令人睇到咬牙切齒，兩個小時内嘅緊張氣氛，令到血壓不斷上升，甚至擔心自己會爆血管。

到咗頒獎唱國歌嗰一刻，睇到個畫面形成一個對比。睇住國旗慢慢升起，心裏面唸如果唱嘅喺Negara Ku，心情會喺幾咁澎湃同自豪。到咗嗰一刻除咗要接受現實之外，唯一嘅心情就只有痛心。

不過點都好，多謝兩位能夠畀我哋有機會睇到一場明槍實彈，精彩絕倫嘅比賽； SALUTE!

最後成晚當然喺瞓唔著，輾轉反側； 心情由極度hyper跌到最後直插谷底，感覺非常之失落，好耐都唔能夠釋放。上咗寶貴嘅一課，領悟到有遺憾的地方才圓滿。