滄海遺珠

好耐都冇聼過呢首未曾plug過嘅滄海遺珠，每次聼都份外有味道，好舒服。

回憶是最可怕的敵人

繼人生嘅主體曲之後，如果可以隨著仙遊能夠讓你帶三樣嘢，你最想帶乜走？

諗咗好耐，最後希望可以帶走感覺，品格同思維。

最最最最最唔想帶嘅就係回憶！

我要中大彩

$2,200,000！！！

首先$900，000用嚟買個單位收租

跟住$1,300,000轉曬馬幣=RM3,120,000

RM400,000還清所有銀行債務，兼所有慶祝，請客，旅遊等花費應酬

最後剩低RM2,720,000擺入銀行食利，利息同每月收取租額當作儲蓄

假如仲有40年命嘅話，咁一年洗用RM68,000； 換然之每個月有RM5，666.66用嚟洗用

總括嚟講可以即刻辭職，出宮一天一天淺醉過一生！Yeah!！！

311

不經不覺已經過就嚟一年，剛剛睇到電視節目做咗一個特輯，百感交集。 一切仿似發生咗冇幾耐嘅事情，但係已經過咗一年。係地球嘅另一邊，我哋依然營營役役咁去生活； 心裏面突然間唸起佢哋？

好想問一句： Nippon，你哋還好嗎？



昔日懷緬：
乜都冇曬
青荷溫泉
身在福中

主題曲

同某某講起，假如可以搵一首歌當作自己嘅主題曲，你會揀邊首？

一首可以代表自己而又非常喜歡嘅歌，到咗百年歸老嘅時候可以係靈堂裏面不斷播放，讓參加喪禮嘅親朋好友們能夠聼著首歌，送別自己行完人生最後呢一段路，喺幾咁淒美而又浪漫。




昔日淺醉：
一廂情願的幻想
有無搞錯
淺醉一生
神啊！可以救救我嗎？

對立

影星
60年代有：陳寳珠vs蕭芳芳，呂奇vs謝賢
70年代有：林鳳嬌vs林青霞，秦祥林vs秦漢
80年代有：翁美玲vs陳玉蓮，周潤發vs任達華
90年代有：張曼玉vs劉嘉玲，梁朝偉vs劉德華

歌星
60年代有：??
70年代有：劉文正vs劉家昌，鄧麗君vs鳳飛飛
80年代有：譚詠麟vs張囯榮，梅艷芳vs??
90年代有：劉德華vs黎明，葉蒨文vs林憶蓮

跟住落嚟嗰啲一個比一個爛，不願置評。

是這樣的

自從有咗廉價航空，個個人都可以飛之後，多咗好多人周遊列國。大多數都係一班出嚟社會做嘢一段時間，經濟基礎開始穩定嘅80/90後。

有人每個月飛一次，有人半個月飛一次，甚至有人每個周末飛一次。無論飛去邊個國度，一趟雙程機票平幾都要起碼100蚊以上。

撇開錢嘅因素之外，最令人費解同疑惑嘅喺佢哋嘅假期同工作。1年最多21至24日年假，不過佢哋就每個月係咁飛一個星期甚至10幾日以上。由咁多假咩？工作方面完全冇到壓力咩？可以每個月唔見4-5日都得咩？

換轉系下官？上星期五拿咗區區半日假，噚日返到宮中，未坐低已經有4至5人企係度等緊。Come on，下官放半日假啫，洗唔洗搞到好似放咗成個月返嚟咁誇啊？總係要咬住我唔放，爲何這樣？

永遠的鐵達尼號

隨著鐵達尼沉沒100周年, 走入時光隧道，
嚟緬懷一吓佢昔日每一個生命嘅永恆故事
Titanic was called the Ship of Dreams, and it was. It really was.首先進入第一個展館，
裏面能一窺呢膄郵船嘅構成、建造、航行嘅日子等歷史記載

跟住就嚟到文物真品展館，
如刻有白星航運公司 (White Star Line) 標記的瓷器、樂譜與珠寶品等

Are you ready go back to Titanic? 上船咯！
一入去就可以睇到頭等艙熟悉嘅走廊
I'm the king of the world!

然後就有頭等艙同三等艙嘅客房，
經典場地大階梯同鐘樓，
仲有佈置得十分精緻嘅甲板走廊

最後仲有可讓參觀者親手觸摸嘅特設冰山
Iceberg

相關資料

邁向40大壽

又到生辰啦，今年簡簡單單咁食咗一餐清淡爲主嘅晚飯當係慶祝。不過竟然忘記咗切蛋糕，最後要麻煩侍應去到西餐廳，拿塊蛋糕嚟頂當。

願望當然係身體健康，畢竟就嚟邁向40大關，冇嘢比健康更加嚟得重要。

係度向自己講聲：生日快樂！

價值論

每樣嘢嘅價值其實喺包括實際價值同埋變相價值。每樣嘢因爲佢身處嘅地方，加上佢背後種種經營，而令佢嘅價值增加。就好似五星級酒店環境，有名廚主理又有專業體貼嘅侍應服務。

一碟菜送到人客前面嘅時候，仍然保持著菜嘅溫度，原味同營養； 舒舒服服咁落入肚裏面。啲咁複雜嘅工序加埋起上嚟，點會唔值酒店價錢？

人喺因爲需要而消費，只係唔同嘅人有唔同嘅經濟能力。既然有需要，而又負擔得起，何樂而不爲？其實浪費與否只在於觀點與角度。

西貢

從西貢黃石碼頭乘船往塔門，需時約20分鐘。 每日5點過後大船便停駛，需要搭街渡離開。黃石碼頭環境相當幽靜，附近仲會睇到好多人燒烤同係海上滑浪風帆。能夠如此親近大自然，感覺好舒服，悠然自得。


西貢的海鮮饗宴： 西貢海旁廣場又稱｢海鮮街｣，沿海旁海鮮餐館林立。您可先挑選海產，然後由餐館廚師按您的喜好烹調，點菜前緊記先問清楚收費。

1+1=？

如果1+1真係=2，咁一切就簡單得多了。

可惜今時今日又豈可會咁容易，直接了當啊！

你可以話係時代進步所造成；

但係亦可以話係時代根本在倒退，搞到連1+1都已經變得複雜化。

一個接一個

究竟發生咩事，連續兩日嚟竟然收到兩個噩耗，莫非真係末日即將降臨？! 一個受毒品影響搞到如斯田地就話無可說； 點解一位咁靚聲咁專業嘅巨星就咁突然消失，我接受唔到囖！難以想象假如有日收到嘅會係佢，究竟會係乜嘢反應？！

孤獨站在這舞台 聽到掌聲響起來
我（們）的心中有無限感慨
多少青春不在 多少情懷已更改
我（們）還擁有你的愛

掌聲響起來我（們）心更明白 你的愛將與我（們）同在
掌聲響起來我（們）心更明白 歌聲交會你我（們）的愛....

塔門

塔門又名草洲，位於大埔北部，赤門海峽之東。塔門係一個幾值得一去既地方，果度有個小山頂，由塔門碼頭行去山頂都只係二十分鍾左右，山頂望下去係一片汪洋大海，海天一色。假日都會有好多人係果度放風箏同露營。


此外,塔門島上有很多遊覽的地方，諸如天后宮、龍頭筋、疊石、塔門祠等。

淡淡幽情

既然妳開到口嘞，我都冇理由拒絕囖； 正所謂：可以食得幾多（次）啊！？

不過換轉係下官，就絕對唔會咁做。因爲我都唔中意食嘢嘅~~~

而且又唔多好辛辣、煎炸、爆炒，相信好多人嘅口味都絕對唔會咁寡囖！

願力無窮為渡蒼生

唔明白點解仲會有人會咁大反應？！

好耐以前佢把聲已經喺咁架啦； 你估佢仲可以唱返我願意嗰把靚聲咩，一早就已經唱到擦過鮑魚擦啦！至於佢嗰音，一直以嚟唱現場都唔穩，走慣架啦； 到咗今時今日正嚟察覺？！令人費解。

不過無論點都好，佢已經升到極樂境界咗，無須再理會外間嘅閒言非語。能夠出嚟表演已經喺普渡衆生，乃喺天地蒼生之福也！

十月

又要去香港還債嘞，七年之後再接再勵。

期待著她喺末日前最後帶嚟嘅驚喜，不見不散。

農曆第一個月圓夜

唔經唔覺到咗十五，咁又過曬嗰年喇。跟住落嚟一切恢復原狀，繼續埋頭苦幹，做做做做，食食食食，瞓瞓瞓瞓。

喺時候諗吓今年要去邊度放假，最近突然好想去陽光海灘； 世界聞名嘅馬爾代夫？沙巴潜水天堂西巴丹島？仲有....

得閑發吓白日夢，咁正可以有推動力繼續拼搏兼做食瞓落去。

元宵節快樂！

臉笑心不笑

今日下午宮中有個志雲飯局，下官一向少應酬，亦唔識得交際 （即係唔懂假仁假義）。但願問題唔好太過尖酸刻薄，可以食得自在啲。

嘻嘻哈哈對住一班戴住面具嘅假人，但係又身不由己； 真係唸起不得不嘆句世風日下，人心不古。

免費抱抱

自從三年前港產賀嵗片重拍之後，呢幾年過年指定動作都會去戲院睇返齣賀嵗片應吓節，感受一吓過年氣氛。

今年都唔例外，年初一睇咗呢齣抱喜。相比於過往兩年，今年呢齣八星抱喜好睇得多，輕鬆得嚟又不失溫情，攪笑得嚟又不失溫馨。

題外話：好奇問吓仲係單身嘅獨男獨女，有幾耐冇擁抱過啊？

殺到嚟

話快咁又到咗二月，仲有10個月多就到嚟啦~~~~

無論有幾忙，工作有幾繁重，末日之前一定要將一切要做嘅，應該做嘅都要全部做完； 以免抱憾終生。