屈斜路湖.砂湯

人生有幾多個十年? 睇吓我行先定你行先,如果我行先嘅,咪我等你囖!

Thursday, July 31, 2014

茫然靜待

兩個人就算幾咁親近,曾經水乳交融過,都唔代表會了解對方。當中依然會存在著猜疑、顧慮、矛盾、忐忑等等等等不安。

人與人之間只有信任正可以衝破一切障礙,繼續喺一齊。信任一旦失去咗,再做啲乜嘢都只會喺徒然。

Wednesday, July 30, 2014

夢飛翔

做人如果冇夢想,同條鹹魚冇咩分別呀?呢個星爺金句講得非常貼切,人一定要有夢想,有夢想至會有動力,有動力至會有生存價值,有生存價值至會繼續做人,做好每件事,活著就是完全無可比的精彩。

正所謂一人有一個夢想,無論生活幾咁困難,都要搵到自己嘅夢想; 一切就會隨著自己夢想為目標,所有難題都會迎刃而解。

Thursday, July 24, 2014

八婆

當一個八婆成爲衆所周知嘅八婆,佢就已經喺一個徹徹底底嘅八婆; 個個對佢聞風喪膽,避之則吉。

對付呢種八婆,喺前無退路後有追兵嘅關鍵時刻,就不得不去泰國一趟。誠心祈求得道高僧賜個小頑童返嚟,好好咁同佢玩個痛快。

喺兩敗俱傷嘅情況下,一拍兩散。呢啲就喺叫做絕處逢生嘞!!!

Wednesday, July 23, 2014

自救

當一個人得到情緒病,最關鍵嘅人就只有自己。甚麽身邊人關懷,枕邊人體貼,朋友家人關心統統都只喺次要,最最最最主要就喺病人能夠接受自己有情緒病,而且面對自己病情去接受適當治療。

假如當事人一直執迷不悟,一直鑽牛角尖,任何人都冇可能幫到佢。

Tuesday, July 22, 2014

慾望就是一種虛空的苦痛

三年前搬到嚟羅湖,第一次同屋共主一屋簷下,不經不覺咁連生活習慣隨著環境變化而改變咗。

路途遙遠之餘,為咗能夠爭取到充足嘅睡眠時間; 最近發覺近呢兩年嚟,晚上十點左右就開始準備就寢。相信對好多人嚟講,十點鐘正是黃金時間,咁早瞓未免有點兒浪費。但喺為咗唔想每日清晨時份被嘈雜嘅噪音吵醒; 唯一嘅選擇就只有早睡早起。

正正因爲呢個原因,生理時鐘喺周末或者假期嘅時候,都會定時定候咁呼喚。

瞓到踏八已經喺那麽遙遠嘅奢侈慾望... ...

Monday, July 21, 2014

適者生存

差唔多有成4-5年做得好地地,,無拉拉話將手頭上嘅嘢移交畀另一個新手,而且仲喺即時生效嗰只; 嗰腦究竟唸乜架?

口頭上話喺畀機會所有人能夠喺各領域都能夠學到嘢之餘,亦可以清楚了解各部門嘅運作。但喺有冇唸過接手嗰個會好混亂架?到咗1-2年後稍爲上手咗,又話要換人; 周不時咁換人,最後搞到人心惶惶,都唔清楚自己究竟喺咩崗位。

呢啲就喺叫做手段,娘娘背後真正要嘅就喺將后宮搞到天翻地覆,愈亂就愈對佢有利。娘娘“悉心”鋪排嘅用意,又會有幾多人能夠真正領領略得到呢?

Friday, July 18, 2014

默哀

Wednesday, July 16, 2014

獨食困難症

發覺好多人都患上獨食困難症,每次食嘢都要搵人陪。有人話一個人食嘢感覺好淒涼,嗰種一個人嘅孤單非常難受兼落寞。

其實一個人食嘢有乜問題呢?想幾點去幾點走都有自己決定,想食乜就食乜; 何必搞到咁大龍鳳啫?放且我真喺非常討厭食嘢,假如人類喺唔會感覺餓,咁對我而言食嘢根本就喺多此一舉。

直到呢一刻爲止,依然非常享受一個人獨處嘅時候。

Monday, July 07, 2014

人靠衣裝

今時今日穿著對好多人嚟講,完全冇咗一個審美嘅概念。唔信,咁你可以周末行上街,就會領悟得道我所講嘅喺屬實。

靚與唔靚真喺咁難去辨別?究竟你哋知唔知道咩叫做先敬羅衣後敬人? 到咗咩年齡就要有咩打扮咩衣著,難道當你去照鏡嗰時後,唔會被鏡入面嘅自己嚇親嘅咩?!

Friday, July 04, 2014

愛我請留言

當你覺得對方開始好煩嘅時候,你嘅電話就會陸續出現好多“未接來電”; 緊接著就會喺訊息轟炸。其實對方又點會察覺唔到你開始敷衍緊佢吖,只喺佢唔甘心被敷衍被忽略,因此至會有以上過激嘅異常行爲。

呢類人統統都會被我打入冷宮,你愈轟炸我就愈反感。凡事要點到即止,點解要做到令人感覺討厭至肯停呢?

“信任就似一張紙,皺咗,就算把佢攤平,亦唔會變回原本嘅樣子。信任與承諾喺一對的”

Wednesday, July 02, 2014

醒醒

甚麽公議,甚麽公平,甚麽公正,甚麽良心統統都喺假嘅; 呢個世界永遠唔會有公議/公平/公正/良心可言。邊一個得勢就邊一個話事,呢個就喺鐵一般嘅事實。

為咗阻礙最新臭屎公諸於世,竟然不擇手段。接二連三扮黑客入侵都不特止,今日竟然連一個post都冇。冇錯,咁大件事竟然一個post都冇,究竟喺統統被河蟹,抑或喺大家都學聰明唔再上載去呢個虛僞嘅平台呢?

心知肚明!